陶源酒家 (Closed)

唔知幾時開始陶源在星期日有返下午茶價位, 有幾款炒野同荷葉飯只需$52, 平了一半有多~ 我地以為會係細portion的, 點知一上枱係同平時一樣熱辣辣大大個, 堅正~另外仲有一張詳列岩食的點心和小食都平左不少... 一家人成日都叫2碟正常燒賣, 下午茶得3粒唔緊要, 夠優惠$19.8就叫夠3籠囉另見到燒乳鴿只需$35又叫左2隻食, 仲平過燒味檔, 好入味不錯~埋單時食多左野仲平過午市2成, 每個week都會再來家庭聚了~ （有會員咭仲有5% discount)

星期日同朋友去陶源飲茶，中午都唔算好多人，好快有位。坐底就叫點心，呢度啲點心都幾有特式。👉🏼蝦腸呢碟蝦腸個樣好靚，見啲蝦好大隻，但就只得6件，真係手快有手慢無。腸粉皮薄，係幾好食嘅。👉🏼蝦餃又係大粒蝦喺中間，味道唔錯。👉🏼燒賣都係一般酒樓食到嘅味道，唔會有幾大分別。👉🏼菜餃味道ok但啲皮好軟身，同啲爽爽嘅涵好唔夾，有啲怪。👉🏼櫻花蝦炒飯呢個飯我會推介，因為炒得香之餘亦唔油，櫻花蝦都唔少，咬落去脆脆地，幾得意。

全晚客不是很多但不知何事服務員服務很差，收了骨碟很不再给要去隔離怡自己攞，碟菜勁多沙！分鮑魚的時候，3個服務員一齊分，我仲想昰不昰要集3人内力先可以炆林！總之一句不要去那店食嘢！

黃油蟹套餐就失望之極，首先入座前才通知我們，蟹粉小籠包唔夠八隻，只得四隻，主任話俾蝦餃代替。唔係啩！一星期前訂枱，講明訂八位黃油蟹套餐，無理由有八隻黃油蟹，冇蟹粉小籠包，仲話俾蝦餃代替；最後用素鵝，但到上菜時又話得三隻，因此無晒癮！跟住小米海參羹凍冰冰，柚皮鮑魚尚可；黃油蟹水準一般當過關；煎魚扒天使麵又係凍嘅，叫咗佢哋慢慢上菜，咪唔會味味都凍囉！最大鑊係單尾嗰個炒飯，全部放入蒸籠番熱的，全無鑊氣！埋單4,300多元，完全唔值！唔明咁嘅酒樓仲可以生存！

商場或屋苑內，總會有些隱蔽而黑暗地帶，明明大家時常經過美孚，卻不曾見過陶源，由於間中跑經該處，才知道這店在這兒。當然，美孚新邨幾十幢，轉來轉去，哪容易找。從這店地下進，還要上幾層樓梯才到，別緻。原來現今的紅雞蛋，竟然只是以紅色玻璃紙包着雞蛋🤔，輕微求其。瑤柱節瓜譜，瑤柱不算太韌，節瓜大大，質素不差。鮑魚鵝掌，醬汁挺多，鮑魚本來入味，煮得不韌，正豉油炸子雞，其實豉油味道不錯，輕微鹹，有點兒甜味，用來拌飯亦都得；而雞，外皮有點兒脆，雞肉鮮嫩。魚翅湯，因為它是湯，濃香熱燙，比起平日的「生粉水」味道好得多。水餃，餡料也不錯，但員工不換碗，不理你碗子內有甚麼都倒一隻進碗，實在瘋狂。炒飯，乾身有鑊氣，有點脆口的，口感佳。但是員工方面，就的確比較差，當然，現今的酒樓很多都是炒散員工，服務質素難言理想。明明吃剩一半，都問客人要不要收起，另外有員工將菜式端來，都不是放在托盤上面。

由於今日係一年一度嘅大日子，所以大姨媽就叫齊晒全家人一齊去美孚新邨百老匯街嘅「陶源酒家」食飯聚餐！大姨媽就一早預訂咗自訂嘅菜色：白雪金箔龍蝦球係將啲爽甜彈牙嘅龍蝦肉拆除啲殼之後，舖喺雪白滑溜嘅蛋白面，食落啖啖肉，真係好正呀，而且再灑咗啲金箔喺表面，令到賣相非常精緻吸引！香煎黃金蠔煎得好金黃香脆，特別係邊邊嘅位置更加焦香！南非鮑魚伴花膠燜得好腍好入味，鮑魚嘅質感非常鮮味爽滑，花膠就相當大片厚身，食落質感超煙韌軟滑，醬汁嘅味道亦調教得恰到好處，最好係唔會過鹹！原鼎火朣燉翅真係超真材實料去燉製，所以湯底嘅味道極之鮮味濃郁，當中嘅翅相當大條粗身，食落嘅質感非常爽脆，真係超正呀！發財好市瑤柱甫嘅蠔豉好軟滑甘香，瑤柱甫都算幾大粒，而且質感好鮮味鬆軟！清蒸東星斑蒸嘅時間火候控制得啱啱好，肉質非常鮮甜嫩滑，而且都幾大條肥美！生拆蟹肉扒露筍嘅露筍都幾爽脆，至於蟹肉方面，雖然食落啖啖蟹肉真係好正，但可能係因芡汁嘅問題，所以味道係超級腥，呢點係令到我們比較失望！古法鹽焗鷄嘅外皮極之腍身，好似已經擺咗一段時間咁，雖然肉質都算鬆軟，但味道就相當鹹！海參燜伊麵嘅麵質極之腍身，一啲都唔煙韌，至於海參就係切成條狀，但

是日同家人食冬至飯咁我地叫左套餐食的我入到間酒樓都奇怪星期六都竟然唔係爆滿食完呢餐我就知點解上第一道菜-乳豬我真的囧了，一上菜已經係凍的🌚🌚🌚果刻已經開始感到中伏之後上的菜大多係海鮮由於本人係唔食海鮮，所以不作評論但我見海鮮有煙出的，應該係熱的到左最後果幾道菜，上飯和水果我地叫職員上飯啦職員的回應: 下，仲未上嫁？我即刻入廚房拎比你👈🏾呢句係我食呢餐飯聽得最多的一句之後佢上左紅棗糕比我地大家都去哂廁所，已經著緊褸我就問左句，水果未上wo問佢地職員，又係果句，仲未來嫁？我入廚房切比你🌚🌚🌚🌚🌚究竟係你個場太空你不用做野定係你成個人放空呀？如何做到咁的？我真的要寫個服比佢結果呢餐飯食左2.5hr

陶源九月限定，原價$888一隻乳豬，現六位或以上$188/隻，3-5位$98/半隻。所以同家人一早訂了一隻做晚飯， 乳豬燒好後會先給你們過目，之後就會在旁斬件上菜，乳豬皮燒得很透徹香脆，豬肉味也很香，份量很足。由於乳豬份量也很足，所以我們也沒有叫太多餸菜，只叫了一個沙薑豬手小吃、野菌雜菜煲和一個荷葉飯便夠了。豬手爽口入味，配上花生更可口。野菌雜菜煲份量充足。雖然只點了3款菜再配一個荷葉飯，但由於份量非常充足，所以大家都吃得很滿足😋

係團購買的黃油蟹餐, 早一個星期已訂位, 尋晚亦準時到達, 是晚大約有10枱客人, 但眼見的部長/侍應只有兩個.出示團購單據之後, 大約十分鐘後開始有得食, 先來係小籠包, 份量比普通的小籠包大, 夠熱亦好味.一齊來的還有鮑魚配柚皮,  鮑魚係鮮鮑, 柚皮凍的, 伴碟的兩件西蘭花都係凍的.然後係金湯海參同蒸蟹一齊來.海參無味的, 估計只係上枱前先撈落湯入面.蒸蟹兩小一大, 小的大約4-5兩, 大那隻約有6兩. 上枱時其中兩隻蟹有幾只腳已經無了.兩隻細蟹係黃油蟹 (蟹腮都係淺黃色), 較大那隻只算係膏蟹 (蟹腮係白色的)魚扒同炒飯又係一齊來的.魚扒都係微暖的, 味道OK炒飯雖然望落無乜料(就見到蛋白同菜粒), 但食落唔錯, 因為原來炒飯混有蟹膏同蟹肉的最後就係杏仁茶同甜品, 杏仁茶又係微暖的, 蒸棗王糕係即蒸的.整體來講, 味道係OK的, 只係除了炒飯同小籠包, 其他都係唔夠熱, 而且酒樓的冷氣好大, 基本上放上幾分鐘D食物就變凍了.招呼, 基本無招呼的, 除了帶入位同埋單, 其他時候基本上都係傳菜員上菜同收碟環境: 呢家酒樓的裝修比較舊, 最差就係個廁所, 眼見打開門的三格廁所, 坐廁

見這酒樓有特價黄油蟹餐便走去試一試。 晚市這酒樓比較清靜。 黃油蟹套餐價港幣888, 有黄油蟹一隻。如有贈券更加可以買一送一，即两人各一set 都係俾$888. 似乎很低食。 於是叫了兩客套餐。先上蟹粉小籠包一隻， 質素一般不見有很多蟹粉在內。 黃油蟹質素亦一般， 蟹的質素似是重皮蟹多一点，但因為這價錢，不可以要求太高。 另外有高湯海參， 蟹粉炒飯， 生果及甜品。 總括來說$888這個價錢兩人用亦十分實惠。下一次會試其他海鮮。

入冬後，除了火鍋／Shabu Shabu，另一窩心美事就是一家人吃盆菜。不久後就是冬至，上週末我們亦已提早做節；吃悶了元朗多間老店的出品，這次由陶源酒家的poster見到內容挺吸引，訂了一個來吃，果然有驚喜！我們訂的是10位用金裝鮑魚盆菜，12月20日前預訂價錢是$2,188。巨大的包裝打開，盆菜份量超級巨大，連鐵兜也比平日的堅挺，才能承托起超豐富的陣容。盆菜內食材包括：髮菜、瑤柱、海蝦、花膠、鮑魚、海參、蠔豉、花菇等等，堆積如山、越挖越有；別說10人，12人也肯定吃不完! 盆菜還連同包裝娃娃菜、健康香芋絲，令營養更平衝；又細心附上額外湯料，讓之後返熱更加方便。 其中鮑魚既腍滑又有鮮味，比去年婆婆訂的稻香優勝太多了；花膠也大大件、滋補之極，連平日我總嫌腥臭的蠔豉也做得不錯。當中特別喜歡粉粉的芋頭，尤其返煮多幾次更加入味。另外燒鴨腩、巨大豬手也非常非常好吃，老公更誇這是暫時吃過最好的盆菜呢。最後，筆時特別想念遠在澳洲的叔仔及叔嫂，希望小寶寶順利健康出世，期待下年會合你們一家三口哦～

又到family Sunday, 今日大家都瞓晏咗，所以去唔到價錢較相宜嘅酒樓 （唔想等位），嚟間貴價D食好D唔駛等位，但其實都有95%滿座炸點最快上，芋角同蘿蔔絲酥都係哩到嘅名物，次次都炸到外脆內軟，芋泥豬肉，蘿蔔都又軟又暖，冇得唔叫。海蜇鴨舌帶微辣，少少剌激，激發食慾。燒腩仔個皮係好脆口，但肉部份偏瘦，唔夠香。今次推介例湯，煲得好熔，合掌瓜章魚豬肉，好多湯料再加5碗湯，都只收$108，屋企煲都唔得啦～雞軟骨就有點低於預期，炸功味道OK,不過軟骨。。其實係雞件大大舊，有點似七味炸雞。整體服務都尚可，人手唔算多，添水唔想等都要自己嚟。為咗例湯，蘿蔔千層酥同芋盒，可以再嚟

✿╮❤╭✿ ✿雜感女生 好味日記✿ ˚*•✰。初秋陶源品鮮蟹。✰•*˚ ✿✿舌尖上的美孚✿✿ ❤餓底飯聚❤ ❤ 「秋風起，蟹腳肥」，食大閘蟹時節又到 既然大閘蟹來到最當造的季節，朋友即約去吃蟹！ 陶源比較就腳，一入就見到一大堆大閘蟹放在蒸爐上「候命」！ 即點即蒸，大閘蟹「眼仔碌碌」，蟹腳生猛活潑，看得人垂涎三尺 和朋友和自點了5両大閘蟹與4両大閘蟹 ($128/$168) 等著吃蟹的時候，先來品嚐一個蟹粉小籠包 ($28) 一咬就是蟹湯，湯汁甘香，皮薄而肉餡多多，口感豐腴 再來一碟香噴噴的蟹粉扒翡翠($158) 金黃色蟹膏從視覺上已令人垂涎， 入口就是翡翠苗的清甜與蟹粉的香鮮 好快清碟！ 主角上場：大閘蟹大小俱鮮美 一打開就是金黃色蟹膏，而吸吮出蟹肉汁的鮮甜 蟹肉咬落就是肥美鮮甜，已非常美味 再醮點醋，又是另一絕鮮！ 公蟹有乳白黏滑的膏，甚是鮮美 狂掃蟹香滋味後，當然來碟炒飯才正！ 熱辣辣充滿鑊氣，就是這種味道！ 大閘蟹始終是非常寒涼的食物 甜品點了碗薑茶湯丸 夠薑夠辣，一吃驅寒舒暢 小評： 味道：★★★★☆ 環境：★★★☆☆ 服務：★★★★☆ 衛生：★

今天到該店購外賣點心，义燒包、燒賣和鮮竹卷，等了35分鐘，借口説同事吃午飯，追問更黑面，最後要出動經理，結果兩分鐘搞掂。如此惡劣的服務態度，不會再幫襯，Black List Forever.

今日中午媽媽黎找我吃飯, 佢話想食陶源, 無問題啦, 我一向都幾LIKE呢間酒家, 又坐得舒服媽媽先去欏位, 佢而經好貼心咁幫我叫定籠奶皇飽, 呢度既奶皇飽係用CUSTARD, 幾香椰奶味, 唯一要投訴係無咸蛋黃囉 我的陶源至愛點心, 鮑魚雞粒酥, 香脆的菠蘿包皮, 淡淡的咖喱味道的醬汁餡料, 正呀!姬松茸遼參粉果, 粉果晶螢剔透, 皮薄, 松茸味夠香濃, 蔬菜餡料夠爽脆牛肉蒸腸粉, 牛肉夠鮮味, 腸粉皮夠爽又夠薄, OK!