新香園

Open Now

Now Closed

今日係深水埗踢完波，就順便係附近塭左間餐廳同 D 朋友吹下水聚下舊喇。朋友就帶左我去幫襯一間佢話蛋牛治好出名既餐廳 「新香園」。坐低左之後睇睇個餐牌，餐廳食物收費好平，估唔到依家重會有咁平既麵食，一碗都只係 22 蚊。所以我除左叫了招牌菜蛋牛治之外重叫了一碗柱候牛腩麵。蛋牛治同柱候牛腩麵份量都好足料，雖然蛋牛治好大份但就無朋友講到咁好食，而柱候牛腩麵就不錯。如果以呢個價錢可以食到 D 咁既質素既食物，其實性價比已經好高。

未試過新香園之前，我認知既蛋牛治既牛只有免治咸牛肉罐頭。今次一試，原來用新鮮滑牛係可以咁好味😋😋😋首先，建議大家唔好慳果一蚊，去得食蛋牛治既，一定要＂旱＂底。一上碟斎望，以為個蛋煎到好老，但其實又錯，因為外面望係乾身，但食既時候中間係有蛋汁的。總之一句講曬，係好食既👍🏻👍🏻最後，個人一直以為麻辣口味應該要濕濕地食，所以乾身食的三文治，就冇試麻辣，不過食完今次，下次會有信心試下佢呢度既名作＂麻辣蛋牛治"

Date: 28Dec不肯定這裡跟另一間新香園是否同一老闆，只是剛好經過又未吃早餐，就找個位置坐下來了。這裡的裝潢是「新裝修的懷舊」，跟另一邊很不同。負責落單和收銀的那位侍應都很熱情好客，看見他和其他街坊食客有講有笑，說實在很少會感受到這種溫暖的服務態度。↑不得不點的烘底蛋牛治，炒蛋算多汁，蛋已熟又不會太老。只是感覺蛋一層、碎牛肉一層，而且牛肉偏咸；兩間比較起來還是另一間比較好食。↑熱咖啡算是不過不失，有足夠的咖啡味又不算苦澀。用「黑白淡奶」的耳仔杯上，夠「茶記」、夠地道～

Hong Kong is a city of change and that is not always a good thing if you are into traditional good eats. Quite a few of my favorite spots had disappeared due to high rent. So it is a pleasant surprise to see this place in Sham Shui Po, it is a new version of the place a couple of blocks away, this is a more refined, cleaner or an updated version of Sun Hang Yuen. All the favorites are there plus some new additions, like the spicy scrambled egg beef sandwich, which is very juicy. Of course my rec

上次黎獨食過之後今日帶埋老婆黎食亦都要試上次冇試既麻辣蛋牛治本身佢個蛋牛治已經好正而今次呢個加埋麻辣味辣得好過癮佢唔算太辣但唔食得辣就唔好亂試見到牆身有呢個廣告就叫黎試下相信係鮮奶加紫薯粉味道幾好牛腩撈麵真係令人失望不過呢間唔係主打麵食只係蛋牛治都夠我一試再試

今日同老友落鴨寮街買野經過呢到佢話呢間蛋牛治好好食我就抱住試一試既心態黎試下餐廳唔算多人相信因爲下午茶時間人流唔算太多見到呢個蛋牛治隔住屏幕既你係唔會感受到佢既香味多士哄得好夠脆重點係牛肉出面食蛋牛治多唔係免治牛肉或鮮牛肉呢一到既煮法係細塊既鮮牛肉肉質好之餘又好Juicy下回預告:麻辣蛋牛治

Weekend等洗車，實會黎深水埗揾野食。呢期最愛就係新香園既蛋牛治。 朝早11 點幾唔算多人，唔洗排隊就好快入座。 舊式茶記，唔好expect好好環境， 坐得逼，台細，但呢d先係香港以前既地道特式。蛋牛治($20) , 本人唔鍾意烘底，因為軟諗諗既麵包配合d蛋汁先係最好 . 呢度既蛋牛治出名，原因係佢用新鮮免牛，而唔係罐頭鹹牛，仲有d蛋汁好juicy. 另外叫左個沙嗲牛肉麵($22), 味道同出面果d好唔同 見到佢個麵有d 蔥， 味道都幾舊式麵檔。 都算多牛肉，但沙嗲味略嫌欠缺。 下次黎都係focus番蛋牛治。

之前食過舊店的牛蛋治同豬手麵係「完美」，今日同男友經開呢個位置，見有間一樣名既新店，咪走去try try囉、點知中伏！我今次一樣叫牛蛋治同豬手麵，點知個牛蛋治又厚又吾脆...牛同蛋既味道尚可，個豬手河先令人失望，豬手完全無舊店既香，你只會覺得自己食緊d試煮失敗既豬手，河粉吾爽口、湯底淡到好似雞粉湯底，唯一吾同既係環境坐得舒服左禁野飲睇落大杯左整體乾淨左，但如果因爲甘而要食d打住「舊店招牌」但賣d貨不對版既口味既仿制品俾客食，甘真係祝呢間店好運，客人不是傻的，一定會食得出有什麼分別，就算果d行入黎醫肚餓都吾會再食，而我一定吾會再食

去到附近又聽聞舊舖好出名，見他在隔離街開新舖，又趕時間咪走左入去食，點知一試失望，牛腩可能炆左好耐又咸又鞋入晒味，麵質麵爽但重鹼水味，只可以講一句希望留意選料問題同冇留意時間火候，水餃撈麵就係一般水準，飲品都係一般。最後發現係自己叫錯食物，舊舖出名係牛肉三文治，應該係食牛肉三文治點知見佢有粉都就叫左嚟食，所以真係一試失望，不過都唔知新舖同舊舖牛肉三文治係唔係一樣味道，因為見服務都係一般，所以應該唔會再試。

一直都想試下新香園既蛋牛治，但次次都食得太飽，今曰有啲空位，就入左去試喇！馳名蛋牛治加一蚊可以烘底。 兩邊都有烘底唔似某啲餐廳 求其烘下。好足料，麵包夾住滿滿既蛋牛，味道唔錯。21蚊有依個質數算唔錯

60年老字号，传承一绝猪手面、汁多蛋牛治、丝滑靚奶茶，新店开张，耳目一新……昔日情怀，湛新演譯。但新店也有創意新招，焖牛腩、猪润面、麻辣蛋牛治加入，仲有個經典水吧，除保持原來杀食奶茶，居然有茶走、滚水蛋、杏仁茶、脆粉冰美露同华田加蛋，绝对虾D后生未试過……快D去试下啦