新明苑宴會廳 (Closed)

每次到每統茶樓，都甚喜歡打開蒸籠那瞬間，熱煙與香氣撲鼻，令人垂涎欲滴。作為半個元朗人，這次倒是我第一回到新明苑飲茶，介紹的友人說它勝在價格親民，分量十足。.先查看當日價目表：星期六下午茶時段（2:00-4:30pm）茶位$6，大中小點一律$12.8，特點$20.8部分點心還有額外優惠呢，相當抵食！.我們二人同行共點了榴蓮天鵝酥，流汁奶黃包，蒜香蒸排骨，蟹籽燒賣皇，豉汁蒸鳳爪，黑椒蒸大腸。總觀味道整體沒有特別驚喜，一貫的街坊大眾點心，旨在「飲啖茶，食個飽」。.1️⃣榴蓮天鵝酥（特）2️⃣流汁奶黃包（大）簡簡單單一個熱騰騰光滑白包，撕開後裡面流出香香甜甜的奶黃餡，已經讓我滿心歡喜。.3️⃣蟹籽燒賣皇（特）口感和味道在預料之內，中規中矩，體型倒都是挺大挺足料，很滿足。.4️⃣蒜香蒸排骨（大）全餐最推薦的蒸點。.5️⃣豉汁蒸鳳爪（中）6️⃣黑椒蒸大腸（大）員工服務態度方面，個人認為還好，雖不致親切殷勤，彬彬有禮，但慶幸未被惡言相向。或者我一向對價位大眾化食會多一份包容。哈哈！所以下次也會來光顧！

今天一早與家人到新明苑酒樓飲早茶， 一樓係搭枱， 二樓係不搭枱的，不搭枱的話，茶位就貴幾蚊。我們叫咗鳳爪排骨飯， 陳皮牛肉球，原隻鮮蝦腸，鮮蝦燒賣皇，荷葉珍珠雞， 韭菜煎薄餅， 薑汁雞仔包， 蝦餃， 菜苗餃拼盤。 因為鳳爪排骨飯是早市優惠，所以比較細碟。 落咗單之後，等了大概1分鐘左右，食物就已經上了枱。 珍珠雞的糯米蒸得幾軟熟，不會很硬。 牛肉球偏細粒。 排骨飯嘅料都幾多，但飯可能不夠多水，所以都比較乾和硬。而其他點心的味道都很好味。 侍應見到我們需要加水，都立即過來幫忙。

清明節和家人在掃墓後到元朗食午餐，爸爸想試試新茶樓，選擇了新明苑。環境裝修是傳統的酒樓格局。選擇多，而且有優惠的孖寶三寶選擇。可以食的花瓶純粹出于好奇心點的，中伏之選，味道過分假甜，十分軟淋，內有紅肉火龍果，但吃不出來。孖寶之一的干炒牛河，味道正常，不太油膩。孖寶另一選擇燒鴨（例牌），燒鴨肉質比較乾柴，沾取梅醬會比較好一點，可以不嚐試。奶黃煎堆味道不俗，皮軟糯。山竹牛肉和鮮蝦韭菜餃都正常，可以試試。鮮蝦沙律炸春卷蝦肉比較少，似食沙律醬多啲。荔芋燒腩卷味道還好，南乳味道的燒腩和荔芋，如果荔芋鬆化些，會好些。新月苑價錢不太貴，但食物質素整體需要提高，可以食的花瓶呢個主意是好的，有綽頭的，但味道口感真的需要改善。

今日八個老友來新明苑食晚飯聚會點了海蝦伊麵~味道一般黑椒豬手煲~ 黑椒味濃份量少炸乳鴿~ 熱辣辣香脆薑蔥魚雲煲~好味炒通菜~一般貴妃雞~正常小炒王~ 惹味🤗' 魚仔香脆琵琶豆腐煲~好味😘😘 環境舒適🤗☺價錢便宜味道🤗

今日約左朋友食飯，揀左呢間試下我地去到，酒樓已經有8成坐滿，人氣旺盛見到餐牌都有好多選擇菠蘿拔絲咕嚕肉，個脆漿好薄，掛左上塊肉到，剛剛好，舊咕嚕肉啖啖肉，唔會乾大龍躉兩味-翡翠炒龍躉球魚塊夠哂份量，大大塊，好似成塊扒咁，好鮮甜清蒸頭腩，第2種食法，配上香葱豉油，配白飯最啱仲有糖水，芝麻糊同紅豆沙埋單260元，唔太貴

元朗這間新明苑，之前好似也有來食過。今日來飲茶。二樓要撘枱，三樓則不用，我們坐三樓，都幾多人喎。點心抵食！！鳳爪排骨飯。細細碗。也有排骨幾件，鳳爪兩隻。味道幾好。飯不會好淋，排骨也唔肥的！布拉腸粉。也算幾滑身，夠大碟夠晒白，仲有菜幾條拌碟。OK味道的！！時菜鯪魚球。有4粒的，細細粒，味道唔睲，加了胡椒粉同豉油，味道幾好味的。入面有d葱又有d蝦米。仲有d時菜係底。仲叫了碟生菜。也夠大碟！！幾甜呀。好味！！

星期日下午飲茶～～～～～～超難食～嗌咗個火鴨絲窩米～無嚟味道～～～～～啲點心先神奇～～～～～明明係香芒杏片薄餅～搵嚟搵去都唔見有芒果～連芒果味都無！咁都算喇～豬大腸真係經典～從未見過蒸豬大肥竟然長形咁切～幾新鮮丫！連味都無乜～食咗咁多樣～無一樣合水準！垃圾之中既皇者！講真～～～～～元朗有咁多間茶樓～若果唔係想試下其他～～～～都唔會入嚟呢間～～～～但點知揀著間咁無水準！！嘥哂我個胃既空間！！請我都唔會再食！

點解會去食：2018-11-25 有親戚剛剛生了bb，喺附近早啲食，食完bb 要回家。有廿幾人，所以就搵間酒樓。畢竟長輩們都喜歡中菜。食物新鮮程度：⭐⭐⭐食左好多道菜，只係記得呢幾樣...菠蘿咕嚕肉：新鮮菠蘿，所以都幾多汁，又夠甜。咕嚕肉唔算脆，但酸甜味道唔錯。龍蝦伊麵：龍蝦當然係斬細件喇，無咩鮮甜味。伊麵又淋得滯，麻麻。叉燒：燒得有點黑...但唔太肥，都ok 嘅。鍾意食燶啲嘅朋友就啱。雜菜煲：正常。唔會難食。係啲菜唔夠爽甜啫。臨尾個甜品紅豆沙：唔似開出黎嘅糖水，啲豆都淋同大粒。魚：一個字 - 「鞋」食物合適溫度：⭐⭐⭐⭐整體黎講夠熱嘅。最怕酒樓一大批出食物，擺到凍晒。食物驚喜程度：⭐⭐條魚竟然可以「鞋」到咁☠—————————————————服務員態度：⭐⭐⭐⭐俾左啲鼓勵係唔同啲嘅。加酒水嘅速度同反應都好好。—————————————————最重要系。。。我會唔會再去呢？重遊指數：⭐⭐

如果你搵緊新苑嘅食評，請你入黎望望。我就真係從來都未寫過食評，但哩間真係太垃圾，我決定要負評佢，希望各位元朗嘅朋友千祈千祈唔好黎。食物好唔新鮮，啲蝦肉豬肉鮮魷肉全部都係”梅”嘅，叫左隻乳豬，臭的；叫左個豆腐，有一陣怪味；牛肉唔新鮮，煮出來勁多血水；有個黃椒醬濃煮海蝦，千祈唔好食，食完都唔知食左咩，又貴。衛生情況很差，食食下有蚊及烏蠅飛過.....唯一係送碗紅豆沙，係全晚亮點，因為味道正常。二個字，垃圾！千祈唔好黎！！！！！

位於元朗西裕街嘅新明苑宴會廳，只想用三個字形容，差...差...差...我真係第一次食過這麼差的酒樓，永遠黑名單，不知所謂。事原係咁嘅，本身牛一，打算去食雞煲，點知老媽子又不喜歡吃，所以提議去酒樓食，咁一向孝順嘅我，欣然接受，在老媽子的極力推薦下，就神推鬼咁去左依間嘢，惡夢就開始了。本身我哋都好少去酒樓食飯，除非特別慶祝或節日，所以食飯都不太會點菜，咁我哋就叫了套餐，不用煩。菜式都陸陸續續上枱，份量比一般酒樓小， 可以說都是精品小菜，我地8點點菜，到9點枱上的餸菜都清光了， 碗碟都收走，但竟然還有一條蒸魚和壽包沒來，期間追過兩三次，侍應亦都回應了很快到，直到9點半，連旁邊的客人都走光了眼見只剩兩三台客，氣已上心頭。之後就出去埋單不吃了受不了，質問經理的時候，他竟然說很快到在蒸了，這句話我聽了五六次，客人都走光了我還在等這是什麼道理？俾我遲來的都已經吃完了，根本就忘記落單，員工草草了事，一個推卸一個，沒人想處理這件事，直到客人發火才跟進，不知所謂，最後減了魚的價錢和免收+1，氣沖沖地走了。這是我最難忘的生日飯，真係要多謝新明苑。

今晚同家人開開心心諗住慶祝生日飯，因為大家都懶得念，就叫咗半席嘅套餐食加壽包黎嘅菜式係斷斷續續咁樣上菜，黎左半隻乳豬，之後又要等⋯不停斷斷續續咁樣上菜之後所有餸菜都黎晒，重有蒸魚同壽包未黎等左幾個字，吹吹服務員，服務員大叔只回應「蒸魚係耐啲㗎啦，我幫你吹一吹啦」😑😑😑再等多幾個字再吹服務員姐姐，姐姐幫我地跟條魚話壽包要叫先可以蒸，我哋就叫佢一次過蒸晒唔想等了前後等左半個鐘覺得唔對路，再叫侍應跟跟魚同包去左邊😡😡😡侍應只回應蒸緊。入嚟食飯前後等左一個半鐘條魚仲蒸緊😡😡😡最令人嬲嘅係，廚房姨姨出嚟問我地仲差乜嘢😤😤😤真係着燈😡😡😡嬲到埋單走人，咁大間酒樓應付唔到咁多客人！仲要三個侍應都係敷衍了事，要人哋白等😡😡😡買單個收銀員個態度極差👎👎👎明明幫緊客人簽卡，可以叫另外嘅服務員幫手跟👎👎👎一餐開開心心嘅生日飯連壽包都冇得食你地服務態度、對客人嘅態度，嬲到火辣辣嘅！以後揀酒樓都要揀清楚，以免食到一肚氣！令人超級難忘，永遠唔會有下次😡😡😡

喺元朗食飯通常都係去明星酒樓，但今日好多人，起碼要等1小時以上，我又冇book到位失策失策😢唯有去另一間新嘅酒樓，就是位於教育路嗰邊嘅新名苑酒樓，酒樓地方都算闊落，見到個banner 推介招牌叉燒,同埋乳豬,屋企人話叫半隻乳豬試吓，乳豬嘅皮哈並不多脂肪肉比脂肪更加多，但乳豬嘅份量就好少，應該比起出邊的乳豬更要細隻，但乳豬嘅皮就燒得非常脆！上湯白菜仔張懸粒嘅蒜頭揸咗才放入魚湯去滾白菜仔，蔬菜非常新鮮，魚湯嘅味道亦調校得非常好👍🏻龍蝦嘅size並不大隻，加咗伊面底感覺會飽一點，到最尾每人有一碗紅豆沙糖水贈送，但是糖水太過希，好像紅豆沙加了水一樣，難食，失敗

元朗新明苑位置一流，環境舒舒。往日來飲茶都可以，但今天與家人吃晚餐，就食到一肚火，等了一個小時都冇得食，問原因冇答案。唯有再等，很久很久，有飯吃。來乳豬還可以，第二味就是蒸魚，意想不到。還來一個外貌類似厨餘 扒時蔬。要求解釋，請示經理，結果更換，但一樣是厨餘。內有生菜，小塘菜，菜苗。圾垃一堆。縱使有環境，舒適座位，但一餐飯等90分鐘才有得食，未上完菜就要結帳，都令人氣憤，如果洒楼不能應付就應該對客人講明須等候多時，再由客人決定等侯與否， 日後再也不會來吃。

新明苑裝修過後，好多野都換哂。例如燈光、椅套、枱布，連點心紙都換埋！感覺好似多左啲新野，但又無左啲野。大家可以睇下以下既圖片，就會知道啦！粉麵飯類依家係主要點心紙上都有，而且多左啲小食選舉。另外，點心方面就多左啲花款，有啲特別外形既點心，例如榴槤天鵝酥。而且，類別名稱都改左啲有趣既名，好似甜甜蜜蜜、豐衣足食，去代表一啲類別總稱。鮮竹卷既皮薄饀靚，而且味道很入味。鮮蝦燒賣王既蝦可見都幾大隻，而且都好足料。鮮竹牛肉球由三粒變為四粒，雖然係細粒左，但味道依然。

今天和住元朗的朋友第一次去這間飲。好在上午11時30分到，不用等位，直接上三樓，但之後有好多問題發生。坐低一陣已有侍應問飲甚麼？點了鐵觀音，等了15分鐘都未見有，追問侍應，重新開。斟茶的時候發現水壺有膠質物料流入，即時換壺，有少許改善。點了炸兩，吃了兩件後發現有油膱味，即時不吃！羅漢素腸粉，好像未熟！牛肉球一般！薄撐吃了三塊，好硬，有油膱味。叫了經理取走並取消！伊麵賣相不好，影響食慾！灌湯餃， 雞扎味道一般桂花糕味道一般整體來說，去食一次已足夠，絕不再去！公司為了慳油，用有油膱味的油供應顧客！