森記餐室飯館 (Closed)

呢間野呢，都幫襯過唔小次架喇，因為佢個叉燒真心出色。之前呢，咁都7點零8點先黎，咪唔覺有問題，茶記係咁架啦。今日5點50坐低，個阿嬸就收埋個下午茶牌，話做到6點，ok，我無問題既，我一心黎食晚餐既，咪收囉。咁我見到有個餐牌寫住乳豬飯，特價到18：00喎，咁心諗嗌左先啦，個阿嬸就話，做到18：00，無得嗌喇喎，我話17：55咋喎，點6點呀。好啦，佢同我講話問下做唔做到先，18：02返黎覆我，話而家過左喇，無喎。都係個句，我一心黎食晚餐，唔係介意比，只係咁樣比人水法，都幾谷氣囉。你一開始同我講，廚房cut左單喇，我係無野架，我都明白，咁既時間廚房收左個下午茶檔，係應該架。唔係阿嬸你咁強調話18：00無，我係唔會指住果個餐牌黎嗌，問做唔做到問到6點02先返黎，明有心花客囉。唔想做，咪講囉，本人都係做服務行業，就算唔想做都唔會咁花啲客囉。茶記無服務，合理既。好似佐敦某餐廳，鬧客咪鬧客囉，咁人地明買明賣，我又覺得無問題喎，而唔係用啲咁既手段去水客囉。講返食物喇，咁嗌左個叉旦飯同海南雞飯。雞飯就不予置評。叉燒一如以往，出色，抵佢值呢個價既。p.s 食到半先諗起影相，係證明我有黎過，唔係白撞黎找麻煩

一行十三人到森記食晚飯，七點已經全舖既枱滿哂！好彩有book位，所以無需等位，可以舒舒服服地享用晩餐，一共點了十二個餸及最後點了西多士做甜品！首先來既係伊比利亞叉燒，有八大件，需要用刀再切開來食，叉燒非常美味！易咬好新鮮！相信這個是非叫不可！之後來炸子雞半隻，這個普通好食！接著燒鵝一隻，也非常好味，相信下次來也會再點！跟著椒鹽鮮魷及蠔餅，也非常惹味！還點了栗米魚柳、荷塘蒸豆腐、涼瓜炒蛋、蜆肉芥蘭煲、金銀蛋莧菜、沙巴躉，也都不錯！只係砵酒蠔好咸，食完一個要飲左成杯水！總括而言，食物唔錯！特別個叉燒同燒鵝必食，下次都會再來！

今日是星期日，早前預約在深水埗工作。一早乘車到達目的地，在"開飯喇"搜尋"附近"餐廳，看到有一間叫「森記餐室飯館」位於不遠處，不用一會兒便找到。從大門進入，沿樓梯上二樓飯館內。環境，設施，擺設及衛生就一般。座位之間尚算寛。侍應服務態度友善及有禮貌。整個早餐上枱時間約五分鐘左右。我點了沙爹牛肉麵，腸仔煎蛋和餐飽及熱奶茶。沙爹牛肉公仔麵有牛肉，洋葱，生菜和公仔麵。暖暖地，賣相可以。牛肉的肉層夠厚，肉質爽軟，肉味香濃。洋葱煮到八成熟透，葱味已滲透入沙爹醬汁內。食起來軟滑，又有葱香，味道帶點甜。生菜，鮮嫩爽口，味道清甜。公仔麵的麵質較硬，似乎煮麵時間拿揑得不夠準確，口感欠奉。湯底是自家製的，味道清淡不太濃烈。不過，用來拌麵最好不過。濃烈的沙嗲醬汁混合麵湯在一起，可彌補清淡的湯味。在點餐時，我已經轉了俗稱"太陽蛋"。從整外形來估計，相信是用了煎蛋器來製作。咬開時，會有蛋漿流出，蛋味濃郁，又有囗感。腸仔的色澤暗啞，腸味道淡。餐飽是圓形的。不過，形狀較細，分量較輕，味道就沒有，口感不夠鬆軟。不過，搽了牛油，好味道又好吃。熱奶茶，熱呼呼的。紅茶和淡奶比例不適中。茶味不夠香，味道又不夠濃。不過，尚可接受

媽媽不想煮飯，就同佢去附近茶餐室食個快靚正晚餐！餐廳係2樓，1樓只係收銀處，後面應該係廚房海南雞飯海南雞無骨，配有醃青瓜 醃蘿蔔 開胃爽口點醬有三款：蔥油、甜豉油、甜酸醬完全無泰式既味道，只係將茶餐廳原有既醬料比客人，無為呢個海南雞飯特別研製合適既調味料雞肉好鞋，可能佢比左雞胸既關係我雖然顏色呈黃油，但雞肉無咩味皮肉之間都無jelly 唯一好味係個飯，有黃薑味，粒粒分明，有油香！涼瓜炒牛肉普普通通住家飯味道，但賣相有待改善！見到凌亂既擺碟有d反胃🤢雖然我唔可以期望茶餐廳有咩水準，但都可以抹乾淨碗邊先比客人苦瓜切得好厚，搞到個心有d硬，好似唔太熟咁如果只係快快手填飽個肚就可以黎如果講究味道，個人會推介上一個街口轉角位那間茶餐廳比較好

首先要解釋一下，事源母親大人每次食叉燒都會語重心長叫我一定要去森記試下個黑毛豬叉燒，「一百蚊得4件咋，真係唔同一般果d！」呢句說話，佢講到我就嚟發夢都記得。今日本身去鋸扒，但售罄。唯有馬上轉場，朋友提議去金潮，我就不願想起森記，於是一行四人就踩落去。雞煲翅（$420）雖然只係翅頭翅尾，但係一上枱都幾震撼。侍應仲要好好氣氛叫我地影相四個人一人一碗滿滿嘅翅裙，仲要幾好味。傳說中「食完唔會再食其他乂燒」嘅西班牙黑毛豬乂燒（$85）坦白講，其實...佢只不過係一舊厚乂燒...蝦籽撈面（$88）都ok嘅，幾多蝦籽呢氣海杉班（$328）要讚一讚，因為抵食！我之星喺街市買條比佢細dd嘅星班都$280，煮出黎都係差唔多。其他普通料，無野值得寫。埋單$12xx ，都ok啦。不過試完一次就唔會再去。

今日lunch又同同事黎食黃袍飯，佢d炒蛋冇得頂。之前試開 黃袍叉燒 厚切 但有少少un，今日試佢嘅黃袍雞髀飯有驚喜，隻雞髀幾大隻同幾滑，推薦。另外同事試左28蚊 貴妃雞飯 超抵食。睇黎呢到都會係我地經常光顧嘅飯堂啦！

得知森記最近有早茶應市，當然要去試試！先申報利益關係，跟老闆森哥相熟，森記就像我們朋友間的飯堂一樣，晚飯菜式中海鮮做得尤其出色，小炒及懷舊菜等亦水準相當。今次到訪試了他們早茶的四款點心出品，整體來說功夫扎實，用料新鮮，即叫即蒸，沒有不必要的花巧，作為一家菜館，兼做早茶，能有媲美大酒家的出品，實在難能可貴！非常佩服森哥對出品質素的執著。蝦餃皮薄饀靚，蝦肉爽口，肥肉份量少，雖然定價平民，但質素及得上中上酒家賣上HK$40-50一籠的貨色。蟹子燒賣豬肉鮮蝦比例均秤，肉及蝦都有彈牙口感。山竹牛肉做得嫩滑，帶明顯陳皮香氣。最出色是义燒包，皮有着濃濃的麵香，蠔汁义燒饀料非常惹味！

中午同朋友行開哩頭，上去食午飯，我地叫左個雙拼燒味飯（燒腩+切雞）凍檸檬茶，一個火腿芝士焗意粉，凍奶茶，個燒味飯好味，燒腩係薄身脆片，切雞唔肥，最緊要係唔生。個奶茶同凍奶茶都好味，唯獨係個焗意粉失望，個樣睇來唔錯，一食太健康了，無鹹味，意粉味搞乾，有水，同芝士一齊變左一趟水湯面甘，難食。

Used to live at Cheung Sha Wan, and come to eat at this restaurant from time to time.It’s a great place to have breakfast, lunch and family dinners. Price is very reasonable and it’s quite tasty.Came here with my wife and my father in law the other day for dinner. We ordered 3 dishes, and it’s only less than $300.Overall, I’ll rate the restaurant 4/5 Great food with good deal! Green Onions Soy Sauce Chicken:- juicy and tender, with a nice soy sauce.Rate 5/5Nam Yu Sauce With Mixed Veggies:- a l

天氣咁熱諗住叫個冬瓜盅消暑啦，點知叫完就一肚火。話說呢度有兩款冬瓜盅，一款叫錦繡冬瓜盅$98（細）、一款叫海皇冬瓜盅$168（細）。店員落力地叫我地叫海皇冬瓜盅啦，好啦咁我地就叫了海皇。點知嚟到我地載了四碗，第四碗先見到有一隻蝦，其餘都係得少量絲瓜、草菇和燒鴨皮碎，真係把鬼火，叫左個侍應嚟咋型，點個個女侍應話係咁架啦，我地四個人即時眼都突埋，我即刻無名火起。收得呢個價錢，你得一粒蝦、燒鴨碎皮、幾舊草菇和少量雞肉，咁叫海皇冬瓜盅，你唔係咁hea我呀？做食肆唔駛賺到咁盡呀？其實有冇心做真係一睇就知。其餘小菜亦都非常一般，真係無下次

今日陪我先生去食早餐，呢間森記餐室鋪面排場還可以，可惜上到去，個d伙記就跟住我地坐，我都未睇餐牌點會知想食乜呢，之後嗌咗腿通搭餐包個餐。。食到岩岩食哂啦就即刻收走隻碟同碗，感覺好似吹人埋單咁(唔只一次)，第一次食都仲可以體諒，第二次都係如此，真心發覺佢哋嘅伙記唔識do.呢間餐室食物普通，稱唔上好味。

放食lunch同同事上去幫襯森記、原來發現4月中呢間餐室突然有點心吃😱重要啲點心係即叫即整、夠fresh,我地叫佐山竹牛肉、雞扎、咸水角、义燒包、粟米粥、春卷、鳳爪、超大糯米雞、排骨、懐舊馬拉糕.......嘅點心、雖然好普通嘅點心但師傅做得好出色，味道同出面係有分別、因為啲食物冇咁多味精、啲食材全部好新鮮👍我地6個人共食了14樣點心埋單都係$288、每人都係$48🙀因為呢到茶錢每位收$3、係最緊要唔使加一呀👍所以可以多啲黎嚟幫襯！

第一次寫食評🤦‍♀️餐廳門面乾淨，上去到不過不失啦，普通茶餐廳咁，有些快餐都很平！當我們坐下黎，呀姐就即刻走過黎話落單，而且仲立刻推介個$500一份既吾知咩魚啦！我地梗係冇要到啦！我地睇左陣餐牌又有個呀姐走埋黎推介海鮮，我地都係冇接受到既，諗住問埋呀姐老實個雞煲啦..點知呀姐吾知聽吾到我地發問呀定係我地細聲啦..即刻走左頭也不回！服務講都知茶餐廳係咁架啦！咁我地就嗌左雞煲翅（冇味既）叫沙嗲粉絲蝦煲（連沙嗲都可以冇味蝦係「梅」既）仲有個老干媽小炒王（都吾錯係淡味左小小）最後一個啫啫雞煲（味道可以，係雞比較「鞋」）味道真係見仁見智！個人覺得比較淡味！

元州街黎講行過深入埗果頭就大把野食，長沙環呢頭唔熟路，見到呢間森記既食評又唔差，聲稱平民飯堂得黎出品幾好，咁就挑下佢機啦。本身想試佢最出名既叉燒，見到28蚊個雞飯，又有乳豬飯，心諗抵丫，點知我入門口未夠6點，落單果下6點零3分，呀姐話冇，超失望，咁規矩係規矩，的確冇得怪人，我個人又衰，鐘意包咬頸，我就唔食佢d燒味，吹咩！最後叫左椒鹽豬扒飯，想睇下呢間野功夫如何，呢種鑊氣小炒小菜類就見真章。盛惠50大元，Size黎講我大大個麻甩佬都夠食，賣相麻麻，但唔太油，夠味夠鑊氣，椒鹽好多時較乾身但呢個脆得黎濕濕地，幾好。見到外面有汁之餘入面都唔鞋，而且唔肥。送既即磨咖啡，算係少少驚喜，都算飲得下，同星字頭既比緊係唔係果樣野啦，但同一般茶記來講，叫做唔錯。價錢黎講，晚餐50蚊仲有奶茶咖啡送，野食又唔差，CP值算係咁，平民飯堂叫唔錯啦。當然地，服務同環境不要存在任何希望！

因為有優惠劵，所以同家姐來到這𥚃試下佢地的早餐。 見到a 餐有魚柳，雖然好細件，但17蚊， 都抵既🤔然後二個a 餐（魚柳叉燒煎蛋通/米）轉個頭就到左， 一如我所料，通粉係平價個隻， 硬硬地；然後個叉燒，乾到好似肉乾咁，食落仲有陣雪味， 我覺得自己食緊隔夜叉燒，仲要隔左好日；最過份係魚柳， 一心想食魚柳先叫a 餐， 點知來了魚片😑😑😑。 問下侍應，佢話張卷打錯左，🧐🧐， 但你幅圖都係魚柳來的喎。 不過我都算，17 蚊😑。其實魚柳好，魚片好，係咩就寫咩啦，比客人自己㨂，唔好呃消費者😔😔😔仲有一點，因為我家姐唔食生蛋，所以落單特意叫左佢一定要全熟蛋，但來到都係唔熟😧😧😧好無責任感，然後佢杯熱好立克係完全唔熱，d 粉溶唔到，糖又溶唔到本來打算試完個早餐係好味， 可以多個開飯點， 點知😞😞😞絕無下次成個餐某一ok 的就係我杯熱檸茶，正常