爆汗串串 (Closed)

<好正既爆汗串串>🌶天氣凍最啱食下辣野 呢間爆汗串串 係食成都特色串串香 d麻辣夠香又多層次 而佢既湯麵都好有特色 特製香料 味道豐富 正呀 😂🍴成都串串香 🌶 128 蚊 30 串串 30 串可喺 menu 選10 款 野食 特色四川串串 用辣湯浸住食 辣湯好香🌶 但又唔會話好肥膩 同各種既食物 配搭都好入味😄點左 爽口粗身既黑木耳 爽口新鮮萵筍🌿 切得好薄身好爽口既魔芋 juicy 厚身既秀珍菇 邪惡肥腸🐷 好爽彈既千層肚 仲有彈牙雞軟骨🐤 香甜有 d 似臘腸既成都小香腸🐷 仲有新鮮彈牙魷魚🦑 肥味鴨舌 🦆🍴爆汗牛肉麵🐮🍜38 蚊 四川特色湯麵 聽 staff講落左好多獨特香料 好似桂皮 香葉 草果 丁香 紅花椒所以個湯底感覺雖然辣 但好香甜 😍 佢既麵類似油麵 口感爽口 盡吸辣湯🍲 仲有 d芽菜撈埋增加爽口度 而佢既牛肉切粒 牛肉味香濃🐮 咬落彈牙帶 d juicy有 d似台灣牛肉麵嗰類👍🏻好有特色🍴鍾水餃 28 蚊🌶🥟四川傳統特色水餃 相傳喺清朝 餃皮好薄 充滿紅油汁 夠若味 仲有好多辣椒醬調🌶 餃子入面全用豬肉 肉質彈牙 加上少少肥膏 咬落啖啖油香 好味🐷

今日天氣凍，就去左哩間新開係公司附近想試左好耐既<爆汗串串>！我因為唔係太肚餓，我就叫左兩個小食同埋一個野飲。我叫左個鐘水餃，一共有10隻細細隻三角形的。看似入面剩係得豬肉無菜的，配上麻辣醬油。出乎意料的好味道。餃子內的豬肉實淨又彈牙。配上麻辣醬相當好味，而且一口一件容易食。唔錯唔錯！另外叫左個口水雞，份量都唔少，睇落都幾辣。比左雞脾位真開心！淡淡肉配麻辣醬油好美味！一路食一路爆汗，所以叫左個凍豆漿解喝，哩個豆漿都幾好飲，豆味重，唔太甜，解喝一流！此餐廳比想像中出色！可以再來！

這日約了朋友旺角睇戲，沒有太多時間悠閒食好西，在廣華街覓食之際見倒這間新開麻辣串串。朋友是個嗜辣之人，很有興趣，我也愛吃辣，但大約是譚仔五小辣程度😂。既然朋友想食，就捨命陪君子啦。辣串店自然要叫招牌辣串$128有30串，好多款呀，30串聽上去好多，但其實一支簽一舊仔，食完無難度，魷魚鴨舌雞腎估唔倒浸辣汁幾好食。木耳娃娃菜之類吸湯既，我食左一串就棄權了，即時想講經典廣告對白：媽呀！好辣呀！太辣了，辣到麻木咗，拿拿臨叫野飲救火。辣串其實當小食，完全不飽的情況下，叫多個小食同麵share。呢碗爆汗牛肉麵（小辣）比辣串無咁辣，湯底濃重口味，拉麵質地ok, 蔥茜都好大方。口水雞就正常價錢正常份量正常味道啦。整體來講呢個價錢可以一試嘅。怕辣的話就吾好試啦～真係會辣到冇哂味覺😂

天氣開始轉冷，想食啲辣野暖下個胃，刺激下。見到呢間有麻辣野，仲有一串串套餐食，好似又幾正！餐廳裝修好新穎，牆身都係漫畫公仔，顏色鮮豔！有午餐套餐:爆汗牛肉麵💦叫左麻辣湯底，薯粉。個人唔食得太辣，所以叫左少辣。辣味岩哂我！🌶辣得夠哂香。落左好夠蔥花，食落更惹味！幾鐘意個湯底。味道好濃味，薯粉索哂個湯，好正！食落好煙韌。而呢度既牛肉都好好味，唔係普通既牛肉。食落幾嫩，口感似食緊蒙古牛肉粒咁，好香！蕃茄牛肉麵，豬骨湯底。加 肥腸。湯底豬骨味濃，加埋蕃茄味，幾鮮甜。肥腸 好肥美，同都洗得乾淨，無腥味。串串香：叫左15串，可以選5款！每款有3串，share 黎食岩哂！個辣就只得一個辣度，如果怕辣可以叫碟”香油碟”.可以解辣，食落好香麻油味。叫左窩荀，雞軟骨，花枝丸，魷魚，肥腸🍢一串串食又幾惹味！最後仲叫左碗甜品:冰粉 食落好清甜，食左咁多辣野，食呢個就岩哂。味道唔會太甜，仲有啲米通食下，口感特別。

近排對麻辣串串好有興趣, 咁岩行開廣華醫院附近搵野食, 見到個鋪頭名有串串就好想去食啦首先叫左蒜泥青瓜, 細細碟岩哂呀, 唔怕前菜就食到半飽, 青瓜脆卜卜好好味呀~跟住仲叫左農家小土豆, 薯仔切得都大舊, 而且咬落口唔會係淋哂反而仲好味呀跟住挑戰下爆汗肥腸麵, 我地揀左bb辣, 但都覺得好麻啦, 肥腸洗得好乾淨, 而且口感好彈牙好入味呀~另外冷鍋串串就揀左5款餸, 有牛柏葉, 黃喉, 魷魚, 雞腎, 萵筍, 每款會有3串, 其實個汁好紅, 但食完肥腸麵之後感覺就冇咁辣我最鐘意食萵筍, 食落好爽口, 配埋個汁好入味呀最後叫左成都老冰粉解下辣食落好清甜好舒服呀~第一次食冷鍋串串估唔到又幾好味, 下次可以再黎試下其他野食呀

踏入十二月天氣真正轉涼，我這個嗜辣者忍不住又想吃辣。跟朋友約旺角行完信和，在附近覓食，搜到了這間吃辣串的新餐廳，好特別，一於就去試試睇下過唔過癮。黃色主題的動漫風，同一般辣菜環境唔同。-點了一碗麵一份辣串一個小食來share。🍜蕃茄牛肉麵（BB辣）$38價位跟份量讓我有點不相信自己在旺角微微麻辣的湯底，加上淡淡蕃茄味，BB辣剛剛好。用的是中式拉麵，不彈牙，也不至於軟爛，幼麵掛湯，算不錯。牛肉似乎用腩位，淋淋地炆得入味。呢個價錢，抵玩。-🍢成都串串香（30串）$128可以選十款，每款三串，兩個人分比較惡攪。配料有好多 選擇困難發作。最後選了牛肉肥腸五花肉魚皮餃煙肉金菇卷鴨舌，也選了三個健康點的西蘭花厚百頁冬菇。上檯一大盆支支竹籤串著食材，浸在辣汁裡。一串一舊幾過癮，似懶人版麻辣燙。辣汁好辣，辣得黎有股淡薄藥材味。五花肉肥厚配上麻辣不錯，但蔬菜類例如西蘭花，勁索湯辣到爆炸，雖然我無辣不歡，但吃的辣度只是小學雞，辣死寶寶了，冬天食辣真係由個胃暖出黎。想召喚店員拿水，可惜並沒提供，有點失望，被迫叫飲品解辣。-太辣但又未飽，叫個唔辣小食傾計用。🍖杠上滷掌翼 $40份量中規中矩，切得細件 易食，滷

成日睇人食串串食得多，今次唔使返大陸都可以俾我食到，餐廳入面非常乾淨串串可以叫15支或者30支，我第一次食又唔知佢幾辣，所以就叫住15支先啦，另外再加多碟辣粉，餐廳話食得辣既話，不妨可以挑戰下我就叫左5款餐廳推介既串串，有鴨舌，其實全部都好入味，充分索哂d汁，但淨係呢個汁，係未足以令你出汗架，要加埋另外個辣粉，d辣味出哂黎，食左啖就已經開始頭頂出汗，愈食愈high雲耳魷魚香腸豬腸食完d辣既，可以揀返d唔辣既菜式，呢個就類似係手撕雞，加左d麻醬，底下就係爽到冇朋友既青瓜，呢款係凍食既，足夠令你降下溫掌翼都係我既至愛，味道都幾似滷水汁，仲要炆得夠哂淋！最後都要加埋碟粉先夠飽，20蚊就有咁大碗，d粉有d似薯粉，但再扁d同闊d，食耐係好q好q，所以食呢碗麵係需要d時間最後都飲返杯黎降降火

今日星期六和朋友在旺角行街，在廣華醫院附近見到有間餐廳黃色招牌，店面特別，不禁令我們停步看看是吃什麼，原來主打四川粉麵和串燒店，見價錢不太貴，就決定坐下吃個午餐。餐廳約有二十多個座位，內裡不算太多人，點餐形式是在過膠的餐牌上畫上需要吃的食物，再交給侍應。我們點了爆汗牛肉麵、30串串燒和豆漿、汽水。爆汗牛肉麵 - 上檯時被外表以為平平無其，飲第一口湯後立即另眼相看，湯底清甜，牛肉帶點辣，都不會太鞋口。30串串燒分別點了牛肉、雞柳、五花肉、雞軟骨、成都小香腸、魷魚......用一大碗放上30串串燒，震撼無比，有四川辣油浸著，非常惹味，辣度尚可接受。豆漿用上燈泡型器皿，夠精緻，又不會太甜。總評：非常適合三五知己一起食。

同朋友係旺角睇完war game 裝備，經過廣華街見到呢間新開既「爆汗串串」，睇個名就覺得辣，加上天氣轉涼，最適合食辣野。店舖面積雖然不大，但檯與檯之間既間距都算充裕。點了碗「爆汗肥腸麵」湯底可選麻辣湯或豬骨湯，我選了後者。湯底非常清甜，感覺用了很多蘿蔔熬製。麵底選用了陽春麵，與湯十分匹配，亦很有咀嚼感，豬腸用上滷水烹調，份量也不小。豆漿用了燈泡容器裝著，十分有趣，而且豆味濃郁，又不會太甜，很有驚喜。朋友幫佢改左個名叫辣死你媽媽串燒🤣每款串燒各有三串，點左花枝丸、魷魚、金菇肥牛、五花腩...配埋佢個麻辣醬汁，辣得很過癮之餘還出了一身汗，食完全身熱辣辣，冬天食就最好不過了。

今日辣癮起，同男朋友去咗旺角試呢間新開張嘅餐廳～入到去覺得裝修幾有特色， 帶啲漫畫風， 以黃黑色為主， 仲有自家紙巾😅 每張枱下面都有一個好貼心嘅籃裝著私人物品😀我哋叫咗15串串燒，酸菜豬肚麵，香辣無骨鳳爪農家小土豆同埋成都冰粉🙈因為預咗食其他嘢會好辣，所以麵專登揀咗唔辣😌 個酸菜豬肚麵幾多餸，豬肚唔韌，麵似係上海幼麵，軟硬剛好，湯底酸酸咸咸，幾開胃，幾有媽媽感覺😀香辣無骨鳳爪辣度可以接受，無骨食得好爽好方便😂😂農家小土豆煮得好淋，辣度同鳳爪差唔多👍串燒叫咗豬皮， 雞軟骨，墨魚丸，千層肚(牛栢葉)同鴨舌，千層肚好爽口，豬皮好索汁，雖然好食，但係呢個汁真係辣到噴火😓😵😲 食到最後頂唔順無再浸係啲汁度🙈🙈而成都冰粉甜度岩岩好，有啲似豆腐花果啲黃糖水，佢既米有少少酒既香味，幾特別，好好味😋要黎解辣仲非常好👍👍呢間應該係香港少數比較正宗既大陸串串店😁

朋友係嗜辣妹，曾飛去成都就係為左食辣，有次見到「爆汗串串」的介紹，睇名就知係辣辣辣，就十分有興趣一定要去試。首先，未點菜前就見到店主好細心地準備一次性圍裙。建議著白色衫的可以用一用。之後，很快就上「瀑汗肥腸面」，肥腸食落乾淨，而且好入味，麻辣麻辣的。不是太好辣的你，可以嘗試小辣，絕對比平時的鹵水肥腸好味好多！重頭戲來啦！叫了共10款30串，一串串放係又香又辣又紅的湯汁里，未食已經被辣到身心愉悅。其中最喜歡牛肉、魷魚、萵筍，入味到不得了，真係食得好爽快！棒棒雞點菜時不知道是什麼，以為都是麻辣一族，後來發現是不辣的就有點失望，不過勝在雞滑，加上無敵麻醬，值得一試。「成都老冰粉」是最後的甜品，食落係酒釀+冰糖的味道，清清甜甜的，令到原本興辣辣的我，即刻被潤喉解辣，極之有趣。

冷鍋串串 ＄78 （5款各3串）一串串既選擇有好多，包括可以揀蔬菜類、肉類、等等，任揀5款都係＄78。小妹揀左魷魚、黃喉、牛肉、牛柏葉、腸，一共5款。唔好睇佢細細串，其實愈食愈辣，因為個湯底用了好多辣椒同香料煮成，可以話係色香味都有齊哂。當中令小妹覺得最特別既係，佢地既腸，個名小妹都忘記咗喇但食落好似食臘腸咁，有D肥咁，幾特別麻辣肥腸湯面 （＋鹵蛋、花枝丸）＄52呢個湯麵用了楊春麵做麵底，食落唔會吸哂湯既辣油反而食落都係好滑既感覺。肥腸即係豬腸，佢地既豬腸唔會有一陣”so” 味，同埋有預先鹵過所以都幾入味麻辣鍾水餃 ＄28呢個水餃應該係自家製的，每一粒唔會有好多內餡，反而細細粒，食落唔會好飽同埋個皮夠薄，加埋麻辣醬料，辣得過癮滷鵝掌翼 ＄40鵝掌炆到好淋而且感覺到骨膠元都出埋黎既感覺，又唔會滷得過咸，可以話食多幾隻都仲得，哈哈烏梅汁 ＄12用了燈泡做盛載都幾特別，呢到烏梅汁唔會死甜，凍凍地又酸酸甜甜都好解辣總括，小妹覺得呢到既辣唔會好辣，辣到入心個隻，只係會停留係舌頭辣既層面，如果可以食到小辣既人同埋想過下辣癮既都不妨一試

朋友都好鍾意食辣野，而且仲會去搵新開嘅店舖試吓。今日見到呢一間爆汗串串，就試吓佢點樣爆汗法。食完我就唔係好覺得幾爆汗，但係個口就真係辣到上心口，呢度全部都係成都傳過嚟嘅食品，佢哋全部人都鍾意食辣，就咁睇個店舖，都知道係一間幾前衛嘅鋪頭，佢想將辣嘅食物推廣到年輕化嘅層面。試咗呢度嘅冷鍋串串，佢有分唔同嘅價錢，食幾多款嘅串串，就有唔同嘅價就，自己自由選擇去剔。嘢食都比較特別係香港唔會搵到，分別係千層肚，成都香腸等。都係啲比較冷門嘅食物，但係主要都係用上豬肉去造。我最鍾意食佢嘅水餃，好正宗，叫鍾水餃，佢個形狀好適中，一口就可以食到一隻水餃！超好味啲醬汁，完全係成都傳統傳過來的百分百口味！一個人都可以食晒，大概有10隻。仲有個火鍋粉，有啲似薯粉，但係比薯粉更加煙韌，而且好滑身！醬汁基本上都係成都嘅辣汁，令人回味無窮。最後飲埋佢嘅有氣鹹柑桔，好解渴，甜甜地，食完辣野好gur!!

呢間店係雖然旺角但唔係鬧市中，所以有點難被發現當走入去店時已經聞到好大陣麻辣香味我兩個人食，一人叫左一碗麵，我叫小辣已經好辣了🍜宜賓咸燒白麵$38佢係碎芽菜&五花肉，整得好好味，五花肉好香好淋🍜爆汗牛肉麵$38啲牛肉幾好，都淋既，唔會好硬到咬唔開（但有對比下會揀宜賓咸燒白麵👍🏻）.另外再叫小食，就係成都串串香$78/15串有5款，$128/30串有10款，佢每款會俾3串煙肉金菇&秀珍菇都必叫，超入味其次如果無食爆汗牛肉麵我會建議叫牛肉但叫左個麵唔洗叫牛肉，因為係一樣既野其次我會揀雞柳&千層肚，都幾好口感，丸類有點唔抵因為佢係切開一半叫一串，三串先得一粒半既丸我最喜歡個烏梅汁，解渴又解辣！

話說有日係旺角買完野又冇野做諗住去搵間舖頭坐低食少少野經過見到呢間舖頭就走埋去睇下有啲咩食見到係食串串香有睇開我食評嘅朋友都知我勁鍾意食辣野好奇心驅使之下就揭多兩揭點知店員好熱情就問我地幾多位我地反正都係搵野食就入去試下啦因為時間比較早，所以客人唔算多我地一開始叫咗個棒棒雞雞肉好滑配上芝麻醬食到停唔到口，青瓜好爽甜之後就到主菜喇因為未到晚飯時間我同朋友都只能輕食我地揀咗15串嘅套餐當中我地揀咗牛肉、花枝丸、海帶、成都小香腸同埋鴨吞一嚟到望個樣好似平平無奇但一聞落就知唔惹小食落就更加愛上牛肉超鬆軟，應該之前用孜然/茴香醃過食落好有風味花枝丸同海帶完全索晒嘅麻辣鴨舌好正至於呢個成都小香腸真係好特別佢本身係好似臘腸冇臘腸嘅肥膩，但又有臘腸嘅香口配埋啲麻辣真係正到不得了因為我朋友比較唔食得辣，所以店員推介我地點呢個香油碟佢可以令到串串香冇咁辣但又唔會冇咗陣香味所以唔太食得辣嘅客人都冇有怕當然食得辣嘅朋友可以加個爆汗干碟增加刺激最後我叫咗呢碗甜品叫成都老冰粉，店員同我地講可以解辣好清甜，冰粉好滑好好味上面有啲提子乾同山楂仲有啲芝麻入口好清新真係洗走曬啲辣味