新記雞粥 (鴻禧大廈)

Open Now

Now Closed

整個12月都忙忙忙...每次加班後大部份餐廳都收工了, 夜了又唔想食啲咁heavy既食物, 每當有呢個諗法時, 就會諗起新記雞粥, 特別係冬天, 食啲熱那那既粥最正, 雖然白粥糖份好高, 但久不久一次半次, ok既 (自欺欺人), 一如以往, 先打電話落order, 再來外賣自取, 仲有九折 粥和炒面都有質素保証, 比起出面一般粥舖, 炒面係即炒的, 炒味十足, 又唔會冷冰冰,  加班後的推介

今日就同朋友去旺角買野，朋友話想食粥，但我本身唔太鐘意食粥，所以要揾一間有粥又有小菜供應的餐廳，所以就去左馬會對面的「新記雞粥」食飯啦。貴妃雞豬潤粥粥煲得好綿，而果雞肉好滑溜，豬潤熟程度剛剛好。香脆豬大腸呢個餸真係好啱配酒一齊食的，果豬大腸炸得酥脆，同埋果大腸洗得好乾淨。可惜冇啤酒，如果唔係就Perfect。海蜇生腸真係冇諗到在粥店有呢啲餸食，果生腸好鬼爽口，而海蜇爽口外果調味都好正。豉汁蒸倉魚我同我朋友都好鐘意食魚，所以見到餐牌上有魚的餸菜我地都一定會叫的，大家來食飯的話一定要叫呢個豉汁蒸倉魚，魚肉夠滑溜，困豉汁整得好香，呢個餸真係好好配飯的。飲品七喜話梅柑桔冰，呢個七喜話梅柑桔冰味道酸酸飲完好透心涼好解渴。

「新記雞粥」原來是元朗老字號，下午茶☕️時間，今日嚟旺角花園街店 😊環境裝潢不錯，寧靜舒適，客人不多，自行揀個雅座😀先睇吓餐牌：飯、麵、三文治、常餐、、、等等可供選擇，當然要試吓 招牌 粥生滾及第粥（走蔥）配炸兩 $45熱辣辣用小瓦煲仔上，保持溫度, 慢慢品嚐粥底 綿滑、米香好味，冇味精料多多：2粒肉丸、豬肚、豬膶、瘦肉、鮮味口感😋 份量多，足夠飽炸兩，油炸鬼香脆可口，腸粉都ok 甜甜豉油 再加芝麻、麻醬，滋味無窮

今日喺屋企突然想食粥，就搵袋鼠送外賣，叫咗個一人餐有一碗粥加一個腸粉，另外加條油炸鬼，雞粥好食雞好嫩滑，粥亦很綿，蝦米腸也很好味，腸粉用透明膠盒裝豉油亦有獨立包裝，真係唔想再見到發泡膠盒🤣最驚喜係條油炸鬼送到去屋企居然仲係脆嘅，仲要好好味，真心希望能夠一直keep到呢個水準👍👍

台灣朋友說想感受一下香港地道茶餐廳美食， 我就來了新記雞粥， 想食麵條， 焗飯，小炒什麼也有。先點了酥炸魷魚穌，外層脆脆的份量很多， XO醬蘿蔔糕一件件厚切加上大量XO醬去炒蝦米很香亦美味。紅燒元朗脆皮乳鴿，因為很久沒吃覺得皮炸得香脆肉很嫩，吃得時候令人不顧儀態出手拿起吃。另外喜歡吃豬手的我，一來已點豬手麵，豬手軟軟綿綿的一咬已經筋肉分離，幼麵條很掛湯。最後朋友說要吃焗飯，我推薦他吃這邊出名的焗豬扒飯， 番茄新鮮茄味濃郁，豬扒一件件切好方便吃還有炒飯，整體很好吃。一人一杯特飲他就點凍檸蜜， 我就點了七喜話梅柑桔冰，很解口渴不錯呢！

元朗新記打風都唔會關門！！原來好多人都好似我咁諗住食埋飯先番屋企～成條街唔係好多餐廳有開仲食到雞粥，仲食到椒鹽豬扒飯實在係太好，好感動🥲🥲-新記雞粥配蝦腸 最喜歡新記的雞粥用上左金華火腿同瑤柱去烹調當然仲有藥材同秘製配方雞粥食落錦滑之外仲好濃味。--鯪魚球即叫即炸，金黃飽滿食落彈牙，點埋蚧醬超好食-海蜇手撕雞海蜇好彈牙，調味帶微辣夠晒惹味連埋手撕雞食到停唔到口。-楊州炒飯仲有午市套餐啊～楊州炒飯即叫即炒，粒粒飯都勁金黃炒得乾身，材料份量都多叉燒火腿蝦仁炒得好食。椒鹽豬扒飯椒鹽豬扒即叫即炸，超大塊最重要炸得好食夠咸香，唔會太乾配埋炸蒜蓉同蔥，撈飯一流。-跟餐除左可以叫例湯粉葛赤小豆 仲有珍珠奶茶 8蚊 珍珠超多囉～

好友至愛選擇多又抵食，餐廳明亮座位寛敞又舒適，有粥粉麵飯、小炒、西餐、台式飲品提供。我們點左薑蔥田雞：田雞份量頗多，肉質鮮美多汁，鑊氣足很美味👍👍👍生滾豬潤粥：豬潤很嫩滑，粥底夠棉，米味香，真不錯😘😘生滾蠔仔粥：新鮮蠔肉味鮮甜無腥味，用瓦煲熱烘烘上枱，食完全身溫暖晒。😊😊叉燒腸粉：瘦叉燒夠健康，腸粉皮好滑又透薄，煙韌軟糯，十分美味。鮮蝦雲吞撈麵 ：有五粒大大粒雲吞，麵質爽口，很好吃。蜆介鯪魚球：有六粒像乒乓波咁大，炸得外香脆內彈牙配蜆介醬味道不錯，值得推介。💕珍珠奶茶：珍珠夠淋，奶茶不太甜，茶味香濃。

貴妃雞粥個粥好甜，雞件都好多，仲有蔥花，天氣凍食粥真係好暖身蝦腸🦐一碟有三條，即拉腸粉，個皮比較厚身有口感，蝦肉都彈牙酥炸魷魚鬚即叫即炸好新鮮，而且份量多，已經好耐冇食過新鮮既魷魚鬚，真係好正XO醬海鮮炒飯炒飯炒得好乾身，而且幾多料，有蝦肉、帶子、魚肉、當然仲有XO醬啦，如果XO醬再重味d就仲好美顏蛋白杏仁茶杏仁茶個人覺得唔夠濃，如果再濃d就正啦，蛋白好滑，而且唔會好甜七喜話梅柑桔冰酸酸甜甜好開胃，而且粒醃柑桔🍊好大粒七喜龍眼冰綠色既龍眼冰好有泰國🇹🇭風情，加上七喜就更好飲

和男朋友想吃點家常便飯，竟然在旺角都找到老字號新記，可以吃到book marked了很久的鑊氣小炒了！二話不說先點了一客酥炸魷魚鬚$58，這個價錢來說真的很大碟，條條魷魚鬚都炸到金黃，勁香口脆口，沒有一點油益味，絕對可以再吃。晚市客飯套餐都幾抵吃，有白飯和飲品，我們叫了兩個餐+一碟菜：豉椒蒸魚腩$73上碟時魚腩的數量嚇親，這個價錢竟然有6塊魚腩，魚腩蒸得很滑，又夠入味。鬼馬炒牛肉$91有不少牛片，鬼馬的意思是加了點油炸鬼，配菜有洋蔥、黃椒等等，十分豐富，醬汁和咕嚕肉的酸甜汁很相似，非常開胃。蝦醬炒通菜$48另外我們點了一碟通菜，正常發揮，兩個人吃的話真的很大碟！女士總覺得想吃一點甜品，於是點了一客養顏蛋白杏仁茶$26，味道淡淡甜甜，非常適合吃完小菜來點綴一下。雖然是茶餐廳模式經營，但店員十分友善，安排了卡位給我們，坐得很舒服。食食下有兩位婆婆客人和店員聊天起來，對老人家都很有禮貌，而且免加一，難怪晚飯時段會坐滿客人！

係旺角呢頭多國菜就食得多 咁啱發現呢間中式粥麵店下午茶都幾抵 。。。🦔👉茶餐 - 皮蛋瘦肉粥 跟炸兩唔洗再加調味料味道都夠香濃 粥底綿密 瘦肉係嗰種好幼嘅幼條食粥必配良物嘅炸兩！腸粉皮薄嫩滑 油炸鬼開頭食都幾新鮮的脆 加埋甜醬認真match 可惜枱頭無麻醬…。。。🦔👉香脆豬扒包連埋餐飲都係30幾蚊真係好抵😆成把斧頭咁大嘅豬扒薄切又易咬 就咁拎上手食無難度 底面兩塊係塗得好均勻嘅油豬。。。🦔👉鮮蝦雲吞麵雲吞玲瓏小巧 但咬落食到成啖蝦 同豬肉比例相符 幾粒都幾夠食 麵質唔錯 湯底再多點味會更佳。。。🦔👉酥炸魷魚鬚見咁多人點呢個招牌魷魚鬚就試下😚每條都大大條又彈牙 炸開金黃色幾鬆化 椒鹽味極誘人！。。。🦔👉蒜泥汁脆皮豆腐粒粒都方方正正咁炸得幾乾身又貼服 幾欣賞佢唔太油 內餡豆腐嫩滑 蘸上醬料食 味道更佳。。。🦔👉杏仁茶食完下午茶啲炸物想滋潤下 竟然癲到叫埋蛋白杏仁茶做甜品🤪一盅又唔少 飲落順滑易入口 杏仁味比杏仁霜淡啲 筆筆下除咗見到蛋白絲 食到底唔少蛋白狀。。。🦔👉泰式青檸冰誰說秋冬季唔可以飲凍飲😆青檸冰飲落幾解氣 tea飲唔錯！

天氣涼涼地想食粥，係旺角見到呢間由元朗發圍既雞粥店，決定黎試一試！✨貴妃雞粥緊係要試下呢到既雞粥。貴妃雞用左藥材同花雕黎整，所以食落有淡淡既藥材味同酒香，肉質嫩滑。而粥煮得非常綿密，加上雞油變得好香口！✨魷魚鬚離遠已經聞到超香！外層炸衣唔算厚，但炸得十分香脆。魷魚鬚每條都好粗，夠彈牙，而且有事先醃過既微微鹹味，以及魷魚本身既甜味。點上喼汁非常解膩開胃～✨脆皮乳鴿乳鴿本身已經滷得好入味，而外層炸得好香好脆，食既時候會滲出微甜香氣，鴿肉嫩而不乾，咬落口有充斥住肉汁。✨炸兩炸兩即叫即整，用左新鮮炸起既油炸鬼，同熱辣辣既腸粉，所以外滑內脆。腸粉皮夠薄，點少少豉油都好夠味。不過一定要趁熱食，如果唔係就好快冧哂啦

開始入秋涼涼地，尤其落完雨個天濕濕冷冷就令人特別想食粥見到新記好多人食，仲有我最愛既雞粥，就決定試下👍🏻午餐選擇有好多，而且幾抵食除左粥仲有腸粉、炒麵炒米，唔想食粥仲有燒味飯、雲吞麵等等睇埋埋主餐廳，原來小菜、小食都有齊，真係花多眼亂，睇到我十五十六😆我地平日lunch time後黎到餐廳都已經爆滿，侍應都好忙，好彩可以用QR code落單👍🏻食客唔洗等，員工都做少樣😆海蜇手撕雞我地叫左一樣冷盤做前菜，份量都幾多海蜇爽口彈牙，醬汁酸酸甜甜，配埋雞絲好好食😋雞絲一啲都唔柴，幾軟嫩，整體非常開胃👍🏻而且醬汁夠多包到每條雞絲同海蜇都有足夠既醬，食落惹味開胃👍🏻酥炸魷魚鬚🦑好耐無見過既港式小食，以前飲茶會有，依家大個左少左同屋企人飲茶，其他餐廳都唔常見，所以見到即刻叫左黎食😆上枱係非常熱辣辣，岩岩炸起，熱氣迫人魷魚鬚大大條食落好豪爽好開心🥰🥰🥰咬落去十分酥脆，炸漿唔厚但炸得好夠喉，食落非常脆口魷魚鬚爽口彈牙，有咬口但唔難咬👍🏻👍🏻調味上只係簡單淮鹽已經好滋味😋😋😋貴妃雞粥見到已經流晒口水🤤🤤🤤成個粥都係滿滿黃油望落超好食，一食就個熬左好耐果然入口係滿滿雞香，伴隨淡淡油脂感，非常正粥底夠綿，而且

突然間想食粥，經過女人街見到依家就入去試兩個人叫左一鍋豬潤貴妃雞粥$62 +炒米粉同一碟蔥花腸粉蔥花蝦米腸粉$24 好滑有蔥香味加上甜醬更加好味😋不比酒樓差👍🏻👍🏻👍🏻火腿炒米粉$33 望到個賣相都真係唔差，有好多火腿同配菜炒得乾身，有口感，加少少甜醬更加好味😋😋😋另外叫了一鍋貴妃雞豬潤粥，粥好綿好滑，沒添加味精，粥有雞香味但雞同豬潤份量有D少，雞件2件，豬潤2小片，如果可以多番少少雞+豬潤就好

貴妃雞粥 $56新記最出名係雞粥，點可以唔試🤪用咗泰國絲苗米，煲成綿綿粥底～而貴妃雞肉質嫩滑，鹹鮮味中帶點淡淡藥材味用靚雞煲嘅雞粥零舍鮮甜，粥面頭仲有層雞油，第二度真係食唔到😽豉油王炒麵 $31即叫即炒，上枱時仲出晒煙♨️炒得有鑊氣，炒麵配粥係最佳配搭👍🏻叉燒腸粉 $27鮮蝦腸粉 $30腸粉好出名，腸粉夠簿，而且煙韌彈牙，個人覺得口感好好😽叉燒份量超多，多到就快爆出嚟😂蝦大大粒，爽口鮮甜👍🏻XO醬炒蘿蔔糕 $55蘿蔔糕切得比較大粒，2面煎得金黃，加上XO醬、洋蔥青椒等配料一齊炒，惹味可口👍🏻酥炸魷魚鬚 $58呢個係必食推介‼️超抵食‼️好大一碟，每條魷魚鬚都沾上一層簿簿的炸槳，外皮酥脆，魷魚腌得入味，正正子😼蒜泥汁脆皮豆腐 $36一口size嘅豆腐炸得表面香脆，一定要點埋個特製蒜泥汁，個汁係靈魂，蒜味濃郁，食唔停口😂新記雞粥 (鴻禧大廈) (旺角)旺角花園街1號鴻禧大廈地下5號舖

今早（星期六）幾個人悠悠閒閒在花園街近家樂坊搵地方食老早，見呢間有西式又有粥，可以各適其適，便進店試試。坐低無幾耐，我地仲睇緊餐牌，就聽到隔嚟有女聲（甲）高聲話:「呢個價錢無蝦米腸，呢個至有」另一女（乙）回答道:「咁即係唔係45蚊而係42蚊啦！」甲：「咁…你係咪要改蝦米腸？係…我就幫你改單。」乙無回答，估計係用其他方法決定了。甲然後對另一人（丙）斥責道:「我寫張單俾你，你睇清楚先至入機啦！唔記得就睇餐牌，我唔記得就會睇餐牌。」似乎係甲店長同乙顧客溝通出現問題，及後就斥責丙店員。事件本來平常不過，但星期六放假日的輕鬆悠然嘅心情就被店長破壞了。點餐後，自然就係等上餐。到上餐就真係GG喇。首先係份炸魚煎蛋厚多士……炸魚嘅時間一啲都無偷工，塊魚被炸到變咗深啡色。朋友話啲粉漿應該重過啲魚肉，而塊厚多士頂多就係75折厚嘅麵包。真係想問可否投訴商品說明條例。另一邊就係我嘅碎牛粥+炒麵。粥係用煲仔盛住上，幾有style，我仲未將啲蔥攪渾就食咗一啖。OMG！味如嚼蠟！！粥底無味，肉無味，成碗嘢都無味。如果我領過COVID，可能懷疑自己有長新官。最後加了鹽、白胡椒再攪啲蔥味道，才有點蔥味。還好，炒麵穩定地