新記雞粥 (鴻禧大廈)

Open Now

Now Closed

元朗新記雞粥是老字號，除了馳名雞粥外，元朗脆皮乳鴿、香脆炸大腸和蜆介鯪魚球等都是招牌菜式。既然菜式大受歡迎，元朗新記雞粥已衝出元朗，港島九龍都有分店，要吃靚靚雞粥，就方便得多了。今日就趁非繁忙時間，忙裡偷閑，走到旺角花園街1號分店，品嚐靚靚雞粥。看看餐牌，除了多款招牌生滾煲仔粥外，亦有多款小食、即拉腸粉、精選粉麵、雲吞麵、港式焗飯、即炒粉麵和多款精美小菜等可供選擇。至於下午茶餐，選項都唔少，有生滾粥餐、公仔麵、三文治、乾炒牛河、星洲米、多士等，而且價錢亦十分相宜，最適合我們一班偷閒族。到新記雞粥，當然要吃馳名雞粥和必食乳鴿，還叫了蜆介鯪魚球、乾炒鮮牛河和即拉叉燒腸。招牌貴妃煲仔雞粥，即叫即滾，粥底用上泰國的頂級絲苗米，又綿又香。至於貴妃雞，是選用新鮮嫩滑的母雞，用超過二十種藥材及香料，再加上頂級蝦乾和瑤柱烹調而成，雞肉嫩滑，入味之餘又有鮮味，粥底還滲著絲絲雞油。招牌貴妃煲仔雞粥，果然名不虛傳。紅燒元朗脆皮乳鴿，乳鴿件頭夠大，外形脹卜卜，外皮入口相當香脆且不油膩，鴿肉嫩滑，比起一般BB鴿更有口感，更多肉食，蘸上淮鹽後，更加惹味。接著是蜆介鯪魚球，鯪魚球亦是即叫即炸，色澤金黃，粒粒都有乒乓

新記雞粥依啲老字號相信大家都唔陌生但下下去元朗對我依啲將軍澳j又真係chur但原來依家已經多咗幾間分店!!今日就乘機係lunch time去旺角店😝-🐥生滾貴妃雞粥餐 $58一場黎到梗係要食佢地嘅招牌菜佢地嘅雞粥係即叫即煮 粥煮得好綿滑👍🏻而雞嘅份量係超多 一碗有成十幾件咁雞肉嫩滑而且入味!! 咁出名係真係有原因🤣-🍳XO醬叉燒炒蛋飯 $54叉蛋飯食得多 加XO醬嘅又真係未試過🤔佢地嘅XO醬係自家製 幾重口味 餸飯一流個人幾鍾意叉燒嘅口感 好爽口😝-🦑酥炸魷魚鬚 $55真材實料 啖啖都係魷魚肉 唔會淨係得炸粉口感偏彈牙 好味👍🏻-🥓香脆炸大腸 $52身為麻甩系女子梗係要嗌豬大腸🤪大腸外皮炸得非常香脆 每啖都有啲脂肪咁超邪惡超正🥺-食都超級無敵飽都係每人六七十蚊真係好味又抵食呀😭😭

天氣寒寒濕濕，想食碗熱辣辣的靚粥，於是跟朋友鑽了入新記！雞粥招牌喎，又點少得佢！一個沙煲原窩上，內有雞件多多舊，雞滑，咸咸香香入晒味，粥底棉，濃稠度適中，而且好有味，百吃不厭！蔥花蝦米腸粉蔥！超好味呀！平時食既蔥花腸粉，蔥花多數蒸到腍晒，無咩香味，新記呢度完全無呢個問題，吃一口，滿口青蔥香味，太神奇了！欖菜肉鬆乾扁四季豆呢個四季豆好香口，仲有欖菜同豬肉碎，這不是白飯小偷誰是？奈何餓底已有粥＆腸粉，再叫白飯就食唔晒啲野喇。蜆芥鯪魚球原來咁大粒！係長州大魚蛋既size！炸得夠乾身，無油淋淋，比個讚先！而且鯪魚味濃得嚟又彈牙，嘩，下次來新記必定encore！杏仁蛋白茶杏汁香，蛋白滑，飲完一盅成個人暖晒！P.S. 店員阿姐誠懇親切，好好服侍，特讚一個！

貴妃雞粥曾經拎過香港必食八大雞粥之一，貴妃雞本身已經調味過，所以本身已經好食，用來煮粥，味道上升一個層次，雞肉仍然很滑，雞油和雞香也融入粥之中蠔仔+艇仔粥艇仔粥應有的材料齊全，有豬皮、瘦肉、魚蛋、魷魚等等…另外我再加蠔仔，變成超級艇仔粥，不得不說蠔仔十分肥美鮮甜，基本上必加的配料蒜泥汁脆皮豆腐外皮炸得剛剛好，脆脆地保護內在的嫩滑豆腐，豆味好香，想食得濃味一點，隔離仲有蒜泥汁點海蜇手撕雞估唔到幾大碟，海蜇超多超大條，而甜酸辣麻醬都已經一早混在當中，各樣味道都食得出，醬料調配得很好蛋白杏仁茶七喜龍眼冰

旺角見到有間老字號🐔粥？知道媽咪無🐔不歡。哈哈。見餓餓地入去醫下我地個肚仔先。泰式青0冰～酸多過甜。醒胃開胃貴妃🐔粥+黃鱔～媽咪揀咗至愛嘅🐔粥。仲好貪心+ 咗$12 配埋黃鱔。新記嘅招牌貴妃🐔粥。的確唔錯。肉又香又滑。食落連雞脾肉都唔鞋口。海鮮粥～海鮮粥🐠🦐🦀一定走唔甩。個粥底幾甜。海鮮都算新鮮。香脆炸大腸～為食妺👧🏻好耐冇食過啦熱辣辣趣扑扑。肥瘦適中。記得（點）呢個醬汁牙。好開胃

天寒地凍，最適合食碗粥暖身又養生。於是便試下這間旺角區人氣頗高的粥店。蒲坐下，店員姐姐即刻送上熱水。打開餐牌，發下這裏的價錢相當平民，而且食物種類非常豐富，粥粉麵飯，小食，熱炒，燒味樣樣有齊。午餐時段更有套餐的選擇，非常抵食。我們兩個人點了自選生滾粥套餐（$58），包括必試的生滾貴妃雞粥，一款腸粉或炒麵，連埋熱飲或例湯，相當豐富。如果選擇生滾魚腩粥等，套餐更是只需要（$45）。難怪午飯時間人氣超旺。生滾貴妃雞粥 粥底非常綿滑、鮮甜。貴妃雞亦十分新鮮嫩滑。新記煲仔雞粥是用上新鮮母雞燉以及超過二十款藥材同香料、蝦乾同瑤柱烹煮而成，別有風味。火腿炒米粉非常有水準，炒粉乾身夠鍋氣，簡單的菜式見功夫。自選生滾粥 （豬潤、豬紅、皮蛋）坊間少有的好似車仔麵一樣的自選粥料生滾粥，可以自由搭配自己喜歡的配料，粥底一樣有水準，配料分量十足也夠新鮮。豬潤腸粉 腸粉晶瑩剔透，非常爽滑，內裡包住的豬潤足料又新鮮。

今天路過旺角，見到呢間粥鋪，見最近天氣寒涼不少，又十分乾燥，女友和我都覺得有點喉嚨痛，就提議不如食粥。其實我倆一向都對粥麻麻，但是呢間的霸王雞粥很有家的味道，粥底綿密滑口，雞件的份量都幾多，兩個人叫一碗加其他小食，已經好飽～總體來說，粥的味道很好，病左或者沒胃口想食粥是不錯的選擇。好鮮甜既雞味。我們還叫了鯪魚球、魷魚鬚、炒腸粉、雞翼，鯪魚球好大粒，都幾真材實料，配既醬綠色 好特別。魷魚鬚炸得唔錯，唔會太厚炸粉，雞中翼正常水準， 幾香脆，有d似泰式雞翼，但無配辣醬。XO醬炒腸粉唔會太重味太咸， 煮得岩岩好。另外叫的五花茶是很健康的味道，很像龜苓膏，飯後飲有消食解膩的感覺。總的來說是一間菜品豐富的餐廳，就算唔好粥都有好多其他選擇，可以一試。見人地食乳鴿都好香！ 下次可以試下

前日去旺角買年花，出發之前食嘢暖下肚先，呢間雞粥好出名的，時間尚早唔係咁多人，入去係試吓。貴妃雞粥- 雞肉真係幾滑，粥底夠哂綿，面層淡淡金黃色的，睇到都覺得吸引，食落係香濃雞味，正！海鮮粥- 淨係蝦都有三大隻，仲有蟹，魚肉，好似仲有帶子粒添！夠晒豐富！呢度嘅粥份量都吾細，晚飯食都好夠飽。食粥一定要配腸粉！腸粉即煎，熱辣辣，外皮小小脆，加埋花生醬甜醬，好好味！椒絲腐乳通菜係老公至愛，炒通茶夠鑊氣，通菜夠嫩！食完成晚暖粒粒。不過好多人呀，食好野無法啦，坐得迫少少都要～

今次尼到旺角dinner，諗緊食乜之際發現肥姐隔離開咗間新店叫新記雞粥，見到唔使等有位就入去試試望下個餐牌，其實佢嘅價錢相當平民，而且佢有嘅食物種類非常之多，有佢哋主打嘅各種生滾粥、叫餸叫碗飯個種、小食等等，呢次兩個人嗌咗個推介海蜇手撕雞、香脆炸大腸、田雞黃鱔粥、咖哩魚柳同埋一杯話梅七喜先黎既係兩道小食，分量相當之多，尤其我自己超中意食炸大腸，以50蚊既大腸尼講一定多過岀面，而個外皮係非常脆，唔使點醬都好好食，可能佢呢度出名雞，所以手撕雞都可以一試跟住就係田雞黃鱔粥，個粥底我估煲左好耐，係好綿已經無一粒粒既感覺，好多人可能中意尼種，但我自己就對尼個質感一般，而黃鱔係冇腥味既，整體啲料都好足夠而個咖喱魚柳都係份量足，魚柳都好大舊，咖喱汁好味帶少少辣，撈飯一流，配左杯話梅七無乜驚喜，個人覺得鹹檸七好啲總括嚟講，呢間鋪頭嘅價錢係非常之平民，四五十蚊一碟，正餐都係多少少，分量亦都係好多，亦好適合一大班朋友嚟分享啲小食，或者嗌餸食飯

今晚係旺角踢完比賽後，自己一個去左附近這一間望落幾乾淨（同我成反比）的茶餐廳食飯。 這間餐廳話就話主打雞粥，但其實有好多種類，一般的小抄、叫餸食飯都有。不過我都係叫左佢應該最好味的貴妃雞粥、同粥好搭配的鯪魚球，同埋一杯解喝的泰式青檸冰。 先講個雞粥，貴妃雞非常嫩滑，成碗粥亦都滿溢雞油，所以有極濃的雞香味，不過略嫌粥的份量唔夠多，不過雞件就足夠的。 至於鯪魚球炸的火侯岩岩好，外脆內軟，而配的蜆介汁咸咸地，亦有一定的酒香，不過好怕腥的朋友就唔好點。 至於個青檸冰就甜左少少，但靑檸味好夠。

見呢排天氣凍凍地我自己又病病地嘅關係就想喺附近食粥於是就見到一間都幾多人排隊嘅粥店就二話不說入去試吓。餐廳係位於旺角花園街鴻禧大廈地下非常之好搵距離地鐵站只係5至10分鐘餐廳未到12點就已經係坐滿晒咁滯非常之多人仲要喺門口有好多人都係等緊外賣鋪頭名既然叫得雞粥，我諗應該係佢哋嘅招牌啦所以我就叫左一個馳名貴妃雞粥呢一度嘅粥非常之大碗，一個女仔可能都未必食得晒講番啲碗粥嘅質素，啲雞非常之鮮嫩，而且食得出佢係瑤柱煮個粥底，所以非常之鮮甜。而且米味好香煲得好柔細線滑，唔錯唔錯小食方面我就帶咗海蜇燻蹄，係一個非常之開胃嘅前菜，甜甜地，惹味十足而菜心亦都非常之鮮甜食落無渣 唔似得坊間一般嘅粥粉面店咁樣咁求其。最後姐姐仲推介左我飲呢杯菊花蜜，係呢啲咁凍嘅天氣飲一杯熱辣辣嘅飲品非常之暖胃呢一度除咗粥之外仲有其他唔同嘅菜式同埋飯類，選擇都好多下次都可以黎試吓

無啦啦好想食粥拉埋朋友一齊去試下旺角既呢間雞粥雖然話係老字號～但係見佢裝修反有港式茶餐廳feel出名食招牌雞粥 但係呢度既小食、小菜選擇都超多招牌貴妃雞粥睇嚟都係必叫item啦份量十足！雞件滑溜～雞油粥特別香口～蠔仔粥+魚片大大粒既蠔仔同平時食潮州粥有點不同加6蚊多幾塊魚片 超抵食！豉油王炒麵 食粥必備嘅partner! 炒麵色水好夠不過有啲偏咸 麵好乾身香脆炸兩腸粉食粥必備嘅partner#2 稍為有啲失望可能8點太夜～過左氣 唔脆嚕蜆介鯪魚球呢個一見到餐牌我已經好想叫見到好多台都有嗌！上枱熱辣辣時 巨大粒～魚香味正 蜆介不會太咸西芹炒帶子食咁多煎炸野 都係叫返碟菜中和返同其他菜相比 有比較之下呢碟就算細碟～可能有帶子所以貴啲配菜如洋蔥、葱頭、甜椒仲多過啲西芹⋯睇落鑊氣都差少少Overall食物算係正常～價錢中等同埋預咗食晚市兩條友就要搭枱 坐得冇咁舒服了～

今日同屋企人去食飯，因為有老人家係度，所以都係揀翻中餐，口味比較清淡既餐廳去食。行行發現依間既粥店都吾錯！叫左幾個菜，蜆介鯪魚球，豬紅粥，XO醬叉燒炒蛋同埋蒸鱸魚。首先真係推薦叫鯪魚球，大粒夾抵食，又吾算油。因為有老人家，話食豬紅可以去塵，雖然吾知點解，但久吾久食下都幾好。XO醬叉燒炒蛋好好味，叉燒大件，蛋滑，配埋XO醬仲香口，估吾到甘既配撘都幾好，等我翻屋企都試下先。最後既蒸魚好新鮮，肉質鮮甜滑嫩，仲有好多葱，正呀！

元朗既老字號，開到岀黎旺角。只係相隔一條街，已經有兩間。去到7點食飯時間真係爆曬人，要等位添。⚪️蜆介鯪魚球 - $49係依到既招牌菜，49蚊大大6粒既鯪魚球，真係好抵。每粒都好彈牙，好足料。黎到真係必叫！🐥海蜇手撕雞 - $49海蜇甜甜地甘，仲有少少辣。小編最中意佢個芝麻香。🥕西芹炒帶子 - $78鑊氣十足，西芹爽口。🥢豬潤肉片炒米粉 - $55碟米粉真係夠曬大碟，小編同行3個人一人一碗，好飽。肉片吾韌，淋口。

廣華醫院探生左BB我朋友，行經旺角花園街1號鴻禧大廈地下5號舖，見餐廳坐滿九成食客，應該不錯的。我們點左紅燒脆皮乳鴿$59，皮脆肉香夠入味，鴿肉質嫩滑有肉汁，沾些准鹽就更惹味，極不錯👍。貴妃雞粥，雞肉頗多又嫩滑，粥底棉滑，很好味超正。鮮蝦雲吞撈粗麵，雲吞皮薄餡多，麵質爽， 無鹼水味，很好吃😋。炸倆都不錯，义燒腸粉都很滑。豬潤粥，豬潤鮮嫩又滑。這店服務員貼心有禮，我們都很滿意，會回頭再吃小炒晚餐。