爆汗串串 (Closed)

follow my ig pls 🌟eat_neverland🌟#爆汗串串愛辣朋友介紹左呢間辣野比我，今日我去踩下場。平日7:00 去到都爆場既小店（大約24個位）。好彩有book位。 不過人流都轉得快，就算等都唔使等好耐。夜晚餐廳主打放題。放題對於我來講太多，一問之下原來都可以散叫。要咗$128 30串 (有十款 每款三串)款式如圖💁🏻‍♀️推介：魔芋、五花肉、魷魚🦑、肥腸(好肥 怕肥者勿點)。P.S 成都小香腸原來係臘腸😨不喜勿叫。一開始食覺得唔夠辣，偏香為主，但其實會越食越麻辣。我覺得唔係太食到辣既朋友都可以試吓。如果真係覺得辣嘅話可以叫個油碟，點一點去除大部份既辣。唔好以為點油會好肥，油有保護腸胃嘅作用。齋食串串唔夠飽，叫多咗碗肥腸麵。係大陸果隻白麵，好多好大碗，滷大腸超入味。辣湯底好香，叫咗小辣。辣度有層次唔會死辣，小小麻岩岩好(同譚仔小辣差唔多)。辣得過癮越食越想食。總結：串串細細串少食多滋味，個人認為麵食更為出色。推介指數：7.7/10

原本見呢間評價唔錯又幾多人食 滿心期待入去試下 點知麻辣串串味道好一般 火煱粉得個油字 又冇味 又唔夠辣 叫左杯豆漿 個阿姐話冇曬枝裝 用杯裝一杯半比我 飲完一杯有禮貌地叫佢倒埋嗰半杯比我 佢兩個職員態度極惡劣地話我唔係食放題唔可以無限添飲 大姐 我係叫你倒埋嗰半杯比我 唔係要無限添飲 自問當時我態度絕對唔差 亦講得好清楚話「唔該，想要埋嗰半杯」但換黎嘅係兩位阿姐嘅"良好"態度 真係食到一肚氣 味道仲要咁一般 真係去葵廣企係度食好過

🤦🏽‍♀️我同朋友唸住試下呢間新餐廳⋯⋯第一次上既串串係無錯既，但是第二次已經唔係我地點既嘢食，仲要再落單等到要埋單都無黎過，成個晚上都唔知食過d咩⋯⋯仲要唸住同店員講聲黎錯嘢食，距只係答我地一句：有得食就食左先啦！其實，做唔到就唔好話做放題啦⋯⋯比$128+1,真心唔會再食囉，可能我一串串比錢都唔使$128🤦🏽‍♀️

作为成都人，看到各地有串串都肯定要专门前来一探究竟。今日就和两个闺蜜来到位于油麻地的这家有名的爆汗串串。因为她们俩都吃不了辣，各种野食都只能点小辣，下次有机会要尝试爆辣～🤪招牌爆汗串串，30串选十种，每种三串，作为成都人只能说不过不失吧，有可能和只点了小辣有关，底还是不够麻和香。招牌肥肠面，不错的，如果有干拌的那种就更好啦～我们还点了一份牛肉面，猪骨汤底，因为没有辣就没有拍照哈哈其实今天最喜欢的是这个豆浆，拿灯泡形状的容器装，像台湾夜市的做法。很久没喝豆浆了今天喝到感觉真的好怀念啊～☺☺

見爆汗最近做緊晚市串串放題 promotion，可惜我冇時間。。唯有去食個晏就，回味辣到爆汗ge 感覺。😂😂個lunch set menu 有d唔同，最底自選串串餐可以揀多2款，total 6款，每款2串。個餐仲包飲品tim! 可惜今次去又冇火鍋粉(上次去已經冇)，真係令人失望，無奈ge係個阿姐話因為晚市優惠用好多，浸唔切d粉wo，心諗：個晚市優惠都已經做左一段時間la wo，仲未預好份量? 定午市唔做留番晚市用？？。。😑所以最後都叫左麵代替。水汁同之前差唔多，都多香多辣! 多左飲品可以揀! 竹庶茅根幾好飲! 唔會太甜，都幾解到辣。唔錯

食930放題，930到，落完單之後過左45分鐘先有野食。黎既野食有一半都唔係我地叫既，我地叫左既整係黎左幾樣，其他食客都表示大部分黎既食物都錯晒。我地俾左每人30蚊免費任飲，但佢得閒先同你斟一細杯，之後又話飲晒。根本就係扮放題之後塞一大堆菜俾你食。你可能覺得放題佢有d俾多你有d俾少你好合理，但你食一次就會明，因為佢會俾好多你無叫既野你，你叫左個d就唔俾你。員工態度差，就黎同你鬧交咁。食物質素其實唔錯，但咁樣扮放題厄人食有d缺德，係128+1係香港大把選擇，絕對唔會再係依間店食野。依兩張係我地落左既單，下面係黎左既野食，你會發覺我地無叫過黑木耳同蘿蔔，但佢黎左勁多，無叫但黎左既仲有椰菜花啊西蘭花啊午餐肉等。( 影個陣已經食左d，所以圖中所示唔係全部野食，d肉啊丸啊雞軟骨啊佢first order 都有俾我地，但第二round基本上好多都無俾到)

周末和朋友到旺角閒逛，順道吃午飯...看到一間裝潢挺有特式的川菜餐廳，主打麻辣串燒和湯面，愛吃辣的我當然不會放過機會一試~ ~餐牌上的食品很多都可以自由配搭，這個成都串串香就是必吃之選，$78可以選5款串燒，共有三十多款選擇，我們選了魷魚、白蘿蔔、鴨舌、牛肉和雞腎...本人最愛吃魷魚，爽口彈牙的魷魚加上麻辣味道實在一流; 白蘿蔔軟腍，而且特別吸收辣的味道，喜歡吃辣的朋友真的要一試; 牛肉夠嫩，吃起來不會太韌; 鴨舌配麻辣也是很夾，非常惹味;雞腎十分入味，令人吃不停口... 各種食材都非常入味，雖然一邊吃一邊出汗，但是啖啖香、麻、辣，令人越食越滋味...而麻辣最好有飲料配送，豆漿實在是解辣不二之選，喝起來也不會太甜。值得一提這裡的飲料是用燈泡形狀的小樽送上，十分有趣。另外亦點了一個爆汗肥腸麵 $38 ✨肥腸炆得夠軟腍，麵條幼身滑溜，配上有麻又辣嘅湯底，既香口又惹味，對於愛辣的我來說十分滿意...雖然店內坐位不多，但是食物質素不錯，愛辣朋友值得一試~~#爆汗串串 #挑戰下食辣 #有層次感既辣 #四川湯麵 #正宗成都麻辣.❤️

係旺角試過幾間麻辣野，呢間見開左幾個月，都有好多人試過，終於決定一試，$128十款串賣相一大碗都可以，飄著有麻辣既感覺唔係伏牛肉串都比其他的大少少，又唔老，值得下次再叫，魔芋就太薄，太韌，唔岩胃口薯仔我個人愛食淋既，呢個爽口就一般秀珍菇同厚百頁就不過不失，下次都會再揀成都小香腸都好有風味，陀陀餐肉其實係唔係午餐肉咁簡單雞軟骨唔差，又爽又辣豬水火鍋粉叫左小辣豬手都夠淋，鍾水餃個感覺就一般，不太合口味如果下次食都係食返串串同粉

今日同个妹去旺角买买买，血拼之后路过一间串串，无辣不欢的我点会错过马上拉埋个妹入去补充能量，首先点佐份棒棒鸡，皮脆肉嫩还有我最爱的芝麻香味简直正正正，无辣不欢的我们点会少得多成都串串和钟水饺，辣得超爽大满足Yeah

嗜辣嘅友人表示好耐無食辣，於是就同佢黎試試位於旺角新開無耐嘅爆汗串串。爆汗串串嘅店面充滿漫畫風。今次過黎主要就食成都串串香。$78/5款，每款會有3串烏梅汁唔知係味自家製，但味道好天然唔太甜。口水雞調味偏咸唔算好辣。雞肉夠凍而且幾嫩滑。我地就選左豬皮、魷魚、秀珍菇、黃喉、金菇。店員表示如無特別要求，所有辣度預設為中辣。豬皮好厚身，而且好吸汁。魷魚爽口彈牙，而黃喉見限量就試下先。爽口又煙韌幾特別。涼拌鳳爪鳳爪無骨嘅，食落去啖啖肉甘。口感同樣爽口彈牙，不過呢個辣過口水雞勁多。最後我地叫多個招牌牛肉麵都幾大碗，麵質爽滑偏幼。牛肉都有調味稔身。不過真心中辣都幾辣下，舌頭會不自覺分泌口水果種。

見到街招，就黎試試～ 大陸前排興串串， 香港就即開串串個老闆娘勁識撈～ 首先我地點左支西柚真露， 之後再推介我地飲青蘋果真露，話仲夾個辣wor!! 果然真係好夾，無介紹錯 佢見我地起勢剔野食佢再介紹我地食左好多不同串串試完真係同其他地方既唔同， 好食好多喔！ 湯底用左多種藥材煲的所以層次好豐富～ 湯底必飲！ 鐘水餃🥟麻辣很過癮！😆😆😆雞絲粉皮粉皮晶盈 配青瓜 麻醬一流！ 😋😋土豆五花腩超好吃！ 同平時食開嗰啲唔同！ 爽爽的！呢支青蘋果真露同辣堅夾！ 盡顯甘味同辛味的相生關係

無意中經過旺角一間地舖, 聞到令人垂涎的麻辣香味,見到好多人在旁邊一間餐廳裡食一串串的食物, 被的香味吸引, 於是入到舖內搵個位座低, 原來這間是食川菜麻辣口味的餐廳, 串串香是他們的招牌菜式.我們共兩人, 所以order咗個口水雞飯, 鐘水餃及十幾串的串串香來食, 仲有每人一枝涷豆漿. 好快, 一碟口水雞加一碗白飯來到我們面前, 口水雞看上去都會流口水, 紅色的辣椒油及其他香料浸住已切件的雞肉, 雞肉上面仲放了上香蔥及芫茜, 紅紅綠綠, 見到都很開胃, 食一啖雞肉, 入口都不是太辣, 雞肉嫩滑, 待吞了雞肉後, 辣味開始在口腔中揮發, 但越辣越想食, 這口水雞的麻辣味道非常吸引, 送飯真的是一流!鍾水餃都好好味道, 細細粒, 全部浸在麻辣汁裡面, 將蔥花及醬料與鍾水餃撈均, 一口一粒, 又香又辣, 好食到會令人食不停口.之後, 十幾枝的串串香放在一個又大又深的碗里來到我們面前, 數款唔同的食材用長長的竹籤穿住浸住在麻辣湯裡, 鐘意食辣的朋友見到一定很興奮, 食晒這十幾枝的麻辣串串香一定會勁爆汗, 但真的串串都好好食, 有午餐肉串, 有牛丸串, 有鮮腐竹串, 仲有黃芽白串, 仲有牛柏葉

有一排無去旺角食野，原來又已經開咗好多新野食，今日朋友帶咗我去食一間「串串」！個名好搞笑，叫爆汗串串，好似會好辣咁😜我地一人叫咗一個飯，然後share咗15串成都串串香！口水雞飯 ($48)係旺角嚟講，晚市呢個價錢都可以接受，而且份量都幾多。啲雞嘅賣相幾靚，而且都幾嫩，個醬好香好入味！越食越想食，用嚟送飯一流👍🏻宜賓咸燒白飯 ($48)一開始唔知呢個係咩嚟，原來係薄切嘅東坡肉 (五花肉)，肉質少少肥而不膩～下面有好多梅菜，好入味，而且夾埋一齊食好開胃。成都串串香 ($78 @ 15串)都有幾多選擇，有17款蔬菜同埋18款肉類，$78@15串 (自選五款，每款三串)，$128@30串（自款十款，每款三串）。我地叫咗雞軟骨、黃喉、豆腐干、魷魚、成都小香腸，兩個人share其實唔覺得好多，因為係細細串～最好食係雞軟骨>魷魚>豆腐干>黃喉>成都小香腸（味道有啲似臘腸..）。一開始食唔會覺得辣，反而係好香，但食耐咗頭皮就開始發麻啦哈哈！😂另外我地叫咗烏梅汁解下辣！如果兩個女仔嚟嘅話，可以叫15串再加個飯/麵share，另外小食都幾吸引，不過已經好飽～

上次食完爆汗串串，服務態度差令我深深不忿， 但又好記掛佢d野食。。😂 所以今次畀多一次機會佢。今次個服務好好(轉左人)， 唔會“督導“我哋點樣落單， 見客人著白色衫，仲提我哋佢有圍裙提供。👍今次叫咗自選串串套餐( 蓮藕，千層肚，厚百頁同五花肉)， 今次先至發現原來佢嘅辣度可以揀BB辣同低B辣 (佢真係寫住低b辣😂)，不過我唔知到底邊個先至係最少嘅辣度。。 我自己就揀咗少辣。佢每次個前菜都唔同，上次係土豆絲，今次係我最愛，蓮藕😍😍 酸酸甜甜又卜卜脆，好開胃。本身呢個餐可以配飯， 或加六蚊配火鍋粉， 點知佢冇曬火鍋粉。。😗 個人覺得配粉麵好過配飯(粉麵好似夾d)， 然後我問佢可唔可以照加六蚊轉做其他粉麵， 最後成功咗，實在太好人。💗 又香又辣真係好頂癮😂 分量方面都好夠食😂 好大碗下。 食食下會覺得， 真係食到想出汗!😂😂總括而言：今次用餐經驗好好， 好滿意。 服務好之餘食物又好味。 👍

天氣無啦啦又落雨又凍咗行到廣華街見到有辣嘢食個名又好曳鬼所以就決定去爆汗一下典型自家經營小店環境舒服一入去就傳黎一陣陣嘅麻辣味引起食慾由店名所知依度最緊要一定係叫成都串串香$128可以叫10款，每款3串，一共30串一上菜叫到咁多串串心情好興奮其中黑木耳同千層肚真不愧係店主推介黑木耳厚身掛味力強加上串埋起來變左好似有好多層口感豐富千塵肚亦都爽口又彈牙加上麻辣，好醒胃另外叫咗個成都老冰粉冰粉唔會太甜加上配合酒糟嘅香味面上仲有少少山楂餅同提子乾食完又真係好解渴又解辣