新貴記粥品店

Open Now

Now Closed

見呢間粥店中午時間都幾多人, 就去試試囉.一個人點了碎牛粥和炒麵. 粥底都幾綿, 碎牛被燙一燙, 夠嫩. 細個好鐘意碎牛粥的口感, 成日唔知係咩, 到後來先知係炸米粉. 炒麵幾乾身, 仲暖暖地, 加咗甜醬再配粥, 正!

這兒的滑肉粥是絕對值得一吃的, 粥底夠杰又夠味, 滑肉(即是豬肉片)夠晒甜,這兒的伯伯婆婆都幾好服務的, 希望多些香港人支持這些傳統老店吧

主人與奴隸獸曾經閱讀過此粥店的食評，好評甚多。既然途經，一於光顧，點了：1. 滑牛豬腰粥（HK$22）：粥底夠稠夠綿，可惜豬腰煮得過火，失去爽脆口感。牛肉雖然夠滑，但沒有牛肉味，2. 皮蛋豬肚粥（HK$18）：豬肚腍得來又彈牙，口感及味道都唔錯。3. 齋腸（HK$6.0）：夠滑，有『米』味，唔錯。4. 炒麵（HK$6.0）：麵有點兒硬，味道只屬一般。

(12-03)今天休息，早上要到深水埗購物，出門前盤算著來些甚麼美食？劉森記已嚐過，況且還未到營業時間，維記？興趣不大，每天上班也是吃着那些即食麵、通粉，始終懷念着早餐至愛----炸腸，就上來搜尋一下，似乎除了新貴記，也別無選擇；10:00到來，要了一碗及弟粥($15)加碟炸腸($6)，粥品馬馬虎虎，粥底有味精，豬肚有化學品，始終身在粥店，心在炸兩，炸兩上桌，一貫的是4/3條油條，提醒自己，沒祈望，沒失望，戰戰兢兢地嚐一口，是凍的，半淋半脆，也許真的是沒祈望，反感到有點安慰(半脆)，算了吧！預製品總不會好得那裡去，比起坊間一般粥店，收貨。

呢排食得太多熱氣野la.一早打完鼓就同fd去左食粥我叫左碗艇仔粥(10蚊).fd叫左碗碎牛粥(10蚊)兩碗粥都夠多料.好味.我食左半碗多d就飽晒10蚊碗真係好抵^^

一向如到深水埗又想食粥的話, 呢間一定係我首選.因為價錢合理之餘, 食物o既水準又好. 好抵食.早幾又行過深水埗, 又去返呢到食早餐.~艇仔粥及滑牛粥: 好味,料足又綿. 唔會好稀同好杰. 正!!~炸兩: 一個字---脆. 唔會係放o左好耐o個d. 不過如果下次可以少返dd豉油會更好.大碟又好食.~腸粉: 好滑. 呢間o野我都試過夜晚去食, d炸兩都好脆. 唔似係擺o左好耐o個d. 似係即整咁. 正.Remark: 環境都ok. 唔會好污衊同埋枱與枱之間都唔算係太迫. 不過星期日照早會好多人. 有機會冇位.

唔多講廢話啦!沉日來叫了碗(下火),一碟腸粉腸粉唔係即拉的,來到已凍凍地,麻麻地碗粥的料幾足,皮蛋ok,但廋肉d調味不足,勁啖,粥底異常地有米氣,ok好味.代價係之後要買支水!

自從搬離青衣後，真係相當耐冇嚟食佢哋嘅豬潤滑肉粥...今日專誠嚟懷舊懷舊...豬潤片得薄薄，起晒黄沙，苦味全無，亦夠爽口；醃過後嘅滑肉仍然係滑嘟嘟；粥底依然係有"師傅"...一切依舊....多麼的美好...

叫了一碗及弟粥($14)和一碟羅白糕($6),粥很大碗,份量也足夠. 十四元實在是很便宜了. 粥底夠稠夠味, 配料也美味. 還以為羅白榚是煎的, 到來才發現是蒸的, 白白一大件, 咬落軟棉棉的像吃布甸, 有羅白味惟粉及水的份量太多.笑臉是給有水準的粥

之前很多OR既核心食友俾左呢間粥店笑面，我這一評，也只是錦上添花。是日要到牙醫處覆診。完事後，係時候吃點清清地的食物，食粥就最好不過。本想去新耀記，但記得睇過食評呢間都幾好，就行多幾步過來。照例要碗及第粥和炸兩。及第粥材料不少，豬潤、豬肚、豬腸和肉片，總體都是可以，如有我喜歡的肉丸會更好；粥底的確幾綿，卻沒有如食友般說得那樣厚身，不過也算是很不錯的。炸兩好大堆頭，可是裡面的油炸鬼已淋，要靠甜醬去取分。

今日見凍凍地就專登去左深水埗食粥...新貴記去左幾次..次次都係食及第粥走腸加個炸量..炸量唔脆,冇特別,不過夠大份,岩哂我..呵呵..粥都有d師傅,雖然唔係好口渴,但係好綿好好味..食左d豬肚,唔知點解有一舊有d怪味,其他ok^^不過店員好nice,我次次話唔該,佢地都好有禮貌話唔駛..本來坐近toilet位有異味,見其他抬吉左,即刻調,個嬸嬸好好,話你過去得喇,我幫你攞..原來舊粥舖就係有呢d人情味...

炸兩已經好一段時間無食過，原因可能係搵唔倒邊度有好味既炸兩，行開呢頭見倒呢度有，而且望下周圍好似個個客都有叫炸兩咁，六蚊一碟不如我都試下，一黎個份量幾多似乎幾抵食，點知真係大失所望，四個字︰又凍又硬，都唔知點解咁多人叫.... 加杯普普通通既豆漿埋單十一蚊真係唔抵食囉。記得以前樓下五蚊一碟，雖然又細件份量又小，但真係好好味，可惜已經執o左好多年。

上次食得相當愜意，琴朝再嚟幫襯...上次D豬潤水準有番咁上下，吃出信心來，今次決定食碗及第粥，再例牌加碟炸両...今次炸両入面嘅油炸鬼就唔係即炸，有D淰，當然比上次食嘅差一大截，但勝在份量夠，加埋甜甜嘅豉油，都叫食得過...及第入面有豬膶、豬腸、豬肚及滑肉，但就缺少咗豬腰，有D美中不足...水準十分不錯--- 豬潤新鮮爽口，淖得時間剛好，一D苦味都冇；豬腸夠粉；豬肚亦夠爽，且一D異味都冇；滑肉更係招牌貨之一，真正滑不溜口，夠鮮甜...粥夠杰身，雖然仍然係"師傅"上身，依然吃得不亦樂乎...二十蚊換嚟飽飽滿足嘅感覺...

今日去了新貴記食粥, 平時食開o既粥都係比較稀D, 只有生滾粥才比較杰身一點, 呢度o既粥不論大少都係比教杰身(我鍾意), 加上佢地o既粥真係煲得好綿, D米爆哂花, 所以口感好好! 今次嗌左個魚片艇仔粥+ 新鮮炸兩, 好少食到咁鬼死脆o既炸兩, 6蚊一碟抵食到極! 連粥加埋成為廿蚊咁多多! 真係平靚正AR !P.S 粥味精味略重,食完有少少口乾

(2/11)這個題目，不是代表別過去「新記」，亦不是記述“別過新”記，而是「別過了－“新記”」後。長記居民應該記得長發鐵皮屋時代，前身粥店的格局與耀東街等相似，後經遷徙至青山道的新記，數年前已沒有再經營，現址已不再是那一品牌。不過那時新記，亦是功夫到家，粥品是出色外，鮮製腸粉、油炸食品、糖不甩是同樣了得。由於這原因，是少有光顧這間粥店，當然這間是不錯，始終有多於十年以上的經營心得，沒有質疑的地方，粥底是綿，配料亦有多項選擇。從來喜歡吃米皇，沒有過多的修飾，嚐一兩口便知底蘊，況且那稻米的自然香味、質感滲透於粥底中，再與腐竹、白果一起烹調，老少咸宜的妙品。但今天棄之取那皮蛋魚片粥，嚐那一濃一淡的皮蛋、滑魚片，互補不足，配合濃烈的鮮薑蔥，既能除魚腥味，亦同時喚醒著味蕾。昔日這些有歷史的粥店其門如市，但身處於這個另類「都市」，不幸地被邊緣化。