新陶園海鮮酒家

Open Now

Now Closed

一講起流浮山，大家都會諗起食海鮮。周未千辛萬苦入去流浮山就係為左食呢餐。呢間餐廳都食左好多次，絕對對佢地有信心，亦唔講咁多，立即出相。今次唔係龍蝦伊麵，轉左大頭蝦炒飯炸大蝦蒸扇貝炒班球鮑魚炸魚骨焗蟹炸大蝦香脆美味，唔介意既人直頭可以連彀食埋，更加好味。而焗蟹亦都係另一個重點，鹽焗出黎既味道加埋蟹本既油香，更加唔係到到可以食到。食完老闆仲送左馬豆糕比我地餸甜品。

是日朋友生日，選擇進入流浮山新陶園食海鮮慶祝。海味街一路進入就見到，到達門口後老闆親自帶去海鮮區自選生猛海鮮。種類選擇繁多，建議早d到達。其後安排進入包廂就坐等待。先上鮮魚菜湯，鮮甜可口。其後上菜次序先清後濃，本人覺得幾好，唔會被香口菜式掩蓋清蒸類菜式清蒸粉絲貴妃蚌鮮美，姜蔥炒蟹入味，椒鹽瀨尿蝦非常夠味，椒鹽魚骨不會炸得太過火。上菜速度快，火候控制準，椒鹽菜式值得讚賞👍🏻晚市生意推介電話訂位先。

晚上和朋友到流浮山食海鮮新陶園比起其他酒家乾淨企理👍🏻一入到去坐底就好快有服務員帶我地去揀海鮮！因為得3個人既關係 我地叫既種類唔多 有龍蝦 沙白蜆 賴尿蝦 龍蝦就食芝士龍蝦伊面份量超級多伊面好好食但最後都食唔晒打包左好多拎走蜆就高湯煮有生菜粉絲之類 (冇影到相)椒鹽賴尿蝦最好食嘅一道 蝦肉超鮮甜 椒鹽好惹味 大愛❤️❤️❤️十分滿足的一餐😋

食海鮮最重要新鮮，價錢正常，講真太平比你，你又點可以要求有靚嘢食，食得海鮮，你都預咗要比多少少😂 到達流浮山，揀咗呢間海鮮酒樓，已好多年歷史，一向間中都有幫襯佢，永無失手勢，今晚一行六人，叫咗都幾多嘢，食到飽飽，好正呀，一定會再去，𣎴時𣎴食，有時都要信吓老闆推介，今晚推介我地咁多樣嘢，真係樣樣都好食，一條大魚炒球炆骨，豉油王大蝦，薑蔥蟹，薑蔥蠔，蒸唔知咩大蚌😂，真正回味無窮，耐𣎴耐食吓幾好😋

今晚我同家人一行12人到此店食晚飯，整個過程並沒有任何問題，直至結帳時候。我們直接到櫃枱付款，在等候計算期間，家人笑笑囗多口問一下如果下次再光顧，會不會找哪一位職員會有折扣優惠，一位自稱老闆娘的人話會比五七折，跟著再補充她的同事會比五九折，我們聽完之後覺得該位老闆娘非常冇品，我們只是隨口問一下，態度正常，沒有挑釁，沒有寸口，至在等待期間吹下水，但換來比人用粗口回敬唔比折。五七折（唔柒折）、五九折（唔x折）是什麼回應，根本都唔會期望你會有折扣優惠，你簡單答一句沒有折扣就可以打圓場，但身為老闆娘應有的禮貌同尊重都冇，咁樣對待客人，真係非常離譜！😡😡

每次介紹完朋友黎之後 佢地都會想再食 今次都唔例外 又係叫到成枱海鮮 唔好講咁多 睇相先 睇完應該都好想食 次次食完都非常飽 之後仲會有馬豆糕同橙附上 除左海鮮都仲有小菜同菜叫 不過每次都太飽 食唔到

今日朋友請客來到流浮山食海鮮，雖然路途有點遙遠，但也是值得的，而且他們小菜鑊氣夠，大大碟，真的很抵食😋一場來到當然也要行下海味街，買小小手信回家啦😎鮑魚花膠炆雞 - 份量十足👍🏻鮑魚花膠底下真的有一大只雞，還加放了很多雞腳，鮑汁花膠汁入曬雞裡面，雞肉嫩滑非常入味，根本不用再點薑蓉也很夠味白灼九節蝦 - 現在九節蝦已很少會見到了，九節蝦的殼比較硬，用來椒鹽不易入味，所以白灼最滋味的👍🏻九節蝦肉質鮮甜清爽彈牙，可是今次比較細隻。蒜蓉粉絲蒸元貝 - 蒜蓉很香惹味，粉絲份量也不少，元貝蒸得恰到好處一點也不老鹽焗奄仔蟹 - 個人最愛鹽焗奄仔蟹，只只爆膏又入味，肉質鮮甜無得輸

流浮山海鮮出名大件又底食 特別推介呢間新陶園 次次同朋友黎完 個個都非常滿足 話要下次再黎 唔好講咁多 快d睇相 黎到都流哂口水 碟碟都好足料 而且非常野味 個個食到捧住個肚走呀 下次要要黎

經常到流浮山食海鮮 每次都黎新陶園 大碟又好味 不過今次影相唔夠 下次再影過 海鮮好新鮮 而且大大碟 抄蟶子 好好味抄飯 大碟又夠味黃金蝦 非常好味 食完一舊又想食第二舊抄魚球 嫩粉絲蒜蓉蒸扇貝

媽媽共十兄弟姐妹，因婆婆住屯門，由細到大我們也久不久入流浮山飯局。這店裝修前已好味，現在價錢加左少少，但物有所值。。。。最重吃得開心。他們每次也介紹客人去他們主要供應海鮮的店，大家可放心，甘多年也公道，每次也足斤夠兩。老闆娘主內外，她姐妹在店外的地道小食也不錯，每次我們必入貨早入去也可先看日落，再行下海味店後才選海鮮，再慢慢吃。他們送的海鮮湯和馬豆糕也好正。而且每次有豪油送。

為公公慶祝生日，諗住搞搞新意思，唔再去酒樓。家人提意去流浮山食海鮮，雖然好遠，但難得大家有興趣，book定間房，一行22人去。是日菜單:生炒骨 (夠鑊氣)鲍魚雞蒜蓉粉絲蒸元貝鹽焗奄仔蟹海皇湯龍躉球腩斑球抄西芹豉椒蒸大勝子椒鹽賴尿蝦龍蝦伊麵底上湯蒜子浸菜心壽包鮑魚雞，材料新鮮，但可惜配搭奇怪。雞係沙薑雞汁，鮑魚配沙薑汁真係好怪，浪費左d鮑魚。粉絲蒸元貝，元貝超大隻，味道不過不失，沒有太大驚喜鹽焗奄仔蟹，全晚最好食，爆膏西芹炒斑球，一般小菜豉椒蒸大勝子味道一流，可惜成口沙，'朗'2次口都唔掂上湯浸菜心龍蝦伊麵，龍蝦唔夠鮮味，有點拿'利'炒龍躉斑腩，好夠穫氣，香口講講無影相嘅食物先前菜喬頭浸到淋哂，完全唔爽口椒鹽賴尿蝦好野味，但可惜賴尿蝦有火水味海皇湯絕對係o咀之作，好似洗碗水咁，米白色嘅水，有介菜，魚皮同蜆，唔知想點。總括海鮮應該係ok.但煮果位唔太得令人期待的海鮮餐變成失望

今天晚上帶著一家大小共九個人來到流浮山，走遍了整條街覺得新陶園酒家算是就餐環境好點最大的一家海鮮酒家吧，所以就選擇在這裡吃晚餐，首先我們挑了四只螃蟹，4只最大的瀨尿蝦、18只斑节虾、1斤半的石斑、9只大元貝、1斤6兩聖子，材料2000元港币，上菜速度很快，尤其值得一赞的是鱼蒸的很滑！聖子加豆豉炒得很正点，元貝蒸粉絲比我在北海道吃的更鮮嫰，😍椒鹽賴尿蝦如果再炸久一點會更酥脆更好吃，但是斑節蝦用豉油王炒的很入味彈牙👍連78歲的老母親吃了都評價：正！笑呵呵😊😊

身為元朗嘅我已經好耐無去過流浮山啦。今次就去流浮山豪食一餐啦。家人的朋友推介新陶園海鮮酒家，就試試他吧 黃油蟹　淨係睇圖都勁多膏，而且好有鮮味，推介。 抄蟶子　這個係WRITER推介的，蟶子好新鮮，而且有少少辣，好野味。 抄蝦　夠香脆而且肉夠多。 蒜蓉蒸帶子　帶子好大隻，粉絲有蒜蓉同帶子鮮味不俗。整體而言，價錢同質素都係超出接受範圍，可以一試。MARKS　7/10

身為元朗嘅我已經好耐無去過流浮山啦。今次就去流浮山豪食一餐啦。家人的朋友推介新陶園海鮮酒家，就試試他吧黃油蟹　淨係睇圖都勁多膏，而且好有鮮味，推介。抄蟶子　這個係WRITER推介的，蟶子好新鮮，而且有少少辣，好野味。 抄蝦　夠香脆而且肉夠多。蒜蓉蒸帶子　帶子好大隻，粉絲有蒜蓉同帶子鮮味不俗。整體而言，價錢同質素都係超出接受範圍，可以一試。MARKS　7/10

今日去完拜山，就去左流浮山食海鮮。我地就揀左瀨尿蝦、鮑魚、奄仔蟹和蘇鼠斑呢幾樣海鮮。另外再叫左兩樣小菜 - 生炒排骨和蒜蓉炒菜心。野食方面就一般般啦，不過員工服務態度就好好，好有禮貌對待客人。當客人碟上都放滿了蟹殼、蝦殼，員工會主動替客人換碟，而且環境方面都較乾淨，令人都有舒適既感覺。椒鹽瀨尿蝦就十分彈牙，椒鹽味道剛剛合到好處，而且唔會過咸，亦唔會太辣。鹽焗奄仔蟹方面鹽焗味道夠甘香，蟹肉夠新鮮又鮮甜。果皮蒸鮑魚就一般般啦，唔夠軟腍，而且味道唔夠濃郁。清蒸蘇鼠斑就不過不失，可能魚比較大，有一斤以上，肉質就唔夠嫩滑，不過由於蘇鼠斑係深海魚，所以魚味都比較濃郁。生炒排骨方面，糖醋過酸，而且排骨又大又肥膩，唔太適合怕酸既人食。蒜蓉炒菜心方面，菜心就比較老，對於老人家就比較難咀嚼。