新記雞粥 (鴻禧大廈)

Open Now

Now Closed

鯪魚球大大粒彈牙又唔算太油，面好脆好香，咬落去凌鯪魚肉又有另一種香，沾上芥蜆醬人間美食。一碟有六粒兩個人吃有點過火，多人吃的話就肯定會爭。炒麵好香，勁乾身，相比出面其他炒出來不算太油膩，又有芽菜係面好爽口。 L 覺得為最好。粥都綿，雞肉又嫩滑，配炒麵就是最佳拍檔。雲吞麵飲完湯不會口渴，麵亦算都爽口，可惜不夠彈牙、雲吞份量都算多。炸兩個皮好滑好好食，入面個油炸鬼都唔不會好硬，趁熱食的確不錯。龍眼冰配七喜加上綠色有點像到酒吧雞尾酒。

大家都知道旺角有很多美食，其中有一間雞粥好像挺出名的，不少人都說過，所以今天就出拔草吧。「貴妃雞粥」貴妃雞肉質好滑。原來雞係用咗藥材去煮，所以會食到一陣好香的藥材味。而粥底綿綿的，好好吃的一個粥品。「椒絲腐乳炒通菜」有鑊氣。但偏咸。「酥炸魷魚鬚」魷魚酥炸得香脆。咬一口，外面酥脆入面爽口彈牙。「XO醬叉燒炒蛋」蛋味香濃，叉燒肉質軟冧。「自家製五花茶」清熱之選，不太甜。「鮮蝦雲吞米粉」鮮蝦雲吞大隻、足料。米粉屬極幼身品種。份量好多，吃完好滿足。標準服務，下單送菜都快的，很快就有吃的。

🐔🐔🐔雞粥係我由細食到大，食多多都唔厭㗎😂小時候住過大圍...好好食嘅 定係一般貨色都有！但自從試過新記...真係一試難忘！佢哋嘅雞粥同炒麵堅好食！堅好食！堅係好食😋😋😋佢哋旺角都有兩間分店，咁晒九龍人唔洗入元朗啦！今次叫咗酥炸魷魚鬚：新鮮脆口又唔韌，香口嘢送粥一流👍🏽秘製雞中翼：炸到外脆肉嫩！好有童年感覺呀🥰🥰鬼馬炒牛肉：聽名就知油炸鬼好鬼馬！做法似咕嚕，甜甜酸酸好開胃，最正係油炸鬼索咗汁原本咁好食😋加埋必點「貴妃雞粥」「豉油王炒麵」我今晚人生好完美啊

屋企附近有幾間粥店，其中這間新記就有兩間，今晚正好無飯開，就落去食返碗粥。生滾粥都是三十多元，價錢合理。酥炸魷魚鬚：炸得香脆，外層粉漿又薄，魷魚新鮮彈牙。蒜泥汁脆皮豆腐：豆腐即叫即做，入口熱辣辣，有點似豆卜，加上蒜泥汁去減膩感。炸魚皮：炸得鬆化又有魚香，不會過咸。鮮蝦雲吞麵：湯底味道略淡，但雲吞正好一口一粒，裏面包滿了爽口蝦仁，麵質爽彈。薑葱爆鯇魚骨腩：魚腩表面薄粉炸至金黃，保留了魚肉嫩滑又帶點脆，加上薑葱香味，完全唔腥，而且鮮味十足。及第粥：十分足料，豬潤、肉丸、粉腸等等佔差不多半碗，粥底鮮甜綿滑。泰式青檸冰及豆漿：前者酸甜解渴但略嫌過甜，後者豆味濃郁且甜度適中。

天寒地凍，想食碗熱辣辣的粥暖下胃，一行入女人街就見到這間新記雞粥，除了有粥食，還有很多的小食及粉麵，價錢亦都不貴。貴妃雞粥即叫即煮的生滾粥，用了醃過的貴妃雞，本身味道都帶咸味，雞味滲入粥內，粥底綿滑，有鮮雞味，而且雞肉嫩滑，配條新鮮炸起的油條，香脆又好味。芽菜炒河炒河份量足二人分享，河粉爽口，不過有點油膩。叉燒腸粉腸粉粉漿都很滑，而且厚薄適中，叉燒帶點蜜汁味。蜆介鯪魚球鯪魚球又係即叫即炸，新鮮熱辣，而且又彈牙。海蜇生腸估唔到連生腸都有，生腸煙韌，海蜇有爽口。

作為一名健身教練, 乳鴿做前菜無得彈久仰新記雞粥大名, 係時候食晚飯又係附近就走過去食。入面環境又ok乾淨企理, 唔會太麻甩feel, 都見到好多人一個人黎開餐, 似乎都係快靚正之選。新記最出名乳鴿同雞粥, 就叫隻乳鴿做前菜10分鐘左右乳鴿就到, 乳鴿皮脆香口熱辣辣, 碟邊放有准鹽, 沾少少, 乳鴿立即昇華泥猛粥好耐好耐冇食過泥猛粥, 而且唔係度度有得食, 首先粥既份量算大, 男仕食應該都ok, 泥猛肉實淨唔梅, 係新鮮既煲出泥既粥香甜唔腥, 有驚喜❗豉椒炒黃膳黃膳有好多舊, 肉厚所以口感唔錯, 伴上三色椒 , 甜甜地又惹味, 撈飯真係一流!久仰大命既新記乳鴿果然無令我失望, 下次會試埋雞粥, 真係平靚正之選❗

先生大病初癒，行過家樂坊就話好想食炸嘢，我即刻諗起之前同同事食早餐嘅時候佢哋提過呢到嘅炸嘢都幾出色，於是咁就決定咗今晚嘅晚餐😉之前食過雞粥，印象好深刻，對呢度嘅粥非常有信心，今次就試吓海鮮粥，果然係非常足料🥰除咗蝦同蟹，仲有帶子，絕對對得住價錢。粥底非常綿滑，味道鮮甜，食完都唔會口乾👍🏻先生當然對粥冇興趣，佢揀咗海鮮炒飯，初頭我仲笑佢叫個咁普通嘅炒飯，一試之下原來真係飯不可以貌相，除咗蝦仁之外，仲加入帶子粒，味道非常鮮美，用XO醬炒更加惹味，係我印象中食過最好食嘅炒飯🙈終於嚟到重頭戲，就係久違嘅炸多春魚同魷魚！多春魚條條完整，炸得非常香脆，一咬落去有大量魚籽，味道甘香，非常香口😍炸魷魚鬚係我嘅最愛，同樣炸得非常酥脆，口感彈牙，味道鮮美，一個人食晒一碟都絕對冇問題🤩凍檸水單叫十八蚊，如果叫小菜可以加十六蚊有飲品加白飯，但我哋叫粥品同炒飯就冇優惠，十八蚊都真係幾貴😢佢嘅粥、炒飯同炸嘢都真係無懈可擊，真係想俾一百分，扣咗一分係飲品稍貴，平啲就完美👍🏻

天氣開始有點涼~~🍃一於相約表姐到旺角吃雞粥~~雖然是平日但都幾多食客，不斷有客人~~👫👬👭餐廳裝修簡潔光猛~~牆上掛滿招牌食物的圖片~~看著看著，都頗吸引~~~哈哈哈哈~~🤭餐廳除了雞粥，還有其他粥品、小食、小菜~~🙋‍♀️除正常茶記飲品，它還有一些特色飲品~~🥛貴妃雞粥 ($51)粥底好綿好滑，有雞油的香味，又不會太油膩~🐥雖然煲過粥，但貴妃雞的肉嫩，一點都不柴~雞皮本身腌過咸咸香香，而且非常非常滑~~一窩粥起碼可以添到4小碗，性價比非常高~😎味道一流~~🤤🤤🤤海蜇手撕雞 ($49)海蜇很爽口而又不會太韌，絕不難咬~~😌有少許甜榨菜絲、麻油、辣椒油的味道甜甜香香~~只有很微很微的辣~~🌶配上手撕雞肉，是一道很開胃的小食~~😋香脆炸大腸 ($49)豬大腸的外皮炸得香香脆脆~~🐷裡面的脂肪比例剛剛好，咬下去很綿，有嚼勁非常香口~~$49有這麽多塊，性價比極高~😍酥炸魷魚鬚 ($49)魷魚鬚炸得外酥內軟~~🦑炸粉香酥，而不會太油膩魷魚鬚則有嚼勁而不會韌~~很有水準~~😚椒鹽豬排 ($55)這道小菜一上枱，我們已經聞到非常香噴噴~☺椒鹽、炸蒜、辣椒絲爆開配上豬排，微辣咸香~而豬排夠厚肉，但又

是日口淡淡，想食得清淡d，朋友提議去食粥，太耐無去過粥鋪嘅關係，仲以為係好舊式嗰種添，哈哈，朋友話佢係好出名嫁。一入到鋪頭，真係同傳統嗰種好大分別，環境舒適，佢地menu最令我大開眼界，唔限止於粥品，腸粉嗰d，家常小菜，涼拌類都有，真係非一般的粥店。但黎得一定都要叫返碗粥食嘅，我地就叫咗佢地嘅招牌貴妃雞粥，粥底好綿，鹹道啱啱好，雞肉新鮮嫩滑，好足料。佢地亦唔會因為有粥係面而呃秤，每塊都啖啖肉，好足料。乳鴿同樣好好食，皮薄又脆，啖啖肉，烤得好香，火喉啱啱好。口㾗想食炸野，叫咗碟炸魷魚鬚，都無令人失望，魷魚新鮮唔腥，有彈性，炸皮唔太厚，唔錯。

見好耐都冇同媽咪撐枱腳我哋今日就去旺角試吓間家姐推介嘅雞粥😛媽咪話佢之後都都會再同友去encore😘由於我同媽咪兩個都係為食底,所以小食我首先帶咗一個炸大腸佢要左一個炸乳鴿 😙😙另外唔少得一個海蜇麻油雞絲來做涼盤😛首先佢嘅炸大腸份量都幾多👍而且佢揸到啲油都出晒黎唔算特別油膩點一點醬更加嘢味🙋而且價錢唔貴 仲抵過食其他小食店😂媽咪叫嗰隻炸乳鴿係新鮮炸起再點小小准鹽,好香而且好juicy ,佢地炸得個皮好薄 d 肉好嫩🤐好有功架另外海蜇麻油雞嘅麻油佢撈得好香,加少少凍嘅雞絲 正 又爽口😛至於媽咪話想食粥 ,佢想食招牌嘅貴妃雞粥,我自己就要左個由細到大都鍾意食嘅艇仔粥🤣首先兩碗粥嘅份量非常之足夠,我地都太輕視😂媽咪嗰個貴妃雞粥,雞肉滑嫩而且好有雞味🥺🥺而且粥底好綿,我自己嗰個艇仔粥都好正入邊無論係花生豬皮等等都好足料😛另外我哋見隔離枱仲有帶豉油王炒麵我哋都點左一個,佢炒得好有鑊氣,而且老抽亦都好香😛

今日唔知點解好想食下粥，朋友介紹我來這間位於好景商場附近的粥店，她說這裡的雞粥好吃!餐廳就像茶餐廳的格局，餐牌上有很多不同款式的食物，除了有粥品也有小菜等菜式。貴妃雞粥，粥底好綿，好香雞味，粥入面有不少雞件，雞肉嫩滑，而且一碗份量都有很多，唔怪得之咁多人點黎食!魚腩粥，粥底味道夠雞粥清，但好香魚肉的味道!魚腩都有3-4件在粥入面，唔會太多骨，魚肉都幾滑!蜆介鯪魚球，冇諗過一碟有6粒，而且粒粒都好大，外面炸得金黃，內裡鯪魚肉彈牙，十分惹味!再配上蜆介醬另有一番風味!豉油皇炒麵，好耐冇食過啦，因為平時通常會選擇炒米粉!這裡的炒麵炒得乾身，幾香口，個人覺得有少少咸，但是加了一些辣醬後十分惹味!香煎蝦米腸，朋友一向都好喜歡食煎腸粉，最喜歡加入很多花生醬和甜醬，這裡的煎腸粉煎得有點脆口，很香蝦米味，而且煎得乾身!香脆炸兩腸粉，食粥品通常都會點炸兩食，這裡的油炸鬼唔會好多油，而且幾脆口，腸粉口感順滑!這裡的食物款款份量都算很多，而且價錢不算太貴，味道亦不錯，有機會會再黎!

今晚過黎旺角同一位好耐無見既朋友食飯，轉咗工第一次再約出黎食飯～早咗少少到，先點一杯熱豆漿飲～ 再睇下menu過咗無耐，朋友就到了可以落單～我地揀點咗貴妃雞豬潤粥，粥底軟綿綿，材料豐富，成碗大約有5、6件貴妃雞，和7、8件豬潤，雞肉嫩滑，份量大碗，成晚最中意呢個雞粥我地仲點咗一碟西芹炒帶子～帶子大約有5、粒左右，除咗主菜西芹，仲有d配菜紅蘿蔔、三色椒～炒得幾香口之後就係清蒸盲槽～盲槽魚骨少，肉質嫩滑再配上薑蔥一齊蒸，保留了盲槽的鮮味朋友還點了一杯五花茶～凍五花茶係無冰的，唔會令味道變淡，好細心吹咗成晚水～真係超好聊的fd子下次要再出黎食飯啊

自小對鷄粥情有獨鍾，多數在新界地區吃到，所以偶爾才能吃到。如今在鬧市中，看到元朗鷄粥的招牌，二話不說，衝入餐廳了。既是粥品店，又有晚飯小菜。目標很明確，這夜，是來吃鷄粥的。餐牌圖文並茂，粥品吸引，小食種類眾多。點了一碗，貴妃鷄豬潤粥。看到鯪魚球，又忍不住點了。鯪魚球，有鷄蛋般大，炸得金黃，非常誘人。每顆大小均一，口感彈牙紮實，略帶小骨，可接受，在欣賞鯪魚球之際，熱騰騰的，貴妃鷄豬潤粥，出現了。用上陶瓷器皿更保溫。豬潤呈微粉紅色，浸一會能吃了。粥底盡吸鷄肉的鮮味，很鮮甜。鷄肉份量也不吝嗇，也連鷄皮。

今日先生帶我嚟佢打波前成日食嘅粥鋪, 齋聽個名仲以為淨係得粥賣, 去到先知原來選擇好多元化嚟得粥店當然唔少得要叫返個靚粥試吓, 我揀咗佢哋嘅招牌海鮮粥, 而先生就揀咗雞粥, 我哋再額外叫咗炸魷魚鬚同埋乳鴿呢間鋪頭嘅食物真心有驚喜, 個粥底煲得好綿! 材料又新鮮又足!!😍完全唔似街邊嗰啲, 每隻粥都用同一個粥底, 味道完全一樣🙈 特別係個雞粥, 粥底非常有雞味, 格外鮮甜! 😋另外必須要推薦炸魷魚鬚, 魷魚鬚鮮甜彈牙, 而且炸得好香脆!😍

同一家人係旺角行街，見到有雞粥，又有小菜，入面都幾多人，應該都不太差既。貴妃雞粥粥底煲得很綿，雞肉如果就甘食會偏咸，但用黎配粥就剛好，雞肉有微微藥材味道，而且肉質嫩滑，蜆介鯪魚球鯪魚球夠大粒，仲加了點陳皮去腥，食到鯪魚既鮮甜，表皮炸到金黃色添。炸大腸新鮮的大腸，都算乾淨沒太大陣味道，大腸夠肥，而且表皮炸得酥化。牛肉腸粉皮比較厚，普通了些。魚香茄子煲魚香茄子ok，如果係砂煲上就更好，套餐既白飯有點生。自製五花茶及豆漿飲得出係自家製作，不會太甜，有花茶香及豆香，好健康。