星十五

Open Now

Now Closed

碗楊枝甘露勁稀，差唔多好似糖水一樣，份量細，芒果得幾粒，食幾啖就食完，賣58蚊真係比較貴，另外芝麻糊上枱時個面有層膜，一睇就知係預熱定，總括黎緊唔抵食！有待改善！！

今次來到尖沙咀厚福街嘅星十五，試咗幾款甜品，以下係我嘅感受：1️⃣ **美祿恐龍蛋綿綿冰** 🍧 - 味道OK，正常嘅美祿味，但係加士多啤梨其實唔係好夾，整體感覺有啲失落。2️⃣ **芝麻糊新會陳皮紅豆沙（另加芝麻湯圓）** 🍵 - 湯圓好食，芝麻餡濃郁真係唔錯。但芝麻紅豆沙飲落去浸陳皮水味好重，令我地覺得有啲怪怪地，可能係我唔太習慣。星十五嘅甜品有好有壞，部分味道唔算特別，尤其是芝麻紅豆沙的味道讓我有啲猶豫。如果你鍾意試新嘅甜品，可以考慮，但可能要留意配搭。

中式糖水普通，偏貴。我哋一行五人，點咗五碗糖水，埋單二百幾蚊。由入座到到俾佢迫埋單前後40分鐘。入座後落咗單，糖水10分鐘左右到，過多20分鐘已經係咁問人哋食完未。係我哋衰，賣完單之後睇食評先知繁忙時間原來得45分鐘用餐時間，但係我唔知繁忙時間點定，10點入座都叫繁忙時間，吹脹。但係入座前又冇講清楚，亦冇為意餐牌上有講明。但我哋食糖水就係諗住吹吓水，唔通好似快餐咁爬兩啖就走咩，咁食糖水有咩意義。唔怪得知個個北上啦，態度好似冇乜嘢，但係表情好明顯就係嫌你西客食得慢，一定冇下次。898。

飯後甜品是一貫的慣性動作，疫情過去終於又可以重拾這種情懷！尖沙咀找到一家超高水準的糖水鋪！價錢不算便宜，但真材實料，物有所值，難得出外吃一次，不可以辜負了甜品胃😝❤特製蓮子合桃露王 $62😳質數果然配得上稱王👑合桃磨成，口感厚重有質感，味道濃郁而香純，配上一口紅茶，中和又配搭。❤紅棗杞子雪燕牛奶燉桃膠 $45真材實料不用說，這甜品味道是溫柔的，牛奶把所有材料連結，每一口都是滑溜溜的雪燕，加上大大顆的桃膠，各種滋補養顏的材料，內涵和味道都是老少咸宜。❤️黃金萬兩芒果綿綿冰 $88從大大件的芒果肉🥭到芒果爆珠🔮芒果雪糕，還有刨冰都是芒果做出來的～溶在口裡，芒果汁爆出🤤愛芒果的人不可能不喜歡💓加上椰果和蘆薈增加不同的口感，超讚！🌟誠意推介🌟

尖沙咀必食傳統x新派港式糖水舖！又要再次推介呢間＃星十五佢嘅糖水甜而不漏😋今次試 #日本流心蛋腐竹薏米白果糖水係我最鍾意嘅煲到腐竹溶晒嘅腐竹糖水我同埋我覺得腐竹糖水，一定要有薏米同白果呢個配搭先出色，薏米去濕，啱曬貪靚女仔最鍾意同店員傾計嘅我店員話夜晚忙好難整~因為流心蛋真係要時間整！呢度仲好貼心有杯茶比你食完飲！茶香一流，見有客人買茶葉走𠻹～推介星十五！ 下次要試齊佢兩款紅豆沙🫘，佢有貴價版，用遠年陳皮煲，或者抵食平價版

之前成日都覺得尖沙咀好似冇得食糖水，但原來呢度收埋咗一間可以打卡嘅糖水舖，咁啱喺附近食完飯終於可以過嚟試吓。嚟到個環境都幾新潮，播住啲jazz嘅音樂其實都幾舒服。聽講呢度最出名嘅由招牌蓮子合桃露，佢呢個合桃露嘅甜度啱啱好，唔會好似其他傳統糖水舖咁太甜。仲有粒粒嘅蓮子肉，加埋幼滑嘅合桃露，唔會好似其他沖水咁樣食到一嚿嚿。夏日炎炎，叫咗個綿綿冰嚟食吓。我哋揀咗個芒果嘅，除咗芒果肉之外，仲有椰果，蘆薈，西米同爆爆珠，口感好豐富㗎。而佢嘅綿綿冰都係用芒果打出嚟，所以真係完完全全都係芒果冰，呢個份量真係要兩個人先食得完。最後仲叫咗個紅棗杞子雪燕牛奶燉桃膠，見到個名咁長就知足料啦。一撈起嚟有好多嘅雪燕，一絲絲，真係童叟無欺。最重要係個牛奶唔會太甜，配埋啲紅棗杞子咁樣清清地，真係好滋陰養顏㗎。最後我最欣賞嘅係佢每一個甜品都會配一杯紅茶，俾你清一清個喉嚨，解一解膩，係一個幾細心嘅準備。

同朋友仔喺尖沙咀食完晚餐後，梗係要招呼吓第二個胃，我就同友人建議睇吓附近有乜嘢甜品好食，友人即時就話附近有一間叫做星十五嘅甜品佢食過腐竹蛋糖水非常出色°坐低友人就叫咗流心蛋腐竹白果薏米糖水，見到小食有酒香糖心蛋就叫咗呢個先，聞到隔籬嗰芝麻糊好香，望望餐牌有合桃露拼芝麻糊就叫咗呢一個。嚟到芝麻合桃糊身為香合桃糊唔夠香芝麻糊又香又滑，另外每個甜品都會送一杯茶俾你食完甜品飲甚為貼心°嚟到個酒香蛋略嫌細隻，但入口充滿酒香甚為出色°下次再嚟就可以試吓佢出色嘅陳皮紅豆沙

這間糖水店都開了好一段時間, 主打中式糖水, 而且推出四宮格, 六宮格跟九宮格糖水加小食系列, 看上去既精緻又吸引, 所以一直都想來試試看 😚 裝修設計走古舊簡約風, 驟眼看會以為店鋪開了一段長時間 🤭 芝麻糊 + 新會陳皮紅荳沙 (標準) $38紅荳沙是這間店鋪其中一個招牌糖水, 一碗紅荳沙價值$88, 的確有點昂貴 😅 主要大概是嚐它的陳皮。由於我並不是很喜歡紅荳沙, 但又想嚐一下貴價紅荳沙的味道, 所以就點了這一碗 😬 明顯芝麻糊跟紅荳沙比例是七三, 甚至八二 🙃 所以我立刻舀了淨紅荳沙吃, 果然陳皮味道很突出! 芝麻糊不太甜, 濃稠還好, 不過芝麻不夠香口。黃金萬兩 $88其實即芒果冰, 放了很多芒果肉, 中間有芒果雪糕, 本身menu寫有爆炸珠, 但最後只加了些芒果粒粒糖, 但這款糖不好吃的, 完全破壞整個甜品 😅 這款冰並非軟綿綿那一款, 好像雪櫃雪的冰 😂 不過朋友吃得非常開心, 他說味道不錯。整體味道不錯, 而我最喜歡反而是配送的那杯茶, 吃完點品後喝一啖茶, 感覺很舒服, 好像滋潤喉嚨一樣 😊 而且這杯茶都帶點甜味, 容易入口 🤗

星期五晚想吃糖水，附近幾間都勁多一排，就簡左一間比較少人排的，都等左半個鐘。好一般，吃一個冰要68-88蚊，其實好貴下，叫左一個美綠味，一個芒果。美綠要66蚊，但個外型又唔靚，重點好細碗，而個芒果要88蚊，係芒果冰上面有一球coco berry!!! Coco berry 係一個勁難食既雪糕，我比88蚊，比呢啲質素，我會簡反八時好過。呢個價錢我會期待係大碗/外型靚。佢本身寫繁忙時間得45分鐘用餐，講真吃糖水就係想吹下水，上得又吾係快，又要吃得急，仲要未食完巳經收走，因為見我哋停左手吹水。冇下次

一行5日去了這間店吃甜品，吃完後想問職員取杯水喝。棕髮女人問我們要多少杯，我們說要5杯。之後她拿了5杯過來，然後只給我們3杯茶。她說一個甜品只附一杯茶（就是圖中中間那杯少少的茶），而因為當中有2個甜品送來是已有茶，所以即使她已拿了5杯過來，還是只另給3杯…真的笑死人，不知道的話還以為茶是要付錢才有，反正已拿了過來，多給一杯也不可以…說回甜品，我叫的是綠熱豆沙。但最搞笑的是碗是熱的，靠碗邊的綠豆沙是凍的，中間的是暖的，估計應該是用微波爐叮熱但不夠耐，一碗$38的綠豆沙就是這樣…最後我是撈勻黎食，温度是微微暖…這個價錢，這個質素，這個服務態度，我不會再去吃！

其實之前都經過好多次，最近因爲天氣太熱、無咩胃口、所以去食下甜品。見一人四格格$64都算ok有兩款點心加一個甜品。但實際都有少少誤導同fake人、因爲圖片真係好精緻、有燒賣、春捲等等點心、但最後可選擇既點心真係睇彩數、最後得四款都唔算點心既點心可選（有酒香鷄翅、咖喱魚蛋、擂沙湯圓、酒香蛋），睇其他人既相有D人遇到春捲、蝦球…可能我真係唔好彩啦。另外糖水好多款都要另外加錢、記憶中得紅豆沙同番薯糖水唔使。其他都要加差價，其實無咩邊款係可以$64落樓。“點心”味道一般、但糖水ok的，可能我叫西瓜涼粉無乜功夫可言，所以唔會差，但全個menu同setting都有誤導成分，食得唔開心。未必會再去。

同朋友去咗星十五食甜品朋友遲咗少少嚟諗住等埋佢先落單下午其實唔多人但個店員不斷比面色我哋睇拎甜品比我哋都好唔耐煩咁😒使唔使咁嘅服務態度？？！同朋友叫咗個冰份量算少 但味道係ok特別在於佢有燕窩喺隔離店內裝修都舒服～不過態度咁樣 下次不了🥲

放工已經很晚，超過8:00pm幾，諗住過去金巴倫道果邊，去找一間麵店買外賣(因為我喜歡到處去揾野食)，途中見到呢間糖水舖，門口玻璃上寫住"星級合桃露"，我直覺上認為有好野，就入去買一碗外賣試吓，不以為意，店員話盛惠64.00，當堂打咗個突，嘩，咁貴嘅，但算啦，都照買了，好快就取到外賣，是用一個好美觀嘅保温環保袋袋住。回到家，吃了正餐，就好期待地打開保温袋，拿出來，打開碗蓋，見到有一層油在上面(我想是堅果油？) 一口飲落去，發覺合桃露不太像我一般飲開嘅合桃露味，但係我會比較接受我喺佐敦飲開果間網紅甜品店嘅合桃露，係好好味。都係廿幾蚊一碗，以今次我飲左幾口就放棄了 (當我唔識欣賞啦)我見到佢嘅餐單上面，有一個遠年陳皮紅豆沙係88蚊，不過我諗我都唔夠膽再去嘗試，我上返去哩個網站，睇番有好多都係正評，於是我就會懷疑，可能係我自己唔識得欣賞啦……

大家好！今日小編將帶領大家走進尖沙咀的一間不可不試的中式甜品店 - 星十五😍。漫步在炎炎的午後，吃一碗清涼可口的糖水，簡直就是為熱鬧的生活添上一份平靜的甜蜜🥰🍬。首先，踏進店門，你會發現這店子的環境潔淨又清新，放眼望去，四周的裝修簡約舒適，猶如你已返回到家的感覺。整個環境就像讓您喺繁華熱鬧的城市中找到一個放鬆的樂園一樣。👍🌳✅木瓜雪耳：味道偏甜，木瓜爽口鮮味，配合著雪耳的爽滑，除了聞到淡淡的木瓜香，更能品味到雪耳與糖水的完美結合。入口滑嫩，口感絕佳，清香餘味悠長，真係冇得輸！😋🥭✅腐竹薏米白果：薏米的口感跟腐竹恰到好處的搭配，白果的香脆為其助興，味道清香，暖胃又滋潤，甜度適中，整體口感非常清新。👌🍨✅春卷（墨魚滑）: 薄香酥的外皮炸得酥脆，包裹著墨魚滑，一口咬下，墨魚滑的口感緊實Q彈，絕對是頂級的享受！😎🦑✅酒香雞翼：嚐一口，你就能感受到滲透雞肉的酒香，輕煮的雞肉鮮嫩有彈性，香酒醇厚，加上秘製的調料，營造了豐富的口感。😋🍖這次到訪星十五，無疑增添了我對傳統中式糖水的新認知和體驗！讓人心情平靜，享受善待自己的時刻。所以，如果你像我一樣喜歡甜食，這裡絕對是你的不二之選，必須打卡！我們下次見

好耐之前已經想去試嘅甜品店「星十五」位於尖沙咀加連威老道中，很易找到，中午時間去客人不多，店員只有一位同時亦兼顧廚房和樓面，兩邊走看似挺忙碌。客人以QR code 自助下單，可以慢慢揀自己鍾意的甜品。我心儀「十年陳皮紅豆沙」$80 真心唔捨得食，所以退而求其次，揀了陳皮紅豆沙套餐 ，套餐是一碗糖水加一份咸點。不久店員為我奉上整個餐，我很喜歡這個套中式的器皿，很有儀式感。打開蓋子，熱騰騰的紅豆沙呈現眼前，陳皮香氣撲鼻。紅豆沙煮得相當夠火候，半沙半豆，紅豆十分軟稔，甜度和份量也剛剛好，現今都很少吃到真是用心去做的中式糖水舖，這間的紅豆沙確是高水準。咸點是花雕蛋，蛋白滲着花雕香，蛋白也Q彈可口，一口甜一口咸感覺很不錯。