星廚 (Closed)

每一次想食豬手都會諗起星廚，因為每次去食都唔會令你失望佢嘅鹹豬手真係整得非常之出色，價錢亦都好抵一隻豬手份量基本上可以兩個人食，隻豬手每一次都係外脆內軟覺得非常之香囗，佢啲醬汁都非常好食每次都有三個醬汁提供俾你，最值得一提嘅係佢嘅酸菜加蘋果當你食到覺得飽飽滯滯嘅時候都可以食佢呢個酸菜係減返肥膩嘅感覺！仲有佢個羊扒，都係煮得非常之好個汁好好食，啲肉嘅質地唔會係嗰啲平價餐廳用鬆肉粉那到啲肉霉霉爛爛咁，絕對有酒店嘅水準！所以已經幫襯左佢哋好多次亦都會再去每一次真係唔會令你失望

一間貼地平民的西餐廰一間服務態度良好西餐一間食完好滿足的餐廳一間平民西餐中連杯跟餐叫的凍朱古力也好朱朱，重要凍飲+$2 而唔係$3今晚餐飯好滿足，真的用叉燒價錢食到燒鵝味道，良心餐廳大家多多支持！食一餐飯的物值就是這樣～好大隻咸豬手呀！絕對唔係用超市$49.9一隻的去燒～豬手也夠入味，不過我個人覺得可以再燒脆d～黑松露襯大蝦，正！蝦和意粉的分量都多，啱曬share  食.味道又好好味，重點係熱上～一大口一口大牛痢，一口淋牛痢，頭盤必食

經朋友介紹 前幾日打算黎一試 坐低之後一直冇人黎serve但見佢都其他客人都有講有笑 應該做熟客多對生客就唔多理會當點好餐 就見佢一直未有上餐湯前菜反而見岩岩坐低既客人未點餐已經有餐湯享用緊我地詢問一下待應佢以非常串既態度回應說因為冇叫起菜 所以就一路冇打算將野食送上黎😂好啦 原來依度要好似酒樓咁叫起菜先有得食唔緊要 最緊要都係食物質素我叫了一個豬手 和意粉因為見豬手係招牌菜豬手來的時候都好吸引 出面的肉都很軟林誰知可能就是入面沒有受熱入面都比較生 咬不下 完全入不了口我就停了手 沒再吃下去 途中 短髮待應經過問 為何豬手食淨咁多我話唔知係咪唔熟 所以咬唔到 佢大聲回應一句說冇可能 絕對冇可能話隻豬手係熱水5個鐘 一定係我講錯態度非常惡劣 仲立即將我枱上食物全部收走笑住話我地唔識食仲係度亂講既模樣令做食客既我們非常難受經過今次一定唔會再去依間小店因為同等價錢 可以有其他更好選擇不需要一邊食一邊受氣希望其他食客都唔會有好似我地既不愉快經歷！

有朋友食過好味帶我地去既，唔知我地早去定佢地點偏左啲，無乜客人。但啲野食又幾好食，用心製作，人均食到飽都係一百蚊多啲，都幾抵食，好想寫一寫食評幫下佢。首先講個我覺得有驚喜既，佢個牛油果大蝦焗飯，個樣同個名好平平無奇，唔吸引，當初朋友話叫，我想反對，因為本身唔太鍾意焗飯，但黎到又幾好食啵，上面層燶燶地脆脆地既汁再夾雜住牛油果果香，比豬手更受歡迎。焗蠔係送既，掛住食無聽佢講點解送，但免費既野，都無hea我地啵，個蠔幾大粒juice，芝士好香，店員搭嗲話個芝士都係用靚野。芝士牛排，我地叫左五成熟，牛味好香，芝士係用一個大芝士熱溶佢，刮落去個牛上面，去之前我地仲話要影個gif ，但我地浪費左個芝士，因為我地掛住切個豬手同食個焗飯，無睇到佢刮芝士落去同影相呃like,仲要食個時已經凍晒，朋友們好鍾意食個芝士，但我食牛得啦，對我黎講士太濃，佢熱住個芝士個時，好大陣芝士味，鍾意芝士既朋友可以試下，但記住襯熱食。豬手有豬手味，未食過咁脆皮既，肉好爽好易切，豬骨可帶走煲粥。牛油果青瓜沙律，就係切左既牛油果青瓜同少少蕃茄仔，加左啲酸酸地既欖油汁，食食下口啖啖點左啲辣椒仔同黑椒食，味道即時提升幾倍。一口牛利

熱熱的蒜蓉包青蘿白，紅蘿白，椰菜，蕃茄，西芹做的紅湯，鮮味十味。蟹肉忌廉長通粉~大大碟的長通粉，睇落以為是報滿芝士絲及香草碎，食落原來是蟹肉絲，忌廉香濃，通粉煙煙靭靭，非常好味，我食都啖啖都有蟹肉。烤焗咸豬手配酸椰菜~豬手用多種香料醃過，煮熟後過水，再急凍，解凍，經過以上程序，豬手脂肪已被融解了出來，再去香炸3分鐘，把外皮炸到金香，就可以上枱了。豬手好有份量有3磅重，比平時我地自己在外面買的大。我地慢慢的把豬手切開享用。餐廳特別的預備了3款醬汁去配豬手食。有餐廳自製燒汁，意大利黑醋及意大利的芥末。我先試原味，肉質嫩滑，皮簿香脆，不覺油膩，完全不覺有脂肪。酸椰菜都是餐廳自家釀製的。最後餐飲是香滑濃郁的熱奶茶及來自南非檸檬的熱檸茶。餐廳每款菜單或配菜都會用心去調配，令食客有回味無窮的感覺。

從未食过如此難食的西冷牛扒坐了30分钟，期待已久的牛扒终于出場，但好可惜，牛扒係吾熱嘅，放只手指都冇温暖的感觉，盛惠$178元的牛扒，真的不会再幫襯……由食物質素到服务水平，真的是十個差差差就算是简单的蟹肉忌廉的長通粉，也交不出基本的水準，通粉过份淋再加水汪汪的忌廉，真的太差了

午餐時段，同朋友黎左星廚聚會，呢到既西餐又平又抵食。有SET,包主菜,飲品,甜品,湯~香草茄汁魚柳長通粉$42吉列魚柳好香口，茄汁蓉既味道好出，長通粉軟硬岩岩好,份量好足夠~大蝦黑松露醬意大利粉$48份量好多，用油炒香十分惹味，加左大蝦同黑松露醬，味道好好。有羅宋湯，熱飲同雪糕。牛油果青瓜沙律$65青瓜同牛油果份量好多，夠晒健康呢。仲有蕃茄仔，加左少少油味道更好。堆單都係每人唔洗100蚊,好抵食,值得回頭~

今日收早落左太子買日用品兼睇中醫，行經荔枝角道竟然比我發現呢間抵食既餐廳。呢間餐廳係係太子雷生春斜對面，離地鐵站都係幾分鐘路程，相當方便。餐廳地方唔大，裝修簡單，不過座位舒服又唔逼夾。Menu呢度係食西式野，選擇都算多，午餐下午茶都有，仲只係$20起，仲平過茶餐廳呀芝士牛排$178我辛苦左成朝想食豪d同好d就嗌左個主菜黎食，主菜係會包個餐湯，餐包同杯熱飲。今日既餐湯係西芹湯，西芹味超濃，好彩我唔抗拒姐。至於個芝士牛排賣相都好唔錯，份量好大，仲好有誠意tim，唔係求奇擺番卡夫芝士片，而係即整熱溶芝士係面，保證你食得「芝」味無窮。而個牛本身就好重牛味，食落外脆內嫩

一起身就陪相公去太子買東西，搵咗個幾鐘，行到又累又肚餓，我本身已經係隔離係咁嗌食飯，佢話橫店要等位，不如搵多陣先～ 點知行到呢間星廚，唔洗排隊，扭計成功 - 食飯先我叫了白汁焗牛油果大蝦炒飯 $68 ，有南瓜餐湯同餐飲送。焗飯一送上便聞到濃濃的芝士味，焗得幾靚！牛油果排滿圍邊，算多！蝦不是小小的，開心！白汁配牛油果，口感豐富，比傳統的白汁少了一份不健康的油膩感。份量絕對足夠兩個成年男人食！炒飯底做得唔錯，夠乾身，蛋好香！他叫了韓式粉絲牛仔骨飯 $45 加$2 仲有凍飲。呢個價錢有牛仔骨食，去邊度搵呀～

旺角太子一帶最多唔同餐廳，今日趁住唔使OT，同三個朋友去覓食先😆喺太子行咗一陣，見到星廚食物價錢合理，決定入去試試!原本以為呢間野係食港式西餐，點知佢有唔少菜式都好特別！例如呢個風情萬種意粉！店員詳細咁解釋比我地聽原來佢係由咸魚，蕃茄醬同OLIVE製成，喺意大利係好出名但香港好少人整。咁特別一定要試試啦！未食已經聞到咸魚香，食落唔會好咸，意粉爽口，味道特別，個人黎講都幾中意！另外我地嗌左新推出嘅雜扒餐，雖然佢話係2-3人份，但好肯定2個人係唔會食得唒！跟餐嘅南瓜湯非常濃郁好味！GARLIC BREAD外脆內軟好香口😍主菜份量好大，雞嘅肉質嫩滑，而個羊架配埋個薄荷醬十分出色！總括黎講，今餐認真有驚喜，下次會再黎😋

今日好耐無見啲朋友，所以雖然好攰但係都係去左同佢地食飯^_^ 佢地揀左去太子呢間樂廚，我地一行4人，最尾嗌左邪惡雜扒餐同埋風情萬種意粉。 我地揀左呢個意粉係因為俾佢個名吸引左哈哈，然後店員介紹呢個係新菜式，係第二間餐廳食唔到，會有咸魚味，所以我地決定一試。 邪惡雜扒餐有豬扒,德國腸,羊架,牛柳,春雞,洋蔥圈同薯條，當佢捧黎之後先發覺原來真係幾大份，我地4個人最尾都食唔曬。 豬扒比較鞋同韌，我地食左一塊都無再食。牛柳都幾好食，好juicy。其他都無咩特別。不過真係食左太多肉，要茹素一排先得。

一行四人收工來到太子，一早訂位入去，本身想食烤焗鹹豬手和油封鴨髀，但店員強烈推薦新推出的邪惡雜扒餐，見份量十足價錢又抵，就半推半就點左一客。是日餐湯係南瓜蓉湯，近排我都喜歡南瓜蓉，南瓜味濃，而且有口感，都幾開胃！雖然飲完湯先送上餐包，不過唔緊要，因為餐包分開食都好正，遠處已經有香味十足嘅蒜蓉味！熱辣辣嘅包又唔會太乾太硬，好想encore！主菜嚟啦！基本上四人先食得晒，醬汁分別有沙律醬、薄荷醬、茄汁、芥末和燒春雞嘅燒汁。伴碟有薯條、炸洋蔥圈和粟米。炸洋蔥圈非常好食，炸漿薄薄一層，洋蔥又熱辣辣！最好食係厚切牛油牛柳，五成熟內裡肉汁爆曬出嚟，極香！燒羊架亦是同樣出色，配薄荷醬一流，燒得剛剛好，有肉汁得來外面又香脆。今餐實在太多肉啦，不過都唔後悔，因為好好食！下次再來挑戰豬手和鴨髀。

早前見到其他foodie話呢間既邪惡雜扒餐CP值好高😱於是就拉埋班fd去食啦 果然係好抵食!😆不過一個雜扒餐又點會滿足到我地啊😌所以我今次想推介既係另一款主食🍴就係芝士牛扒啦🐂呢款牛扒起有成2cm厚 medium咬落好juicy!不過最重要都係面頭啲芝士店員會預熱一嚿芝士牛扒上枱前 店員會將啲用咗嘅芝士撥落牛扒上面切既時候拉曬絲! 食果陣 芝士既鹹香另牛扒既香味更上一層樓! 再點埋忌廉汁嚟食 perfect池啊!跟餐包餐湯餐飲 飯或意粉值得一提既係個意粉唔係白烚係用咗橄欖油同蒜蓉炒過 十分有心機 讚!

點餐時受到女服務員"黑面+"妙咀"". 超"好服務" 啊!朋友只是問了一句跟餐, 點了餐湯,是否還有一杯餐飲. 食物劣質. 點了三個餐, 其中咖哩豬扒飯, 飯爛的, 豬扒沒有全熟. 黑松露大蝦意粉, 蝦腳都沒有切掉, 意粉沒有味道.食物大部份都是已經煮好. 上檯時已經冷掉, 汁都結成塊.不知道它的好評從哪裡來. 實在非常好奇...

偶然，都會到太子附近吃東西。而這次去的，則是位於荔枝角道的這間「星廚」。 吃的是午餐，「精選午餐」奉送餐湯、熱飲和雪糕。價錢由 $40-48不等，點來「大蝦黑松露醬意大利粉」（$48），雖然餐湯的忌廉湯稀泠泠的，味道平淡，意粉可還是及格的，口感過得去，不過那些大蝦好像沒有醃過一般，就不及格了，幸好「芝麻雪糕」味道不錯，為這午餐帶來最後的滿足。 另一款午餐是較特別的選擇，是廚師精選中的「油封鴨髀」（$98/2隻，轉餐 + $15）。稱得上是精選，本來，我對這「油封鴨髀」是滿有期待的，但這鴨髀實在太鹹，讓人吃得不是味兒。幸好我點的是餐，有白飯吃，全靠那白飯，可中和鴨的鹹味，讓我可以以之下飯。 全因自己愛吃牛舌而叫的「一口牛舌」可還是好的，四隻匙羹，分別載著四粒丁方大小的牛舌，浸泡在醬汁之中的牛舌，口感軟腍，味道也不錯，比兩款主菜還要好吃呢！不過總的來說，這頓午餐就勉強只能說是強差人意了。