森記餐室飯館 (Closed)

又黎食❤️「黃袍加薪飯」今次多左碟❤️葡汁焗豬扒飯哩度既叉燒蛋飯已經成為左我每嗰星期必食既飯堂啦，今日係Blue Monday梗係要黎啦，照舊嗌左我超級最愛嘅黃袍加薪飯啲蛋都係橙黃色，keep到嫩滑❤️叉燒厚切大大嚿，10萬個滿足。葡汁焗豬扒飯嗰葡汁好香，配埋洋蔥豬扒焗落去啲飯度，令到成件事好入味。******************************舔舔脷程度：😋😋😋😋 (5嗰😋爆登)回頭率程度：🤩🤩🤩🤩 (5嗰🤩爆登)******************************

整體環境好，整體食客很多，份量算多，女性會吃不下。😊😊整體食物質素高,老闆友善。翅非常充足，亦十分好吃。愛吃中菜的我，當然不會放過每一個機會。價錢公道而十分平民化，可以一試。餸菜感覺不油膩。下次經過一定會再來。人客很多，但在繁忙時間也不用排隊，如趕時間也可以來吃。😗😗😗😗😗😗😗😚😚😚😚😚😚😚😚foods are all ok,the space is enough,the seafoods are fine.

聽講呢度嘅叉燒好出名架，終於嚟到食啦哩間係間茶餐廳嘅裝修，但竟然有啲咁好食既野😚😚😚我哋兩個二話不說嗌咗個黃袍加薪即係叉燒蛋飯同埋燒肉蛋飯叉燒出名在於厚切既豚肉，又淋又鬆軟啖啖肥肉配上瘦肉，層次分明咬第一啖叉燒已經咇哂啲肉汁，濃郁嘅牛油味，令到厚厚既叉燒完全唔會覺得乾身，配埋袐製醬汁同埋炒蛋，真係好夾好正其實燒肉都好好食，好脆既皮，不過下次一定要嗌晒兩碗都係叉燒飯，因為真係好厚切好好食嗰種口感真係好難形容呀！厚切豚肉萬歲不過如果啲蛋可以再吵得好味的話就不用了

深水埗地茂本地特色地段，餐廳美食也不少，不過環境較地度，要專情過來走一趟。而哩間森記，絕對是有驚喜推介！黃袍叉燒飯最出名！奄列蛋黃非常嫰滑，叉燒大大舊但有點太厚唔就口感，雖然亦中亦西，送飯一流！又試吃黃袍燒腩、黃袍雞脾飯！燒腩仔很出色，皮脆肉嫩一層燒肉一層薄薄的豬油脂，香口到不得了！下次都會揀燒腩仔多于叉燒了。燒鵝例牌，絶對有驚喜媲美什麽深井老字號。

今次既呢間餐廳，其實老闆係以前做大富豪生意既。到左上一間舖執既時候，佢就轉左手比個仔。想以一個平民價，做一D高質素嘅l既食材。今次試左個魚翅撈飯，雖然係頭頭尾尾 。算做得唔錯，因為佢地係善用食材。佢地最出名係有個雞翅，而果度淨返落黎既，就會做呢一道魚翅撈飯。試下個叉燒黃袍加身，覺得佢個概念幾好，價錢又唔貴。不過個西班牙咕嚕肉，有D貴la，要$160 ，味道係專軟腍既。知廚師都好識做，將所有汁淋落個咕嚕肉，都唔會整到週圍係。呢個價錢又平，又做到呢個質素。反而呢一間佢兩樣做到一個平衡，真係可以做到一個平民食靚野。

數天前因工作關係經過長沙灣，見到此店外有報紙介紹推薦，報紙內看見李+x誠哥的訪問，我沒有詳細看，想當然也應該是介紹此店吧，突然心中想到男朋友極力推薦的皇袍叉燒飯便去試吃了，吃後才明白他為何會如此推薦，那些叉燒切得厚厚的，仍然好juicy 👍🏻👍🏻👍🏻，很喜歡的蛋也弄得滑滑的，加上沒味精的粉葛湯及飲品才賣五十，相比很多餐廳差不多價錢，但完全不好味的有很大差別，只是店內感覺不太乾淨，算是美中不足吧。

剛剛經過長沙灣，一個人吾知有咩好食，開OpenRice 望下，看到依間鋪既皇袍叉燒飯好多like,一於試下。原來真系好好味👍🏻👍🏻👍🏻，叉燒又厚又軟，蛋又滑又香，又有例湯，平時我吾喜歡飲出面d湯，又咸又淡又水，飲完又口渴，好難受😖😖，依度飲落無依種感覺，好舒服，可惜家裡無人煲湯，唔知依個叫咩名。😔😔😔下次黎到長沙灣一定要再食。如果你見到我依篇野又係長沙灣又吾知有咩好食，記得都要黎食，無介紹錯嫁💁💁💁，

上次同朋友嚟食，佢拍晒心口話嚟呢度食一定要食叉燒蛋飯，正式名為「皇袍叉燒飯」，話同親啲波友喺港島踢完都必定突登嚟食咁話。因為上次冇影相，今日突登落嚟補返，順便享受多次。要知道小弟對叉燒（無論港式定日式）我都有要求，除咗肥瘦適中、鬆軟綿密絕不能少，能夠有少少燶邊就更為一流。估唔到呢間除燶邊外接近通通做到。而且更係厚切添。雖知叉燒厚切係店主對自己出品嘅叉燒嘅信心表現。坊間快餐店、甚或部份燒味店嘅叉燒一般都係用刀一拍打散啲纖維再切，咁可以令客人感覺啲叉燒易咬冇根，又可以大份啲，其實只係想大家有個錯覺。呢間用厚切叉燒就見佢信心無比。另外值得一提嘅係個滑蛋，蛋香四溢，加上個汁同薑蓉嘅配搭，仲點輸？但又唔可以唔提嘅一點係厚切叉燒雖然無敵，可惜略嫌凍咗少少，希望店主能夠留意，令呢個「皇袍叉燒飯」 - 即滑蛋叉燒飯能更上一層樓。

記得第一次去長沙灣森記餐室飯店食黃袍叉燒飯，真係食過返尋味，又大碟又多肉，啲叉燒又諗又大嚿，我一個女仔係食唔晒嘅，但係一次過食晒一定會肥爆！炒蛋又滑又香，好夾到叉燒飯味道！加上蔥油醬，撈勻先食，真係肥多10磅都要食晒😆所以叫咗杯凍檸茶走甜去一去油膩🤪而家每一次去森記都會叫呢個黃袍叉燒飯，偶然開心一下都唔錯呀😊我朋友食完都話會推介比其他人👍🏻😊呢個環境又好又坐得舒服又大，有時候一班人嚟食嘢都容納得到👍🏻😉可以下次叫公司班同事來.....

🙆🏻‍♀️森記餐室飯館🏠長沙灣東京街31號恆邦商業大廈地下3號舖及1樓全層💰人均港幣50價錢包埋野飲中等啦滑蛋叉燒飯大家可以食 得多，黃袍叉燒飯大家又吃過沒有？其實都係蛋黎🌞這個蛋也算滑，叉燒大大塊，份量足，但鍾意薄既就未必岩有點重蜜汁味，味道也不錯。經過可以一試

前個排親戚約食海鮮，平時去屯門三聖食得多，今次黎到深水埗依頭食都係第一次。訂左八點位，黎到門口都好多人等位，上到樓上裝修是茶餐廳間格為主，估唔到係有新鮮海鮮食。 先食頭盤，叉燒每件大大舊帶有啲肥肉，而且係用黑毛豬，不過就甜小小建議配白飯食龍蝦一隻，每舊都啖啖肉，冇加面底但食左兩舊都開始飽蒜香蒸象拔蚌，唔算大隻，但每隻都好鮮甜椒鹽瀨尿蝦，半隻都已經有手掌咁大，每隻都有膏同埋唔會煮得過火變硬身。依到平時唔多海鮮，要食最好預先訂位同師傅落定想食咩海鮮，仲有記得留肚食埋個特色甜品-特厚西多

餐牌上鮮豔嘅紅色意粉吸引住我嘅視線，肚餓嘅我不期然就點咗呢道鮮茄雞肉丸長意粉意粉好快上枱，見到意粉上滿滿嘅鮮茄茸，急不及待就趁熱食，蕃茄嘅酸甜味即時充斥味蕾，令人食慾大增雞肉丸幾特別，用手打豬肉丸嘅做法製成，口感獨特，再配上香草茄茸，味道更添層次及風味這款雖然比較普通的菜式,但舅父吃得很開心。他跟我說咖喱味很香,而且很濃郁。跟嫲嫲煮的餸菜一樣。尤其是雞柳很香很滑吃得出很鮮味。加上他們獨有的架哩curry顯得相得益彰凸顯色香味俱全。令人垂涎三分。

今晚超凍。。。朋友想食羊腩煲佢提議去森記。。。因我地得三個人。。故只叫了半份叉燒，半份蝴蝶羊腩煲，一份椒鹽鮮魷。。叉燒半肥廋，味道香濃，肉質嫰滑。。正椒鹽鲜魷。。。炸粉略厚。。鮮鱿新鲜爽口。。但炸得吾夠乾身。。合格。蝴蝶羊腩煲。。。去骨羊腩肉。。冇黑草羊咁硬身。。有牛爽腩feel...支竹入味。。。好正要讚佢地會加腩汁比你慢 煮生菜夠細心。。。。佢地仲可以自帶酒。。。免費提供冰桶。。以小店黎講相當有誠意

上星期同老公和表弟兩公婆諗去邊度食飯，因為我哋都係無飯夫婦，所以經常要揾野食，今次經過長沙灣見到呢間茶室便想入去試試，因之前已有朋友介紹過叉燒好食，所以決定去試。我們哋點了“西班牙伊比利亞叉燒“，“海南雞飯“，“籠仔蝦蒸飯“，“宮廷濃雞湯大煲翅“，“ 蔥油雞“， “浸莧菜“，“粒粒西多士“。叉燒真的不得了，口感一流，肥瘦適中，鍾意食小燶朋友啱哂呢個海南雞飯都係不差， 海南雞十分嫩滑，油飯都好有味道，都可一試食海南雞飯套餐送油菜和例湯添籠仔蝦蒸飯， 蝦都好有鮮味， 蝦汁滲入飯裡梗加入味宮廷濃雞湯大煲翅好大塊翅，湯味濃有相為證蔥油雞都好嫩滑呢個飯後甜品都冇得輸，粒粒西多士記得留肚食呀總括來說都十分不錯，但美中不足的係沒有地方泊車，如揸車的朋友就要諗諗冒一冒險了

週末歎個下午茶輕鬆一番，來到長沙環冇乜好食。見到呢間野裝修都正正常常。加上有街坊價，平平地就試下。下午茶叫左焗豬扒飯。加個凍檸茶少甜。個焗豬扒飯不過不失。但係炒底唔夠香，如果能夠炒飯底炒到乾身會更加好。芝士味唔夠濃郁。豬扒都算幾深先。總括而言不過不失。凍檸茶少甜。檸檬都算係新鮮係新奇士檸檬唔係非洲檸檬。叫咗佢少條女嗰杯的確係少甜。算係有聽我講嘢。40蚊有找不過不失啦。總括而言街坊價有呢個質素，可以接受嘅。