星座冰室 (Moved) New Location

每次去位於大廈地庫的星座冰室時, 也會經過一條充滿歷史痕跡的樓梯, 一邊是按摩店, 另一邊就是冰室. 香檳大廈是男人的天堂, 除了尋歡外, 也有相機店和錶行, 花上一晝玩下錶, 相機和鏡頭, 餓了就去冰室吃個Late Lunch或下午茶, 也是一件賞心樂事.這裡的茄牛通味道十年如一日, 就是酸得自然, 蕃茄果肉豐富, 茄膏味不會蓋過自然果酸和果甜, 湯汁較稀, 牛肉頗淋, 而通粉口感多夠爽. 食客不多, 出品質素自然更好. 加上煎蛋而非炒蛋, 除了帶多點煎香味道, 蛋漿和湯汁結合起來, 令湯汁更濃稠, 這就是街坊的配搭和美味. 香檳消失雖然暫時未有時間表, 但既成定局的時候, 趁着還未有排山倒海的人龍, 好好去吃懷念一下就是.Star Cafe has been operated for more than 50 years and the Champagne Court will be redeveloped soon. The tomato macaroni is her famous dish. The natural soup with many tomatoes make i

星座冰室signature～芝士蕃茄撈蛋麵～芝士蕃茄撈蛋麵味道🌟🌟🌟🌟🌟5/5價格🌟🌟🌟🌟4/5分量🌟🌟🌟🌟🌟5/5芝士蕃茄撈蛋麵～super星座冰室開業超過50年～永遠去星座冰室都係叫同一樣野，今次終於有人陪，唔係自己食或者叫外賣，堂食份量同外賣差不多，不過外賣好似係酸d同鹹d。建議可以食一啖番茄撈蛋麵先，撈晒全部再繼續食～hehee～係童真既味道！今次有人請唔記得左幾錢lu

夜晚想搵個冇咁多人之地食飯，友人提議去星座冰室，講起來真係有十年冇去了！（仲要唔確定間店仲係唔係到⋯），當去懷緬下(又會）。依然個地址係香檳大廈（係7月夜晚去之下倍感陰森）依舊嘅隔局，但價格當然唔係依然啦（十年wo)!反而在意係味依然好食。簡單而帶舊式的茶記格局，8:00去到冇乜人。餐牌，都係想食牛肉蕃茄撈蛋麵。牛肉蕃茄撈蛋麵，$44。又係果句，賣相絕對唔討好(唔講咁白喇），但味道先係重點，蕃茄撈蛋湯底味道濃郁鮮甜，口感豐富，keep到水準，好味！而牛肉份量好少味道普通。蠔油中雞翼，$50，有6隻，雞翼肉質滑夠入味。凍鴛鴦，$19，既有奶茶的順滑又有咖啡的香味，有水準（而加真係好難搵到間好飲）。餐廳格局及味道印象上都冇乜點變，用普通食材做出水準之作，唔講賣相同噱頭只講味道，堅野來！（有感而發疫情之下好多老店真係買少見少⋯）

前排男朋友提議去咗呢一間餐廳食嘢🤩知道Instagram有人介紹呢一度性價比好高，所以即刻book枱享受一下！😍雞髀薯條上枱香噴噴，口感好好，香嫩多汁，非常惹味，好好食💯

嚟到星座冰室！當然就要食佢哋最出名嘅蕃茄撈蛋麵🍜雖然望落賣相真係唔多開胃～～但係個蕃茄撈蛋醬真係好出色😍粒粒嘅鮮蕃茄肉🍅再加埋嫩滑嘅蛋🥚撈埋落個公仔麵度食 口感都幾夾😆

香檳大廈呢間地下室我每次都只會獨孤一味叫呢個蕃茄餐肉麵 ($𝟑𝟖)真係好欣賞呢個蕃茄濃湯🍅好有厚度質感可以用燴麵黎形容而且蕃茄蓉多用料十足！兩塊午餐肉每次都一定有煎過帶有少少脆邊🍜麵條唔係特別用出前一丁只係普通大光麵但都非常彈牙有嚼勁熱奶茶呢到都算係無得輸所以呢個變左我自製既必食套餐lu

今朝08:15,已在app落單,08:30亦至電餐廳說在App落咗單,轉頭嚟攞,電話中女職員晦氣回應,(得喇),心諗😒咩事呢？去到餐廳竟然女職員說,我哋沒有收到任何落單資料,但為何在電話裏唔同我講,如果喺電話度同我講可以即刻落單,去到就唔使再等,去到要重新再落單,都啱緊要,問題係因為我要趕住返工,佢哋慢條斯理完全唔合拍,呢個推嗰個,嗰個推呢一個.🥵碟炸雙丸$51😩切開一半炸,共14半粒🥵我想講,我已成功app落單,餐廳出唔到單,關我們事嗎? 我哋嚟都仲要冇得取,仲要等咗半個鐘,仲要遲到返工,真係食到一肚氣! 真係好唔想要,因為信用卡付款,為免退款麻煩,只有等候! 張單都唔細,訂咗四百幾蚊,食到一肚氣！👆炸雙丸$51🥵

見有食評推薦呢間野，膽粗粗一個人來試伏，餐廳位於香檳大廈地下，環境衛生相當惡劣，除低口罩已經一大陣塵味，(雖然唔關間鋪事，但見到都唔開胃)入到去menu一個蕃茄撈蛋公仔面就要近$50，仲要唔包野飲，CP值非常低。(平時茶記常餐$50有 面+包+蛋+火腿+野飲)好啦，野食來到試下咩味，就好普通公仔面味再加蕃茄味，撈蛋唔知撈左係邊完全食唔出。份量亦只係一個公仔面既份量，男人食唔飽。唔明點解有人推薦，真心唔會再食呢間野。

還記得紅極一時的【星座冰室】，當時的人氣現時不復再🙈而且香檳大廈已經被收購，未知幾時就無得再食，所以回味就要把握機會盡快去啦❕🧀 #芝士茄蛋撈丁 ➖ 💲44賣相被形容為似「嘔吐物」的撈丁🤫芝士同茄湯拌埋一齊味道好夾，好香。蛋花打到好散，入口唔係好感覺到。成碗食完都唔會好滯，超滿足！😍🍅 #蕃茄雞翼麵 ➖ 💲44蕃茄湯底好滿，熱氣騰騰上枱，仲見到有沸騰緊嘅氣泡😳不過公仔麵本身唔係淥到好淋，所以就算湯底仲熱都無令麵底變爛，口感依然爽韌👌🏻蕃茄湯入面有粒粒蕃茄，不過就加了芡汁，但都算真材實材，味道就是偏酸。豉油雞翼好入味，肉質嫩滑。🧋 #凍奶茶走甜 ➖ 💲18正常茶記水準，茶味算香濃，飲一啖清清膩感。【 #星座冰室 】📌 #尖沙咀金巴利道16-20號香檳大廈地庫36號舖🌟星期日不營業❌

喺網上見到好多蕃茄蛋湯底嘅相，個個都話似嘔吐物但味道ok，忍唔住去試一次😆店鋪係老人家打理，有年代嘅味道，衛生未算好差，但的確講唔上乾淨，仲會有一陣噏噏地嘅味道。我期待嘅湯底出場啦〰️味道偏鹹，但唔難食，無加其他茄膏，就純粹係蕃茄嘅天然味道，每條公仔麵都掛上湯底，比想像中好食，但牛肉比較韌，好難咬。蕃茄湯底味道相對比較清淡，但依然係偏鹹，而且好杰，係好似落大量生粉，就快成為膏狀。食左知道咩味，了左心願，但唔會心思思想再食。

星座冰室雖然好出名✨不過都好似好多人未食過🤣同埋行入去嗰個位又有啲怪怪的🤣可能好多人都以為行錯同唔知嗰到係入口🤣兩邊出入口都行過✨建議都係喺沐足落樓梯嗰到入🤣因為永年嗰邊入要經過都幾惡劣嘅後欄位🥲可能會有曱甴老鼠🥲蕃茄蛋應該就係必食之選🍅🥚不過今次淨係嗌左蕃茄牛肉腸仔公仔麵🍜簡單平淡不過有時就係想食呢啲嘢✨所以久唔久都想落去食返碗😛

「賣相係其次，味道先係最重要。」呢間位於尖沙嘴香檳大廈裡面一間超舊嘅茶餐廳，唔知幾時會面臨清拆，之前見到有報導話似嘔吐物👈🏻又真係幾似😂抱住好奇嘅心態搞到更加想試🙈唔知味道會唔會黎個大反差呢？😏-芝士番茄蛋撈麵🍅 $42冇加任何味精和茄膏，真係好難得。老闆堅持將番茄切粒然後熬煮，聽講一碗用成2-3個番茄去整架！加埋芝士同蛋真係好濃稠😍不過坦白講味道就偏淡。-番茄牛肉麵🍅 $38牛肉份量都多，而且口感嫩滑唔痴牙。d湯都夠濃好掛麵，呢個比起芝士番茄蛋撈就清d，冇咁邪惡🙈-凍奶茶 $18呢度嘅奶茶茶香味濃郁，飲到落尾有奶嘅餘香，茶同奶嘅比例調得啱啱好😋

香檳大廈一定係香港其中一棟最有特色嘅建築物，而喺呢座大廈嘅深處就隱藏住一間有舊香港特色嘅餐廳「星座冰室」。「蕃茄芝士撈丁」係呢度嘅名物，雖然其貌不揚，但係味道都唔錯嘅將芝士同蕃茄蛋連埋啲麵撈好一齊食，可以食得出幾香濃嘅蕃茄香味，另外加上芝士嘅口感亦比較creamy，整體嚟講食個麵都算不錯只係略嫌蓋過咗豬扒本身嘅味道，同埋當中有些少鹹味同個麵嘅味道有少少唔夾。去食麵嗰日，另外見到有人食沙嗲牛肉麵同埋蛋牛治都好似唔錯，搵次再過嚟試埋先

食一次可以唔使食，其實隻味唔係好夾，可以話食風味，懷舊，不過我早上去真係得我一個人食，就知好食極有限，嘢飲唔包，其實都幾難做落去, d 嘢飲都幾貴下，同埋環境係真係有啲污糟😬

商場地方問題，環境一般。 叫了出名的蕃茄牛肉麵。蕃茄湯沒有想像中好味，鮮茄煮的， 汁料質地好杰，糊糊的， 味道比想像中淡，不太酸太濃配通粉比教夾， 配麵不夠濃味