星座冰室 (Moved) New Location

今日女朋友嬲，諗住帶佢食好嘢，睇openrice評價咁好。晚上8點幾去食，睇住個Map都勁難搵。要問埋報紙檔個阿伯先知原來要入條勁污糟嘅暗巷，遍地老鼠曱甴🪳，又冇乜燈，勁黑暗，好似去鬼屋咁。見到間餐廳裝修環境都大失所望，本住懷舊同openrice嘅大量好評之下嘅背書，都係決定試一試。基本上冇乜客，凍奶茶拎嚟個陣疑似手指插入，餐具又污糟。點咗個馳名番茄蛋撈麵+魚片麵，2個咁嘅出前一丁埋單$105（嗌餐冇點睇價錢，魚片麵好似$30幾）。賣相同味道都非常一般。電話信號📶極差，不過有提供到wifi。女朋友變得更唔開心，佢仲要有d肚痛。走個陣又要經過個條充滿曱甴🪳老鼠🐁嘅暗巷。勁難忘，畢生最差嘅茶餐廳體驗，買咗個寶貴經驗，原來openrice食評咁不可信，該餐廳不會再幫襯👎👎。

記得年輕時睇過一套電影，電影主角將身邊所有東西換成七十年前的物件催眠自己，結果成功時光倒流到七十年前。這兒的裝橫也給我同樣的感覺……除了那部雪櫃和電視。這兒的食物也是很簡單。沒有華麗的擺盤，沒有刁鑽的烹調方法，所以東西也是很簡單的。上圖是天使選的蕃茄芝士牛肉麵、而下圖則是我點的蕃茄芝士蛋麵。蕃茄湯是用蕃茄熬的，沒有茄膏的味道…雖然某程度上是淡了一些，但味道卻很清新。尤其是那片芝士，那份純粹就是令人動容。天使的我沒偷吃，但我點的蕃茄芝士蛋卻混合得天衣無縫，香味濃郁、入口更是濃郁，令人有深深的罪惡感。意猶未盡，點了一份奶醬多吃。在我小時侯，多士飛邊是一份奢侈。這份多士沒有一部份不鬆脆、沒有一部份沒有那份濃濃的奶醬味。味道很純粹，但這份純粹卻令人感到滿足。當然，又未至於去到非吃不可的程度，但至少，我和天使沒有任何負面情緒帶走？

檢測的日子又到今天約早了 希望能早點檢測好有更多的時間去拍拖拖 😶親愛的想了一下 決定去這家在下之前說想去吃的星座冰室記得第一次來是因為被朋友發現我是芝士怪所以被帶來的那時尚算年幼 跟這區很不熟跟著朋友走著迂迴曲折的路穿街過巷來到這暗暗的地庫 坐在摺櫈隔壁桌還抽著煙😅沒想到那麼多年這裡一點也沒變還是一樣的環境同一樣的風格 甚至氣味一一讓人回想舊時芝士蕃茄牛 $42原塊芝士撻上面蓋著的就是厚厚的蕃茄層視覺跟多年前一樣改變了的是在下的品味和喜好被認為是芝士怪的我一塊芝士已經無法滿足在下但那厚厚的一層鮮蕃茄依舊能讓在下心滿意足茄很香甜濃郁 吃到最後一樣會渴看來是在下對蕃茄的接受程度有所改變點了一杯咸檸水 $19以前在下還滿喜歡的 （現在也是）咸檸的香氣就是跟自己沖檸水硬洒塩的效果大不同 😅不過在下好像篤檸檬篤太勁喝完後把水倒進再篤已變得很淡而無味吃完後親愛的再加點一份奶醬多 $14分甘同味 謝謝你 💙謝謝你無條件地待我好 💙最終感想就是..經過多年來的社會歷練又煙又酒又粗口以往的新奇特別事都變成習以如常口味重了胃口大了平凡的東西再滿足不到在下而這裡多年來保持的水準和神韻不禁讓人沉澱反思感謝這

星座冰室最出名當然蕃茄炒蛋撈麵，專登嚟探險。其中一個特色位係色水似嘔吐物。平反一下，外表雖然唔討好，但唔會睇到食欲不振。朋友估呢個係麥皮。湯底香濃，豬骨湯中有一陣陣蕃茄味，唔係多數餐廳落茄膏嘅味。掛麵效果好，每一條麵都有味。配埋啲新鮮蕃茄蓉一齊食，冇平時食公仔麵嗰種油膩感。可惜係蛋唔多，可能已經散晒。整體味道正正常常。環境裝修睇得出歷史，員工都有啲上咗年紀，疑似屋企人（？），同出面尖咀商業化唔同，多咗份懷舊同人情味。如果外國朋友黎，都會帶佢嚟試一試。

因為朋友未食過，抱住帶佢嚟見識吓🤣嚟左好耐冇食既星座冰室。下晝六點鐘嚟到，冇乜客，自己揀位隨便坐。我點左個蕃茄撈蛋豬扒麵，朋友點蕃茄餐肉麵。蕃茄撈蛋豬扒麵超正，連埋湯底一齊食勁滿足，如果唔係齋飲個湯有點咸，我係想飲晒個湯既🤣朋友可能覺得係茶餐廳啦，竟然話叫個油菜。個油菜嚟到好似d餐廳贈送嘅伴碟咁😂唔使三分鐘送到上枱，d菜梅梅地咁。大家可以唔使試。兩個人冇叫野飲，一百蚊埋單。**唔知係咪改善咗好耐，今次落到去電話竟然有信號🤣🤣

有日一早要去尖沙咀攞嘢所以上網睇吓最近有乜嘢好嘅早餐食，見到好多人寫呢度嘅蕃茄蛋麵好好味所以專登過嚟試。地點方便唔難搵，叫咗蕃茄蛋豬扒麵，唔算得係超級超級好食但係有少少屋企食飯嘅感覺同味道，都幾特別嘅，分量剛剛好（適合一個唔係太肚餓嘅女仔，如果大食啲嘅又或者我超級肚餓就可能覺得唔夠食）。我唔會特登返嚟食但係如果喺附近唔知食乜都或者會再返嚟嘅。

香檳大廈上年被強拍，大廈店舖好似隨時執笠，呢間響地庫既星座冰室聽左好多年，但真係未食過（幾年前有黎到但無開，果時覺得幾恐怖咁...）冰室舊式裝修簡簡單單，但馳名蕃茄撈蛋麵一啲都唔簡單。見網上話唔加餸淨撈麵都滿足，又見唔少人推介秘製碎豬扒，所以就叫左蕃茄撈蛋豬扒麵 $47 上枱果陣成碗麥皮咁，賣相好似唔太吸引，但夾起一丁麵見到好掛湯。食落好濃蕃茄味，微酸幾開胃。我覺得蛋味唔係好突出，反而出前一丁麻油仲搶味。蕃茄同蛋係好普通食材，亦經常配搭一齊，但咁樣撈麵食真係未試過！食到蕃茄粒令口感更豐富，比起樓上芝士撈麵感覺無咁邪惡，但一樣美味。可惜無跟餐飲品，所以無叫野飲，食完麵飲左幾啖汁，覺得有少少鹹，其實係咪無預人飲架（掩臉）

之前bookmark 左尖沙咀名身星座冰室好耐，不嬲都幾鐘意試懷舊冰室，貪D野食古色古香，富香港特色，但系之前見D食評好壞參半，所以就一路無試到今日一個人去開尖沙咀，行行下有D肚餓就搵番個checklist 出黎試<蕃茄撈蛋麵$37>星座冰室名物蕃茄撈蛋麵，一場黎到無理由唔試個汁系特別嘅，講真又真系未系其他餐廳食過咁樣嘅味道蕃茄味酸酸地但係又有少少蛋香，睇落去個汁杰撻撻撈起上嚟原來啱啱好，唔需要其他配料淨係撈個汁都好食<秘製豬扒$48>啲豬扒係剪碎上豬肉都好鬆軟，但係唔算話好特別，同出邊食嘅差唔多

今日好姊妹約咗大食妹去食甜品, 但食完甜品後依然小餓, 於是我地就去左附近嘅星座冰室食小小野<蕃茄撈蛋麵>黎到星座冰室又點可以唔叫佢嘅招牌蕃茄撈蛋麵? 雖然賣相一般, 無咩料之餘仲賣成四十蚊, 但味道非常好食麵質好煙韌, 蕃茄味又濃又酸, 超開胃溫馨提示, 大家食嘅時候記得要撈一撈碗麵, 如果唔係食到最後賣相會令人不安<秘製碎豬扒>因為我地係半飽先去星座冰室, 所以就嗌左一麵一小食share秘製碎豬扒味道咸咸地, 口感有啲似燉豬肉, 大食妹唔係好好呢味, 感覺好家常

以前嚟過多次，知道隨時關閉，再來懷舊港式茶座，坦白講價錢唔特別平，志在食環境氣氛風味西多士唔錯，有花生醬香脆唔燶，蕃茄牛通粉還可以，但唔係特別出色，老闆話做得幾耐得幾耐

10幾年前同男朋友拍拖去食過一次，其實當時都唔覺有什麼特別好味嘅番茄牛肉，賣點係家庭式媽媽味，我媽咪真係唔會煮到咁樣一pat獻咁嘅嘢。所以咁多年一直冇意欲再去食。記憶中當時一碗嘅價比較一般茶餐廳貴，仲要冇餐飲，另加又正價。今日有同事一行10人話想試，咁大圍人一齊去，原來咁多年都冇變仍然係一pat獻嘅番茄加幾片牛肉，同事食番茄炒蛋仲災難🙈十足一Pat嘔吐物咁🤮，佢加咗芝士一片放上面🧀，好hea兼冇誠意。另外有同事就加煎蛋，點知生到好似「柯」蛋咁🍳，撈埋pat番茄獻，佢講笑咁話使唔使請定假🥴。其實而家新開茶餐廳嘅芝士撈面，都會煮好嘅芝士醬，用湯匙「不」一大堆喺麵上，感覺及味道都好好多。老闆娘問佢得唔得（意思想問佢好唔好食），同事就講笑話4小時後先知得唔得，連老闆娘都講笑回應返佢話唔會肚疴嘅😂即刻全枱都大笑😂😂😂服務亦欠奉，外傭姐姐拎嚟放低又唔知係咩嚟，碗碗比番茄獻遮住晒，牛肉，豬扒，都唔會睇到，又要等佢搵人嚟搵返單逐碗認🙄🙄飲品都係要另加正價，一碗麵加飲品☕️🥤，要成$60以上，尖沙咀嚟講好多茶餐廳都唔使，而且仲好食又舒適環境。不過，嚟得呢度都只係回憶下，幫襯下老店👵🏻👴🏼未食過嘅可以一試，

唔知香檳大廈幾時拆，難得出黎尖咀見到佢仲喺度所以黎食。喺呢度我只係獨孤一味食茄蛋牛肉出前一丁🤣雖然賣相非常肉酸(如果唔係為左影product shot 撩左d牛肉同麵出黎，睇落真係一pat野)薔茄同蛋嘅比例平衡，啖啖出前一丁都掛到茄蛋，再加埋佢落左少少份量嘅出前一丁湯，但神奇地冇搶到味，反而同茄蛋好夾，仲令到成件事更惹味，雖然材料簡單，但喺其他地方都食唔到呢個feel朋友叫左個蕃茄魚片通粉，比較淡口，因為得蕃茄，所以冇食一丁咁惹味，通粉煮等淋左d, 但個魚片夠咸，可能有醃過。加左個奶醬多，呢樣野好少會失手，塊包偏薄身，烘等夠脆得黎唔會太乾又冇燶。同埋花生醬同煉奶呢個配搭一定好味架。佢個勢又似唔一定會搵地方重開，就算開返，都冇嗰種殘舊風味。如果而家唔食以後冇機會再食🎶仲唔快d去?!

香檳大廈就快成為香港歷史，已經以購咗七八成業權，姐係意味住棟大廈就黎拆，而響呢座大廈入面據聞有發明芝士蕃茄撈麪嘅餐廳，所以前去一試，行到入去見到舖入面的裝修仲係停留咗響上世紀70-80年代嘅感覺，入到去就好似穿越咗去上世紀甘，好似依然停留時空甘一切都無發生過😂😂。我哋叫咗一碗茄牛肉通同一碗芝士蕃茄雞翅通＋凍鴛鴦，其實碗嘢無上綱講得甘好食，真係好好好普通，個蕃茄醬鹹鹹哋，酸酸地，同出面比較只係傑啲同濃味啲，就甘🤣🤣我期望係會有一個芝士醬加响碗通粉上面，可惜無😅😅係加一塊芝士上去，可能係我諗多咗，不過講真一碗甘大嘅通粉加一片片裝芝士上去真係唔夠囉，只係頭两啖食到，後尾就無哂，個人唔多建議加囉，唔係錢嘅問題係無特別嘅問題😂杯嘢飲叫咗小冰小甜，不過都係好多冰同好水，完全飲唔到茶同啡味😅😅似飲奶水囉😅😅我覺得真係你懷緬下人情味同懷舊嘅味道囉，嘢食方面就真係好普通😅

這間星座冰室的蕃茄麵口碑不錯，是懷舊之選。這次試試加芝士和炒蛋，味道提升，更加好吃。芝士蕃茄牛麵加炒蛋這種懷舊港式風味買少見少，個人認為蕃茄系列有噱頭，食物不過不失，吃的是回憶。

趁香檳大廈清拆前來試馳名的芝士番茄牛肉麵。本來其實想食撈出前一丁，但我又係怕太肥，所以揀了撈米粉，感覺清爽啲健康啲。呢個番茄汁幾清新，酸酸甜甜，所以我撈芝士都唔會話好膩👍🏻我芝士控就覺得呢個芝士麵感覺不太勁芝士🙈，但係食碗麵過過芝士癮就ok，唔會好Heavy。