爆汗串串 (Closed)

朋友帶我嚟到呢間食成都麻辣串串放題的店子，印象中香港這類的放題極少。 我們6點鐘到達，剛好還有位。店子不是很大 ，但環境很乾淨企理。放題食物的選擇都不少，這裏的蓮藕片 ，腩肉，鴨舌，成都香腸 及魷魚都好好味。如果你唔食得辣嘅，可以叫bb辣。 我個人特別鐘意午餐肉，啲午餐肉沾了辣汁非常惹味， 一路食一路飲啤酒，真係停不了。至於小食方面，個棒棒雞好好食。我朋友特別點了一個蔥油雞，佢話唔係次次都食到，個蔥油雞非常有水準，好好味，有大店的質素，如果唔係食放題， 我真係會加一個白飯來吃。這裏的麵食亦很不錯， 火鍋粉夠曬四川風味，我哋仲叫咗牛肉麵同肥腸麵，啲麵條好幼滑。但係每款麵幾個人叫一碗嚟食就好了，如果唔係就食唔到其他食物。食到最後，梗係叫番個冰粉啦。我就一連食咗兩碗， 食完之後辣氣全消，好涼快，好爽 ！埋單計數，每人大約二百多元。以食物質素來計，呢一餐晚餐非常超值，好滿足！

近排見到依間野好hit，評論都燒著左我，我就同一個朋友去食，我地冇book到位，見到佢有7點30至9點30時段，就個段時間去食，我朋友見到個場好細，有人岀黎，佢就入左先(7:10)，之後我(7:20)到左，已經見到岀面有2個人等緊位。同埋，我地食到7:50，有個人話卜左7:30，但係場內冇位，佢地等到8:30就走左，所以，其實有訂位係冇用，佢唔留枱，你味黎就照比人入，有人走你先入得🤷🏻‍♀️我地有加到$30叫野飲，因為辣，其實都焗住要加，我見有人偷偷地帶入黎飲，職員岀番黎佢就收埋，所以唔清楚見到洗唔洗額外收錢我地收左小小 小食住先，上面個個係棒棒雞，黎到已經加左啲醬係上面同青瓜，依個幾驚喜，幾好食，叫左幾次😋重點依個汁就唔算好辣，食大腸都冇流鼻水既感覺，但係一食貢丸啲辣就湧上黎😂其他腸、牛肉就正常質素，但冇令人覺得好食既感覺，冇encall既感覺，因為佢所有野都白烚之後就咁放落去，所以冇乜味😂另外，就算中意食豆卜既人都可以考慮下食唔食豆卜🤔近排又係好hit冰粉，就叫埋，冇乜特別都係😂得個糖水係甜，糖水加冇味的啫喱😂Total每人$218

🌶爆汗成都麻辣串串🍢成日見朋友番大陸食辣串串打卡原來香港都有得食😍同朋友去咗試試有得叫$168一位任食 但我地唔係太餓無叫到🍢成都串串香$128/自選15款 30串我地叫咗30串 每款規定咗2串一串一口size 啱哂同朋友吹住水飲住嘢食仲有成30幾款可以揀 同朋友可以各自揀自己中意食嘅唔洗share😆我自己特別中意薯仔🥔千層肚 鴨舌 厚百葉全部都吸哂辣汁嘅精華🤤🌶🌶🌶🍅麻辣蕃茄牛肉麵$42呢個麵個辣湯仲濃過串串 超香麻辣味唔食辣嘅可以叫清湯底 不過個辣湯就蓋過咗蕃茄味 但有蕃茄肉食個麵係幼麵咬落qq的 幾中意呢種麵質👍🏻牛肉份量都好多 而且易咬無筋夠入味🥒蒜泥青瓜$18熱食未嚟之前就叫咗個涼菜食住等普通嘅青瓜都有驚喜 佢用咗好多蒜汁唔似岀面偏向醋味重 我幾喜歡呢個味道而且價錢唔貴 不錯👍🏻

作為一位攝影愛好者, 經常都會在旺角區出入, 這一晚也如常地到旺角區買些攝影用品, 看看手錶原來尚有時間, 不如先試試這裡才回家。飲品方面,揀了豆漿, 用了一個燈膽形的器皿盛載, 份量也算多, 豆味非常濃郁, 有水準。成都串串的選擇頗多，有牛肉、牛根丸、雞柳、雞腎、五花肉、魷魚、煙肉金茹等等，菜類有西蘭花、豆卜、娃娃菜等，湯底係用來自成都既香料，呈深紅色。招牌牛肉麵是其中一道招牌菜, 先喝一口牛湯，湯頭夠熱, 味道濃郁，牛肉鬆化而不韌，麵條有咬口之餘, 索滿牛湯同吃, 就更加滋味。在這一個晚上, 全店座無虛席, 旺場之極, 可見店子已相當受食客歡迎。

呢間串串小妹食過一次，已經好深印象因為D香料味好香濃而且同大陸食辣野既味道都好相似，所以知道有放題食當然不能夠錯過喇睇到落單紙，同之前散叫紙差不多，唔會因為放題而俾少D野食選擇。好快就上菜啦，無漏單，點幾多俾幾多仲俾左一大盤辣油香料，所以食之前可以沾滿辣油，一個字係爽啊小妹點了2round 串串、肥腸麵。肥腸麵都好好味，有酸菜食落又辣又酸好開胃。但個都都係爽滑，口感唔錯最後職員推薦呢碗冰粉，冰粉就無咩味但有少少糖水配襯，所以甜甜地又凍凍地好完辣野食返碗冰粉都好舒服，所以食完放題記得唔好錯過

自從喺深圳食過四川麻辣串串之後， 一直念念不忘😛， 估唔到旺角都開咗一間麻辣串串放題，🌟晚飯黃金時段去都係$168/1位，加$30 🍹無酒精類飲品🥤任飲。呢間餐廳提供嘅都係正宗四川食品，無論湯麵、串串香、四川風味小食都應有盡有，最講究就係個湯底，特別從成都運來多種香料炮製美味湯底！有香葉、草果、桂皮、丁香、紅花椒、印度椒、八角等十二種配料，先用熱油炒香，再加入豬骨、雞骨各十斤加入清湯熬製五小時，另外再加成都秘製辣椒油，可謂麻、香、辣十足！💓🥢幾欣賞個凍食嘅成都老冰粉， 啫喱嘅口感加埋少少酸酸地嘅山楂，好解辣又開胃！😋 ~~~~~~~~~😋味道: 8/10📸賣相: 8/10🛋️環境：7/10💁‍♂️服務: 8/10💎性價比: 9/10💲人均：$168⏪回頭率：90%~~~~~~~~~📍爆汗串串旺角廣華街2-20號翠園大樓二期地下2號舖~~~~~~~~~

有麻辣串燒加麻辣湯係深圳都開到成行成市，而且十分好食,香料十足!但係好少係香港食到，但爆汗串串令我最surprise既係佢竟然有放題地食成都串串食～而且仲有任食前菜和飲品。以佢哩個價位黎講, 性價比真係超高。不過,對於唔食辣既人黎講就真係冇咩好食﹏佢地串串種類都算幾十分多，雖然冇一D好貴價既食材,但都有唔同既肉類、丸、蔬菜等等。 每一串份量同大陸一樣,唔係好多~我自己覺得五花肉、花枝丸非常入味。另外佢既5款任食小食當中,棒棒雞同鐘水餃分別以麻醬和麻辣醬調味, 撈埋一齊食都好配合。因為覺得只係食串串會唔夠飽,所以我地一早就叫左粉share,份量不會太多,唔會令你飽到食唔落hahaha 而且麵質軟硬適中, 都唔錯。唯一比較唔好既地方係個座位好迫,唔係食得好舒服~~

天口㷫，仲要食熱嘢真係玩命，真係唔怪得依間餐廳要改名叫爆汗🥵 佢哋主打川菜，大部份菜式都係辣嘅，仲要辣度一啲都唔野少，就算係有冷氣嘅地方食同樣食到身水身汗🙈-成都串串香 30串($128) 黎到依到係每人必試嘅菜式！可以自選15款，每款兩串，有肉有菜，任均選擇~! 🍔主推雞胗，成都小香腸同超脆口蓮藕❤️ 個湯好夠味同幾夠辣，絕對唔係死辣個隻，係有香料味個隻👍🏽招牌牛肉麵($42) 話明係招牌，當然有啲料到，辣到爆汗💦🔥 其實已經揀左小辣，如果係勁辣嘅真係不能想像🥴 麵份量幾多，麵條幼身入口順滑！牛肉有醃製過，好夠味，但牛肉味缺乏左啲~ 整體CP值幾高，想挑戰味蕾嘅值得一試😏 -佢哋依家晚市由17:15開始就有麻辣串串放題(包埋麵食)，最平都係$128🤩 同樣抵到喊！

以前係澳洲既時候，第一次知道有串串香呢樣野食，果時係澳洲試過覺得好得意，一串串細細串咁食，香港果時仲未有，但香港呢個美食之都當然好快都有串串香打入市場，第一次係香港食就揀左呢間不少好評既「爆汗串串」，估唔到成都既串串都有放題食，有菜有肉，超過35款選擇，仲有冰粉、麻辣/蕃茄牛肉麵、棒棒雞等等都係任食，今晚要刺激下腸胃！環境店舖細細間，座位不多，位與位之間較逼，屬小店形式經營，不過衛生無問題，好企理乾淨，店員招呼亦不錯。提供圍裙麻辣串串放題 $128起 (需加一)如果食19:30-21:30果場黃金時段就包埋小食任食，否則加$30飲品任飲，加$20任食5款小食。任食成都串串、冰粉唔指明就默認中辣，湯底係用來自成都既香料，例如紅花椒、草果、印度椒等十二種配料，仲加入豬骨、雞骨熬製五小時，再加成都秘製辣椒油，呈深紅色。選擇頗多，必食回本既有牛肉、牛根丸、雞柳、雞腎、五花肉、魷魚、煙肉金茹等等，牛肉頗腍，似打邊爐果種嫰牛肉，五花肉大大塊，牛根丸、花枝丸都好好咬口。而菜類我就會揀索汁既西蘭花、豆卜、娃娃菜等，對食得辣既我嚟講中辣都唔算好辣，但有麻味，可以頂下辣癮。冰粉好滑溜，加左米酒同埋有類似梅

上次來吃覺得食物蠻有特色，今天路過發現有放題，可以任食麻辣串串，實在抵食，就跟朋友串一下。黃金時段 19:30-21:30 $168/2小時怕衣服弄髒，可以用一下！+$30任飲啤酒汽水鐘水餃的的式式，可以一口食一個，皮又薄，醬汁濃郁，好吃！蒜泥青瓜口感清爽，可以解辣，下了很多次單！棒棒雞很嫩，配胡麻沙律醬和青瓜絲，帶點和風特色。串串有30款，任君選擇，湯底可以揀辣度，不吃辣的吃BB辣也很過癮。個人覺得牛肉、五花肉、鴨舌特別好吃，可以多點一些。成都老冰粉口感冰涼，解辣一流。哈哈，狂吃的証據。

朋友知我鍾意食川菜， 近期又興食成都小食串串， 呢晚約埋一齊去旺角廣華街嘅爆汗串串！原來爆汗串串係食串串放題， 任食兩小時，每位$128/$168， 非常抵食！ 加30蚊可以任飲汽水，食辣加飲汽水真係一流。有埋美食伴侶 - 一次性圍裙提供，服務貼心！黃金時段呢啲小食，真係不得不點， 其係麻辣千層肚，爽口得黎又辣得非常過癮！由於麻辣千層肚很辣嘅關係，呢個棒棒雞 香甜嘅麻醬用嚟中和千層肚嘅麻辣，非常合適！小食殊不簡單，但係都要嚟返個主菜，爆汗串串！ 叫咗小辣嘅串串唔算好辣，但係好香，每串一粒，可以食多幾round點多幾串哈哈。超級推介豬大腸，真係不得之了，非常好食，又香又軟淋又入味！ 仲有蓮藕，又係好好食超爽。另外呢度仲有幾款麵食 唔使怕食唔飽 我哋叫咗玩爆汗牛肉麵，牛肉香辣之餘，手功麵底有靱性，絕對值得一試！食飽飽仲有冰粉做甜品， 清甜又有少許酒糟香味，非常清新！

今日經過旺角好出名嘅甜品街，我見到呢間食串燒嘅餐廳，要爆汗川村，個名完完全全咁吸引左我同女朋友，因為我哋都係辣控，無辣不歡，見肚仔都好餓了，就一於試下！餐廳嘅位置雖然不多，但是勝在夠闊落，都幾舒服！一坐下就當然要試呢度嘅重頭戲，爆汗串串，呢度嘅串串都有好多種唔同嘅配搭，我哋就揀咗8款16串，值得一讚嘅係食材10分新鮮，而且種類都幾多，花多眼亂，我哋都諗咗好耐先揀得落手，但係食落都好悶粥，正！招牌牛肉麵除咗串串之外，見到呢度嘅餐牌，發現呢度原來牛肉麵都好出名，我同女朋友都特登留起個肚，一嘗佢嘅牛肉麵，成都老冰粉平時習慣食完主食，都一定要配返個甜品，西式嘅甜品平時已經食到慣晒，見到呢度嘅成都老冰粉，淨係個名都已經10分吸引，質感比較似啫喱，加上咗糖漿，食落冰冰涼涼，十分爽快！

近排旺角開咗好多間串燒店，唔係真係燒個種，而係類似麻辣燙個種，好耐之前係大陸食過，覺得超好食，咁啱出去行街就順便食～因為我地唔係lunch又唔係晚餐，時間好尷尬，放題又太飽，就嗌住30串加啲小食。兩人份量可以自選15款x2，招牌嘅肉類同蔬菜都有齊晒，食得辣嘅可以再加配香油碟/干碟。冷鍋30串/15款 $128用一大碗辣油浸住，望落好似好辣咁。一串一啖搞掂，食落又唔算太辣，食多幾串個未加工開始麻，但都唔使狂飲水住。特別鍾意大腸同魚皮餃，兩樣都有咬口～腐皮吸晒啲湯汁，好辣好正！五花肉同牛肉都好食，豬肉夠爽口，牛肉又夠滑。鍾水餃 $28蒜泥青瓜 $18另外兩款小食，同上面個辣汁味道有少少唔同，鍾水餃係類似魚皮餃咁嘅水餃仔，個汁帶點酸辣。而拍青瓜就有大量蒜蓉，唔會食黎食去都係同一隻辣味。輕鬆清晒！食到出晒汗，用咗勁多紙巾，唔怪得之叫爆汗串串🤣

經常坐車也會經過這家主打正宗成都麻辣串串的小店🚎，早就想來試試的了😉，這晚終於有機會了🎉！小店位置不算太多🧐，牆身的設計蠻有特色✨。紙巾盒上也有自家設計的圖案🖌。🔹香辣無骨鳳爪🐔 $38爽脆的口感配上了麻香度十足的味道🌶，作為開胃前菜的確一流👍🏽。🔹成都串串香🍢 $78麻辣串串款式共有超過四十款之多🤩，人妻🐷這晚選了厚百葉🍃、雞胗🐣、魚皮餃🐟等，入口麻辣度滿分💯，十分刺激🤪。🔹招牌牛肉麵🍜 $54麵條呈幼條狀🥢，條條分明😌，口感爽滑彈牙😋，配上了煮至軟腍入味的牛肉🐮，還加了一份萵筍💚，辣度算是可接受程度👌🏽，老公🍋吃得停不下來🤣。🔹可口可樂🥤 $15麻辣串串配上可樂💞，爽呀🙃！💭總結可惜這晚胃口不太好😢，下次一於再來挑戰一下任食吧😎~

再次爆汗😍之前一個人來過食lunch 覺得食物質素幾好 今次見佢推出左放題任食串串 立即call埋frd子大吃一番！任食兩小時 $128 任飲+$30✨串串選擇好多 上次食唔到甘多樣 今次要試返唒先😛當中最喜歡牛肉、腩肉、午餐肉、萵筍牛肉質感淋淋地 牛味好濃 輕輕醃過 好入味腩肉半肥瘦 好爽口午餐肉 雖然係普通野 原來同辣湯好夾呀！其次仲有我愛嘅豬皮、鴨舌 都好正☺️蔬菜類浸入辣湯 刺激嘅享受喔😍✨除左串串任食外 仲有不少小食同麵食選擇有棒棒雞、鐘水餃、拍青瓜、雲耳、牛柏葉棒棒雞係唯一一款不辣嘅選擇🤫怕辣嘅朋友仔不停食 雞肉配麻醬 點都好食鐘水餃 餡料全是肉 好似燕餃 味道好似抄手麵食方面 我地encore左兩次酸菜豬肚麵 一次辣 一次豬骨 酸菜好好食 我食唒啲酸菜 忘記左啲豬肚😂朋友讚豬肚好爽👍🏻辣湯油一點 不過惹味的👍🏻✨ 冰粉 食麻辣串串又點少得冰粉 落左黑糖 山楂 提子汁食完舒服唒😛🍽 爆汗串串🔎 旺角廣華街2-20號翠園大樓二期地下2號舖