扒王之王 (Closed)

今日放學放早 放12:30我地大家打算食豪d 就去扒王之王食一去到門口見到餐牌最平都52蚊之後我再認真d望 有學生餐喎⋯⋯重要係38蚊 認真價錢好得𥚃面有個侍應見我地望左一陣，就幾熱情出黎介紹下餐牌，我地最後都入左去我地坐低叫左五個餐 我心諗38蚊都應該冇乜特別點知係送餐湯加餐包，凍飲重吾洗加＄我地大家都覺得好抵 最重要個飯一啲都冇減料（可惜吾記得影低）味道都可以... 如果多啲選擇重好結論係學生餐好抵食...

因要陪女兒回學校攞書，又未夠時間的關係，搵間餐廳食個早餐，順便Hea到夠鐘。叫了腿蛋麵，凍咖啡少甜。女兒也是一樣叫了腿蛋麵，凍檸茶少甜。(基本上，腿蛋麵已經是好穩陣的早餐，好難整得難食的。)見到碗麵上檯....好心唔好幫我加d鑊撈去隻蛋度囉，安慰自己，算喇，少事而已，自己整走d黑色鑊撈便可了。用叉拿起麵上嚟，成個麵餅仲痴住 硬堀堀的，湯底又淡而無味。吃了兩啖麵，唉！算了!還是不要難為自己個胃好了。估計麵餅已事先滾好了，再攤涼了一段時間，有客叫果陣，才放番入熱水快速倒入碗，因攤出嚟時間太長，才有這硬堀堀的效果。這間食肆既早餐麵，對我來說，真的可一不可再。

呢到睇收12門囗話每天收收11點知10點去問～話唔做生意～ 抵你扒王之王突然間執得兩間公司失望仲話耐冇食～收工專登過黎囉～仲要天氣咁熱................

"扒王之王"一度盛極一時，去到邊都見到有分店，但隨住貴價扒房越黎越普遍，扒王之王開始式微，令我一度以為已經全線結業，但今日黎到沙田，發現竟然仲有一間，門口見平平地，就試下變左小店後既扒王有冇改善。午餐58蚊有餐湯，餐包，飲品，仲有兩塊扒添，非常抵食。落單無耐就先上湯同餐包，餐包應該有用微波爐輕微翻熱，但湯只係暖既，飲落好像茄膏溝水咁，飲左兩啖就放棄了。主菜豬扒拼雞扒隨即上檯，扒都係唔夠熱，豬扒唔知係佢煎得韌定把刀鈍，切左一陣先切到，食落咬左好耐先吞到。試試雞扒，相當鞋身，似煎雞胸多過雞扒。薯條好似未炸熟咁好硬，配菜我都唔係好敢食了。餐飲諗住穩陣d叫杯熱阿華田，但侍應竟然話要加5蚊！無錯，係5蚊！唔講我仲以為係咩特飲，都係叫返檸茶算。總括黎講，呢度雖則平，但食物質素非常差，無乜必要都唔會再試。

今日去中旅社做回鄉證，做完見有扒王之王，就諗住試吓。入內冷氣唔多夠，好熱，但侍應好熱情招待，仲極力推薦試美國和牛扒餐，好喇！就聽佢話要了一客和牛餐。羅宋湯+餐包好快到咗，湯味道都勉強合格，但餐包就不敢恭維，我食咗1/8個就放棄咗。和牛扒餐要咗5成熟，嚟到係9成9，唔知係太熟定把刀唔掂，切極切唔開，好努力咁切開咗，食落又成口筋，又放棄咗。咁不如食薯條喇，加D茄汁，D茄汁又好似加咗水咁，醬同水溝唔埋，我唔敢用，唯有飲奶茶頂肚，點知D茶味好怪，我好後悔，呢餐要餓住個肚走。食完呢餐，以後都唔敢再嚟！

平時同班同學每個星期都會來食一次，鍾意食個黑椒汁漢堡排腸仔嘅學生餐。但係今次食完之後，真係唔值得每星期去一次。我地一行三人去咗呢間食，一坐低就叫咗三個黑椒汁漢堡排腸仔，都係跟意粉。過陣一陣，個餐湯同麵包來啦。我望住個忌廉湯，心諗：駛唔駛咁hea啊，一碗忌廉湯加幾片腸仔就算。飲咗一啖湯，嘩，咁淡嘅，無忌廉味。另外，個湯係超稀，好似清水咁。飲完湯之後，又等多一陣個主菜來啦，第一眼望就見到少咗一條腸仔，唔通話個忌廉湯入面幾片腸仔就算數 ? 之後，個侍應問我地駛唔駛要多啲黑椒汁，我望一望個意粉，好dry ! 好似未煮熟咁 ! 落多咗啲黑椒汁之後先好少少。漢堡排同腸仔味道不過不失啦。飲品 (凍檸水) 正常。不過食物質數真係要做返好先得，呢個餐$38認真唔抵。

其實咁大個女都未去過扒王之王食過飯，今日做咕哩 太攰所以就就近穩咗呢間嘢食lunch， 其實間嘢氣氛唔錯幾有上世紀嘅餐廳feel， 所以走咗去嗰度食嘢但係畀我嘅感覺係😑😑😑， 怪唔之得佢分店越來越少， 真係睇住佢嘅興衰。我地叫咗兩個lunch set“照燒汁牛扒配意粉“（一樣）， 但係佢嘅意粉林啤啤，完全over cook，而啲小心照燒汁淡茂茂， 好似個玻璃芡汁咁，無味！ 估唔到入去食第一次嘅感覺就自己係咁😑😑😑如果非必要我唔會再去你間嘢食“完“（工作需要）

由細細個已經聽過扒王之王呢個名，但一直都未去食過情人節終於同👶🏻👶🏻黎品嚐下嘩...情人節果然邊到都貴，好簡單叫左2份扒埋單都500蚊難怪有一家三口聽到今日原來係情人節即走啦去食茶記..哈牛扒叫左7成熟，配少量薯條，蒜茸汁，都ok啦不過不失但今日配嘅龍蝦湯就幾好味啦另一份係bbq汁肋骨，都幾好味嘅但無乜肉食，成個餐食得我都唔飽，好似無食過野甘就無左我500蚊不過慶祝情人節一齊enjoy份晚餐係開心嘅

已經好耐無食過扒王，所以同朋友黎食下。Lunch有好多學生黎食，好彩唔洗點等位。打開menu，有lunch set我叫左A餐，試試黑椒汁肉眼排跟飯一食落口，d牛排好硬，食都食唔到，最後忍唔住lur番出黎。d黑椒汁唔錯，最後我黑椒汁送飯食算扒王之王既牛排完全唔掂。真係無下次

不如執左去啦，80蚊個餐，一開始預期唔係食高質素既排，但都起碼比翻應有既份量啦，2塊大家樂早餐份量既排，只係佔成塊鐵板三份一，暑條都無條，愈黎愈垃圾，永不再食。

見近近哋走咗去瀝源村呢間扒王之王食個早餐先，叫咗個金牌牛扒早餐加杯凍檸茶杯凍檸茶非常之快到，叫完兩三分鐘已經送到你啦，不過杯凍檸茶就好麻麻，冰好多冇茶味連檸檬味都好少之後等咗差唔多十分鐘先至有碗火腿公仔麵嚟到， 呢個唔好食個湯底好鹹，個公仔麵好似都未煮熟， 好在有啲粟米係到都可都還可以之後再等多六七分鐘 先至有個牛扒同煎雙蛋送到，個牛扒非常之精緻非常之細，仲要煮到好老好靭， 不過煎蛋都可以唔太燶剛剛好， 個多士都ok外脆內軟，但牛油差唔多變左水

在下常常覺得，有部份餐廳竟然可以逃過關門大吉的命運，實在對刻苦經營者一大諷刺。大概十幾年前，曾經係九龍城店光顧過一次，牛扒韌得已到達用刀也割不開的地步，當年差不多要立誓從此割蓆。事隔多年，由於要同囝囝辦理回鄉證，大清早老遠跑到沙田，就連早餐也未下肚。畢竟是就腳，而且是太太坐低再call過去，心底已經不快。果然，侍應人手不足，上菜慢，火腿公仔麵淥得求其，麵條還未淥開。多士反轉另一面是燶的，雞蛋算是最正常不過，牛扒是mini版，但保持水準，幾薄都咁韌。熱檸檬茶淡如水，不如飲檸水算了。總之是一頭煙，打開Openrice比太太睇，佢先知後悔。

沙田真係好多野食, 所以好耐都無食過扒王了. 今日特登再去食下, 仍然keep 住水準.肉眼扒 – 雖然薄身左少少, 但勝在鮮嫩香滑, 入口腍香, 肉汁豐富, 牛肉味好重.薯條配上燒汁就係好味

扒王之王，執下一間又一間，總覺得以五、六十元有扒吃來說，也未致於要罵到體無完膚。坊間餐廳都愛將地方名放在食品名字前，如紐西蘭牛扒、巴西豬扒、西西里汁意粉等。但wellington beef『威靈頓牛柳』這個名字，不可以亂叫啊。明明餐牌寫著威靈頓牛柳，我當然立即想起Gordon Ramsay那道名菜，以酥皮包著牛柳去焗那種牛柳，亦曾在荃灣森美餐廳吃到。雖然心想怎會$50那麽便宜，但由於它這樣明碼實價寫著，又想試一試。端來就知道中招了，竟然不見半塊酥皮，牛柳倒有兩條半，跟白意粉一堆。意粉白白的，就是只以滾水白淖，又沒煙韌度、又沒味的乾意粉。有要求的食客，總喜歡拌了茄汁或炒過的意粉。這樣的白淖意粉，自行以碟旁的汁來撈，頹廢極了。牛柳還算可以，以鬆肉粉腌過的牛柳，切起來沒半點難度，幸好還保留少許牛肉味。兩片多的牛柳，配意粉，五十元不算昂貴。鐵板司華力腸+豬扒配意粉鐵板確有『3/4個鍵盤』般長，但上面卻然有不少餘位。。。哪有扒房/餐廳的鐵板只放一條司華力腸，與豬扒在旁就算罷？至少也以西蘭花、椰菜、雜菜粒、粟米粒、蕃茄等低價蔬果填滿鐵板吧？司華力腸不長但極粗，切了片還是圓周挺寬的。豬扒腌得很強勁，

呢間以往有試開早餐唔錯..幾年前 25左右就有"一款送麵"加雙蛋方包野飲..而家25先得送麵..所以無乜幫襯..最近經過就試下d扒..坐低個陣拎d餐牌發覺甩皮甩骨 好舊下..仲要好多手指紋掂得多個d印..好唔乾爽..叫左鐵板雜扒餐..85$....先來個包..無乜特別..但巳經覺得唔算平時應該既新鮮包味..算..之後雜扒黎了..跟蒜茸汁..食左個兩條腸仔先..竟然硬硬地比一般自己煎黎食既仲要無乜肉感..仲咸左d.之後試牛..豬...雞扒..全部都係好低水準..原全食唔出特別之處..帶點咸全部都..唔知係d汁引致咁 定係本身質素就係參差..之後試埋薯條..不知所謂...硬身唔好食...一定係擺左好耐..返炸個d黎!!講真..我樓下個間快餐店35左右既鐵板餐都好食過佢多多聲...1100am後可以black list得呢間了