新興棧食家

Open Now

Now Closed

星期五晚收工路經佐敦，突然間想去食粥，咁梗係去新興棧食返碗啦！我由佢38蚊一碗及第粥食到宜家58蚊碗，當然都真係有好一段時間冇黎，雖然加到58蚊一碗有少少貴，但依然覺得間中要黎食！因為佢個生滾粥底夠味，及第粥既豬什多料又新鮮，次次食完都感覺好滿足，另外都見到好多食客鍾意叫魚卜同魚腩粥，個魚腩目測份量都相當夠，好大件，有機會會試下，唔使講野，返食指數高度評價！定期飯堂，鍾意食粥既人一定要試！因為市面好多粥檔或連鎖店既粥都係用白粥底加d餸上去就算數，食落真係無文無味，有heart好味既生滾粥真係買少見少，除左旺角妹記之外，呢間絕對係另一好野！

尋日佐敦睇完醫生，去寧波街公厠對面新興棧街坊式粥铺食生滾粥，記得好多年前第一次去食價錢17至20蚊碗，叫魚腩肉丸粥，粥铺式大小冇芽菜剩炒麵，油炸鬼一碟少於一條，睇見價錢後嚇一跳，64/30/11, 佢生滾前將鱼腩，葱先走滚油，然后就咁將D粥撞入大量油連同火灼味嘅煲，粥有燶味，食完三個鐘，反油反火灼味，重口喝到要去買樽大水飲，64蚊一碗粥，咁多味精，以後唔可能再幫襯

雨一直下的時候又想吃好西就唯有未6:00也叫外賣拿回家慢慢吃這一家是朋友口中全佐敦最好味的粥店而在下真的好喜歡又熱又濕的食物除了麵食外粥在在下眼中也是珍品周車勞動 幾經風雨才回到家這一刻首先要讚的是外賣盒 🤣在下不是個溫柔的人走路動作也大 加上風雨交加回家路程也滿狼狽的阿粥居然能原好無缺一滴不溜一打開時 那被困了半個多小時的香味隨著暖氣一湧而出這就是"溫馨“保溫的地步是還要攤著加上努力吹吹食物才能進入咀巴但也是太燙所以選擇先吃掉料更沒想到料的量也是超級多的最後把料都吃掉時粥的水平毓低了一節然後粥水還是很燙哇。。超能保溫外賣碗是也而這家的粥是稀的可以說米粒的成份或許只有一成但料絕對多期望吃比較糊的粥的大家可能會失望但以這家店的風格粥變多的話大概會失去了他們的味道和一定會過飽所以對在下而言這是個優良配搭樣樣都剛剛好

今天和太太在佐敦，幾個月沒到新興棧吃魚粥，今天便去這老店bunch一下。二人點了魚腩，魚較粥各一。粥上桌，全是滿到瀉的，徐魚件外，粥里還有薑片，葱段，葱絲，生菜絲（葱/生菜絲更可自己添加）。魚腩大大件比一般粥店起碼多上一半份量，很滑，沒有一点魚腥味。魚腩件是順骨切開，所以腩骨全是長長一條，食起來很易處理，最適合我這些不懂吃骨的人。今天魚鬚已買光，幸好還有最後一碗魚較。魚較真的很滑，比魚腩滑很多，但肉便不及腩豐富了。一碗有三大件，要一條半魚才能做一碗。收49元也是性價比高。新興棧的魚件是先用銅煲爆香薑蔥和魚件再下白粥滾熟，所以吃不到腥味，但很有魚香味。像我這些不喜歡吃魚的人也觉得這里的魚好吃。但今天粥底比平常咸了些，不然這頓粥可能更鮮味。

響廟街附近搵食經過幾次見到依間魚粥，就同友人試下啦，見到有魚卜咩都唔諗即叫魚卜粥，友人就叫魚腩粥，再加個炒麵因為兒時最愛魚卜，亦因為屋企人而認識魚卜，魚卜對我黎講真係有好多回憶真係好開心！先黎個炒麵，食到中間先記得影相📸️味道還好啦，配料其實唔多，食食下聽到話炒麵要再等等炒緊，就估我地食緊依碟應該係尾牙🙈難怪料咁少啦到我個主角啦魚卜粥上場，成碗粥上檯時勁滿，係滿到溢出黎魚卜數量都好多，反而粥就較稀，唔算多米，但味道係好鮮甜嘅本人好滿意到友人個魚腩粥啦友人見到碗粥都嚇一跳，咁多料嘅同埋滿溢出黎😆友人都話食唔灑，但都係好鮮甜嘅我都試左舊魚腩，好多肉骨都大嘅唔怕，如果怕魚骨嘅人係岩食嘅整體我都會想再去一試，下次可以叫個雙併因為見同檯雙併嘅料都係超足，依個鋪頭加分點係因為魚卜，對我有回憶之餘，都知唔係咁易食到魚卜

九龍區宵夜首選這類型的老店買少見少, 經營了超過五十年, 走入店內有種走進時光機的感覺.每次來都必定要點田雞粥. 現在已很少粥店會提供田雞粥, 懂的人就會明白當田雞的鮮味融入了綿綿的粥底簡直是人間極品.  

今早九點同朋友咁啱經過，見到有間粥店，入去試吓，一心諗住早餐食平D,隨口叫咗個例牌，即係皮蛋瘦肉粥，跟住想叫炸兩，原來粥店會冇炸兩，唯有叫油炸鬼，阿姐寫低張單，粥兩碗110蚊，當堂有D咤異，以為係咪寫錯，一般皮蛋瘦肉粥都係三十幾蚊到一碗、油炸鬼係剪碎，明顯唔夠成條，九點鐘，我食到既油炸鬼係凍既而且係硬既，我相信係隔夜既，粥好滾亦都好杰，不過好鹹，我係覺得呢餐每人66蚊既早餐係相當貴，完全唔值，只有兩個字-劣評

每隔一陣子，小弟就會自動過嚟報到，吃一碗我從小吃到大的魚腩粥....甫一入店找個空位坐下來，下了單之後就自動波過去動手拿生菜以及薑蔥絲。 這已是多年的習慣了....太晚來， 最搶手的魚骹當然就要向隅了。 唯有退而求其次，點了魚卜與魚腩共食....下過單， 阿姐變快快手手的將所有配料放入銅煲內爆炒， 這樣魚的腥氣必然盡除，粥內就連一點薑也不用下....份量十足 , 沉甸甸的一碗粥。 裡頭塞滿了為數不少的魚卜與切得大大件的魚腩。 魚卜吃下去帶點炙香 煙煙韌韌的， 魚腩味極鮮甜又不用吐骨， 數十年來一如既往般好吃....粥底只用一個字來形容就可以，便是"甜"....價錢雖然收得越嚟越貴 , 但小弟又不是天天吃 , 能在此吃到一碗讓我稱心滿意 , 滿帶有童年回憶的靚粥，便已心滿意"粥"了....

今晚吃的魚咀魚卜粥🐟好食😋就是這樣簡單直接😍先大火爆魚👏🏾再下粥去滾😆美味大滿足😊掂爽脆魚皮😋看似簡簡單單😏其實處理上應該下了不少功夫😌再加上薑絲蔥花加豉油🤩又是一味好東西🤤

粥底幾濃厚， 魚腩雖然有大骨但很鮮美也沒有很老。最喜歡生菜任加， 補充纖維素呀！唯獨油條不是我喜歡的酥脆， 且略鹹。街邊小店衛生也不可太強求乾淨。總體來說會想再食。下次想試魚雲魚唇粥🤤🤤

N年前媽咪帶過我黎食一次印象中係好好食今日放假去佐敦無意中經過又有小小餓就一個人入去食碗粥下午三點幾 舖內坐滿八成好彩一個人都仲有位攝嗌左碗魚腩粥再加碟魚皮條魚皮好正呀🤤🤤🤤爽口彈牙 勁多薑絲係面一流～～～魚腩粥 我以為得一兩舊魚腩啦點知有成四五舊 但食既時候要好小心因爲好多小骨 不過啖粥真係好鮮甜😍小建議：如果趕時間就唔太適合食呢間餐廳煲粥要時間 魚粥真心多魚骨食得太快真係會有危險一個人既下午茶食左七十幾蚊

為什麼新興棧都叫做食家？開左50年未到12點就有唔少客價錢同同區比較又不便宜好耐無食魚泡魚泡等於花膠得閒有錢就要去新興棧進補一些百物騰貴有魚卜的都要70蚊😅忍痛點了一個魚卜魚鬚粥要71元今日的粥底稀薄的魚卜則有差不多8個所以說一分錢一分貨魚鬚據報是魚下巴那些骨頭也放得不少總之食碗咁名貴的魚粥要咀嚼起碼二十分鐘究竟七十一一碗魚粥是否奢侈？見到鄰近的街坊長者都係咁食又唔好意思太寒酸如果唔係為咗魚卜我會走海皇粥食飽d

同媽媽黎食 1點幾，都幾多人 雖然可以坐出面，但阿媽唔鍾意😂😂，不過好快有位魚腩粥 $43 幾多舊魚腩，不過骨頭要小心將骨頭🦴拆出黎，然後將魚肉混入粥入面，一啖就超級好味道。魚皮 $33阿媽死都唔肯食，話電視講過有寄生蟲我就無咩所謂，黎到點都想食一次粥一黎即刻落，最後先食，真係好滑魚尾粥 $43阿媽話魚肉好滑，出面食嘅好容易「鞋」，呢度保持到魚嘅滑度油條 自己去攞嘅雖然食個時唔覺，但之後有Ｄ口渴，唔知係唔係味精呢？

剛搬到附近，早上6時肚餓，人生路不熟只好上呢到尋求協助。見到呢間食店近近地，評價頗高，隨即穿上拖鞋就去。去到食店，有兩大叔食飽打緊牙骹，見到我便打量一番，我也懶理找個背對住佢地既位坐下。員工肥姐姐也不著急，望了我一眼便繼續佢同廚房哥哥既話題，聽口音猜佢係廣東人，同譚仔啲姐姐唔同，聽了幾句，把握佢句子與句子之間既抖氣位大嗌一聲：「唔該寫野，要碗肉丸魚片粥。」我記得呢間專食魚粥，也貪心想試埋肉，實行一雞兩味。肥姐姐也好有效率望都唔望我一眼就向廚房大叫：「丸片！」有時候覺得呢類型姐姐也幾有趣，雖然不太禮貌，卻十分地踎小店。「肉丸魚片粥$43。」不足一分鐘肥姐姐端上一碗熱粥，意料之外的快，令我質疑自己對生滾粥既認知，不過餓到咕咕聲，食左先講。將擺碟豪邁既生菜浸落粥水度既時候，見到兩棵葱既莖白雪雪、粗壯地拖在碗內，而不是綠油油的葱，又長知識了。緊記住大家在評論中提及「熱辣辣」，小心翼翼的我只輕輕瓢了一細口粥水，放到嘴邊吹吹，沒有飄香，遞到唇邊感受一下熱度，有點熱但是放得入口的溫度（本人貓舌，怕熱食），對喜歡熱辣辣的人來說可能恐怕不過癮。入口後粥感適中，不像潮州粥（有些人叫潮州冷飯）般「傑撻撻」，

佐敦小店 配料粥料多過粥 新鮮生滾 大大碗食到飽【新興棧食家】‼️‼️.嚟到佐敦，真係有好多嘢食，花多眼亂！不妨試吓吾顯眼但又好好味既新鮮生滾粥店🤤粥嘅種類好多，配料任你拎！粥料仲多過粥，一次過食到飽😝油炸鬼($10)最啱用嚟送粥，浸一浸再食好正好林～新鮮爽口魚皮($31)招牌小食，真係新新鮮嘅魚皮，不過一啲都吾腥，仲好爽口！配上薑絲蔥絲同少少鼓油一齊食仲正！豬心豬粉腸粥($40)呢個係我最愛！粥料多吾洗講，配料仲係任拎！多生菜、多薑絲同多蔥絲吖吾該🤣豬心大大塊好爽口好新鮮！豬粉腸無異味，仲好滑好有嚼頭🤩呢個配撘我好中意～豬潤粥($40)豬潤迷嘅首選！成碗都係豬潤，真係懷疑自己食緊豬潤定食緊粥🤣豬潤新鮮有少少甜，爽口又大塊夠厚身！一啲都吾老，滾得啱啱好👍🏻建議多薑絲會更加好食！