爆汗串串 (Closed)

果然會爆汗架！男朋友好鐘意食辣野，我地食完晚餐經過一間餐廳，叫爆汗串串，佢又話想買黎試下。男朋友叫左口水雞飯，賣相正常同出面無咩分別，點知入口就知道餐廳水準啦！口水雞底下有滿滿辣汁，雞肉香嫩香滑，雞皮入口完全唔覺油膩，辣度好突出！我最愛雞翼，入口非常滑溜滿足架！好彩有白飯，因為辣到出哂汗，配白飯食岩岩好！我地叫水餃試試。入口好多汁中間餡料好豐富，菜肉唔會乾身！我地仲叫左好多串串，有午餐肉、牛柏葉等等，用竹籤串起哂，加上餐廳調味，好特別呀！

飯團君簡評：今天去到旺角覓食，眼見食來食去都係普通餐廳，不如一試串燒!上網一睇，何謂爆汗串燒?   係咪真係食到出哂汗先?一於去馬眼見門面招牌，字體與圖畫有種深圳探魚風格，行現代藝術風，店內亦有好多唔同既顧客裝潢簡潔摩登，再配合川味小食，都作出對比襯托。雖然串串係串燒最出名，但我亦被旁邊在食米線的香味吸引，所以決定都係試地道米線小食!!!酸菜豬肚米線(加辣椒) (4分)：辣椒食落似真辣椒，要知道坊間好多時辣椒只係重用再重用，裝飾品，但這次食落去，係真辣椒。豬肚咬口不錯，靚豬耳。整體米線湯底味道濃烈不錯! 米線也不會太淋太硬，適中，符合飯團君的口味。成都素小麵 (4分)：味道oK，略嫌更為硬身，可再煮淋少少。榨菜可以，米線粗幼度與上述相同，素食清淡之選以味道和質素相比，價錢符合CP值，下次必試串燒，雖然這次無試。--------------( 5★最佳)用餐日期 ：2019/02/24(日)地點位置：★★ (從旺角站步行15分鐘內）環境氣氛：★★★★店員態度：★★★★ 食物外貌：★★★★       味道質素：★★★★價錢合理：★★★  最推薦食物：酸菜豬肚米線 (｡ì _ í｡)  從

星期日晚，到旺角試了一間麻辣特色的小館爆汗串串。故名思義，大概是會辣得冒汗。一入店內已有陣陣麻辣飄香。店內除了有麵飯正餐外，一串串的小吃才是主打特色。鴨舌，丸類，肉類，菇類等等，合共二十多款。店家更有套餐系列。我們選了128元共30串。(1款3串)，共10款。當食物來到時，我們都稍感失望。因為食物的份量實在遜色。例如一串只有半顆丸！性價有提升的空間。至於味道，麻度足夠。但可能因本人習慣吃辣的關係，要求會稍高，認為香和辣可提高。但對一般少吃辣的人，辣度是足夠的。由於串串份量少，我們還多叫了一個招牌牛肉面。湯底可選大中小或不辣。面質不錯，湯底濃厚。但面中的牛肉卻是和串串的同一款，煮得有點老。對個人綜合而言：一試無妨，味道不錯，但份量要增加。

成個感覺好奇怪。。首先講下落單先，我地打算叫lunch set，佢叫我地自己寫落去餐牌，但“有得tick“ ge餐牌上面冇lunch set揀，我地問多次，就好似好唔耐煩甘。原來係寫係lunch set張牌上面。。(但係完全唔似for人點野ge，一個格都冇)， 然後點樣寫法又要跟佢嘅方法，要我哋改。🤷‍♀️🤷‍♀️ 搞到我哋好無奈， 心諗又唔多人，你不如幫我落單算la。。下面呢啲餐牌先係似可以畀人自己寫：點餐程序一啲都唔清晰，服務員啲語氣又有啲難聽，所以落單都擾攘咗一輪。食物呢度嘅時候，比預期中好味。 兩個餐都有前菜， 少少辣嘅筍絲。👍兩個人叫咗川味口水雞同埋健康素小麵。 川味口水雞，愈食愈辣好入味，最啱送飯。😂 不過份量就比較少， 男仔嚟講可能只係岩岩夠。另外健康素小麵可以揀辣度。 我揀咗小辣， 好香但唔係好辣。 而佢啲配料嘅份量好多， 麵嘅份量仲多！ 好少餐廳會有個素食嘅選擇， 所以有健康素麵都幾好。 😂 一大碗，我諗應該好多女仔都食唔曬。總括：食物係幾好食👍會令到我想再嚟過試下佢啲串串，但d服務就真係唔係幾好。。🤦‍♀️

行街見到傳單 所以決定試下 餐牌上選擇唔多 仲要款式都係差唔多我今次就叫左$128 任選10款(名3串) 嗰日就有like&share FB+IG 送龍蝦佢地都好貼心有圍裙提供 避免整到件衫污糟————-$128 任選10款各3串🍢-如果你唔特別要求 店員係會比中辣你既佢係屬於麻辣嗰種 但食唔到太辣既朋友就要揀BB辣 佢係真係偏辣既 味道係普普通通 材料都係一般🤭免費龍蝦🦞-由於免費既關係啦 嚟到都係比夠細隻而且係冇咩肉既 唔算新鮮 但送既就算啦🙁整體嚟講 唔洗特突去食 行過食都okay既 如果中意食辣既朋友可以試下 係香港都比較少食到真係辣既食物😂冇加一服務費

眼見有四川辣串幾有趣便蒲入去食了，快餐廳格局，環保點餐紙，幾好。因未食過，所以揀咗一陣，但阿姐好心急地諗住逐樣幫我地落單，已經覺得好奇怪，終於揀完老公咁揀好一份食物，阿姐落單後已經收哂餐牌及點餐紙，請佢留多份都唔肯，叫我地自己去隔離位拎真係好奇怪！等咗十分鐘左右便上餐了，叫了一碗肥腸麵、菜及麻辣串。個麵好好食，肥腸夠味又不太咸，沒有搶了麻煩的味道。而個麵就好好食，麵質有點口感，煙煙韌韌咁，bb辣的湯都好好味道。串串方面⋯⋯叫了牛，雞，餐肉，雲耳，腎。每款三串，每串一舊。整體好入麻辣味，又夠滑。不過串串無得揀辣度，要注意是否可接受。

今次同兩個鍾意食辣既朋友嚟到爆汗串串試下呢隻香港冇既串串(同鋪頭既人傾計，佢地話原來香港一直得火鍋串串，但冇呢種，所以佢地專登上成都學)。我就唔食內臟既，但朋友好鍾意食肥腸，見到即刻話要嗌肥腸因為覺得有麵到肚先會飽，所以我地三個人嗌左2碗麵加30串成都串串香。麵就嗌左爆汗肥腸麵(轉左紅薯粉)同蕃茄牛肉麵。我哋比較喜歡食麵個質感，但蕃茄牛肉麵個番茄偏酸。麵食真係好抵食，都唔洗40蚊。麵加串串香share食唔驚淨食串串香唔飽肚👻。總共嗌左30串共10款既串串。我地冇選擇到辣度既會係中辣，岩岩好岩我地三個既口味。雞軟骨，牛肉，肥腸，豆腐乾，蓮藕，黑木耳，雞腎，秀珍菇，厚百頁，五花肉。我個人黎講好鍾意秀珍菇同蓮藕，吸埋啲辣味，正呀！飲品上，唔飲酒嘅朋友叫咗酸梅湯，佢話酸梅湯唔係唔陣人造味，佢一口氣飲左2枝。我同朋友們一致裁定會再嚟！

價錢唔貴, $178有30串! 但份量偏少一串得一舊肉/半粒丸, 肯定食唔飽, 一定要加碗飯/麵味道好夠辣, 夠香, 越食越有勁, 唔係求其浸辣椒油同埋死辣, 一定要讚一讚唔夠辣可以加乾粉, 怕辣就沾香油, 似足四川豆乾幾入味, 萵筍都煮得透身不過唔食得辣建議唔好叫蔬菜類啊 ~~     另外, 呢間既串串唔係邊爐版, 而係一串野就咁浸住辣汁就拎出黎, 好快就凍左另一樣抵讚既係裝修好繽紛 顏色好鬼搶眼鍾意食辣既人 都幾推介去試試 

天氣涼涼地，特別想吃一些辣的食物刺激一下味覺。今日和三位朋友去了旺角一間叫做爆汗串串的餐廳吃午餐。門口大大個招牌用黃色牌匾寫住爆汗串串，的確離遠都見到。一入到去打開餐牌，見到餐牌有一些湯麵選擇，也有一些串串香，亦有一些小食。最後我們叫了兩個飯類，就是$48的口水雞飯。和$48的川味麻婆豆腐飯。小食就叫了$32的棒棒雞。由於我們有四個人，只是兩個飯和一個小食應該不夠飽 ，所以我們就叫多一個串串香，我們叫了$128有10款，即是有30串那一種。另外$16的小土豆亦都幾好味。帶有辣味的薯仔香。先講我覺得比較好食的是川味麻婆豆腐飯，豆腐非常之軟滑，而且有麻辣香，和白飯一起吃，的確不錯。清淡之中帶點辛辣和麻辣味，所以我立即忍不住叫了一個豆漿，哈哈，凍豆漿$12一支。其次要講的是棒棒雞，其實棒棒雞和手撕雞差不多，一送到上枱面的時候，我見到雞肉撕成一條條，所以我覺得跟手撕雞差不多。再加上有麻醬，又有一些青瓜絲。所以我覺得棒棒雞和手撕雞只是名稱不同而已。整體棒棒雞都幾好食的，沒有骨頭，而且有麻醬味，上面還灑了一些芝麻，帶點香口感，凍食，都幾好。 另外口水雞都夠辣，而且上面亦有灑了一些芝麻，芝麻加到任何

本身諗住打邊爐，點知見到街邊俾佢張poster吸引咗，一入門諗住揀角位坐，點知俾人擮停咗話係四人位，叫我哋坐另一張都係4人位既枱。心諗：你得兩枱客都冇人，難道唔可以俾客人揀位嗎個阿嬸仲要全程黑面冇禮貌，試業都甘，做長dd態度咪不得了，嘢食已經唔係話好好食，仲要對住佢副專容唔會有下次囉！

來「爆汗串串」吃麻辣菜，坐底，先來一杯電燈泡「凍豆漿」$12。順滑帶豆香，預備等陣間降降溫： 這裏有一系列叫「冒菜」，細細碟細細碟咁；今天中午三個人，我們就叫了幾款互相分享。 Level 1 :「農家小土豆」$16 細細粒黃肉新薯，先用麻辣湯底煮至入味，再撒上乾辣椒粉、香料，兩口一件。若喜歡飲返兩杯的話，我會建議吃這個前菜，可以打打底。「口水雞」$38。吃麻辣、口水菜最怕甚麼？當然是沒有麻亦沒有辣。一小碟雞肉，麻、辣並重，收貨之作： 不辣的「鹹燒白」$38，似梅菜扣肉。五花肉滷至入味，下面有大量梅菜，好想叫碗白飯 XD 「五香滷豬手」$40 本地豬手用成都來的滷水炆煮兩小時，滷水汁完全滲入豬手核心。皮爽彈，食到中間的肉是滿有滷水香。這個餸也是不辣的，甚有潮州菜的影子： 吃到這裏，是時候 Level 2 :「紅薯粉」$38 用豬骨等熬湯底，配以麻辣佐料調味。成都運來的紅薯粉，口感比一般木薯粉煙韌，湯底入口鮮香： 再來就是 Level 3 :「爆汗串串香」$75 / 15 串，$128 / 30 串，可選大、中、小辣： 麻辣燙用高湯、香葉、辣椒、花椒、丁香、八角、果皮、蔥、薑、蒜、紅油等

叫左個麻婆豆腐飯，口水雞飯，分量只夠一個人食。串串香$128有10種，每款有三舊。再叫左個類似 手撕雞既，有芝麻醬系面都幾好食。啲串串都夠入味夠辣。整體上都不錯，但員工有點不耐煩😣🤧

有次同朋友在旺角頭見到易拉架爆汗串串廣告,反正我及朋友都是愛食辣之人,所以就到爆汗串串食晚飯。 店雖然不太, 環境好舒服,牆有好鮮艷黃色有趣牆畫,非常奪目。* 店好細心, 每人給一件一次性圍裙,可防食野整污衣服。** 【鐘水餃】(辣) $28 這鐘水餃細細粒,內餡只有豬肉軟軟的,而餃外皮薄, 配上四川紅油,麻麻辣辣的好開胃。** 【千層肚】(辣) $36 牛柏葉咬下彈牙口感,並嗦晒了辣汁, 勁惹味,也配上爽口芽菜。** 【成都串串香】 30串(十款) $128 每款串串有色有味,香氣濃郁鲜香入味,有些滑嫩, 有些嚼勁十足,有些清脆爽口,特別愛食牛肉、 鴨舌、魷魚、黃喉.....,各款爆款菜品,非常惹味,讓我過足口瘾！** 【宜賓咸燒白麵】 (豬骨湯) $38 這宜賓咸燒白麵就是五花肉麵,五花肉好軟諗夠味, 滷味十足,而滷味汁送麵一流。** 【爆汗肥腸麵】 $38 肥腸麵的肥腸的口感不錯,不需要太用力咀嚼, 味道不會太過鹹又爽口,而白麵爽口, 加上麻辣湯底,十分開胃惹味。** 【成都老冰粉】 $15 成都老冰粉是甜品冰粉,口感似河粉滑滑的, 配上山渣餅及芝麻, 帶甜甜地,可解剛才食辣

天氣凍冰冰食點辣最正不過! 今天同個friend 去爆汗串串, 聽到個名都夠hot! 我地點左個冷鍋串串, 當中有雞有牛有腸仔有海帶有瓜, 好好食! 重點是個汁好味, d 食物很軟熟又滲哂汁。我特別推介腸仔, 好似臘腸, 好惹味! 食住辣要叫d 清熱涼伴平衡吓, 唔少得蒜泥青瓜, 青甜爽口, 蒜香味濃。必定要食蔥油雞, 有蔥有花生粒好惹味, 而且雞很滑, 有特色。另外點了個酸菜豬肚麵, 開胃得來味道濃, 加埋腐皮, 黑木耳, 牛根丸, 白蘿蔔同萵苣, 豐富又好食。點埋d 烏梅汁, 王老吉, 爽住咁走!

這裡主打的都是成都菜系。點了宜賓鹽燒白，味道十分正宗，湯底好香，麵條麻辣鮮香兼而有之。店面雖小，但是牆上面既裝潢字句都幾搞笑，好有設計感和時尚感。連紙巾都印埋鋪頭名下次再來嘗試串串