SSHKB1963 BURGER (Closed)

以前住黃埔，成日去時新買黑椒牛肉漢堡飯同薯條，牛肉漢堡肉嫩,薯條外脆內綿。後來時新結業，真心有D失落。黃埔再開返果間，第一時間去試，可惜...今日再到紅磡，無意中經過呢間店，熟悉嘅餐單熟悉嘅身影，老公第一時間認到就係時新老店原班人馬，超開心即試，就係呢種味道喇！雖然硬係覺得同舊店仲有少少距離，不過都有以前八成水準！今日因為食飽咗所以兩個人食一份，下次我要自己食晒一個飽，仲要食我至愛嘅黑椒牛肉漢堡飯！呵呵。。。

其實本人已經多次來尼間由大哥主理的鋪頭，昵間鋪其實都好易搵，搭巴士經過蕪湖街往漆咸道方向好易見到，雖然鋪頭座位少，但坐得舒服，服務亦算可以，本人覺得個包都做到好似舊鋪，個汁甜甜地帶少少酸幾好味，食得出個沙律汁係佢地自己有調校過但嫌搶左芝士的味，漢堡扒也是佢地自家製，有好多洋蔥，但牛味不太重，若牛肉比例多少少會更好，但本人最喜歡佢地個飽真系好有份量，食一個都已經有少少飽肚感覺，尼個飽雖然味道不是好特別，但整體上我都幾合我口味

舊時新結左業知道有間新的係黃埔花園開左間，又見紅磡SAV hotel 地下又新開左一間原來呢間聽老闆講、呢間先至係真正舊店經營的！呢間9月新開朋友食過幾次口碑不錯👍🏻👍🏻所以突登親自去試下地點位置幾好門口対正大街新舖裝修簡約聽老闆講、呢間先至係真正舊店經營的佢哋想保留舊店的情懷D檯櫈都盡量同舊鋪差不多新店地方濶落、menu 電子化牆上有幾部大電視menu 仲有投射放影佢地D舊片同報導食物方面佢哋創業的老伯巳七十多歲仍堅持舊店的味道仲日日緊守鋪內漢堡肉汁好香多🍔🍔朋友點左咖哩牛腩飯都讚不絕口！因為同老闆仔傾左好耐唔記得映相支持傳統、良心小店Like ！

第一次寫食評，本身唔係紅磡區大，但舊舖食過好多次，一食好多童年味道回憶。知道舊舖無做，一直等會唔會再開。當知道黃埔再開，馬上去試，奇怪味道有點不同以前，過咗一段時間都沒有想再去衝動（其間有再去紅磡的）。早排知道有另一間在蕪湖街，今天終於試咗，味道比以前好，漢堡扒亦比以前重料，雖然等候時間無得快，因為漢堡扒係生煎，但係值得等的。希望可以保持水準。遲啲會再去試。😋😋

餐廳個名第一眼睇應該心諗搞邊科😂，原來係時新大哥開既快餐店，裝潢有upgrade過，環境舒服好多。整返個雙層漢堡芝士蛋($36)🍔，成個包都係熱辣辣的，肉又大塊，食到加左唔少洋蔥所以好香口，配埋煎得靚靚仔仔既蛋，同埋唔少得既沙律汁，雖然食到成嘴都係汁，但夠曬滿足🤤。另外仲叫左炸脾($28)同炸薯條($20)，個薯條是有驚喜的，外脆內軟之餘，咬落去冇萬年油既油味😗，食到底個紙碟都冇油，食得開心！

這些年在本土文化抬頭底下，像時新快餐店這類如文化遺產一般的小店成了大家追捧的對象，好吃與否見人見智，也不是最重要了。舊店離我屋企其實超近，她不是那種你會天天想幫襯的店，偶爾我也會去買個漢堡包吃一下，後來，忽然成了長龍店後也不敢再去了。這長龍不單只改變了這小店的命運，也改變了一家人的關係，這背後的故事應該很多人也略有所聞。一分為二，繼續在紅磡賣港式漢堡薯條。沒有吃過黃埔花園那間，今天下午☕️時間走訪這間蕪湖街的，店名我個人覺得改得麻麻地，如走本土路線就要走到底，也要讓人清楚易懂易牢記。招牌漢堡包加一杯凍啡，四十元，話貴唔算，個包和啲肉都好軟熟，多少少沙律汁會更像以前的味道，那個汁才是招牌嘛，作為下午☕️都不錯。凍啡偏甜，下次要叫少甜才行，不過味道算比普通茶餐廳好了，我也差不多沒喝過一間茶餐廳啲㗎啡好飲的，最少這次我飲曬law😊。裝修上為了令人想起舊舖，所以全店用彩色膠凳，坐就不太舒服了。店內也長播亞覓雪在舊店拍的電視節目，有點煩音😒。倒不如用些舊鋪的照片，令人真的知道你的真身since 1963會更好點吧。

終於黎試下呢間新既時新，與黃埔果間相比我會鍾意呢間多啲，因為空間感大啲，坐得舒服。味道我覺得呢間好味啲😋，芝士漢堡有返舊時新味道但魚柳包就麻麻地，因為比較濕及‘林姐姐’既感覺。服務方面好友善，用心介紹給客人與客人有傾有講，今時今日服務態度比個👍🏼你

第一次寫食評，我係超級懶，從來覺得寫食評好花時間，但今次一路食已經一路諗要寫咩，太多嘢想講。雖然話失望，但都有值得讚嘅地方：知道黃埔開咗時新，但睇咗一啲報導話唔係正貨，所以冇幫襯，因為時新係有感情，由細開始食，係久不久會心掛掛嘅食物，所以見到呢間舖就想試下，回味一下記憶嘅味道。今日個漢堡蛋包，真係記憶中嘅味道，漢堡juice，蛋香，沙律汁同以前一樣，好開心keep 到。炸雞翼，一樣水準，皮脆，juice，時間剛好唔嚡，好耐冇食過咁好味，咁有heart 嘅雞翼。叫咗個雞扒意粉，雞扒都好得，雖然有比較，雞翼好味啲，但雞扒都比好多餐廳好食。但都係唔會再幫襯，因為：1）飲咗第一啖奶茶已經決定唔再幫襯，淡過水，冇茶味、冇奶味，接受唔倒老式快餐店有一杯咁嘅奶茶，仲要已前唔係咁㗎，只係冇俾心機。2）大家記得我係食雞扒意粉，我都講咗雞扒好得，但個意粉，根本係一種侮辱，點解會俾錢食一碟咁難食嘅意粉，意粉overcook，淋咗啲紅色叫茄汁嘅嘢，完全冇味，我本身好鍾意食意粉，而且我係一個惜食嘅人，叫咗嘅嘢儘量食哂唔浪費，但呢碟冇味又淋叫茄汁意粉嘅嘢真係食唔落。3）我最接受唔倒係全部用即棄餐具，而家大家都講還

時新的大哥二哥各有說辭，兩兄弟各有各做！大哥的在蕪湖街逸酒店旁 名叫SSHKB 二哥在黃埔花園吉野家斜對面。為了可以更有深度地比較 我們一家人今天跑了兩場。風格：大哥比較時尚 二哥一貫快餐店作風味道：大哥的有點改良 洋蔥碎更多更香 二哥的更似以前的味道態度：二哥的店每個人都很急態度很差 大哥的店比較寬容有態度風度：二哥取得時新漢堡包名字專利 特意在所有屏幕上寫明香港只此一家 絕無其他分店 大哥寫的是Taste the different 風度翩翩其實兩兄弟為了一檔野搞到分裂真係好可惜 個人比較偏好大哥蕪湖街的店 因為我一直相信只有願意一直改善 才會有進步 才能越來越好 原來已經不錯 所以一成不變的生活不是我prefer的style 大哥落手落腳又出來跟客人說謝謝 一定是這樣的老闆員工才會比較有禮貌

等左咁耐，真 . 時新終於返嚟！咁不得了嘅漢堡包，雞脾同薯條，真係呢度先搵得到，食完喺心入面大叫左一句：「係呢隻味道喇！」新舖仲好闊落，坐得又舒服，終於搵到紅磡值得做長期飯堂嘅地方！

12:26分落單，12:38先有得拎。之前試業階段食過覺得好味，今日可能剛正式開業，失哂準，首先係個包散哂；第二係等左咁耐先拎上手都唔熱，只係微溫；第三係醬汁唔夠；第四係最重點嘅漢堡肉，咬落完全散開，無肉餅嘅感覺反而似肉碎，一堆漿住個口嘅生粉獻咁，好失望。薯條好食，唔係用千年油（咁因為啱啱開又無得比較）。試業日子，店內清一色係自己人黎試食，我响度等，周圍避開佢地影相，有點尷尬；期間都有幾個客行入黎想試，但見到呢個情況都走夾唔抖。我㨂日子㨂得唔好啦真係，本身住附近，本來諗住成日有得食好開心，而家都係決定唔會再幫襯。一個不愉快的經驗。

新開張左一排，招牌依然貼住紅紙，正在試業中。有理無理入左去食下先，唔食點知好唔好食。嚟度專賣漢堡包，但包拗頸，嗌沙爹牛米同凍檸啡。凍檸啡出奇地好飲，同cold brew 差唔多，但我唔知係咪真係cold brew, 好可惜我蠢唔記得嗌少甜，太甜🙈 但難掩咖啡本身嘅香😆 所以都好好飲。不過個沙爹牛米就超失望😞 零沙爹味，不如佢話試業期間無得賣算啦，食落根本只係牛肉米，仲要全部用即棄餐具同器皿，超級唔環保。希望正式開張之後，所有野會改善同進步啦。環境幾chill，值得一坐～

試過黃埔果間，再試呢間，暫時我會揀呢間。住咗紅磡咁耐，無論試餐速度同個漢堡，都係呢間似舊舖。漢堡扒新鮮多肉汁，可以用新廚房設備同爐具，個包外形比以前靚仔咗 。價錢每樣比舊舖貴幾蚊，都ok啦。希望佢會出套餐，飲品散叫有點貴。