新記雞粥 (鴻禧大廈)

Open Now

Now Closed

好耐未食過咁好食嘅粥粉麵餐呀 今次我推介畀大家既有香港茶餐廳味道又有 粥店嘅感覺嘅餐廳 傳統與現代混合於一起嘅餐廳， 呢度嘅午餐好抵食， 我如果大家好鍾意食粥粉麵嘅可以推介 ，雞粥加炒麵或者炸兩 ，我哋四個人用餐真係叫咗好多嘢食， 半隻 貴妃雞 係我哋嘅首選，雞質嫩滑多汁， 炸乳鴿亦都好好食 ，好juicy ，炸鯪魚球加上佢哋嘅醬汁鹹鹹香香 ，引人入勝， 佢哋嘅焗豬扒飯有茶餐廳嘅感覺，好好味， 唔似一般茶餐廳的 普通做法， 佢哋嘅芝士好多好多，而且蕃茄又多豬扒又厚又多肉， 仲要係炒底， 超級好味， 唔好睇小佢哋嗰個滑蛋叉燒炒飯， 啲蛋真係好滑捋捋， 而且佢哋 xo醬又香又辣， 超多份量好好味， 呢個價錢可以食到呢個質素嘅午餐， 值得推介畀大家!

椒鹽豬扒好高水準，實在難得一見，重有是下午茶時段有椒鹽豬扒，關鍵是在於好好食，有88分，分量又多，我已經推介整個公司及我的所有朋友圈，係有一個問題，點解我叫的熱奶茶，杯茶最底有糖？我飲的時候都覺怪怪，點解會甜甜地？（我本身不落糖的）總括都高質素，努力💪🏿☺️☕️

旺角好景中心對面，在好多的食店之中，呢間既門口係企左最多人既，中午時間門口簡直係一條好長既人龍。見到呢間咁多人食, 所以我又來試下。見有位堂食，一於就坐下食好過外賣了~呢到環境都幾好，而且食物選擇好多，價錢$60左右一個餐，有碗粥同腸粉仲有飲品，見招牌係食粥，一於就試下先。炸兩，皮滑，可惜油炸鬼唔太新鮮有D硬.。賣相脹卜卜好靚。叉燒腸，好食，布拉腸真係冇得輸，叉燒都多，豉油味道OK~招牌貴妃雞粥，好多雞，而且雞味及雞油入埋粥，成碗粥好香而且好味。粥底本身都棉，好食。黃鱔粥，相對比較淡口，都好棉既粥底，相比之下真係雞粥做得比較出色。另外我地又叫左一個牛腩撈粗麵餐$47，仲送一碟油菜，再加一客硯介鯪魚球$50，呢個真係好驚喜，非常好食，大粒、彈牙而且一D腥味都冇架~!特飲柑桔蜜加$8今餐真係SUPER滿分，終於明白點解門口咁多人排隊了~

新記出名乳鴿同雞粥, 但係其實小菜都好正, 已經幫襯左佢一段時間, 今晚又黎開餐!XO醬cha燒炒蛋 $63依度既cha燒炒蛋大份之餘炒既火侯好好, 又唔會完全熟哂, 炒到大概七八成左右, 有滑蛋既感覺又唔會好鬆散, 加上蔥花同埋XO醬, 香口又好味粟米魚柳 $78粟米魚柳外皮微脆, 大件肉厚, 咬開入面熱辣辣, 粟米芡汁岩岩好唔會太杰。肉鬆四季豆 $53用欖菜肉鬆去炒到咸香惹味, 撈飯一流!小菜加$17就可以轉套餐有野飲同飯, 推介飲依度既燉湯, 真材實料煲出泥既唔係平時茶餐廳例湯👍 另外要左杯熱豆漿, 唔會太甜, 不錯埋完單見到原來而家外賣自取滿$100會送油菜一碟疫情下都係一個好選擇!0

**新記雞粥**呢日收工餓到飛起，又想黎食，就約老公係度等。疫症橫行既夜晚 人流比平時少左好多，所以我地都坐得好鬆動。今次都唔例外，照舊點左個雞粥，因為貪佢d粥夠滑夠出味。成日想食呢度既小菜，今晚終於有機會啦 因為我真係超級餓！豉椒炒黃鱔HKD74-香噴噴，鱔既份量亦唔少，幾十蚊真係良心價。四季豆炒魚鬆HKD53 - 如果送啤酒真係一流！多到食唔哂。見有薑汁紅棗糕HKD16-4件 之前唔覺有甜品，見十幾蚊一於試下🤣

今日同仔仔撐枱腳，佢突然話想食粥，但係我又好肚餓，咁啱俾我醒起成日都經過嘅新記雞粥，有粥又有小菜，一於去試吓餐廳座位寬躺舒服，我哋6:00去到已經有幾台食客，不斷見到好多人買外賣。仔仔話想食粥，我哋就叫咗一個鮮蟹粥，原來係砂鍋嚟㗎，份量好多差不多有三碗，啲蟹超鮮甜，所以個粥都好好味我就鍾意食辣，叫咗個XO醬叉燒炒蛋飯，啲蛋好嫩滑，配埋個辣XO醬好惹味啊仲叫咗乳鴿，唔算好大隻，火候啱啱好唔會過熟，鴿肉又嫩又juicy。仲有菜同雞絲海蜇，我哋好似叫得太多野啦，好飽啊下次想試吓個貴妃雞，好多人讚

一直想到訪元朗試試老店的老字號粥品店，奈何元朗太遠，較少踏足那裡。在旺角這邊也有分店，那就和爺爺嫲嫲吃吃吧，餐廳不只是專門售賣粥或油條，小菜、粉麵飯也有，適合每個人的口味。冬天時份老人家想吃滾粥，還點了一份小菜及豬潤炒麵。白粥配炒麵，慣常的最佳組合。豬潤炒麵即是加了豬潤一起烹煮的豉油王炒麵，炒麵有鑊氣且麵條乾身，夾雜芽菜很爽口；豬潤切薄片炒香，去掉那濃烈的騷味，份量多，蠻足料的！生滾粥以一個大大的扁闊盤子盛載，熱騰騰的。貴妃雞黃鱔粥熬得粘稠綿綿，鹹度適中，粥底滲著雞香及雞油，而材料上有雞肉連皮，嫩滑，鱔魚刺少肉質厚及爽彈。老人家想吃些降火清熱氣的小菜，還點了涼瓜炒蛋。金黃的煎蛋，富蛋香，不油膩；涼瓜切條狀，帶微微的苦澀回甘，味道較清淡 。

🐔新記鷄粥 真係好旺，呢個時勢仲要排隊！我上回與最後的鯪魚球失之交臂😢無得食 （全程望住👀隔離金黃色、香噴噴嘅鯪魚球波波）， 今天我要報復🥢🌕先上蜆介鯪魚球👉🏼果然係正！樣子美麗、金黃脆脆，鯪魚肉鬆化有彈性；🦉配搭的蜆介醬畫龍點睛，鹹香味濃，蜆肉完整！我的堅持✊是對的，絕對要啤一啤🍻🐔金牌貴妃雞～老字號的鎮店寶寶，皮爽肉又滑又嫰⋯🍶帶花鵰香氣，忍唔住雞皮都照食埋，好食又何妨 🦦🥣皮蛋瘦肉粥～棉棉的粥底配上鹹香瘦肉，$30蚊一小窩夠2人份👯；蝦米腸有Lam Lam 脷標記😋米漿好香又細密，質地似似哋芝麻卷！ 飽吃一頓，我臉上都掛了Lam Lam 脷標誌 Lu 😌

連續兩晚食西餐 今晚想清淡D 轉一轉口味 一於食碗粥 夾柱麵 俾腸胃稍作休息-🐔🥣貴妃雞粥 ($52)呢度煲仔粥最出名 每枱必叫 招牌貴妃雞粥用砂鍋上 存熱保溫 份量亦唔少 有成三碗咁多 分嚟食最啱 粥煲得綿滑 雞油滲透其中 更加滋味 貴妃雞件多 肥瘦適中 若果一個人食晒鍋粥 會幾飽肚-🥢芽菜炒河粉 ($27)平時多數豉油王炒麵加一碗粥 今晚炒麵改為河粉 老師傅手勢一流 河粉油光滿溢 老抽掛色均勻 芽菜爽口 再㸃啲招牌余均益辣椒醬 大啖大啖夾入口 百吃不厭-🥒🐂涼瓜炒牛肉 ($57)本來都打算叫多個小食 發覺附近幾枱客人 又叫粥又叫小菜 好奇心驅使 點返一個小菜 涼瓜牛肉有鑊氣 上枱嘅時候 香噴噴仍在冒熱煙 牛肉嫩滑 涼瓜爽口冇苦澀味 值得一讚-📍旺角花園街1號鴻禧大廈地下 新記鷄粥

都有一段時間沒有來這裡食粥了，今天突然想起這裡雞粥的味道，而且也是時候清清腸胃，所以便跟友人來這裡。餐廳店內也有不少人，但是見到買外賣的人比平時多很多，相信也是疫情的緣故。餐牌上除了有粥品，也有小菜！貴妃雞粥，粥底有香濃的雞味而且好綿，粥內有多件雞件，雞肉嫩滑又夠入味!蠔仔貴妃雞粥，這款粥味道以蠔仔味為多，粥有加入薑絲，你辟去蠔仔的腥味。蠔仔和雞件份量都幾多，蠔仔脹卜卜，雞件也是很嫩滑。整體來說味道帶有海鮮的鮮味，幾特別!炸兩，每次食粥都會點炸兩，這裡的油炸鬼很脆口，又不會很油膩，配上甜豉油和甜醬，令味道更豐富!煎蝦米腸，有稍稍煎過，有點脆口，蝦米份量都算幾多，帶有蝦的鮮甜味，配上麻醬和甜醬混埋一起，味道更惹味!豉油皇炒麵，平時好少吃炒麵的我，這裡的炒麵真的吸引到我吃!雖然只有芽菜和蔥粒，帶炒麵有鑊氣又夠豉油味，配上辣醬一齊食更加刺激味蕾!間唔中食下粥真的不錯，而且這裡的粥夠鮮味，值得再來!

男朋友尋日打完疫苗，今日有啲唔舒服😷，無乜胃口，想食粥。放工經過旺角，網上搵到附近有間粥舖叫新記雞粥，應該幾啱佢食，重點係佢唔係簡單嘅粥品鋪😋佢係粥品結合茶記。✨有樣嘢好就係我可以唔洗齋陪佢食啲清清地嘅嘢，可以自己自私叫小菜食😜依間鋪係元朗雞粥的分店，睇裝修真係唔似老牌粥品店。入去坐低，發覺座位幾闊。一睇餐牌，有啲驚喜，本身都知佢有小菜但我冇諗過選擇都幾多。👍🏻首先嚟嘅係貴妃雞粥🐔雞粥個粥底好綿，加上雞肉帶少少咸味，肉質唔鞋，重保持到少少嫩滑，連我都同男朋友爭食添🙈🙈。好彩個雞粥份量都算大，而且雞件有七、八舊，夠晒我地兩個人食。食雞粥又點可以少得油炸鬼。🥳炸兩上枱食落脆卟卟👍🏻冇油益味，而且腸粉皮滑又唔厚身。好味～～～再嚟嘅係蝦醬通菜🥬未食落肚果陣蝦醬味已經搞到我流晒口水🤩通菜個份量都幾大，夠兩個人食有餘，鑊氣比得上大牌檔的質數。之後上嘅係海蜇手撕雞✨食落感覺好似加左少少千島醬咁，個秘制醬汁有種酸酸甜甜嘅味道，唔似平時茶樓食開果種油淋淋嘅感覺，食完都覺得開胃咗。最後嚟嘅係豉椒炒黃鱔🐟我都係第一次食呢隻煮法，食落有啲似鱔糊，但又唔似上海菜咁同韭黃一起炒。黄鱔爽口彈牙，入口啖啖肉，加埋豉椒

今日去了旺角食飯！今日去了新記食小炒！地點方便！在花園街尾！店面地方不小，坐得幾舒服！我們兩個人點了干炒牛河味道都不錯！河粉不會太油利！牛肉炒得剛好！🤣😂👍🏻👍🏻xo 醬叉燒蛋炒飯！xo 醬好多！蛋好香好滑！叉燒都不錯！肉味香濃！😏🤤🤤貴妃雞例牌雞肉好滑，雞皮爽口彈牙！😋豉椒炒黃鱔鱔肉無咩骨！不鯹，不過味道濃了一點！油多了一點！😰總結價錢 ~~抵食份量又大味道不錯，平時都是食粥多今次試左小炒都不錯！

今日出旺角買野，買完又周圍搵食行到黎家樂坊附近，突然見到元朗新記開左係到！幾年前突登入元朗食過，係門口睇佢餐牌又唔貴喎於是決定食佢！💛招牌貴妃雞粥 $52真係好好好食！個粥夠綿不在話下，真係吸晒雞d精華，好似飲緊雞湯粥咁😂雞件都算多，但唔係件件都啖啖肉，而有肉個d都做到好嫩的肉質！必點💛咸蛋蒸肉餅 $49等呢個菜有點耐，我諗可能即叫即蒸。幾香口，有食到小小肥豬肉。唔錯，可以叫💛腐乳炒通菜 $43加左椒絲炒，幾香。同埋都好大碟。圖中食左三份一先記得影相。抵食既💛蜆介鯪魚球 $52一份有6粒，其實可以叫半份就夠！因為真係好大粒，食完個粥都飽晒食唔落。但so far覺得ok, 魚肉好食既，但唔算好突出鯪魚味。會回頭，呢個價錢係旺角好良心👍🏻希望keep住

某天晚上去左旺角，朋友話想食粥，行行下見到呢間新記雞粥，就走左入去食，門面企理，入面都幾多位，而且都幾多人幫襯，環境光鮮，我地坐左响卡位，食物選擇多，上菜速度都好快。叫左碟紫薑菠蘿炒牛肉，火喉好勁好有獲氣，之後叫左碟海蜇薰蹄好有咬口，海蜇食落索索聲，薰蹄都唔錯，我地叫左個海鮮粥，海鮮都幾多，d粥好綿好香，大大煲，好抵食，仲有例牌雞，例牌係成碟雞脾肉，雞肉比平時食既嫩滑，唔鞋口，肉質幾淋，又唔會好多脂肪，啖啖肉。雲吞好多粒。份量多。

近排大食妹食得有啲油膩, 收工就約咗朋友仔去旺角食新記雞粥<海蜇手撕雞>海蜇手撕雞份量好大, 海蜇爽口, 手撕雞混合咗麻醬同秘製醬汁調味, 味道唔錯<貴妃雞粥(左)及香脆油條(右)>叫得新記雞粥, 佢嘅貴妃雞粥應該係佢嘅招牌, 當然值得一試 雞粥嘅份量唔細, 足夠兩個人食用, 雞肉都幾嫩滑 而大食妹食粥有一個習慣, 一定要配油炸鬼 脆卜卜嘅油炸鬼配上熱辣辣嘅雞粥, 真係一種享受<叉燒腸粉>另外我哋仲嗌咗叉燒腸粉, 近排因為怕人多所以冇去飲茶, 好掛住叉燒腸粉 所以見到有就嗌咗份, 腸粉皮薄餡多, 雖然唔係新鮮熱辣辣嘅, 但配上甜豉油, 都係唔錯嘅<酥炸魷魚鬚>至於酥炸魷魚酥炸粉唔會好厚, 但咬落偏硬, 大食妹就唔係咁好啦