鴻星中菜 (羅氏商業廣場) (Closed)

o係將軍澳中心第一層123號舖~

將軍澳的鴻星?

這間鴻星d野幾好味，比將軍澳的鴻星好得多。4個人叫了兩款(2人)套餐，所以有好多味菜，樣樣試少少，又中又西咁都好滋味，平的套餐(10幾for 1人)比貴的套餐(16幾for 1人)的好味抵食，埋單4人約600幾，價錢都算OK，好滿足！

好耐無返o黎依度食飯啦~ 同男友去食lunch, 一入去就覺得地方窄o左好多~ 原來放多o左好多張檯.... 兩個人食o左:蟹粉小籠包($18 each) - 唔錯喎, 好多蟹粉, 有蟹味, 又唔會太油, 一入口覺得好滿足~蝦餃($30) - 好爽口, 唔錯~鮮竹卷- 我一向都唔鍾意食鮮竹卷, 但依度整得唔錯~ 個獻汁唔杰, 料都幾好味~蒜茸蒸鮮魷- 真係幾新鮮喎~瑤柱蘿蔔糕- 一般~叉燒湯米($40) - 男友話acceptable喎~埋單$200+, 點心明顯地改善o左, 但咁o既環境不如去潮濠城或者金星啦~

老闆請客食飯, 到場充斥下場面, 食了石頭魚湯-好甜好鮮味燒肉例牌-個皮好脆, 燒肉瘦中又帶少少肥肉酥皮帶子盒-帶子好大粒, 酥皮盒麻麻地黑椒牛仔粒-炒得不un, 幾好食瑤柱瓜甫-清清地, 不肥膩, 可以中和剛食完的肥膩野芝士焗龍蝦仔-焗得幾香, 不錯生煎包-好肥膩, 食了一個已經怕怕奉送的喳喳糖水, 有好好豆, 不太甜, 正!紅豆糕-有好多紅豆係入面, 正合小好心意整體來說, 全?都好合小妹心意, 老闆請食飯, 唔知收幾多錢, 以服務都幾好和有禮貌, 加上好味的食物, 小妹諗都收得唔平啦

我就食比較平的$478(未計加一)的套餐:黃油蟹真係好好味,但感覺覺蒸得大熟,另個黑醋都十分之惹味跟住就o黎過燕窩石頭魚啦,味道鮮甜,簡值好好味而遼蔘炆鮑魚就一般水準啦,不過不失生煎大蝦皇,冇諗過會咁好味,o的調味又好味,蝦頭充滿蝦羔的的香味,肉質亦不會太老,剛剛好黃油蟹粥亦十分鮮味,和澳門聞名的誠興飯店的水蟹粥各擅勝場埋尾的杏汁蛋白露,很香及滑,甜度剛剛好,對一個平常不喜歡食杏仁味東西的我,亦想多吃一碗,就可知會有幾好味啦!飯後甜品當然有椰絲白兔及紅荳榚<

全翅餃唔錯喎, 好鮮甜~~ 不過蟹粉小籠包就食唔出蟹味~

想食黃油蟹，貪方便，去了鴻星試$598一位的極品蟹皇宴套餐。套餐包括：<br>．黃油蟹一隻(八兩)：太細隻，不夠油；幸好有些蟹肉，但似食膏蟹多一點。<br>．椰青燉翅：比較像樣；翅不太多，但夠椰青味，很香。<br>．煎帶子皇：嘩！隻帶子好大隻呀！<br>．生滾黃油蟹粥：唔知係味精定係真材實料，好好味！<br>．花膠扒津白：已經飽到食唔落；聽聞味道OK 啦。<br>．椰汁官燕：官燕當然靚極有限；椰汁味也太重。<br>總括來說，要食靚黃油蟹，還是親自去專賣店選一隻大的回家自己煮最好，at least 口感好一些，也不會煮得過熟。看著鴻星的廚子不停的把黃油蟹放進壓力煲，當然不及自家煮的細緻了。眼看鴻星其門如市，一大箱的黃油蟹一會兒便賣光，不禁自問：香港人的消費能力也不見得太差吧？！

炒四季豆, 蛋煎糯米雞同蝦餃最好味~ esp. 炒四季豆, 好爽好鮮甜!! 另外薯仔先生(薯茸+粟米)都几好~ 送o既紅荳糕都好好味~講真.....整到D o野古靈精怪, 我唔係咁鍾意~ 不過又真係吸引o左好多人去食~ esp. 一D平時你見到都唔會order o既o野, e.g. 咖喱酥, 改頭換面之後, 都會order~ 奇!! Hhahah~~~~ ^_^