森記餐室飯館 (Closed)

新年前的某日，帶了小朋友們到父母玩一天。我倆就當然鬆一鬆，愉快地二人世界啦。回程時，得知我阿姨約大家吃晚飯。很久沒有同阿姨見面了，當然樂於參與這即興的飯局。取車後收到短訊，收到這《森記餐室飯館》的名字同地址。我們把車泊在東京街一角，在餐廳會合久未見面的姨母姨丈一家，開心地團聚一餐。可惜的是，撰文的當天，發現此店已經結業了。在晚上到這一間《森記餐室飯館》，感覺就是一間中菜館。實際上，這是一間茶餐廳兼一間燒臘店，出名的是他們的叉燒。可是，當晚的叉燒賣晒，我們就只有同樣出名的燒鵝。一端上桌，散發出來的氣味已經讓我知道，這絕對是皮脆肉香的燒鵝。鵝油同鵝汁都豐富得很。芝麻雞，是此店我另一個名物。稱之為芝麻雞並不是因為此雞種是食芝麻大的，而是製作是，在雞皮外沾滿了芝麻，令到芝麻的香味滲入了雞皮同雞肉內。比起大家食得多的豉油雞同吊燒雞，更香口，更可口。帶埋小朋友去食飯，當然要有一些一定會令小朋友開心的食品啦。我們就點了一份生炒骨。甜酸度適中，食落大部份都是肉同軟骨。這一種口感，這一種味道，不知為何，永遠都會令小朋友食慾大增。芋頭油鴨煲，芋頭的香味同油鴨的油香混合在一起，入口完全沒有臘味的油膩感，但保

好可惜得知結業消息，之前在長沙灣上班一星期也會幫襯幾天，老闆的葱油雞飯加凍飲不到30元，但好食程度比一般燒味店好上不至一個層次，加杯凍檸茶少甜真係人生樂事，可惜沒有機會再吃到了😢

剛從森記出來，佢地有個金長頭髮的肥夥記在我枱上“啪”了三聲，分別是一個水壺，一碟牛河及一張單(有塊板垫底)。請這種人倒米夥記，客人食氣都飽啦，使鬼食嘢咩！埋單時同個收銀阿姐講，佢笑到執金咁，真是一間奇怪的茶餐廳。

之前係大坑食過滑蛋飯念念不忙 勁多人排隊 而且品質超高估唔到長沙灣都有類似既～老遠都要拉埋同事一齊黎食啦通常都係叫呢3款　舊叉燒、腩肉 同埋雞脾叉燒真係又厚又大份 食落口好香 唔會乾我地係特登叫瘦叉 健康啲 哈哈 但就無咁正腩仔都無話肥到頂唔順..  燒到個皮脆卜卜 又唔會硬到紙版咁而雞脾呢 就好滑啦不過 我偏好係甜鼓油 佢係咸的.. 同埋比得唔多豉油好幾次都要問佢拎多啲個滑蛋都好香好滑如果佢個豉油有加啲蔥 再炒下 就會正好多 

相約4位朋友原定去打邊爐，但朋友極力推介呢間位於長沙灣隱世蜜汁厚叉燒，唔止叉燒好味，其他小菜都一流而且非常抵食蜜汁叉燒～好厚身而且肥瘦適中，蜜汁味甜甜，真係好好味芝麻雞好香口鵝腸炒得好爽口豬手肉質非常淋身，入口即溶🤤而且好入味避風塘炒蟹炒得非常香口，乾蒜用黎撈飯食一流🤤，肉蟹都好大隻好多肉砵酒焗生蠔～生蠔有手掌咁大隻，好肥美非常野味粒粒西多士，中間有花生🥜醬，仲可配牛油，煉奶及糖漿食其他小菜都非常吸引，適合大班朋友一齊食可以試多d不同菜式，而且非常抵食

森記呢間餐廳已經幫襯咗好多次 ，無論早餐，午餐，定晚餐價錢都好大眾化，好抵食。 早餐嘅款式都好多選擇， 中式西式都有 。午餐方面，碟頭飯價錢便宜，份量大碟，抵食 。晚餐 都係價錢 非常之抵， 而且食物有質素 ， 尤其喺燒味方面，乳豬， 燒鵝 和芝麻雞做得非常出色。 服務方面:覺得 店員 係好細心， 而且有禮貌 ，呢個真係值得一讚， 每個員工都係快手快腳做嘢， 睇得出佢哋係用心去服務客人 。唯一一樣嘢， 我想有少少意見 ，就係希望老闆考慮下，唔好只收現金，或者試下收埋信用卡或者其他電子貨幣例如alipay或者wechat pay ，因為好多時一大班人出嚟食飯，真係唔會帶咁多現金出去畀錢， 如果晚飯食到過千元嘅話，又冇得碌卡 ，又真係幾尷尬， 希望老闆考慮下， 收錢方便加入其他電子貨幣會更方便

森記最出名有三樣嘢，叉燒、燒鵝及鵝腸。叉燒有伊比利亞叉燒，肉質較稔，蜜香略焦，惹味非常，不過價錢稍貴，平平地食個黃袍叉燒飯，經濟又實惠！燒鵝是食個汁！鵝腸是用新鮮貨，坊間少見，一味豉椒鵝腸已經值得一來。

睇開我嘅食評都知道我真係好鍾意呢間度食叉燒飯成個星期冇黎幫襯真係心思思想再嚟食望到個Menu其實有啲想揀焗豬扒飯，不過最後都係嗌咗兩個黃袍叉燒飯食因為唔想放過任何食叉燒嘅機會呢度嘅環境其實幾闊落，嚟咗咁多次都係第一次坐喺裏面，感覺好似冇咁嘈嗌咗兩個黃袍叉燒飯，一如以往，好快就上枱啦，齋睇埋相完全冇令我失望架不過食落口就有啲失望，雖然都算係厚切嘅叉燒，但係今次啲叉燒燒得好老，好硬身呀，完全咬唔落口，仲搞到我個喉嚨損埍地喔🤨🤨🤨🤨🤨🤨

聽聞呢度嘅滑蛋好出色，趁午飯時間專程嚟試下門口格局似酒樓，要上一層先係進餐嘅地方，一坐低侍應已經自動擺低是日例湯 - 白菜菜乾湯，下一下火都唔錯一般茶餐廳食到嘅呢度都有，成五六張餐牌，碟頭飯、炒粉麵、夜市小菜咩都齊，仲有埋標榜啱老人家食嘅長者餐。我哋此行為嘅係滑蛋飯，奇怪搵唔到相關嘅餐牌於是問侍應，原來滑蛋飯有個好有氣勢嘅名 – 黃袍系列，配搭唔同款式嘅燒味/吉列肉類，跟餐送熱飲於是我哋嗌咗黃袍系列拼叉燒、燒肉同雞脾滑蛋果然炒得好出色，坊間有啲茶餐廳會標榜落牛奶，反而令怕羶嘅人卻步，呢度嘅滑蛋冇嗰種羶味，依然保持到滑嫩，靠嘅就係廚師嘅功力叉燒厚切，冇咩肥膏啱曬鍾意食瘦叉嘅我，不過味道偏甜，整體有啲乾，唔算太令人難忘燒肉皮脆，有陣鹹香，但肥肉佔50%，下次會叫侍應盡量畀瘦啲嘅部位雞脾煮得剛好，夠滑嫩，保留到雞嘅鮮味三種燒味都會跟蔥蓉，呢個大配角無疑令成碟飯嘅味道更香更出色

住在長沙灣，經常經過這間森記，但也沒有走進去試一試，今天午餐突然醒起不如就去試一試。叫了一個招牌菜黃袍叉燒飯，算是有驚喜，有四塊大大塊的叉燒，叉燒好淋味道不錯，雖然只有四塊，每一塊都好厚肉，再配上香滑炒蛋加飯味道好夾。價錢合理，送例湯，又可以加$3有凍飲，凍咖啡都不錯，口感香滑。我老公叫的黃袍雞髀飯也不錯，真是原隻雞脾上，好足料。見到餐牌上還有不少小菜套餐，四人份六人份十二人份一圍也有，下次要帶家人再來試一次。

今日特意來到長沙灣東京街元州街附近，一間吳起眼嘅茶餐廳，在店舖外抬頭望望，原來老細兼大廚來頭不小，曾經係幫過好多餐廳，中午嚟到1:00，見到已經有半場嘅客人，望下餐牌有咩食，黃袍香妃雞髀飯，相片見到唔錯，我見到好多人都食黃袍叉燒飯，心諗一定唔錯，就決定叫佢試吓，首先來到叉燒飯，這個叉燒不得了，雖然只有四片，但係非常厚切，呢個非常推介，加埋蔥油very good，雞飯接住而來，買相唔錯，但味道一般啦，個湯飲落冇味精，已長沙灣$50呢個價錢，叉燒非常好味，其他嘢就一般，下次可以試埋其他小菜

森記係我一間好鍾意光顧既餐廳，佢既黃袍叉燒飯係我最愛😍不過今日就覺得有少少失水準，今日都係準時12點半左右上到去餐廳，今日都唔會好多人，照舊黃袍叉燒飯，今次見佢由平時既碗轉成左用碟，都係不以為意，今次既叉燒就真係有少少失水準，口感無之前食既咁豐滿，味道都無咁濃烈。反而蛋就仍然保持到水準😍而且茶走都仲係咁好飲，正呀👍🏼雖然今次叉燒有少少失色，不過都唔會影響到森記呢間餐廳仍然係我最鍾意既一間叉燒飯餐廳，希望下次可以回復水準😍

❤️黃袍叉燒飯厚切叉燒，配埋湖北嘅炒蛋😍😍佢啲叉燒同出邊嘅叉燒真係好唔同，真係念念不忘佢既厚切叉燒呀，不過今次有啲失望呀，啲叉燒無以前咁有口感，有啲鞋身，好un喔，對於一個叉燒控黎講有點失望喔😞******************************舔舔脷程度：😋😋😋 (5嗰😋爆登)回頭率程度：🤩🤩🤩 (5嗰🤩爆登)******************************

其實我都幾鍾意喺呢一間餐廳度食午飯，或者食下午茶。原因係佢好多位，多數唔使等。另外佢午餐嘅選擇亦都比較多，基本上總有一款係啱食嘅，而佢嘅價錢亦都好合理。今日我就叫咗燒鵝飯，過飯嚟到嘅時候我見到係燒鵝髀，我覺得係bonus講真佢嘅份量係啱啱好，食完唔會話太飽或太餓，好啱我呢啲唔算好大食嘅女仔佢仲跟埋嗰個酸梅醬，同個燒鵝非常之夾。個燒鵝唔算好多肉但就勝在個皮薄又夠脆，口感唔錯。食完個飯之後跟返個熱奶茶，個奶茶夠滑，令我覺得好滿足

家常晚飯通常都係叫吓小菜今晚叫左3個餸逐一同大家分享下.金銀蛋浸莧菜份量很多味道清清淡淡感覺上無乜味精金銀蛋香味都有唯獨係個菜未去到好淋可能唔係當造既季節～.海皇粒賽磅蟹好有驚喜海皇唔係得幾隻蝦仁有彈牙既蝦肉同帶子蛋白炒得好滑加埋個蛋黃一撈忍唔住叫左碗飯食.最後一個係厚切叉燒只能夠說太貴啦～得4舊要85$（要再加一）佢係同一般叉燒個香味有少少唔同但係其他部分未去到太特別～不過絕對唔係難食（只係覺得貴😂）.另外茶介只係3$都幾抵～