醉辣鮮 (天空之城)

Open Now

Now Closed

山長水遠係港島黎到呢度食飯真係無令到我地失望，最抵就係可以係OPENRICE 買COUPON，二百幾蚊可以食到咁多樣野(自己禁入去劵度睇)，菜仲要係任食，淨係呢樣其他店都做唔到了。因為間舖地方夠大，所以出面有好多個缸，放唒D 海鮮，自己出去夾，自己揀鍾意邊隻就邊隻，好得意，呢個都係賣點之一。另外雖然坐出面，不過佢起左個頂，所以絕對唔會曬親，落雨都唔驚。海鮮方面，龍蝦正常尺寸唔算太大，肉質OK，夠甜。蟹就好細隻，個餐係一人半隻，小左D，不過啖啖肉既，好甜。蝦就值得一讚，夠新鮮生猛，SIZE 隻隻都好平均，蝦身圓碌碌，好食。鮑魚跟佢時間蒸，厚身，唔UN。其他食物都算唔錯，最值得一讚係服務算係唔錯，D 姐姐好幫得手，態度好，總括黎講整體感覺唔錯，可以再去!

海鮮唔新鮮，蝦蟹d肉唔實淨，d肉梅梅地。揀左任食肉蟹及蜆ge套餐，我同老公一人一個餐，肉蟹係細隻肉蟹，都係冇咩肉食，d蜆就臭ge，係成間舖ge蜆都係臭。同場有幾枱客都有同樣情況，店員就話我地自己蒸蜆怕整臭個粥底，所以佢地另外幫我地蒸。見佢咁有經驗處理，應該呢個問題唔係第一次發生。佢一個餐份量又少，除左任食個d(我揀個餐係肉蟹同蜆)，其他海鮮都係每人分1件比你，蝦有2隻，食完都唔飽。仲有個粥底，未試過蒸完海鮮，碗粥係冇海鮮味🤓

位於元朗錦田較偏既位置我地係揸車入去 門口都有約廿幾三十個車位天空之城原來係聚集左好多食店地方好寬敞 坐得舒服我地今次揀左$268套餐 有龍蝦有肉蟹而且仲係自己出去捉 玩味十足 紅啲個隻係波士頓龍蝦 需另加$100不過我哋就鍾意後面嗰隻個鉗勁大😂蟹 蠔 飽魚都係自己揀嘅揀完之後旁邊會有師傅幫忙清潔同劏開揀完嘢食返到位已經有一人一粒溫泉蛋同埋一碗老火湯等緊我哋呢間所有食物都係自己操刀旁邊有時間表 跟住尼蒸就可以蟲草杞子蒸滑雞 十分香濃 雞嫩滑海鮮方面都有70至80分貝殼類多 新鮮爽口彈牙龍蝦肉蟹超爆多膏另外蔬菜粉絲調味料都是放題形式自取最後粥底亦都配料十足 有蘿蔔芋頭南瓜鹹豬骨再配上脆脆米口感一流

冇得出國唯有喺香港搵吓有啲咩特別嘅地方可以去吓，呢間醉辣鮮位於錦田天空之城，最方便嘅就係門口可以泊車，適合一家大細自駕人士。餐廳氣氛十足，星期六有live Band，啲歌好好聽，好有外國嘅感覺。蒸氣海鮮套餐有好多款，由百幾蚊至到三百幾蚊不等。我就選擇咗半隻龍蝦嘅人氣龍蝦海鮮套餐$268/位。海鮮方面包括左每人半隻龍蝦、一隻元貝、一隻鮑魚、半隻肉蟹、一隻聖子、生蠔、沙白同埋蜆等等。非常之豐富，而且海鮮係自己去個水缸度夾佢上嚟，即場切開，保證新鮮！另外餐前小食係溫泉蛋，仲有一個椰汁雞湯，一啲都唔單調㗎！杞子蟲草花蒸雞每一個套餐都有，係畫龍點睛之選，雞肉醃得好入味～各種蔬菜係無限添加，可以自己去自助區度攞。海鮮嘅精華滴晒落個芋頭南瓜冬瓜排骨粥度，不過我見大家普遍食到粥嘅時候已經食唔落，全部打包走了～飯後甜品仲有椰汁西米露添！飽到拖住個肚走啊！性價比超高， 下次要再嚟過啊！

#天空之城 你會諗起咩？ 我會諗起電影 🎬生日月嘅時候朋友帶左我去天空之城慶祝（數數手指過左3個幾月先黎講）🙈其實香港嘅天空之城係元朗錦田🙈當日太熱同朋友決定搭的士不過上的士同司機講唔該 我想去天空之城都好需要勇氣 #你懂的 去到餐廳職員會問想坐戶外聽Band show 定係室內 （甘熱當然室內啦） 入到去我地左揀右揀最後揀左5份人氣龍蝦海鮮餐 職員話我地可以落去自己揀海鮮 但我地懶就叫職員幫我地揀埋🙈當日每人268 好似有加一 但每人10款海鮮 加蒸雞加湯加粥加菜 重有自己夾嘅蔬菜 都抵番曬啦海鮮黎講都Ok 重有Band show 係戶外唯一覺得要改善 我係覺得如果蒸完雞之後可以換一換個蒸盤定蒸隔會更好 溫馨提示去呢到餐廳無位洗手 好唔方便 要出番去出面先有洗手間所以記得帶濕紙巾/蒸多d食完再一次過洗手 🙈

今個星期，去咗呢間朋友極力推薦嘅醉辣鮮，睇地圖嘅時候覺得有D遠，去完發覺其實都好方便，係錦田站A出口出，行10幾分鐘就到，當日天氣好，沿路行都幾舒服。我地揀咗outdoor 位坐，氣氛同環境完全喺偽旅行feel 。揀好個set 後，店員就叫我地出去夾海鮮，我地完全咪呆咗，無諗過可以自己捉咁好玩！龍蝦勁大隻，又生猛成堆蟹任揀，全部都好新鮮！揀好就，就可以交比店員幫你處理啦～ 呢個時候就緊係調過個醬料先啦，左下角果個麻辣油，好香👍🏻另外仲有D蔬菜，可以任拎任食😍之前就會擺到靚一靚甘成盛海鮮比返你，檯上仲有個教學，話晒比你知，每樣野蒸幾耐，好方便👍🏻個龍蝦真係好好食！同埋每樣野都好新鮮，洗得好乾淨，完全無沙，呢個係重點😎終於明白，點解朋友極力推薦呢間餐廳，成個環境同氣氛都令人好放鬆好開心，好值得假日嚟玩下！

星期六嘅下午天高氣爽， 最適合到處尋找美食。 喺錦上路站附近步行約15分鐘找到一間隱世海鮮美食。 店內設有室內以及半室外的餐枱， 更有live band駐場 氣氛良好. 店內有多款新鮮海鮮讓客人自己親手揀， 套餐的份量充足， 值得一試

-醉辣鮮🌊🦀🦞🦪🦐“蒸氣海鮮粥底鍋 係無分季節的”- 林芝蓮曰係元朗食野都食到唔知去邊好 就去遠少少搵好西！位於錦田既"天空之城" 係Yoho mall 上車10分鐘就到門口有個大招牌都好易搵到🌊原隻龍蝦海鮮餐 (每位$328) + $100 將其中一個原本套餐既波士頓龍蝦 轉做澳洲龍蝦 點完餐就可以去水缸自己揀生猛海鮮!最後揀左🦞 波士頓龍蝦 x 1, 澳洲龍蝦 x 1🦀 肉蟹 x 1🦪 鮑魚 | 蠔 x 2揀完就可以交畀店員處理🧉頭盤/ 椰子雞湯 + 溏心蛋等海鮮期間, 會先黎左呢2個頭盤估唔到個椰子雞湯都幾好飲~ 鮮甜😍🐣主食1/ 紅棗杞子蟲草花蒸雞首先店員將粥既配料放係蒸爐下層上層就用黎蒸海鮮, 等海鮮既精華可以畀個粥吸收晒!放好米同配料後就會先蒸雞 蒸左9分鐘就好嫰腍 入味!🌊主食2/ 蒸海鮮!! 餐廳會好貼心地提供有海鮮時間表中意個次序點食都得, 只要跟個時間去蒸就搞掂🦪鮑魚, 扇貝, 蟶子, 蜆, 生蠔, 蝦樣樣都新鮮 蜆既份量多又大粒 冇沙的 處理得幾好 / 蝦都鮮甜/ 鮑魚好冧/ 聖子係爽口的仲可以去配料區去拎D蒜蓉同粉絲去蒸海鮮! 唔只剩係清蒸咁簡單 (另外 多款

喺Yoho出發十分鐘車程左右。我哋位置係室外但都有把大風扇吹住，所以都唔覺得熱。當晚餐廳有Live Band演出，氣氛唔錯😌🦞原隻龍蝦海鮮餐 ($328/ person)我哋加咗$100 將波士頓龍蝦轉做澳洲龍蝦揀好咗食咩就出去魚缸度落手揀海鮮🤩🦞波士頓龍蝦轉 x 1🦞澳洲龍蝦 x 1🦀肉蟹、鮑魚、蠔 各 2 隻揀完就交比店員，我哋就等食返埋位之後店員就上咁椰子雞湯同溫泉蛋，椰子雞湯都幾鮮甜🤩蒸海鮮之前，店員會整好個粥底先，粥底料就有排骨、南瓜同芋頭。首先就係紅棗杞子蟲草花蒸雞😌又滑又嫩同好入味嘅雞件。登櫈～食完雞就到海鮮出場，跟住餐廳比嘅時間表去蒸就唔會過熟。頭先親手揀嘅海鮮，餐廳會切好，咁蒸喺上嚟就方便啲👍🏻另外仲有蜆同埋蝦，份量都唔少。😋新鮮嘅海鮮蒸就最好味🤩每款都好新鮮甜，龍蝦鮮甜，肉質爽口彈牙。蜆鮮甜無沙大大隻。如果覺得清蒸太單調，配料都可以去配料區任拎。我哋就加咗蒜蓉同粉絲去蒸扇貝，提鮮又惹味。另外呢度就連蔬菜類都任食，選擇亦都好多，有菇類、粟米、南瓜、翠玉瓜同菜類。蒸完海鮮之後就到食埋個粥底😆吸收返之前蒸海鮮嘅精華，粥底係煮到好綿同埋好鮮甜。最後以紫米露埋尾做甜品，大大大

是日同honey去元朗探朋友晚上決定去錦上路食哩間在天空之城的醉辣鮮在錦上路地鐵站搭的士都唔駛跳錶～佢最出名系新鮮的海鮮蒸，星期六去都好多人，仲要星期六有live band show，真係好熱鬧，同honey點左個原隻龍蝦海鮮餐328 一位包左好多不同的海鮮仲要任拿蔬菜，海鮮自己拿筒去捉真係自給自足😂😂龍蝦大大隻拿起海鮮後，職員會俾個牌你去知蒸海鮮的時間，另外會蒸蟲草雞俾你，同埋整粥底好多南瓜，豬骨，真心好正職員另外俾埋溏心旦同埋老火湯清洗好的海鮮就可以食啦，真係好正龍蝦真係有膏，大大隻好好食其他海鮮到不過不失食完海鮮，菜，就會食埋粥底，真係好正，吸收曬海鮮的味道！糖水職員最後會比埋糖水，紫米露真係好好食海鮮餐食得好滿足！下次有機會再來元朗一定要再食佢！

平時少食海鮮 因為怕麻煩又唔識洗同煮去食蒸海鮮 除左有人幫你洗好切埋仲可以最後食埋個吸收哂鮮味的粥😛一舉兩得😉今次去呢間餐廳🍴位置係入少少，但好在有位泊車揸車去食唔怕搵唔到位泊車去到揀左食邊款海鮮餐先🦐🦀我地揀咗🦞人氣龍蝦海鮮餐 $268/人，另加一之後就可以出去自己揀海鮮🤞🏻🔹可以自己親手揀龍蝦、鮑魚、肉蟹、本地生蠔第一次自己落手揀海鮮，心情好興奮😆揀好咗之後，職員就會幫你拎入廚房準備同時就會為你送上老火湯和溫泉蛋🔹是晚老火湯係椰子雞湯，意外地飲得岀好清甜嘅椰子味，開餐前飲非常開胃🔹粥底方面，喺開始蒸海鮮同其他餸菜之前，就會先將粥底材料放喺蒸鍋最底材料有：南瓜、芋頭、蘿蔔、豬骨、薑絲等🔹飲完湯就可以先食紅棗杞子蟲草花蒸雞醃得非常入味😛 比建議的蒸多左1分鐘，總共蒸咗9分鐘都夠滑之後就可以開始蒸剛才揀好咗嘅海鮮💦🔹其他蒸海鮮包括：元貝、蟶子、海中蝦、沙白、花甲、蜆 等🔹蔬菜類 自助任夾🥬🌽✔️蒸海鮮可以根據餐廳提供嘅時間建議，好似我呢啲平時少食海鮮的初哥都唔洗擔心👍🏻👍🏻🔹 紅棗圓肉糖水蒸完海鮮，食埋個粥底仲有糖水食！材料仲有南北杏同桃膠，飲落每啖都有好滋潤的感覺，啱晒女士享用😊整體而言

自己自問係一個海鮮愛好者🤣❤️ 鮮甜嘅海鮮真係完全抗拒唔到😆✨但係自己有時出街市買都未必買到新鮮嘅海鮮😭😭 睇到依間餐廳咁特別，網上話可以自己選擇海鮮 識揀即劏即食🥰一於去try try la!!雖然喺元朗有少少遠，但係喺地鐵站搭的士過去都好快嘅！餐廳範圍超大，好空曠坐得都舒服😌門口位置有大量海產有好多唔同種類都係可以比客人自己選擇，選擇好之後就可以坐返埋位等食🤣我地2人同行選左兩個298蚊一人份嘅海鮮set 加多$180升級波士頓龍蝦🦞食完蒸氣火鍋完之後鍋底仲有一個粥底，真係飽到傻咗🤣🤣超級滿足！店員服務態度好好❤️好細心講解每樣海產要用幾耐時間煮熟✨確保喺最佳嘅時間食到👏🏻👏🏻好滿意嘅晚餐，有機會一定再㴝😆

禮拜六放假入左元朗探朋友，夜晚佢揸車帶我黎左呢度食晚飯～我地揀左原隻龍蝦海鮮餐，包左超多野勁豐富😁一坐低就有老火椰子雞湯飲，好好飲😋個餐係包波士頓龍蝦，可以加一百蚊轉澳洲，我地無轉到😊龍蝦勁大隻！肉質鮮甜啖啖肉，尤其係個鉗，超正！🤤🤤肉蟹我地揀左乸，超多蟹膏😍 蟹膏係食蟹既精髓😍😍 不得了！頭盤蟲草花蒸雞好滑好香酒味😋日本元貝超大隻😍蟶子，沙白同花甲都無沙，好鮮味👍不過佢話今日供應商畀唔到生蠔佢所以幫我哋轉咗兩隻蝦，對我哋嚟講仲好，因為我地唔太食蠔🤣海中蝦勁大隻爽口👍👍鮑魚洗得乾淨，非常彈牙🤤我已經等唔切喺食曬海鮮之後先食粥😂不起嗰陣仲見到好多米粒但係已經好鮮味，加埋粥底既豬骨，南瓜同芋頭甜味，超好食！😋😋 食晒海鮮再食粥果陣就變得更加綿滑👏最後勁飽連糖水都食唔落😂真係要新界區先可以搵到個咁闊落咁新鮮即捉即劏既海鮮火鍋！非常值得encore！👏🤗

今日同朋友入咗元朗附近玩水，買完水就想食海鮮，然後搵搵下見到附近有得食蒸氣火鍋😜😜見都幾多人推介就決定去試下！佢哋嘅海鮮餐真係好抵食，一個人只係要198，就有接近14樣野食再加甜品！又有飽魚、蜆、海中蝦、生蠔、雞等等，最期待係最尾個海皇粥底！個粥底係入曬所有海鮮嘅鮮味🤤食到最尾好飽都食曬d粥🙌🏻👍🏻每款海鮮份量都好多，好似海中蝦咁，都非常之大隻，餐廳仲可以比你自己出去捉海鮮🦞又有得玩又有得食🥳仲有龍蝦都非常鮮甜，又多肉，肉質又多厚實！餐廳都好貼心會放埋個蒸熟最佳時間比你💯

今日放假梗係食D特別野..由元朗坐車入去不用15分鍾就到達醉辣鮮由入去個一刻都感覺到舒服一入去門口就見到新鮮海鮮頭盤有湯飲..仲有隻溫泉蛋...（堅足料）尼到最特別既地方就係可以夾自己想食既海鮮價錢又唔貴...即開即蒸....上菜時海鮮仲識郁...上面可以蒸海鮮下面仲有粥食菜仲要係任食添..呢到真係值得一試其實呢到員工真係好好...好親切... 佢地悉心解釋我地每樣蒸蒸幾耐...員工仲溫馨提示我哋星期六日去要提早Book 假期仲有人唱歌....*今日仲有個特別糖水吃*