大叢小廚海鮮火鍋

Open Now

Now Closed

這個地方啲裝修0k，有房有電動麻雀枱，非常方便限聚令下的小聚餐，今次我們一行8人吃了一餐很豐富的晚餐，白灼蝦當然是頭盤，之後來一個雞皮海蜇，雞皮非常爽脆，羊架也沒有蘇味，實在太難得，總之全部野都好水準，老細仲話下次想食咩可以早啲預訂，實在太好啦！我下次一定會再嚟

Gathered for a birthday dinner with a group of 11 persons. Was recommended this place by a friend and they work by providing their menu to you when you book and converse through Whatsapp as some of their dishes need pre-ordering. The only thing is you need Chinese.As we had a big group we tried out a few dishes with the following as my faveChinese style soup served with all the soup ingredients. Real depth of flavour in the soup, we had Chinese Yam with pork soup. Steamed prawns with garlic oil

搵個方便嘅location 多人聚餐，可book 杏汁花膠白肺湯好飲 有杏仁味，夠火喉，較清的一道送黃金魚皮好heavy ah but 好香口冰鎮一口鮑魚老水味，幾入味喎又 大隻彈牙蒜蓉粉絲蒸蟶子皇幾新鮮，但太多油，而且一人得一隻唔夠喉吧⋯⋯蒜蓉開邊蒸蝦腸粉底不過不失，太多油again江南百花雞幾特別，中意多醬嘅人岩食油浸筍殼魚整得幾靚仔，魚肉好滑，但炸免不了多油羌蒽广島蠔我中意食蠔丫～～～ 尼個食落唔覺油喎又紅酒焗牛尾配蒜蓉包好多油丫牛尾骨多肉少 食起黎煩啲，但夾蒜茸包幾正啫啫芥蘭煲煎堆仔

朋友介紹到大叢食飯，估唔到咁正，小菜好有特色，最愛 冰鎮飽魚、江南百花雞，杏汁豬肺湯，好好味，椒鹽九肚魚、蒜茸粉絲蒸蟶子都好高質，厨師有料到👨‍🍳👍,仲有老闆嘅熱情招待，除咗好味，仲有人情味，最後食埋甜品 椰皇敦蛋白 真係好滿足！

送別小學同學回加拿大定了兩圍,一早需定桌,有房間,地點山林道好就腳.招牌寫火鍋,其實是間平實隱世的私房菜.所有餸菜四天前需定下,每道菜都有驚喜和好味道,能品嚐到大厨用心的出品,每蝶都是熱熱上桌👍🏻..特別個燉湯和江南百花鳮,每人讚不絕口😋每桌10人.當晚定下的如下:胡椒豬肚包雞湯一隻黃金蝦（游水海蝦）1斤 冰鎮一口鮑魚10隻枝竹火腩炆斑頭腩斤半江南百花雞一隻蝦多士拼咕嚕肉紅酒焗牛尾配蒜蓉包羌汁芥蘭楊洲炒飯煎堆仔包茶介加一自帶了紅酒和蛋糕,老闆也不令收費,服務非常好👍🏻當晩食完,已有同學即再定桌和家人聚餐.

學生們的謝師宴，和另一位呀Sir 嘅生日飯！由於是其中一位學員安排菜單，所以都不知道會有什麼可以吃！所以呢一餐特別有驚喜！開頭仲以為打邊爐添先嚟頭盤「冰鎭鲍魚」先甜可口！再嚟「杏汁豬肺湯」足料！味道超級濃郁，好味！呢個江南百花雞影真夠特別，雞皮釀墨魚，麻醬雞肉！食過返尋味！蒜蓉蒸蝦，仲有腸粉喺底，個配搭又真係幾特別！啲蝦好新鮮，一下就剝咗殼！唔記得咗呢個叫乜嘢名，但係有我最鍾意食嘅支竹同豆腐蒜蓉蒸茄子！食食吓突然間清清地又幾好味！呢個牛尾非常惹味！加埋個蒜蓉包冇得頂！

我家都是豬肺湯的擁躉，一講到豬肺湯就一定諗起大叢。之前都係飲杏汁豬肺湯，今次訂左菜乾豬肺湯，一樣咁好味。D豬肺大大件，完全滿足到我地呢班豬肺控！另外訂左黃金魚皮，上枱時仲係暖架，真係食到停唔到，不過實在太邪惡啦！我地都好鐘意食炸野，所以點左炸子雞、椒鹽九肚魚，炸饅魚、生炒骨。椒鹽九肚魚都係必食，炸得好鬆化，可惜炸鰻魚係完全無鰻魚味，可能鰻魚係唔適合炸啦。炸子雞同生炒骨係好味，不過唔係驚為天人果種。蔬菜我地點左個豬潤浸菠菜，但係D豬潤煮得太老，好「鞋」。大叢果晚因為有客擺幾圍生日酒，所以有D嘈。不過大叢唔會限客食到幾點，雖然要大大聲傾計，但都好過比人趕走啦。我地帶左個蛋糕去食，佢地都唔會收切餅費，幾好架。宜家真係好難搵到D食物有質素又唔限時既地方。

2018年10月16日 幾個女仔去lee度食私房菜。唔係講笑，黎左2次，2次都好食。最好食係蛋白蒸大蜆，無沙，鮮甜。佢介紹有咩新鮮食材，我地就信佢。叫左個肉蟹，好得。叫左個鮑魚，我無食，佢地話好正。之後叫左半隻雞，好味。叫左個牛尾配蒜蓉包。就咁食蒜蓉包都夠好食。有個薑汁炒芥蘭，都好夠鍋氣。杏汁豬肺湯，我覺得就唔係太出色，但唔差。如果唔識叫餸就直接問佢有咩介紹就可以。不過有d餸係要預訂既，所以有邊d食材特別想食，就要訂枱時講定先咯。

今日屋企人生日簡左尖沙咀大叢海鮮火鍋食飯黎慶祝，生日當然要食好D啦，果晚就叫左個冰鎮鮑魚、芝麻雞、糖醋肉、粉絲煲同埋煎堆仔。個鮑魚新鮮，整得好好味雞就焗得太乾身，搞到D肉好老呀糖醋肉個味道控制得唔錯，唔會偏甜或者酸但個粉絲煲唔建議食，唔知點解我地食落會有沙(定其他野)最後個甜點-煎堆仔炸到岩岩好，好正整體黎講呢餐生日飯食得好開心，食物又比到應有質素我地(除了粉絲煲)，有機會可以再食多一次，哈哈

之前有同事嚟呢度搞farewell，估唔到主打火煱邊爐嘅小館，竟然食到十分出色嘅特式小菜。上次食完念念不忙，一直想搵機會encore 咁啱上星期一大班friend 子搵地方食飯即刻提議嚟呢度，打電話講到budget 人數，老闆娘寫好菜單就會what apps比你。個日我地12人.個個食到抱住個肚走。。。最正可以訂埋房，大伙兒可以自成一角吹水飲酒 介紹下個日嘅菜單先:*大叢小厨*12位菜單胡椒豬肚包雞湯冰鎮鮑魚 12只鹽焗奄仔蟹江南百花雞油浸笋壳魚咸魚煎肉餅芝麻雞粉絲虾煲玉盤素艳芝士焗西兰花羗葱义燒撈淮山麵贈送甜品：煎堆仔樣樣餸都好出色，尤其個鮑魚食完好想再encore 食多隻，江南百花雞更加係出面小有嘅菜式，雞皮釀蝦膠，重要有埋手撕雞做底食完好食到想拍手掌。一定有下次

大師兄升級請食飯，仲特別搵間特別嘅飯店同我哋食，在山林道一座商業大廈內，其實地下有晒啲夜總會招牌都幾尷尬，上到去係一間比較殘舊嘅飯店，裝修簡單，我哋包房，一張大枱17人！大家寧願迫都想坐埋一枱！轉盤係木板架！（我比較少見！）我們17人可以坐埋一枱，好開心！氣氛都好啲！大師兄話汽水任飲！店員豪爽型，幫手影相都無問題（仲要佢哋職工食緊飯！）之後人齊就陸續上菜！ 冰鎮鮑魚：嘩！第一尾已經好吸睛，好平實將啲鮑魚堆滿成隻大碟，鮑魚微凍，唔使點醬汁都好好味！鮑魚彈牙唔韌，連平常唔喜歡鮑魚嘅我都好喜歡！金銀莱豬肺湯：好濃好清甜，已經隔晒油，好香金銀菜白菜香味！好味！蒜茸粉絲蒸蟶子：好大隻，好多蒜茸，蒜茸炸過，加點粉絲索晒啲湯，好彈牙嫩滑！蟶子肉好彈牙，好新鮮！好味！江南百花雞：呢個真心特別，雞肉好似炸子雞嘅做法，已起肉，甜醬油味道，好肉甜叉燒肉（不過係雞）墊底嘅青瓜絲加榨菜絲爽口唔會過鹹！好味兼好特色！黄金蝦：簡單又好味又邪惡嘅食物，連殻蝦炸得乾身，鹹蛋黃醬又唔會好厚，鹹香好味，蝦肉大隻爽口，已經剪晒腳同蝦鬚！好好味！油浸笋殻魚：嘩！又係有特色！好大條笋殻魚開邊炸，仲要擺起飛姿勢，炸得香脆，魚肉又嫩

20170405夥記升職飯局 訂了呢一間食肆 呢一間表面係火鍋店 但今日我哋係食私房菜 ，環境唔係算豪華， 勝在夠平民，而且又有獨立房間， 一大班人又可以柴娃娃， 對我嚟講收貨啦， 我哋係講求食物質素菜單如下：胡椒豬肚煲雞湯… 湯夠濃又夠胡椒， 冬天飲完， 成身暖曬冰鎮鮑魚… 好大隻，又有鹵水味， 好有滿足感'江南百花雞… 其實係讓雞皮，第一次食，口感好，好味蒜茸蒸虾腸粉底… 第一次食用腸粉底蒸嘅食物 ，口感唔錯 ，好味油浸笋壳魚 …打孖上，魚大條夠香脆，可口蒜茸粉絲蒸聖子… 大隻，好夠味紅酒焗牛尾（配蒜茸包）… 個汁唔錯…好味 若蒜蓉包可以免費添加就更加好，可以用盡個汁小炒皇… 小炒王最緊要炒得香，呢度做得到羗汁芥蘭… 有同事話食到好辣薑汁味， 我就覺得ok東江豆腐煲… 食完以上 濃味嘅食物配番呢一個煲， 可以中和番味蕾甜品…即炸煎堆仔 熱辣辣飲品另計… 我哋叫咗啤酒及汽水同事們帶咗四至五支紅酒午至六支白酒 盡興而歸值得推介 一班人 食飯聚會嘅好去處

一坐低食飯就俾人話我近期成日中伏～ 咁今晚就食一間食多好多次都係咁encore既～ 大叢！我好鍾意係度食嫁～ 雖然環境只係好大排檔少少， 但性價比真係太高，d 野又好食，真係唔想開名俾太多人知道，難訂位今晚個個餸都咁好味， 成日擔心叫得多又碟頭大食唔哂，但太好食啦，除左好一般既壽包剩返d, 7個人清哂咁多餸第一味湯： 花膠響螺煲雞腳，好足料，但真係咸左d第二道： 驚艷既江南百花雞，要預定先有得食嫁，外圍係涼拌青瓜雞絲，中間係炸子雞質感既雞片包住蝦膠肉，超好味，100 分第三味：蒜蓉粉絲蒸聖子王，足料、鮮味第四味： 小炒王， 每次黎必點！ 有蝦有鮮魷，仲有炸到脆博博既蝦乾同腰果，好香口，好味！第五味：椒鹽鱔片，避風塘口味， 夠鑊氣，食唔停口呀！第六味： 紅酒燴牛尾配蒜蓉包，另一必點之選， 牛尾又入味又諗甜品都可以既～完美既一餐！！ 一定encore!

有好多海鮮，最鐘意係蒜茸粉絲蒸蟶子，仲有紅酒燴牛尾加埋法包，讚讚讚！呢度d服務都ok,係環境有d嘈芝麻雞好好味，必食！甜品我覺得最好食係芝麻煎堆我真係第一次食，其他餐廳都無呢個咁好味嘅煎堆。

七人同行，book 咗位，原本想打邊爐，但係其中一位朋友想食小菜。咁就試下呢度既小菜。店上多數客人都多數係打邊爐，只有兩枱係食小菜。當晚八點鐘點菜，但成八點九先上到第一度餸。相信這店都以火鍋為主打，眼見火鍋配料出得跟快。又係樓上舖，有幾枱食客在吸煙。小菜款式選擇不多。地方不大，很嘈雜，不宜傾計敘會。冰梅骨-酸甜適中，香口乾身，一口一粒。不過成碟約得十粒左右節瓜粉絲煲-節瓜不太硬亦不太焾，粉絲很入味，平凡中顯功架芝麻雞-皮脆肉滑，每塊皮都沾有芝麻XO 醬西籣花炒雙蚌-水準一般豉汁蒸鱔-水準一般，全碟又不超過十舊紅燒豆腐-味道不錯，豆腐不會一夾就散蒜蓉炒菜芯-又係一人一條