小苗子 (Closed)

行過灣仔軒尼詩道嘅自助素食餐廳😋，一試難忘！揀咗一碟多彩沙律開始，每款蔬菜都新鮮得滴水嚟，加上餐廳自製嘅薑黃醬同無花果醬，滋味豐富又健康！埋單時發現店家都好留心，每樣食物都寫明有冇蛋、奶、五辈嘅材料，全素食者正！呢個對我哋嚟講好貼心㗎👌。店內每個角落都見到清新氣氛，就算係忙碌嘅灣仔，都會留低慢嘅腳步。嚟到自助檯，從焗紫薯到黑松露意粉，每一樣都係精心準備，真心覺得食素都可以咁多變化！芝麻奇亞籽布丁嘅香滑口感同濃郁芝麻味，第一啖已經留低深刻印象。食物補充得勤快，見到呢種小心翼翼照顧每位顧客嘅心態，食得更加開心。員工服務或者略嫌一絲冷淡，但相信日後能有改進。响這種平易近人嘅氛圍下，食得好滋味又食得開心，下次再嚟，希望仲可以食到呢啲滋味無窮嘅健康美食🌱！

想不到第一次寫食評，竟然會是差評。但因為食到一肚氣，不吐不快。上年開始試茄素，行經灣仔素食店提供雙餸飯，便入店內了解，順便睇其他急凍素食。入店內無一分鐘（註：當時人流不多，外賣客只有幾秒後步隨入店的男士）老闆娘便不耐煩大叫「嗰度有外賣餐牌可以睇」，示意要我讓位俾後來的客人先落單。當我落完單，執好外賣後，老闆娘多次大聲重複問要唔要膠袋，要收錢。我不驚訝外賣盒要收錢，但我驚訝係老闆娘嘅態度。我一直以為開素食店嘅人不傾向殺生，性情都應該平和友善，我都知道呢間餐廳唔係善堂，我都不介意現金白銀買個雙餸飯試吓，可能我只購買$39嘅雙餸飯，令老闆娘覺得我係微不足道的客人。最令我要寫劣評的原因係食物質素，兩餸是茄子素肉碎和冬菇炆冬瓜配糙米飯，飯口感濕到軟爛，整盒飯無味，連食材原味都食唔到，只有油膩口感，仲要飯後兩小時，飲兩杯茶都揮不去。簡單而言，永無下次，不建議各位試食及光顧任何食品。For vegetarian, the food is oily and the service is poor. Summarily, this restaurant is not recommended.

不是素食者，但周不時都會試下不同的素食餐廳。有次經過灣仔，OpenRice 見到食評參差但都因為冇乜人坐得舒服試下。試過後我經常都過來買外賣。他們的兩餸，三餸飯好抵食，選擇算多，最重要有家庭feel （不需要太好食，不太油就可以。 有時出街食，好食的都有味精，太油太鹹，食都食到厭，反而簡單d更好）。一樣餸裡有幾種蔬菜營養平均。外賣盒是環保物料👍除了幾餸飯，另外也有很多總類的選擇例如salad, 西式，日式。餐廳老闆是比較熱情，努力介紹食材，個人不覺得太滋擾，傾吓偈冇乜所謂。

相隔一年再光顧， 但真係退步了很多。 今日食左3餸飯， 只需45元。 但腐皮卷 只有一舊 少少瓜 少少蕃茄。 款式唔多 存放又好似賣淨。 職員方便 又好似無朝氣 黑口黑面。 當然唔係要你賣笑 但做得素食或服務業 基本禮貌都是必須。

今日去左灣仔見客，唔知食咩好就WalkIn間 Sprout（最近肥左就食素填補下罪惡感）叫左一份紫薯素肉餅闊條麵，賣相都幾colourful, 味道都好夾，食材都好新鮮，對於一個食肉獸黎講份量都算足夠，老板都好健談，介紹左好多有關素食既資訊，金融地區估唔到都有一間充滿人情味既餐廳。下次會再黎～

我於23/8（一）中午十二時左右到達餐廳，內裡已有三四枱食客，有廚師仲坐埋出去吹水🤣我坐下後，待應係收銀處問我要什麼，我要大聲應返佢，其實有其他食客在場，我也有一點尷尷尬尬。我仲要問湯是什麼，而不是她主動告訴我。之後她叫我要出去比錢，但她沒有錢找，同我講轉頭先找比我，感覺不太好🙃我沒有叫三餸飯，而是叫了一個餐：花椰菜米配菠菜嫩素雞絲，配紅菜頭湯，共$89。當天沒有菠菜，故轉為沙律菜。廚師在廚房內大聲問我吃不吃紫蘇葉，洋蔥🧅花椰菜米配菠菜嫩雞絲：挺好吃，但有一點胡椒味。紅菜頭湯：沒有甜味，湯也不紅，與外面的紅菜頭湯不太相同。

我們二人在5/6（六）約下午一點十五分左右到達餐廳，內裏沒什麼客人，只有一個待應。我們叫了2個餐：栗子雜菌牛蒡薑黃炒飯（$89）及牛肝菌醬雜菜意大利麵（$99）；附飲品，分別為：熱黑芝麻豆漿，凍薑汁豆漿。❶栗子雜菌牛蒡薑黃炒飯：雜菌較少，亦沒有薑黃味，反而旁邊有沙律🥗，飯量較大的女生，可能不太夠吃。❷牛肝菌醬雜菜意大利麵：有黃椒及茄子，意大利粉軟硬適中，與牛肝菌醬搭配得宜，熱騰騰的，非常好吃。飲品方面，待應說有豆漿，我們決定一熱一凍，她才說是不同口味。❸熱黑芝麻豆漿：芝麻味濃❹凍薑汁豆漿：有一點薑汁味，即使不太喜歡薑汁的人也可接受。總括來說，此午餐略嫌貴，但食物質素ok

今日路過見冇人諗住試食下，俾個職員老點亂排隊，排錯點我搵個唔識落餐嘅職員點餐，搞完一大輪慢半拍落單都算，冇人問我個餐跟乜飲，出餐都等左一陣， 個職員都係遊魂咁唔知做乜行黎行去同冇幫到我地落野飲，叫左個豬扒蕎麥飯+洋蔥汁，超級鹹，啲菜好似餸頭餸尾咁乜菜都執啲，豬扒就普通素料；雖然佢寫自己係vegan但多數啲素扒都有機會有蛋奶⋯最後食左小半盒就成盒dum咗，唔怪之得冇咩人食，仲要原來係藍店，唔會再幫襯！

香港素食既地方相對於台灣唔算多，所以茹素左幾年嘅我次次見到有素食餐廳都會想一試！我九龍人一個出開灣仔做嘢，見到有間素食餐廳本來好興奮，想話試下好嘢啦！但估唔到可以有咁差既素食體驗，員工又嘈，態度又差！仲要野又唔係特別好食果下先攞命！到我食完再上嚟呢到一睇先發現原來係大伏！估唔到曾經有咁多人留下劣評，早知就唔好咁衝動行入去，上open rice睇左評價先啦！喺到勸各位不要浪費金錢！唔值得你貼錢買難受呀！

上星期四（5/11）上午放假。我先到灣仔吃午飯才上班。（難得可以走遠一點吃飯。）乘坐巴士到菲林明道站下車。巴士站就在小苗子前面。原本想到另一個地方吃飯。因為方便而改變主意。早年都想到小苗子吃自助餐。只是一直找不到時間去吃。現在疫情還沒有解決，不敢吃自助餐。不過，當看到小苗子改變經營方式，暫停供應自助餐，改為點餐，我便入內光顧了。店子的右面是廚房和收賬櫃枱。先到這裡點餐和付款才就座。店子提供不少座位。淡棕色木桌子，搭配白色和相同的淡棕色靠背椅。餐廳的主調色為白色。燈光足夠。整體感覺光亮，空間感大。沒有來得及看餐單，店員便向我介紹3菜飯，$60。第一次光顧，我也不用想太多，便決定要3菜飯好了。有6個菜式選擇，任選3樣。多選1樣每款需付$10。附送是日例湯。是南瓜湯。湯的質感有一點稠厚，像西式湯品。味道有點意想不到。比較酸。很少嚐到南瓜湯是酸的。（並不是壞了的酸味。）通常都是甜的。或許廚師完全沒有下糖或添加有甜味的食材？菜式方面，我選了茄子秋葵、三絲蘿蔔和火龍果素排骨。茄子的油份比較多。但是合理的。白蘿蔔味道很鮮甜。還有紅蘿蔔和冬菇。素排骨是以新鮮火龍果製成的醬汁煮成。甜味不會太多。我覺得比

超級差嘅經驗， 主要因為女老闆娘態度極差， 食物質素亦好低劣。我4點50分去買餐，之後五點鐘趕我走，話要閂門，叫我快啲食， 如果要5點閂門，點解我order嘅時候唔講聲?全程我食咗15分鐘， 有其他客人嚟買嘢，佢同其他客講嘢超級大聲， 仲超級冇禮貌，嘈足15分鐘， 有貼錢買難受嘅感覺。食物好細份，啲菜又唔新鮮， 打正旗號食素，但完全冇清淨心靈嘅感覺。個素冷麵好求其，加好多芝麻醬，搞到好鹹。素漢堡包勁乾，好似食緊樹皮，好難食， 真係貼錢買難受， 以後都唔會再幫襯。

唔係難食! 服務員好好禮貌但老板好嘈好惡呢!$128一碟包括新豬肉pie, 椰菜花, 蜆殼粉及salad(菜絲+幾粒蘋果提子), 味道一般. 哩種味道唔值哩個價錢 ! 成餐lunch都聽到老板把聲, 大大聲講咗幾次話餐廳做咁耐蝕咁耐, 因為佢地堅持用靓料喎, 但唔好味喎, 又多噪音喎......唔會再幫襯呢!

素食者注意⚠️平時有時都會想食下素健康下呢間位於灣仔嘅有機素食店有好多不同嘅素食俾你揀☺️而且全部都係有機食材👍🏻所以都好健康架🥰今次試呢個Special Menu主要星期五六晚先有架🥳裏面總共有11樣素食🤪每位價錢只係$159😳所以係十分之抵食架😱而且份量都好多🤤所以食到勁飽勁滿足👍🏻😋特別推介⬇️蘑菇湯➡️熱辣辣有好香濃嘅蘑菇味🤤大沙律➡️有好多好豐富嘅生果同蔬菜🥬包括蘋果啤梨提子黑提生菜火箭菜紅蘿蔔絲🤩泰式生菜包➡️食落好似泰國食嘅生菜包好香好野味😍素魚芝麻冷麵➡️雖然魚係用麵粉整但食落真係好似真嘅魚一樣因為好香同埋脆口🐟欖菜炒時蔬➡️炒得好入味芥蘭亦都好新鮮好爽口配合欖菜食正呀😋所以真係好啱鍾意食素嘅朋友過嚟試㗎☺️👍🏻

本身諗住食樂農。點知執咗。行去小苗子第一次幫襯。其實都本住唔係好食既心情去試。食咗個焗飯。真係好唔好食。啲飯超爛。但咖哩汁無味。都勉強知道食緊咖哩既。跟杯粟米汁。早知唔要。唔好浪費。一路食有個可能係老闆娘定主管既人。惡死又嘈。可能係性格問題。但食得唔舒服囉

最近為環保，健康同減肥，lunch開始轉食素，行過小苗子見佢素menu 好多選擇就停低揀下，揀左個素雞濃咖喱飯。一落單阿姐已經收錯$，明既，餐牌咁多款式，外賣堂食唔同價錢，係好煩。唔緊要。我等外賣時見餐廳冇人，就喺度睇佢餐牌，真係好多野揀，但阿姐好有意見咁叫我企埋一邊等，好啦，冇咩事我行返出舖頭先。講返食物，量好夠，有大量蔬菜包括秋葵番薯番茄茄子磨菇西蘭花等，素雞得兩塊係少d, 個飯大約一碗，OL就肯定夠食，仲有杯羅宋湯。味道黎講，個咖喱汁都香，有奶香同少辣，素雞就冇乜味，不過個咖喱汁好味補救。羅宋湯就除左酸味飲唔到其他味。整體黎講，招呼不周但食物方便睇得出有用心，$60一餐已經算係咁。