利寶閣 (Closed)

對於任食點心，非常吸引我再次來到利寶閣，今次選擇了奧運店，水準與上環的不相上下點心水準仍然不錯，反而甜品比點心稍為味道不夠，但仍可一試，下列每次必食點心。每位仍然贈送花膠灌湯餃 及 飽魚酥，2樣味道非常好的，沒張貨就價，值得一讚最愛的雪山叉燒包，鬆軟又好味炸蝦餃，入口先品嚐到外皮脆身，唔常見要食多2粒叉燒酥同樣出色，香口鬆化牛肚亦係我最愛之一，味道中上今次XO腸粉味道較淡，但都極速食晒下次搵機會試下任食晚餐小菜

今次同朋友去呢度，竟然係有中菜放題，一個價錢可以任食五十幾款既小菜、燒味、湯同甜品，對於鐘意食中式食物既我真係超喜愛一坐底就即時選食咩野食，真係樣樣個樣都非常吸引同真係任嗌架仲有d係出面拎既即刻拎個片皮鴨先, 哇好大的一片, 好香同好滑包住食真係一流係出面任拎的, 想要幾多就食幾多金錢肚平時飲茶既時候一籠得5-6塊, 但呢度就唔同了, 任拎之餘係超淋滑超入味的干炒牛河炒牛河係我飲茶必食既小炒之一, 因為唔易整得好同埋好味架呢度既平炒牛河真係幾正, 不過免得太快飽所以都係叫一碟就好了

第一次聽原來中式都有放題題材非常之特別 仲好岩一家大細去好彩有事先book定位, 去到等緊入座既時候已經聽到店員同walkin既客講已經full booking了所以大家一定要book定位先好去食等左大約15分鐘先有位, 入面人頭湧湧呢度有分點單同自助吧可以自己出去拎住d小食 食住等佢每位都會送一個湯同麵極上佛跳牆+波士頓龍蝦天使麵佛跳牆係位上的 超足料, 勁多飲幾碗哈哈天使麵就係一碟上的芝士同蝦都超多!!再點左有炸乳鴿, 海鮮等等超抵食連水煮魚等等既都可以任嗌, 確係落足本, 大家記得空住個肚黎就岩哂

我超愛利寶閣，因為它的點心任點任吃，比自助餐還要便宜，而且種類繁多，迷上這裡的點心很難抽身呢。利寶閣真的很受歡迎，中午時份全場滿座，不過這裡環境寬敞，不會坐得擠擠擁擁的。荔蓉蜂巢帶子剛剛炸起，熱呼呼的，趁熱吃更為滋味。荔蓉蜂巢帶子外層一絲絲，十分鬆化，當我一咬它，綿綿的芋蓉繃出來，還有柔嫩的帶子，其可口我仍記憶猶新。原隻鮑魚酥一吃就愛上，豐腴的鮑魚肉質嫩彈郁香，微酥微脆的撻底裡面盛載香滑的忌廉火腿，搭配原隻鮑魚享用，味道層次多變，有種令人意猶未盡之感。花膠灌湯餃真材實料，灌湯餃幾乎佔據湯碗中，比湯羹還要大，吃時要小心翼翼。灌湯餃餡料盡是豬肉，蟹柳和蝦肉，豬肉味濃重，蝦仁鮮嫩，甚有飽足感。花膠給得豪邁，厚厚的一大塊，極重膠質，且湯頭甜潤，滋補無比。蒜香雞中翼雞皮炸得金黃香脆不油膩，雞肉鮮嫩多汁，嚼起來外脆內嫩，而脆脆的炸蒜粒撤在雞中翼提香，味道令人驚喜。咖哩蒸土魷充份吸收咖哩汁，光看口水都流下來，厚切的土魷處理得宜，嚼勁十足，惹味的咖哩蒸土魷愈咀嚼愈香，回味無窮。我忽然想吃粥，故點了一碗沙田雞粥吃，雞粥煮到綿密，完全沒有米粒的口感，雞肉幼滑鮮甜香濃，就連平常不太吃粥的友人也喜歡這沙田雞粥

任食點心對於我同男朋友實在太划算！！😂😂平時去飲茶叫滿成枱點心 搞到人哋無法搭枱嘅大概都只有我地兩個見尋日放假 即刻黎左食點心放題☺中式放題黎講佢地一啲都唔hea食物選擇意料之外咁多！質素亦非常高重點係食幾多就叫幾多件 可以食多好多唔同嘅點心唔洗再怕叫多幾款食唔曬 要喺點心紙上面取捨😢入座每位都會送一客#原隻鮑魚酥 同埋 #花膠灌湯餃好食到我想自己行返出去重新入座食多份😂😂😂荔茸蜂巢帶子係我心頭好😌！出面酒樓已經好難搵到我試過酥皮焗叉燒包同馬拉糕味道都好正仲有脆皮蝦餃好特別！炸過嘅外皮包住滿滿嘅蝦咖喱蒸土魷嘅魷魚好大塊好入味！睇到就流口水🤤另外鮑汁鳳爪同豬腳薑都係我地翻點之選♥鐘意食甜嘅朋友都可以即管試埋佢地嘅甜品甜品選擇都有十樣咁多 我隨意點咗幾款都係好食嘅好似十勝紅豆雪糕脆麻花👍🏻👍🏻必食紅豆加上綠茶雪糕呢對一直都係最佳拍檔有美味嘅甜品作結 呢餐食得好滿足☺

齊起下午茶自助餐，通常都會想到西式的美食及甜品，又或者是港女式的經典打卡位或低頭喝茶37分面的姿勢，這次的酒樓卻是實而不華，適合一家人溫馨聚餐。餐牌上所有食物任叫任食，而且有註明份量單位，避免叫得太多浪費食物也苦了自己，非常細心❤1.白布拉腸粉煎腸粉就有食過，但石鍋上就真係第一次，保持住溫度，十分香口軟滑，份量有點多，一同分享最好2.灌湯餃每位奉送，皮薄餡多，外皮好滑，上湯好清，絕對沒有因為送的而偷工減料瘦肉、冬菇、雲腿，好香3.鮑魚酥請細心品嘗，因為無得散叫鮑魚幾爽口入味，唔會乾爭爭，個底幾似西式tart,有香濃嘅牛油同煙肉味紅豆係紅豆沙咁，好幼滑，推介雪糕因為係有椰子肉，好香楊枝甘露每份係一小碗，柚子肉頗多，入面嘅粒粒唔係西米，有d爽口彈牙咁，配搭幾新鮮，唔太甜，好味！脆皮蝦餃，第一次試，出奇地好食，唔會有不倫不類嘅感覺。喜歡食素嘅朋友都有唔少選擇，菜同其他小食都有。選擇多，份量適中，材料好，飲茶唔洗再就黎就去或者只聽長輩意思，真係適合一家大小。

估唔到連飲茶都可以放題咁樣食法，覺得好新穎好得意，所以就黎試吓，我係晚市食嘅，入到去人唔多，坐低左之後侍應就會問你飲咩茶，亦會比幾張點菜紙俾你，平日每位都係230元正，就已經有一個佛跳牆湯同埋一個虎蝦天使麵，另外如果你升級每位加$40就可以改為龍蝦天使麵，其實都好抵，所以我哋就升級左為龍蝦天使麵，然之後就慢慢揀嘢食，幫我地揀緊嘢食嘅時候，個佛跳牆湯就到咗，係一人一宗咁嘅樣，熱辣辣，亦都好好味，裏面嘅料唔算多，但係都會有花膠同埋鮑魚亦會有瑤柱，個湯亦都煲到好夠火喉，點菜只上邊嘅菜式都好多選擇，基本上你去飲茶食到嘅嘢佢哋都一定會比你叫，份量仲有得俾你選擇要幾多隻，幾多件，或者幾多位享用，我覺得咁樣好好，唔會嘥嘢，亦都可以俾你試多幾款菜式，除咗畫紙叫菜之外，出邊亦都有啲自助式嘅菜式可以俾你出去拎，例如片皮鴨，鮑汁鳳爪，其實都好多元化，總有一款啱你胃口，片皮鴨雖然唔係熱辣辣，但係都尚算不錯，鮑汁鳳爪就煲到好林身，好多膠原，個龍蝦天使麵終於嚟啦，龍蝦都算大隻，二人嘅話佢會係一隻龍蝦斬開一人一半，調味得幾好，肉質好彈牙，好好味，另外佢哋仲會有水煮魚，酸菜魚呢啲另類嘅川菜餸菜，只要你選擇左幾多人嘅話

吾好食自助餐只會搞壞自己招牌今晚本來11人食飯，最後得9個人，叫套餐半席都比較貴又無乜野食，見到有自助餐，雖然好似大部分都系點心，都試下啦。本來已經得4,5個waiter，已經吾多夠，一到差不多7點客人多，就覺得waiter絕對吾夠，又要照顧自助餐客人，又要照顧其他小菜客，最慘系自助餐你叫一客waiter都要拿到臺面，所以又漏單，又錯單，主打限食的幾種菜都全軍覆沒-片皮鴨皮勒肉又無味。-堂煎美國牛柳以為起碼一粒粒，原來系肉片，又無牛味。-”極上”佛跳牆吾知道D佛係咪跳走曬，得一只”極小”鮑魚同”遙柱”，其他好似只有湯-大虎蝦天使麵，蝦梅梅地，麵林bat bat唯一可以取係叉燒同燒肉系有番標準，其他都只會搞壞招牌。

位於奧海城二期尾段的利寶閣，平日人流一般，我但食物質素，以及價錢，可謂平民優惠之選。平日餐單下午有放題，晚上嘅都有放題，也有各款小菜。今日就嘗試吃那一個孖寶特餐，沒想到，賣相以及味道還不錯。今天簡單叫了三道菜，分別是清蒸龍蝦🦞、片皮鴨、清蒸沙巴龍躉仔。正常思維，這三道菜以三位計算，每位埋單，最少600元起。但今天埋單連茶位，未到$400一位，實在優惠。說到賣相，可以看到，相對於比較高品位的餐廳，賣相算是比較接近。至於味道方面，與高品位餐廳，當然有一定距離，但是，以片皮鴨來說，這個等位，已經是高級餐廳自助餐的片皮鴨水平。龍躉亦都傳新鮮，肉質較可口。龍蝦方面，配料煮法味道都可以。只是肉質口感還有提升空間。但以這個價錢，已經是相當相宜，絕對是平民優質之選。

日式放題／西式自助餐吃得多，這晚跟家人來吃中式點心放題！晚市的粵菜放題限時2小時任點任食，而同時段亦正推廣大閘蟹放題＠＠價錢也大罛化。放題的食品選擇紙上可供任點的食品也挺多的，煎炒煮炸炆烤焗，有五十多款。點餐紙上的食品全即叫即做，下單後等了十數分鐘便送上食物，上菜速度頗快的。晚市的粵菜放題先為每位送上一盅極尚佛跳牆，湯頭鮮味，帶膠質可見足熬製；另外的上湯大虎蝦天使麵則按人頭分配份量，滿滿的一大碟，蝦一大隻，肉質不霉，天使麵很掛汁，味道很不錯。主打的片皮鴨設於自助區內，食客需排隊領取，要一讚的是片皮鴨的質素很不錯，每次兩隻兩隻地從廚房端出，不是攤置了好一會的燒鴨，鴨皮亦烤得脆脆的，片皮鴨的餅皮以蒸籠熱著，熱辣辣的吃很滿足。至於其他的小菜水準亦不俗，如薑蔥炒蟹、燒乳鴿、玻璃咕嚕肉、酸菜魚；凉菜—蒜拍小黃瓜、肉鬆山水豆腐、陳醋雲耳、廚房小食—胡椒鹹菜豬肚、雞蛋豬腳薑、鮑汁雞腳。本身對放題內提供的甜品期望不大，今次有所改觀；凍點的楊枝甘露、芒果布甸、熱食的紅棗糕亦同樣出色。整體來說，食物水準很不錯，且侍應們都十分友善，服務態度加分！

聖誕節到， 假期節日氣氛暢旺， 人就自然開胃想食得多啲， 同屋企人飲茶當然會叫得多啲嘢食。 但係叫得多嘢食就自然會貴咗，如果想一個lump sum畀曬, 當然會化算好多。 利寶閣就正正推出咗點心自助餐， 畀我同屋企人呢啲大食即可以開懷大食。 喺奧海城嘅利寶閣， 裝修輝煌， 比起同層其他酒樓都要坐得舒適。 而且其實內有乾坤，入面嗰間房可以望到海景， 望住海景，食住點心放題都唔係話唔梳乎。 呢個點心放題， 有五十幾款南北小菜又有廚房小食燒味前菜粉麵點心仲有甜品㖭， 要回本有幾難？先講下回本點心， 即叫即蒸當然不在話下 ，晶瑩鮮蝦餃， 蝦餃飽滿蝦肉大大隻 ， 百花燒賣皇， 唔會淨係得肥豬肉而且入面係飽滿實嘅蝦同豬肉， 平時正食呢兩度點心都已經要特點。 然後我哋仲叫咗蒸排骨， 排骨冇雪藏味，而且粒粒都係大大粒，抵讚。 蜜汁叉燒包叉燒包調味剛剛好， 而且叉燒有肥有瘦， 剛剛蒸出來是軟熟好味。另外不得不提的是，呢個餐每人包咗一份原隻鮑魚酥及有花膠嘅灌湯餃， 原隻鮑魚酥， 鮑魚口勁煙韌， 一口一隻個個食多經滿足。 至於花膠灌湯餃， 花膠滋補養顏， 灌湯餃材料十足連埋啲湯飲就最好。 另外

日式放題就食得多，中式點心放題又食過未？今日趁着假日，一家大細奧海城飲茶，見到呢間茶樓「利寶閣」裝修幾豪華，又做緊午市放題，一於試吓。每位奉送原隻鮑魚酥、花膠灌湯餃各一件，誠意十足。鮑魚仲要好大隻！兩小時精緻點心任點任食，真係飽到捧住個肚走！😄鹹菜豬肚胡椒味十足，酸菜夠味！😄蘿蔔金錢肚😄晶瑩鮮蝦餃蝦餃夠晒大粒，皮薄餡靚😄百花燒賣皇😄懷舊珍珠雞用料夠晒豐富，糯米很香口！😄燒汁木魚釀茄子😄酥皮焗叉燒包外皮夠晒香脆可口😄脆皮蝦餃😄金鈎鹹水角😄沙律蝦春卷😄羅漢上素腐皮卷😄蒜香雞中翼雞翼烤得香脆可口，蒜蓉同雞翼的很配搭😄XO醬煎腸粉，好惹味！配搭甜醬同麻醬，係最經典嘅口味😄懷舊馬拉糕，夠晒鬆軟可口兩小時任食，最啱一家大細飲茶慢慢傾，享受天倫之樂！

因為媽媽生日，特意找一家中菜館，上網見到原來中菜館酒樓都有放題食，而且餐牌項目又不錯，就決定來吃一頓生日飯。每位價錢已包一碗佛跳牆和上湯虎蝦天使麵。之後所有小菜都可以任點（當然不要浪費食物）。佛跳牆很足料！湯是很清甜，而每碗都要有一粒鮑魚，很暖胃很好喝！小菜有幾項是特別喜歡的，而且很推薦必試，包括是片皮鴨、乳鴨、酸菜魚、炒蟹、話梅車厘茄和芒果布丁！片皮鴨是自行出去夾的，片烤得好脆，脂肪分佈平均，超好吃，估不到放題片皮鴨都做得這麼認真，好欣賞！酸菜魚魚肉很滑，濃濃魚湯，不錯。而炒蟹肉不多，但醬汁夠惹味～最後甜品推薦芒果布丁，好濃而且又香滑，奶味重，加楊枝甘露一齊吃最夠味。大滿足，超滿意，職員態度又好又友善～

踏入聖誕月🌲🛍🧸去商場shopping 消費，特別有氣氛❄️❄️❄️，為左去玩具反斗城，揀左去奧海城，行左一個下午，黃昏未夠六點，已見食肆排了人龍，其中一間係食中菜嘅《利寶閣》🥢。好奇八下，原來呢度推出左一個即叫即做高級粵菜晚市放題。商場餐館燈光明亮，一心試吓這個晩市放題，服務員一邊擺位奉茶，一邊給我們解構點餐攻略🤩🤩🤩放題食客每位配佛跳牆燉湯、虎蝦天使麵一份，另外點餐嘅份量係以件數為單位。推介必試燒腩仔🐷、蜜汁义燒同乳鸭🦆燒腩仔🐷五層肉肥瘦合度、入口油花滋潤、肉質咸香鬆化，外層表皮無敵爆脆，四個人叫左六人份量，即時追加⭐️⭐️⭐️⭐️⭐️蜜汁叉燒🐷睇到都流晒口水，焦香燶邊蜜汁豐盈，綿綿肉質輭糯腍滑，原來係用西班牙黑毛豬炮製，食落確係零舍唔同💯四個人點左8份乳鴨，兩隻乳鴨原隻開邊，拎起上手大啖扯開，肉汁沿著鴨肉🦆爆出，肉質嫩滑無比，最正係任食無上限，鍾意食幾多就點幾多，特別盡情👍👍👍升級左龍蝦仔🦞天使麵，上湯配搭滑滑芝士，中西合璧，名貴又好味南北小點，煎炸炆焗包羅萬有，花款配搭之多：煎蝦餃、上湯雲吞、虎皮尖椒、豬腳薑蛋🥚、滷水牛𦟌擺到一枱都係，全部都即叫即做，熱辣辣卜卜脆好有誠意💕大胃王想飽肚D，來一

之前見到有點心放題實在好吸引，好耐無飲茶食點心，決定約埋fd 黎大食特食點心menu 選擇好多，每個有花膠灌湯餃同鮑魚酥畢都幾件花膠感覺好滋補，皮好薄，中間肉餡再加埋個湯幾正另外鮑魚酥其實亦唔錯，鮑魚唔會好難咬. 下面撻睇落平平無奇，但味道唔錯. 撻皮香脆，上面類似雞批有d 白汁牛肉腸，蝦腸同帶子腸，最好食蝦腸. 腸粉皮雖然有點厚不過幾滑鳳爪香濃軟腍，帶微辣鮮竹卷亦唔錯，其實黎飲茶人唔少炸榴槤酥，榴槤味唔太出。 不過炸得幾酥脆牛肚蘿蔔炆得入味 一邊係鮑汁鳳爪花生，好有膠質幾喜歡每樣都係小小一碗，可以試多幾款令我驚喜係呢度甜品水準都不俗，楊枝甘露幾足料更喜歡杏仁蛋白露，帶杏仁香又有滑溜蛋白，好岩冬天糖水紅豆雪糕麻花有球vanilla icecream 伴大粒紅豆