新泰東南亞餐廳

Open Now

Now Closed

今天和同事一起到尖沙咀這家餐廳午餐。位於尖沙咀站N2出口。午餐時段內堂幾乎滿座，估計食物有一定水準。侍應大部分都像是泰國人，餐廳裝飾和環境氣氛很有泰國風情和渡假的感覺，味道不錯，價錢又非常親民。這裏菜式選擇真的很多。有我最愛的泰式生蝦、芒果糯米飯、柚子沙律、冬陰功湯、沙嗲串、炒金邊粉、椰青等等。今天是來吃中午，吃太飽回到公司會下午會打瞌睡🙈 所以我們點了2個午市套餐加一個小份的泰國甜品： 
1）海南雞飯套餐 $75 雞件很嫩滑，經典動作：必點些薑蓉醬一起吃。絲苗油雞飯，軟硬適中。 套餐那份伴菜出奇地好味。
2）星洲喇沙蝦米線 $75不算太辣，喇沙味很香濃。大蝦原隻已剝好殼，很方便進食。+$28 可多加一個小食，我們每人都加了一款小吃：3） 醃無骨鳳爪沙律 酸酸甜甜，很開胃！ 連骨一起吃，很方便。 4） 蒜蓉炒貴妃苗鮮見炒貴妃苗，第一次吃。感覺比其他炒菜類很好吃，可能少見，很新鮮。 飲品：5） 椰汁冰跟午市套餐只需+$8。超級化算！ 

6） 泰式甜品小拼盆 $98有兩件熱食和兩件冷盤，每人四件。最喜歡吃綠色熱甜點，我猜他應該是椰汁西米糕。

想不到閒日的晚上這裏也人頭湧湧。難得與舊同學聚聚而大家同樣鍾意東南亞國家美食，所以揀選了新泰。所有食物味道中規中矩，我就覺得蟹肉炒粉絲和炸蝦餅最好食， 燒西冷太乾太熟，沒有做到要求的五成熟。香芒軟殼蟹卷，我們四人，只有兩人食到一丁點的芒果肉。而甜品椰汁木薯就有很多渣。鋪頭搬了過來還未有幫襯過，感覺以前舊鋪在太子集團中心時食物好食D。

朋友生日飯，想揀間大d 既餐廳有圓枱方便多人傾計！朋友揀選了泰國菜，呢間泰菜真係長期都咁多人！食物都係基本既泰國菜！多選擇！味道ok!生蝦大隻夠凍，蝦餅好味，其他都是正常味道

今日是平日星期二，晚上6:30入座， 四個人叫了非常多的菜式，平均每人食了三百幾蚊，雖不算豪客，但也絕不寒酸。食到差3分鐘先8點，檯面上仍有很多菜式及飯未吃完， 就已經有一個女侍應攞張單叫我哋埋。 因為還有很多東西未吃完及不想浪費，所以就不理會她。再過多五分鐘，有一個男經理拿著信用卡機態度很差地叫我們埋單， 佢話平日要做兩轉生意，星期六日會做三轉添， 我們抱著不想阻人做生意的心態速速離開， 但當我們上到地面時，發現只有兩個人等位， 我們都非常生氣， 完全是一次極不愉快的經驗。

呢間野都真係開左好耐，每次星期五或者假日經過K11 Art Mall都會見到佢排曬隊咁，我份人麻麻地排隊，所以等到而家先平日唔洗排隊試下，估唔到平日一落到去係全店滿座，真係犀利。冬蔭功（$98）食泰菜飲冬蔭功幾乎係指定動作，兩個人叫例牌岩岩好，有兩隻大蝦，酸辣度岩岩好係香港人口味。肉碎生菜包（$88）呢排真係熱到傻左，食生菜包比較refreshing，有菜有肉一次過。越式燒春雞釀香茅黃飯（$228）呢道釀雞飯我十分推介，香茅黃飯吸曬雞油，超 級 好 味！😋 燒春雞份量都唔少，雞肉唔鞋，黎到呢度必食呀。📍新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A號舖及地庫。sunthaihk 。

有Lisboy同Lisba接放工，行完街見到有間出名嘅泰國菜喺附近，即慕名來試一試😋夜晚好多人排隊😝到我哋入座嘅時候Lisboy行過一個好靚嘅大堂行樓梯落地庫就坐底😍好靚設計！🍽️ 泰式明爐烏頭魚話說啱啱泰國返嚟，諗返當地都冇食過明爐魚🐟嚟到呢度竟然見到有好滋味嘅新鮮魚😋啱晒Lisboy，二話不說就order咗～亦可要求佢哋唔要辣😍一大盤明爐烏頭魚上枱，火光熊熊🔥Lisboy好興奮，仲有好多配料，再加埋碗酸酸甜甜湯汁keep住煮，條魚肉質鮮嫩味道勁正😋🍽️ 原隻菠蘿炒飯話說我哋想叫個特色南瓜焗海鮮飯俾Lisboy食，點知侍應提我哋南瓜焗海鮮飯比較辣，所以叫我哋改食菠蘿炒飯，少啲調味料同埋可以唔辣，配料仲有兩隻蝦添😍呢個菠蘿炒飯都幾滋味， Lisboy食到舔舔脷，有菠蘿有蝦Yummy Yummy！仲貼心咁樣有肉鬆同埋Nuts另外上碟，有需要嘅時候先加落去正呀！

這間泰國菜館地方很大，環境輕鬆舒服，門口的一架TukTuk 最岩打卡。好彩時間尚早不用等位，大約夜晚7 點多就已經爆場。食物款式多，價錢合理，上菜速度快，食物熱度十足。豬頸肉沙律的份量頗多，烤過的豬頸肉，香氣十足，仍然保留到肉汁，口感爽脆，味道充滿酸辣鹹甜，配上新鮮生菜包著來食，開胃好味。馬沙文咖哩雞，甜中帶微辣，香氣十足，雞肉份量都頗多，配上薯仔，洋蔥，三色椒等，叫一客蒜蓉包來配撘，正。貴妃苗都炒得脆綠嫩口，無渣。

今日同同事嚟食泰國嘢，嗌咗一個lunch set，嗌咗laksa，有少少淡味，如果可以再濃啲會更好食買咗無骨鳳爪$28嘅小食，就細細份都幾好味。個椰子冰加$8就可以由嗰個好好味，下次嚟仲會再嗌

二訪尖沙咀依間「新泰東南亞餐廳」，一如既往覺得佢嘅炒粉麵飯真係好出色，好夠鑊氣，仲要今次食嘅串燒幾有驚喜。*此餐廳收取加一服務費。泰式生蝦（單點$118），生蝦肉質肥美，食落好新鮮，配以蒜片、指天椒、泰式酸辣汁食用，食落好惹味。冬蔭功海鮮炒飯（單點$108），鮮蝦口感爽口，味道鮮甜，青口好大隻，食落好Juicy，魷魚口感彈牙，略嫌欠缺鮮味，飯粒口感粒粒分明，最難得嘅係居然做到每一粒炒飯都係上色嘅、裹滿住冬蔭功醬汁，味道酸辣、帶有金不換、香茅、南薑味道，配料包括有草菇、秀珍菇、洋蔥、芫荽。泰國街邊豬肉串（單點$88），豬肉串食落啖啖肉，肉質肥瘦均匀，肉汁飽滿，味道甜鹹、帶有焦香味道，特製沙嗲醬味道微辣、帶有香料味道，個人認為不用蘸點醬汁，直接品嚐豬肉串嘅原汁原味更加好味。泰式凍奶茶（單點$48），茶味濃香，甜度適中。

環境：每次去完尖沙咀，回程去搭地鐵時都會經過呢間餐廳，門面泰國風擺設好吸引眼球，有泰象、有木椅、有植物、有篤篤車🛺 用餐之前打個卡，簡直恍似置身泰國！不過每次我都匆匆忙忙無入去食，今日終於有時間去食個午餐！食物：冬蔭功海鮮金邊粉湯底酸酸辣辣，味道好正宗，蝦、魷魚、魚片、肉丸、雜菌好足料。炸春卷好香脆，馬拉盞通菜炒得清脆爽口。泰式青咖哩雞，椰奶味香，辣度適中，雞肉嫩滑無骨，角切薯仔粒好有咬口！印度酥餅，香口而不油膩，鬆鬆脆脆，混搭青咖喱一起吃，口感更佳！泰式奶茶，茶香奶滑。青檸梳打，清新酸甜，消暑必飲。服務：門口的接待員看似不是本地人，應該是泰國或東南亞的，笑容很好，很有禮貌！店裏大部份員工是熱情的泰藉/東南亞藉人士，在這裏用餐很有外遊feel，可惜幫我哋下單的是一個本地男員工，態度就不太好了，言語間很沒有禮貌，一個員工影響整間餐廳的形象，太可惜！

如果你鍾意泰國菜，又唔想破費，尖沙咀有間抵食泰國菜。小食揀了泰式炸蝦餅呢款蝦餅炸到金黃色，夠香脆。配埋泰式甜辣醬，更香口。香芒軟殼蟹米紙卷呢款米紙卷好有特色，外皮薄，內裡包住香芒同軟殼蟹，口感豐富。主菜揀了焗奶油大蝦伊麵，大蝦爽口，再加上濃郁嘅奶油醬汁，大滿足。另外冬蔭功海鮮金邊粉，湯底酸辣開胃，海鮮新鮮豐富，有蝦、魷魚同魚片等。飲品方面，椰汁冰同檸檬茶都係清新解渴嘅好選擇。午餐$75起抵食呀！！

同為食姊妹喺尖沙咀買完嘢，行過呢間門口咁有特色嘅舖頭，見午餐價錢相宜，於是入去試試、環境寬敞闊落、 店員親切有禮打開餐牌，午餐都有好幾款選擇，點了泰式炒金邊粉、金邊粉咬落煙靭，加上蝦仁，蛋，芽菜用微酸的醬汁一起炒，再撈上花生粒，食落十分開胃星馬咖喱雞飯、咖喱汁濃淡適中、咖喱雞肉質鮮嫩，配上三色椒和洋蔥白飯，美味小食就點了泰式紙米春卷和馬拉盞炒通菜、紫米春卷內包上大量蔬菜，清新好味，通菜碧綠爽口，加上濃味的馬拉盞十分惹味天氣太熱，很想吃沙律，就再點了酸酸甜甜的大蝦柚子沙律、一梳梳的柚子清甜多汁，配上酸微微的醬汁，非常開胃，簡直是夏天之選還有清涼的青檸梳打和椰汁紅豆冰、兩者都甜度適中，紅豆冰軟熟得來又口感，椰香味濃

和同事一行三人午膳, 當時大把空枱, 午餐$75份, 三人75 x3 加一, 埋單247.50, 但由於我們食量細, 不想浪費食物,  所以柯打二人餐, $228 加一, 金額$250.80, 侍應態度與服務應對不行, 要我們再加一人餐,  老實講, 金額上我們沒有少也沒有虧負你, 你作為侍應, 可以態度好少少, 或建議我們再多叫一份甜品或小食, 但侍應冇囉! 講野又掘! 所以我們唯有選擇離開! 其實我們都光顧過很多次, 這樣就以後少了幾個客人, 可能呢間餐廳唔志在啦,!

位於尖沙咀嘅新泰東南亞餐廳，地方特大勁闊落！菜式出品質素穩定，上菜快，而且價錢相宜，所以頗具人氣！🥘馬沙拉咖喱豬 $108｜蒜蓉包 $42香料味溫和討好，充滿菜甜嘅馬沙拉咖喱，質地濃稠，同嚟配蒜蓉包就fit晒！內含大量蔬菜同埋軟嫩嘅豬肉片！🌿香草肉碎炒飯 $98炒到啲飯粒粒都均勻上色，辣度適中，唔覺意就會食咗好幾碗！🤩💚飛天通菜 $98🇹🇭泰式炒通菜，以辣椒、蒜、同埋麵豉帶出香口惹味嘅感覺！👍🏻

係正K11門口既新泰, 經常人氣滿滿,, 以為只係近商場所以多人食, 原來環境, 食物服務都好有質素。餐廳門口有架大篤篤, 落樓梯就有泰國人店員等住帶位講sawadeeka, 一下子真係好似飛左去泰國central world咁, 幾好feel!哩度既食物味道好有當地既味道, 唔會係港式口味既泰菜! 好似我咁中意食泰菜個種酸辣刺激就岩哂!!!冬蔭功落足哂D泰式香料好似香茅, 南薑, 蔥頭咁, 煲到勁香濃, 酸辣有勁, 仲有開邊大蝦, 好正~鐵板蠔仔炒蛋蛋香突出脆卜卜，蠔仔飽滿鮮味, 加埋爽甜既芽菜仔, 沾少少辣醬仲香。香草肉碎炒飯炒得好香好惹味, 都幾重辣下, 就係要哩D食泰菜辣既過癮!!飲完個TOM YUM加食埋個辣肉碎炒飯之後, 個口好需要解辣!! 哩個椰青大菜糕就係恩物, 做甜品一流, 原個椰青超大隻, 兩個人share岩岩好。大菜糕質感有D似jelly, 好清甜既椰子水味溶係口, 成個口即刻冰涼舒服哂~~價錢亦比我想像中貼地, 人均二百零蚊有哩個質素, 值得回頭。