森記餐室飯館 (Closed)

長沙灣 臥虎藏龍既地方意思係 好多好野食 今日黎到 呢度 當然因為好朋友介紹 因為海鮮同小菜亦都做得好出色 不過今日唔係介招海鮮 而係 叉燒飯因為得一個人食 所以 食下碟頭 飯名：黃袍叉燒飯 叉燒厚度肥瘦適中 燒得剛剛好 重好入味 相當出色 另外黃袍 係咩？就係炒滑蛋 口感非常之滑 送飯一流介紹甘多先 下次黎試小菜

作為深水埗友，唔識好多時集中係深水埗搵食。深水埗啲食肆平文化為主，價錢大眾化。唔算好好味打係性價比高。今日來到森記，就食個叉燒蛋飯，個名就好型啦叫叉燒炒蛋飯。但係又想北海道牛乳炒蛋，個蛋炒得好滑，蛋味好香。叉燒好能好軟身。豬肉味香噥

一個三号風球晩上, 八成入席, 三人可以坐六人卡位見到樣樣都好似好好味咁, 今次試咗兩碟招牌菜先, 下次要試雞煲 及其它小菜 一句講哂 : 好味 P.S. 希望老板可以在紅磡區開分店

聞說這裡的叉燒好美味，專誠到來一試!用上西班牙伊比利亞豬肉，出來效果鮮嫩多汁，豬肉味豐富!$160-8件厚切，$20啖好似貴左d，但堅好食!! 記得要提早預留!燒鵝$350隻，都係要預留，好大隻，朋友住深井，話好食過深井燒鵝!8個大男人到最後都係食唔晒薑蔥桶蠔，夠火氣，薑蔥爆香了，蠔也唔覺腥，一煲有5-7隻，視乎蠔大小。煎大蝦碌，每隻二両$28，煎得夠香，蝦肉依然嫩！伊比利亞豬做的咕嚕肉，個人覺得呢個同普通咕嚕肉差唔多，食唔出分別。最後忍唔住要叫多碟叉燒，真係好味!其實仲有實惠d既叉燒蛋飯，雖然唔係西班牙豬，但感覺不俗，絕對比連鎖式的高出幾班!

去長沙灣聽講座，近近地來左呢度食lunch. 見到有好多白領都入來食，呢間茶餐廳質素應該都唔會太差。叫左滑蛋豬扒飯，d豬扒頗薄身，炸到金黃色，表皮脆卜卜，咬落幾軟熟，完全無筋D蛋都好滑好香蛋味，唯獨燒汁就少左啲，要叫佢加~見到好多枱都叫呢個菠菜芝士焗石斑飯，就試下佢啦。賣相就麻麻啦，起初都擔心會否中伏，不過食落口就真係好有菠菜的清香，加埋濃郁的芝士，忍唔住食完一啖又一啖D石斑魚柳都好滑，完全唔腥兩個飯的份量都好大好足料，食物質素上等，38元，價錢親民! 餐牌見到佢推介“黃袍加身” 呢個飯 (炒蛋加叉燒)，賣相非常吸引，希望下次有機會再來試試!

呢間係男朋友媽咪經常歎下午餐嘅餐室，一個報導令到老人家話不如試吓晚飯啦。好在早到，誓估唔到七點後原來都人頭湧湧。呢到嘅環境到算ok，當然坐到卡位嘅我地梗係比較舒適啦，三個人三餸一湯食到腹大便便咁走。咸菜豬肚花甲湯（$70）唔會死咸，算係清，除咗咸香當然胡椒味都好足，蜆肉鮮甜，豬肚滑得唻有𡁻頭。西班牙伊比利亞咕嚕肉（$160）肉質堅實唔會鞋，又juicy，豬味足唔多似冰鮮。陳醋醬汁酸酸甜甜帶香味，炸粉又夠脆，真正外脆內軟。籠仔荷葉蒸雞薑米蛋白炒飯（$98）雞肉都算滑，木耳夠爽，可惜飯底偏淋唔夠雞汁同荷葉香。雞蛋焗魚腸（$68）其實本人唔食魚腸，不過都淺嚐咗幾口。蛋味重，內藏菇片，帶少少腥味。

之前來食茶餐已經覺得食物不錯，今次晚飯更無失望，首推介咕嚕肉，它用伊比利亞豬及意大利醋配以生鮮生果，濃濃的豬肉香，非常好吃，伊比利亞豬肉果然不同的。 酥炸美國桶蠔亦是排介菜式，表炸得非常鬆脆，蠔肉juice,好好味呀。 其他菜式乜不錯如孜然羊肉及椒鹽蝦等等！ 下次再去要試這個西班牙伊比利亞叉燒及燒鹅yummy yummy

係呢頭開工，又未夠鐘，所以又係隨便午餐既時間。叫左個五香肉丁炒飯，擺上台熱辣辣仲出緊煙，色水都算唔錯既，有d椰菜碎加入去炒，個人幾鐘意佢d椰菜，幾夠味，炒飯好香又唔會好油，不過我就嫌佢肉丁太少，搵黎搵去都好似唔夠5粒肉，似係食緊五香肉丁味既椰菜炒飯。不過都算抵食既，$34有個午餐，加$3凍飲，份量都算大。

來過森記吃飯幾次，茶餐廳格局，卻有高檔的食材，一直都感覺這個配搭是很奇妙的。適逢是夜獨自吃飯，來到森記，就想不如試試他們的高級叉燒飯了。森記提供兩款叉燒飯，$48 的「黃袍叉燒飯」(即炒蛋) 以前試過，今次就來個 $98 的「伊比利亞叉燒煎雙蛋飯」吧！說起伊比利亞豬，懂吃的各位食家一定知道是製作高級西班牙火腿的食材，森記用了適當的部位製作 (應該是大腿，或豬扒的部分，有錯請指正)，軟硬度一流，有咬口但不會過爽，配上自家燒肉汁，帶出濃濃的豬香，伊比利亞豬果然不同凡響，$98 有厚切 4 件，附加 2 隻太陽蛋吃飽飽，值呀！來森記的好處是用平民價格吃上等食材，但環境方面就要取捨，例如我今夜鄰桌一家人來吃飯，整桌都是三姑六婆非常嘈吵，加上臨走看到廁所走出一隻大蟑螂到樓面 (食肆好難避免，好彩吃完，不會影響再來光顧的意欲)，急急走人，也是魚與熊掌，不可兼得。

靠邊全部玻璃窗卡位足 東京街景開揚中西合璧是12！！最平早餐不。 是15元馳名翅煲是日選擇人氣早即蕃茄牛肉湯意用名牌辣醬湯有薯粒大量蕃茄，大量意粉很好吃的嫩滑幼身意粉吃得出精緻濃湯 多而美妙牛肉大大 塊可惜稍騷遺憾但仍不過23元食出誠意森哥本屬名廚其生涯可在大門外參看很好很多熟客不妨試試人家出的安格斯牛下次大把靚野在此一分錢一分貨！

因為呢幾個月工作比較忙，家陣至有返ｄ時間去追寫返... 呢晚一行6人去食遲來的開年飯,而我地最後決定去森記食,因為其中一對朋友之前食過數次,話呢間野都唔錯,價錢又唔算貴 我地叫左...荷葉籠仔蒸蟹飯:飯好香,吸收曬荷葉同蟹的汁,但如果隻蟹係大肉蟹會更正由於我地都係菜怪來,所以叫左兩碟菜... 金銀蛋時菜:時菜是白菜仔，咸蛋及皮蛋都很多，但味道不太咸蒜蓉炒菜芯:味道不咸，到枱後不久，就俾我地一下子狂風掃落葉式，清左碟菜了果皮蒸鮑魚：鮑魚的size偏細，一啖就矛左叉燒：好juice，肉質一Ｄ都唔鞋豉油雞：雞肉滑滑的，唔洗點薑蓉，肉都已經好夠味霸皇雞：同豉油雞一樣，肉質都係滑滑的，又係一會兒就俾我地掃清光咕嚕排骨：普普通通，矛乜驚喜椒鹽鮮魷：似酥炸多過椒鹽，呢個比較失望總括來講，部份小菜，不過不失，部份就好驚喜，好好食，部份就有點失望，但以價錢來論，算是矛得投訴吧

放假與媽媽到青山道買海味, 勞動前要填一填肚, 還記得森記的前身是一家傢俱店, 變身成餐廳的時候我有點驚訝, 不過從沒有想過要試...   今日得知媽媽又要到青山道, 我就決定要來尋找之前友人跟我提起的皇袍!所謂皇袍其實是指滑蛋, 配上蜜汁叉燒的一個飯, 森記的炒滑蛋份量不少, 剛好蓋過整個飯, 完全是皇袍加身!  表面仍然濕潤帶點半生的味道, 入口尚算香滑, 叉燒切得略厚, 不過蜜味挺重甜甜的, 中間亦夾帶一點脂肪韌性十足, 可惜這個飯沒有淋上適當的醬汁有點乾, 不夠豐富...媽媽點的炒飯粉得金黃乾身, 加上提子乾雞肉瓜粒, 不會油膩亦有多重口感, 連媽媽吃完都說好像還未夠 哈哈森記的午餐選擇十分廣, 加$3就有紅豆冰, 在長沙灣區算是不錯的好地方, 家裏沒煮的可以多點來試試!

聽聞呢度出名食小菜、黃袍叉燒飯、魚翅？今日lunch一個人食，就試吓啦！環境：開咗大概一個月，所以環境尚算乾淨。地下係燒味部，樓上就有好多卡位，好在都仲有啲圓檯照顧吓我呢啲唔鍾意坐卡位嘅人叉燒燒鴨飯($38)：黃袍叉燒飯其實只係炒蛋加叉燒，都要$48。今日set lunch加埋燒鴨都只係$38，梗係食後者化算啲啦！落單嘅時候講咗要多薑蔥，最後當然失望，咁少邊度夠呢？叉燒半肥瘦紋路清晰，當然唔會好似 '天龍軒' 個黑毛豬叉燒咁入口溶化，但以$38嚟講呢個叉燒係性價比非常高，唔癡牙不特止，仲肉質軟嫩多汁，叉燒外層仲有陣陣嘅香甜蜜汁，色澤自然唔會好似 '燒味家族' 嘅叉燒咁樣一味得個紅字。輪到燒鴨喇，真係不得了啊！皮脆有光澤，皮汁多而不帶任何腥味，好薄嘅皮下只有一小層甚至冇肥膏，啖啖鴨肉鴨味香濃得嚟唔會鹹！$38有咁嘅質素我真係無話可說啊！服務：OK，之後再問返佢哋要多啲薑蔥佢哋都冇黑口黑面

男友極力推介森記。喜歡炒蛋，又喜歡叉燒的我，見到他給我看的照片，尚未親身去到，已經一見鍾情。下層只有燒味部外賣和收銀處。走上樓梯，待應哥哥已經在上面等著我。行完最後一級，轉身一看，乾淨企理，跟想像中的茶餐廳截然不同。抹得＂立立令＂的窗，陽光從窗外射進來，本來已夠光猛的室內，感覺更加開揚。窗邊的大叔嫌太曬，店員立即把窗簾拉下，服務周到。最後，還替他搬到離開窗口的位置。$32-38的午餐都幾吸引，不過早已心有所屬，堅拒動搖。皇袍叉燒飯餐牌亦毫不馬虎。黃袍加身－《宋史。太祖本記》「諸校露刃列於庭曰：『諸軍無主，願策太尉為天子。』未及對，有以黃衣加太祖身，眾恉羅拜呼萬歲。」沒有文藝修養的我，看得一頭霧水，卻不得不讚嘆一句。有霸氣。嘩！鮮黃色的炒蛋，濕潤得反光。薄薄的鋪在白飯上，把整碟飯幾乎完全遮蓋。上面放了五大件半肥瘦叉燒。蛋很滑，入口濕潤，滿口蛋液，洋溢著清新的蛋香。蛋汁沾在叉燒上，看得心花怒放。這難得的一幕，本應讓相機先吃，但實在好吃得不想停下來。叉燒更強。肉質軟腍，甚至可以用匙羮用力壓幾下，便把它一分為二。半肥瘦的叉燒，脂肪位入口即融，跟軟腍的肉質夾雜一起，無可挑剔。沒有誇張的紅色，只有

啱啱出街嘅森記食評攞左編輯推介，知道可能會多左人睇森記食評，拿拿臨補多一篇等Openrice 食家睇下佢地嘅平到笑套餐。先旨聲明，食以下套餐係要Coupon 嘅，但一啲都唔難攞，有兩次經驗，第一次: 首次幫趁完晚飯埋單，同收銀擺左一大叠。第二次: 下午經過，想入去食個下午茶，就走左入去同收銀攞特價餐嘅Coupon，就咁又攞左幾張，真係超級益食家！特價餐Coupon早餐12蚊，有三個選擇:A) 义燒煎蛋通或米粉B) 火腿煎蛋通或米粉C) 腸仔煎蛋通或米粉配熱飲一杯下午茶15蚊，有三個選擇:A) 雞翼薯角B) 沙爹牛肉包C) 日式雞串配熱飲一杯質量又如何呢，我分開左兩次幫趁，第一次食左個沙爹牛肉包餐HK$15，圖片同食評如下:包長九寸有多，內附生菜絲及五片牛肉。包好鬆軟，沙爹味香濃，牛肉焾而唔會霉，係有質素嘅茶記沙爹牛，呢個包絶對可作為一個細食OL嘅午餐。需然冇圖，我試過同公司拍檔下午喺呢度飲過另一次下午茶，個雞翼薯角餐有兩三隻雞中翼同一大塊薯角，份量都唔失禮，味道就唔知喇，因為冇問。奶茶上圖杯跟餐奶茶好正，茶味香濃，回甘長，冇苦澀味，茶葉溝得好，煲嘅火候掌握亦到家，奶味香滑，上上品嚟㗎！