新明苑宴會廳 (Closed)

好耐無黎新明苑了，因為佢條電梯成日壞，老人家唔願上樓梯。今日黎開呢邊買野，之後就上黎飲下茶，茶位依然係$3位，平！平日下午茶大中小點$12.8，平！！咁嘅價錢，真係唔好有咩期待啦。蝦餃併菜苗餃，蒸到過哂輪，皮爛哂又水流流。芝麻包，都係蒸到爆開，勝在多餡唔係太甜。排骨不過不失雞札又幾好食，入面包著雞脾肉，冬菇，火腿同魚肚，調味幾好。珍珠雞，入面有鹹蛋黃㗎，今次蒸得剛剛好爛巴巴。叉燒餐包，食左先記得影相，見佢新出爐叫左一碟試下，包軟熟，餡多汁，都幾好味啦。點心ok啦，服務依舊係無人理嘅……今次坐得近廚房，可以自己去添滾水。

放假諗住做下孝順女, 陪下媽媽去飲茶啦~媽媽話要去新明苑, 是旦啦~一向都知呢間野麻麻地, 但估唔到真係差成咁,去到, 等左一陣, 終於都有位, 係搭枱的,一坐低, 就見到張枱布好污漕, 好明顯係上手食鳳爪的時候, 啲汁滴左係張枱布度,同個帶位講, 佢居然答係喎, 跟住就走左去,諗住搵個高級啲既, 同個經理講,點知仲死, 佢用手係咁摸啲汁, 一路搵枱布黎抺手,一路係度話無呀, 邊度有污漕, 真係從未見過一間茶樓可以咁污漕, 態度咁差, 永無下次!

其實飲茶真係我至愛 如果陪老人家食嘢嘅話就 梗係揀茶樓 冇第二個更好嘅選擇！呢間新明苑開咗已經有幾年 一直係我婆婆嘅首選 每次都會嚟 今次見到啲人多 就揀咗坐二樓 唔搭檯嘅 格局同一樓嘅比較相似 但係茶錢就貴一蚊 冷氣比較凍 唔知係咪師傅都唔同 所以食物就較一樓嘅差叉燒腸粉 叉燒餡份量 一般味道幾好 但係粉皮較厚 食落粉味亦好重 流沙奶黃包 包皮鬆軟 有咬口 流沙奶皇啖啖都係蛋黃香 餡料流出嚟好吸引 連埋啲包皮一齊食真係好邪惡山竹牛肉球 一般 蜜汁叉燒包 一般 蟹子燒賣皇一般 上湯小籠包 雞扎 最特別係甜心芝麻包 未叫之前以為佢係芝麻餡 但原來係有花生杏仁芝麻馬蹄等等 餡料係幾得意 不過唔啱口味

老人家最鍾意去酒樓早午晚三餐，叫呢度飯堂，因為屋企人鍾意呢度夠平，有街坊酒樓的感覺。星期四晚上八點半，元朗好多食肆都已經冇人，眼下附近二間火鍋店，一枱客都沒有，上到酒樓2樓，都有九成入座率。六個人叫咗六個餸，乳鴿特價18.5一隻，因為乳鴿細隻，一隻只可以切開兩邊，味道不錯。乳豬半隻，皮依然脆口，足半隻。金銀蛋莧菜，正常味道。清蒸石斑，阿姐話足一斤，都應該係，係個魚嘅豉油咸咗啲。西芹腰果炒雞柳，腰果唔係放面，所以有啲淋左。煎蓮藕餅，比較多肥肉，不過就易入口。埋單＄700有找、又有魚，又有乳豬，確係抵食，帶屋企人出去其他洒樓食飯幾次，都比佢哋話咁貴嘅，確實街坊酒樓又好難同其他比較嘅。

由於被check到内臟脂同体脂肪過高，呢個情況岀現係一個後生女身一d都唔正常呀，要學習唔可以暴任暴食，盡量啦😅蒜蓉蒸鮮魷好清，份量也不多。黑椒金錢肚不夠淋，唔夠黑汁。蝦餃粉皮一夾就爛，内涵普通。牛腸味道好無期望，所以無失望。鮮竹卷淡味，不過不失。燒賣好勁肥肉un，又肉腥。牛肉球得腐皮好味咸水角好邪惡熱氣，唔食。蔔白糕熱氣無食米粉賣相毫不引食慾，無食。生菜平時外食少叫，反感清新好食夠健康。食後感：裝修傳統不特別，簡直係回到過去，過去再過去，很久無上茶樓了。

一年一度最忙嘅節日，中國傳統新年，大家都喜歡打下牌玩下魚蝦蟹，跟住最好就係舒舒服服出去酒樓食啊！每年一定會返元朗拜年，近兩三年都係食新明苑，親戚話價錢唔貴食物唔錯。新年菜梅子豬腳。酸酸甜甜幾好食。小菜大概$80至 $120。新正頭冇特別收費都算係咁啦！炸子雞係必要嘅，皮脆又香。豉油皇中蝦，比較細隻西蘭花帶子真係簡單過簡單嘅菜。叉燒王唔夠肥。咕嚕肉上枱已經唔夠熱，咁就冇咁好食啦！蟶子皇真係夠大隻，蒜蓉粉絲蒸真係唔差！臘味糯米飯同埋炆伊麵都係普通。最後送嘅紅豆湯圓都幾有誠意，我最鍾意食湯圓

今日book左8點一圍同屋企人食團年飯 結果9點先有位又冇員工指示 同冇book冇分別!一家有大有細。。。當日的餐單野食吾差乳豬全體夠熱皮夠脆肉厚上湯蝦球伊麵🦐 西芹炒雞肉花蚌翅味道剛好 幾有料扇貝魚鮑片雞皮脆 冇咩脂肪糯米飯壽包蛋黃好香 皮薄最後有:紅豆沙湯圓吾會太甜 湯圓夠哂綿總括都幾抵食團年飯泥講不錯 係等位安排令人失望

1。新一年，1月1日與家人提早做節，訂好房，問左最少食$2500就可包房，上左3樓。個男職員叫我地食餐，我地唔想食餐，想散叫，點知樣樣都要加錢，如咕嚕肉，要加$40，但份量係無加大架。其他要叫左先知加幾多，咁即係咁住搶。2。叫了7隻大龍蝦，諗住每人半隻，點知來了6隻，唔夠分，同職員講，佢話係誤會，最後我地同佢嘈，先補番1隻。3。第一味菜係乳豬，食完成20分鐘都未有第2味菜，咪催下佢，點知同時來5味菜，食都食唔切。4。魚香茄子煲（見圖）$136，色香味，差差差。5。翡翠帶子螺片，係無螺片架，收成300元一碟，最後又係同佢嘈，先補番比我地。6。埋單吓了一跳，做左水魚。最後一毫子tips都無比，再無下次。找經理理論，點知2個經理都失蹤評語：差差差😠😠😠如果可以，我1⛤都唔會比

放假，到了銀行入下票，打下薄咁，見未食晏不如飲個下午茶，到了新明苑，原來下午茶一點半已開始，平日星期一至五茶錢三蚊位，嘩，平！撘枱好快有位，下午茶大中小點$11.8，不考慮太多，就劃點心紙啦。羅漢齋腸粉 (大點)腸粉幾滑，入面包住啲粟米，西芹，冬菇粒咁，不多餡，勝在有甜豉油，都幾好味。鵪鶉蛋燒賣 (中點)好似上次都有食，舊肉細左，但多左蝦，調味幾好。珍珠雞 (大點)今次蒸得幾好，無一打開就爛哂。餡都係無乜㗎啦，得啲汁，少許豬肉絲，半隻蛋黃，各樣都幾好味嘅，但個蛋黃壞了，一鼓怪味。今次撘枱的茶客同樓面很熟，所以加水，收碟都好勤快，如果平時都係咁嘅服務態度就好了。PS埋單$42，真係平到笑。

兩公婆放工又返到元朗區搵食, 無目的閒逛, 見到晚市套餐有優惠, 就本住好又一餐, 唔好又一餐的心態去嘗試。上一樓是火鍋區, 二樓是小菜區, 二樓環境都頗嘈吵, 食客多數上年紀的家庭及男士。兩個人點了4個菜, 算將抵食, 最後要打包, 因為碟碟菜份量都好足夠。波士頓龍蝦e麵, 汁太重奶油味, 但只有奶油鹽味, 無其他特別, 龍蝦還算新鮮。整體一般般。紅燒乳鴿, 一人一隻, 比預期中好食, 身位, 脾位燒得都脆, 而且味道不錯, 不會太乾, 有肉汁。但肉質是雪藏過就無法避免了。蜜汁叉燒, 值得一讚, 例牌份量好多, 好味, 酒味控制的好, 蜜汁燒得香, 半肥瘦, 配熱飯最好。   蒜蓉炒白菜仔, 炒得好味, 火候控制得幾好, 不會很油膩。

離家較遠，一向很少來到新明苑飲茶，是日咁啱要去大坑渠個邊辦點事，就上左黎，得知三樓不用撘枱，就算茶錢貴啲都係揀三樓。假日下午茶大中小點15.8，其他特價野就加二加三蚊左右，價錢都算平啦。叫左個鹽水雞套餐，雞半隻配炒粉麵飯假日價88蚊。揀左蛋白遙柱炒飯，份量都幾大，飯炒得香口食落唔油膩。咸雞肉嫩，皮下脂肪不多，咸咸地幾正喎。唔少得嘅薑蔥容，點雞撈飯一流。鵪鶉蛋燒賣，而加好少有得食了，啖啖肉，好味。沙律明蝦角，皮炸得香脆，內裏全是蝦，非常飽滿，蝦肉鮮甜。醬王鳳爪，一碟五隻，好入味，調味咸甜剛好。香甜芝麻包，賣相一般，但好好味呀，唔好比佢個名呃到。開頭以為芝麻包會係芝麻糊咁嘅餡，原來包入面唔止芝麻，仲有瓜子，花生，冬瓜蓉，食落香甜有口感，好正！點心水準不錯，但不得不提呢度啲員工，由姿客，伙計，上點心阿姐到收銀，都係黑口黑面，啲點心係掟落枱的……

平時我都唔寫食評。但今次忍唔住寫呢間既服務呢間酒樓2樓搭枱 3樓不搭枱明明拎飛時候註明不搭枱3位等左半小時 比左2樓既枱 諗住無所謂 反正我係唔搭枱 照坐可也因為友人不到 諗住問可唔可以取消返1個茶位阿姐好串話你取消我就變你做搭枱 一係就比多個茶錢當刻就覺得ok ，比多個就比多個，幾蚊啫結果一路keep住比人問有冇人 可唔可以搭枱 好似我有心獨霸 好尷尬 但愈諗愈唔對路 明明我係揀不搭枱既枱 點解一取消要變搭枱？ 咁我做乜要等位等半個鐘？ 於是出去埋單就問 一問就火都黎 條樓面阿姐聲大大話你果張係搭枱 你想唔搭枱梗係要比多個錢 仲好話我依家反悔唔肯比 之後仲周圍同d茶客講 講到我想走果幾蚊數 離哂譜 我即刻喝住個經過同阿姐 咁你check 機 睇返記錄 我果張飛係咪寫住B18唔搭枱 個經理即刻話已經洗晒記錄 睇唔到！ 真係搞笑 我話你d樓面依家屈我賴數 咁算點 仲周圍講 之後個經理話會同返個阿姐講 了解下 我比多幾蚊好閒 好小事 但要搞清楚成件事係點樣 依家你樓面自己比左2樓既枱我 唔係我話坐低後要求不搭枱 係我本來就揀不搭枱 更唔係我坐完之後賴數 最冇服務係個阿姐仲要大大聲話我有心走

聽人說粉嶺開了一間新的酒樓，即管去試吓！原來在逸峯商場樓上，行到門口看到裝潢不錯，坐了一會，點心即叫即蒸，也不錯，個人最喜歡食蝦餃，試了很多間，這間算中上，總體不錯

今年父親節都幾難book 台，於是在當天撞彩可以BOOK到呢間新明苑7：00去到由是但點左幾道菜，分別係西蘭花帶子、碧綠珊瑚帶子、乳豬拼盤、蒜蓉蒸大元貝、聖子，特別再叫埋香笀脆蝦球同拔絲咕嚕肉。加多幾個飯，岩哂一家人食睇完呢幾味送，可能你會覺得好普通，無錯，又真係幾普通既，不過當我食完以下呢兩道送，間直是大開眼界，就係香笀脆蝦球同拔絲咕嚕肉，個脆蝦球好鮮甜，咬落去有少少笀果醬。不過食多2舊就好濟然後最最最重點既送，真係不得不介紹，真正既外脆內軟既咕嚕肉，本人終於有幾會依到，成日睇電視，周星馳果套電影講好好味外脆內軟既咕嚕肉，我諗就係呢個，十分推介呢碟咕嚕肉，去呢間食一定要叫咕嚕肉最後例牌就送左一人碗糖水，味道就一般般

黎飲下午茶，要求不撘枱，姿客話唔撘枱貴d喎，茶錢貴一蚊架，心諗一蚊我仲比得起囉，唔使問n次係咪唔撘枱呀？？！？珍珠雞入面多汁到爛開，水流流，食到唔有餡，淨係汁同飯。排骨肥到喊，味精味囉。蝦餃ok，菜苗餃個皮爛哂，出哂水。上枱已經凍，超薄，懷疑係炸多過煎，點解可以咁硬？！點心唔好食，服務差，無人沖水，不過好平係真嘅，大中小點十幾蚊，仲想點。