新墟咖啡

Open Now

Now Closed

同朋友都一齊被推薦食呢間Cafe，因為嗰陣佢出咗屯門版McGriddles😋對於McGriddles愛好者嚟講，當然要試試🤩🪴環境餐廳環境好乾淨，周圍都有擺放植物🌱木枱，木櫈配上度假風吊燈，令人感覺好舒服😌好鍾意呢種休閒風設計🤎陽光曬入嚟嘅時候影相好靚🥹☀️當時係萬聖節時段，餐廳擺放咗好多南瓜擺設去營造氣氛🎃仲有戴咗南瓜頭套嘅Usagi🐰🧡不過餐廳想容納更多客人，枱同枱之間比較逼夾💁🏻‍♀️🍴食物🥞No.1 神還原豬柳強 ($88)屯門版McGriddles😻不過size比起想像中細🤏🏼Pancake底做到鬆軟嘅口感🥞楓糖比起原版嘅McGriddles落得少，所以無咁甜👍🏼漢堡扒保留到肉汁❤️煎蛋香口得嚟仲有少少流心🍳隔離嘅薯格炸得好香脆🥔芝士醬非常非常濃郁！🧀🐣慢煮雞胸 All Day ($128)雞胸非常之嫩滑😭蛋沙律嘅調味做得啱啱好🥚串茄好Fresh又唔酸🍅而沙律菜嘅黑醋醬汁就落得多咗少少🤏🏼大啡菇有汁，如果溶一溶個芝士會更好🫶🏼🫕煙肉略嫌有少少乾🤏🏼不過都OK！💚全日青BB ($88)全部材料都好新鮮，好Fresh！🫶🏼🍰雙層開心果軟心巴斯克 ($58)非常之濃郁嘅開心果味！同埋巴斯

十年唔黎一次屯門 今次試左新墟咖啡 環境舒適都坐得幾舒服同埋好chill 好天仲有陽光照入去 ⛅️-1. No.1 神還原豬柳強 ($88)同McGriddles 差唔多嘅嘢 整體認為俾 McGriddles 好食啲 (價錢方面就偏貴💰)個pancake底整得唔錯 口感鬆軟 食完又唔會話好濟 size 就比較細少少 (但係加埋薯格一齊都好夠飽) -2. pancake 系列配牛油果芝士太陽蛋 ($88)相對上冇咁夾 因為有芝士🧀同埋pancake 🥞 一掀一甜 仲有啲牛油果係中間 味覺有少少衝突😂 但係隻蛋🥚流心都做得好靚～-3. 蜜糖檸檬🍋(熱) 4. 開心果奶蓋朱古力燕麥奶 (凍) 奶蓋好厚身 份量都多 飲落開心果味重😋-❌加一推薦指數: 🦐🦐🦐🦐性價比指數: 🦐🦐🦐.5

第一次幫襯新墟咖啡，場內嘅環境非常舒適，又乾淨，會有一種令人想坐多一陣嘅感覺。食物選擇嘅種類都好多，詳情你哋自己去睇Menu，今次揀咗前排大熱嘅熱香餅豬柳蛋，再加一杯開心果奶蓋朱古力燕麥奶，成個set都非常好食，個熱香餅包比香港Mc個個好食十萬倍！另外再要大讚一下杯野飲，開心果勁香濃同滑，真係要推介一下成個餐比大家（埋單好似係$130），真心要一試，場內既餐具，水，調味料都係自助，人流都幾多下，去食前可以打去問下有無位

雖然位置有啲偏遠，但木系原素Cafe，使用大量玻璃透光，好開揚好好光線；而且位置都幾闊落，好多打卡位值得一去熱香餅漢堡配芝士薯格完美還原連鎖快餐店的豬柳蛋，而且更好食😋，芝士好濃，薯格新鮮炸起好脆，食完一個都覺得唔夠。黑松露蘑菇S忌廉意粉Creamy加上好多黑松露，但唔會好漏！意粉煮得軟硬適中！花生奶蓋latte 好特別！花生醬做了厚奶蓋，聞落好重花生味！攪拌飲落仲有粒粒花生，口感特別；而家賣相OK，做出漸層效果！

朋友想食返落咗架嘅熱香餅漢堡，而得知屯門嘅新墟咖啡有，就走去食啦，順便去chill下慢活一下。餐廳係一間小店，需用QR code落單並自助形式的取餐具，餐廳環境舒適悠閒，讓人感放鬆熱香餅漢堡配芝士薯格熱香餅漢堡內包含炸雞和牛油果，炸雞外層香脆，肉質鮮嫩多汁，略帶微辣，讓人非常開胃。另外內裏的牛油果清新爽口，配搭甜味的熱香餅，形成了複雜嘅口感，非常有創意。配菜的芝士薯格非常香脆，芝士醬亦非常濃郁。粒粒意大利煙腩肉卡邦尼意粉卡邦尼意粉掛滿蛋汁，非常入味，煙腩肉炒至焦香，提升整道菜嘅香氣，而且煙腩肉份量十足，但整體味道稍微有點淡花生奶蓋latteLatte上的奶蓋有花生碎，非常有咬口及口感，奶蓋亦非常Creamy入口細膩，先是咖啡嘅苦澀味，後來又帶出花生嘅香甜，層次分明令人驚喜

位置於新墟村村口嘅一間小店，帶有標誌性嘅綠色外牆。成個氛圍都好chill、好寫意。炸雞牛油果Pancake配芝士薯格 ($88)Pancake鬆軟，幾香牛油味。味道主要嚟自舊炸雞，辣辣哋、炸得好香口。成件事口感好豐富，有脆辣混搭香腍再加埋牛油果，好惹味。芝士薯格更加出色，芝士咸香味好突出。開心果奶蓋椰青水 (凍, $46)上層奶蓋綿密香滑，開心果味自然、突出。配椰青水，清清哋之餘又唔會太heavy。

呢一日入屯門，順便去搵間cafe試吓～喺個bookmark list揀咗呢間❤️離遠已經望到呢間cafe，深綠色嘅外牆上面寫住「新墟咖啡」好顯眼😂位置喺村屋底層，裝修深綠色+木枱凳，環境舒服👍印象呢間出名Pancake，所以揀咗嚟試，有4款選擇：牛油果芝士太陽蛋原條魚柳BELL香辣炸雞牛油果脆脆煙肉芝士太陽蛋最尾揀咗 #香辣炸雞牛油果 跟芝士薯格 $88！微辣嘅炸雞脆脆地，pancake +牛油果淋淋地，咸甜辣脆淋，呢個配搭我OK 😂個pancake size比想像中細，但偏「漏」，我又唔大食所以ok😂😂😂另外叫咗 真。特濃開心果煉奶 X港式西多X雪糕 $88呢個賣相幾好，個面有好多開心果醬 + 焦糖醬，不過我覺得個開心果醬稍微有少少苦，另外有大量cream同雪糕無咁「漏」 👍但食完都好飽😂😂另外例牌叫咗杯熱latte $36❤️再加 #花生奶蓋latte $48#自家製花生厚奶蓋 ，呢個味道幾得意幾好飲，唔攪勻直接飲好啲，攪完花生醬味無咁出😂整體感覺都唔錯，嘢食幾特別，味道可以，位置偏咗少少，不過坐得舒服氣氛幾好

好耐無食all day breakfast，星期日放假，屯門都有幾間cafe想去，今次決定帶老公過嚟新墟呢間試下。我當然揀至愛食嘅新墟all day，黑糖吐司🍞，原隻芝士🧀大啡菇🍄‍🟫，蛋沙律🥚🥗，煙肉🥓，全部都好啱我嘅胃口😍老公諗咗好耐，最後揀咗超人氣神還原豬柳強，配上邪惡芝士🧀薯格。雖然價錢略貴，但好食過麥記好多😂我哋仲叫咗荔枝梳打🍹+檸檬🍋青檸梳打，好fresh😋下次要嚟試下其他甜品先得☺️

我又双叕黎呢間cafe啦🫣今次帶埋朋友過黎潮聖下🥳好鍾意佢地每個月都會轉下menu 搞到我成日都會黎試下新野😝🐽粒粒意大利煙腩肉卡邦尼意粉 $88上次食過已經覺得好出色✨今次極力推薦朋友試一試佢🙂‍↕️今次上面放左好多粒粒煙腩肉🤤記住一定一定要撈匀黎食😚每一條意粉都掛滿左蛋黃汁 好好食😋意粉好彈好有咬口🙊粒粒煙腩肉令到成個意粉更加昇華🤩仲係咁回味😝🐽鹹牛肉芝士蛋bagel配蕃薯條 $88今次仲試左新野🤤芝士咸牛肉bagel🥯配蕃薯條😍咸牛肉呢個配搭好新穎 整體黎講唔錯 但冇卡邦尼意粉咁出色🥹反而個蕃薯條好好食😋好甜好有蕃薯味 如果有多啲就好啦😝🐽開心果奶蓋椰青水好清新既野飲🥥解渴既椰青水配上近排好hit既開心果🥳staff建議分層飲 一啖奶蓋一啖椰青水😜唔會好甜幾好🤤🐽花生latte好有誠意既花生latte🥜上面係自家製花生厚奶蓋 勁厚🫣好濃郁 上面仲有開心果碎💕又係建議分層飲 好滿足🥳最近佢地又出返豬柳蛋pancake啦🥹睇黎又要再去食啦🫣

嘩 簡直就係一個大騙局好多人講到好有gimmick 好值得去，咁咪去試吓以為香港都可以食到McGriddle，咁咪去試吓講到必試嘅招牌嘅港式奶茶，咁咪去試吓成件事就係「遠啲都唔緊要啦」點知，一入去，呀店員心情唔係咁好喎，呢樣冇嗰樣冇，連奶茶都冇⋯⋯有pancake但無所謂McGriddle ⋯⋯其實，所有出名嘅嘢都無，又原來係期間限定，開咗個IG 係咪可以講聲咁好啦，我認命食薯條算數。等咗一陣，佢又捧咗個all day breakfast 出嚟，又原來話有牛油果⋯⋯ okay 啦咁細看之下⋯⋯Pancake cut咗一半，得一塊。味道ok 嘅。串茄係無煮過嘅how come…大啡菇唔熱嘅，塊芝士好似啱啱喺雪櫃拎出嚟就咁擺上去咁⋯⋯我係咪真係嚟食個擺碟真係好新鮮囉，完全食到食物原本嘅味飲品叫咗個荔枝梳打味道OK嘅。只係完全毫無技術可言，有啲荔枝果醬喺底，加椰果，加冰。俾支靚少少嘅梳打水都冇，收38元就有啲貴囉其實，天氣又熱，又山長水遠，附近有冇其他嘢食/ 行，店員態度又差，好似俾人呃咗入KK園咁出返嚟不會有下次。

黎屯門必定一來這間咖啡店☕️因為這裡有「Mc griddle」的香港板～位置也就近輕鐵站，十分方便呢我和朋友點了以下食品/1） 神還原豬柳強配脆薯寶 $88 超好吃的 份量就細了一點 糖漿配埋塊豬柳 真的出奇的夾 蛋應該是7-8 成熟 也真的有日本的那個味道呢2） 巴斯克蛋糕 $68 開心果味的 很特別 不會太甜 或太苦 軟心的效果然後再點了兩杯飲品 分別是Iced Matcha Latte and 梳打水一個非常relax的下午就這樣過了。

#pb食在屯門 #pbcafe系列 二訪 - 屯門田園風咖啡店☕️最近二訪左呢間位於屯門新墟轉角位嘅田園風cafe🤪 店內外裝修以綠色、大自然風為主 仲擺滿大大小小嘅盆栽👍🏻 整體環境好大、開揚😍 佢仲係一間pet-friendly cafe 大家可以帶埋毛孩去🥰.食物好似比試業個陣少左選擇😕 主食得番兩款ADB、兩款Pasta 價錢$88-$118不等😋 當然最特別就係港版McGriddles啦 不過6月已經完左 大家唔使特登去食🤪🔹神還原芝士豬柳強🍔聽聞唔少人為左呢個港版McGriddles而特登黎🤪 但係我食完又覺得唔太特別 如果為左佢要排隊就唔太值得了🥲 佢個包好細個 女仔食都未必夠飽🙈 Pancake口感雖然軟熟 但係唔夠牛油香 淨係食到糖漿嘅甜味 所以整體普通😕 反而旁邊嘅脆薯寶幾好食👍🏻🔹黑松露菇菇ss意粉🍝落左大量黑松露 不過食落唔算好濃味 有微微嘅香草味🤪 整體口感幾creamy 不過份量偏少🥲🔹Latte☕️🔹Dirty☕️.整體✨ 今次二訪呢間屯門田園風cafe 環境都仲係好大、好開揚 坐得幾舒服👍🏻 不過食物質素好似冇試業個陣咁驚喜 而且份量好似細左好多 有少少失望🥲

難得今日星期二閒日放假，落雨都特登揸車同朋友入屯門試試呢間新墟咖啡。餐廳位於村屋，周圍唔見有泊車咪錶位，好彩當日落大雨，冇人出嚟抄牌👮🏽‍♀️我哋喺餐廳坐低，見到好多人都係揸車入嚟買外賣。檸檬蟹肉蟹膏意大利粉有驚喜✨($118)因呢間舖頭好似招牌菜係豬柳強班戟😂❓餐廳提供嘅蟹肉好食到，令我同友人一度懷疑唔係罐頭蟹肉（最後冇向職員Fact check）檸檬配蟹肉呢一個組合不嬲都好穩陣，蟹肉份量適中，可惜明顯蟹膏欠缺，令意粉欠缺蟹油香，值得讚嘅係意大利粉食落煙靭有彈性，如果檸檬香再出啲會更好。Groot BB (All Day Breakfast) ($103)味道方面，炒蛋、芝士焗杏鮑菇、小蕃茄正常發揮，但份量略少，2片三文魚需另加$15。牛油果沾到黑醋汁，外表睇落令我哋覺得個牛油果太老太熟，餐牌標榜酸種麵包，但其實黑麥味重啲，食得出冇乜酸種，似Outback steakhouse麵包，加咗芝士同香草點綴一下，令口感冇咁乾身。其實仲叫咗杯熱latte，拉花幾靚嘅，但又係重奶，冇乜咖啡香，又等咗好耐先嚟到，太肚餓所以冇影到🥹總括而言，呢間都係行打卡cafe路線，全部野食嘢飲，真係試一次就夠😋

一直心心念念嘅日本麥當勞早餐，熱香餅豬柳強，喺香港終於有得食啦🥹今次就叫咗個神還原芝士豬柳強配薯寶💰88一開始仲諗住細細份，兩個人share會唔夠飽，點知食咗半個其實都幾full。🥹因為唔係好鐘意食流心蛋，本身諗過走蛋，不過好彩最尾冇走到，因為佢流心蛋真係做得好好食。雖然味道唔係完全日本麥當勞個隻味，不過整體熱香餅鬆軟，豬柳煎得juicy，食落都唔會話好乾口，好濕潤🤤不過唯一缺點就係價錢有少少貴，但係小店經營都值得支持嘅🥹

份量極細，價錢極貴一份炸雞漢堡加杯咖啡要價120蚊，個包細過份咖啡杯，個碟又好細。十分難切！環境打卡不俗 味道就不過不失睇返啲其他食評，實在不能盡信😂附近都有啲好過佢，性價比高過佢既cafe