鴻星中菜 (羅氏商業廣場) (Closed)

上上星期六，見同兩位大學同學好耐冇見，鐘意飲茶既我，就約大家飲番次早茶。對上一次黎鴻星已經係N年前初中了。椰汁糕味棉花白兔仔，樣子的確不錯，味道也是最好的了！奶黃包，冇記錯係有些少咸味。燒賣，不過不失，也可一試。叉燒腸，都算足料，算係咁。只影了這四款，兩位同學都話一般，未必再黎。我原本諗住，價錢貴過稻香，應該味道更好，事與願違，唉！

除了近期人氣極旺的拉麵店外, 港式茶樓亦比比皆是, 要從中冒出頭來談何容易! 鴻星點心的賣點之一是其獨特的造型, 這天便到來午市茶敍. 點心包括春卷、腐皮卷、煎芋頭糕、山竹牛肉、雞紮、各類腸粉、鮑魚酥等; 當然少不了白兔餃和大象咸水角! 但最可惜的是白兔是單眼的, 跟侍應說完後, 後來廚房另補一隻給小人……誠意是無庸置疑的, 但無奈地換了的另一隻也是單眼的!! 啤~~~~而大象咸水角是少有吃到又熱又脆的咸水角, 奈何卻加了兩支短小百力滋(象牙)和兩塊南乳味薄脆(象耳), 就是要吃的時侯拔出來罷了!! 有點多此一舉的感覺……另點了雜錦炒麵: 這個炒麵真的令人驚喜, 大家都以為其配料都只是些濕濕碎碎的東西, 但當這客炒麵端上桌時卻發覺其用料一點不馬虎: 大大隻的蝦仁、螺片等海鮮爽度十足, 而炒麵很乾身, 芡汁不會太杰, 整體都很配合, 大家都十分滿意呢.食物質數是不俗的, 雖然那些點心似兔非兔、似象非象, 但也很好吃的啊. >v<

鴻星出品的公仔型點心相信是同界別中最出位，縱使跑得比別人快但她也沒有停下來，因為定時都會從報紙中看到點心轉款的廣告。每次看廣告都會令我心思思，可惜住區沒有其分店，而且我很少會為食餐飯而外出的。巧合地今早要出荔枝角辦事，太好了，可以去鴻星飲早茶﹗(yeah)上班時間前的工廠區仍是非常繁忙，當入到酒樓後，反差甚大，此時此刻茶客不算多。除了正門後的位置，原來走過小巷後，就會是另一個較大的地方，而我們就被安排這邊，不設搭枱，二人坐四人枱，周遭亦不太嘈，可以來個慢嘆版。枱面上放有一大張點心紙和近期推廣的糉子早晨套餐，不過我找來找去都找不到點心價錢表(之前到過旺角店是有的)，原來點心紙上有八成點心已列有價錢，所以我只攻有價錢的點心好了。另外在早茶時段有不少套餐和特價點心，其實都幾抵食呢。第一輪選擇了：三寶餐$54(生滾滑雞粥，鮮蝦蒸腸粉，香煎鯪魚餅)，特價點心咸水角$14及上湯鮮竹卷$16，正價點心鴻星燒賣皇$13兩粒和白兔餃$30。我對八陣圖黑白糕很有興趣，不過不想太早落單，諗住食完點心才加甜品單，當我們食到一半(大約十點十五分)有職員前來，問我們"仲有冇點心要加﹖無就埋左張單先"，他見我那個蠢

8月18日訂咗二枱同家人食飯. 再加9隻8両重黃油蟹. 二枱套餐約$10k, 黃油蟹約$9k套餐都ok.可接受的. 份量足十二位.但黃油蟹煮過頭. 所有蟹膏都好似鹹蛋黃咁實. 一啲都唔流油.完全煮到超熟. 不過我試個尖沙咀及淘大鴻星.質數幾好.黃油蟹蟹膏流油,連蟹腳都有油. .無想過依間荔枝角分店相差咁大.超失望......

我每个月都会来一两次吃午饭因为跟我公司很近。一直都很满意该店的服务态度。阿姐们一般都很热情。今日我入去就安排左最入，啪住玻璃个位。因为对住条喇，听到街很吵，所以我要求换到隔壁那台（两张台是一样大少的）有个穿粉红衫的阿姐说有人订了所以不能给我。然后就说今天很多人，很多张台都要订位，要我接受它们安排那张台。但是我一路入去都看到很多台是空的，由走廊开始起码有1/3是空的。还有几张是的二人台。不明为何不能给我其他空出的台，硬要我接受对住街那张。既然如此，都无心情坐下点菜了。以后都应该不会再来了。可能是多一个客不多，少一个可不会少吧！

太嫲生日，訂了個約4千完一席的套餐。事隔半個月，仍難忘其味! 只簡述其中六項...1. 蝦沙律，蝦有少量，沙律醬超多，生果全是罐頭什果，難食!2. 帶子蛋卷，帶子是極之薄切，整碟可能只用了3粒帶子，切成12塊薄片放在蛋卷上，上碟時又乾又凍 3. 石斑，蒸過時，很"鞋"4. 這個賣相很好，眼看是蟹肉，吃後即時有人問其實是甚麼? 看餐牌，是蟹肉，無錯，但完全吃不出啊! 5. 片皮鴨，很少，只預每人一小塊6. 炆鮑魚幾好食，但冬菇不知怎的帶酸味...... 全場最好吃是: 壽包 !我們一到場坐下，已給侍應紅包利是，但整個晚飯，大約有十個餸，但都無人主動幫換碟，直到我的骨及汁滿了，忍不住要住動要他們換。親友進食間，都亙問"誰提議來這裡...? " "為甚麼來這裡?"有人尷尬答: "....來過這裡飲茶，點心很好，所以......."整晚全場只有3枱客，其他兩枱只叫幾個小菜....明了!

父母就要身教, 鴻星就食教, 用食物教大家中國歷史, 近期睇好多POST都介紹佢地既三國宴食物, 不得不讚下鴻星既MARKETING同點心師傅配合..睇得多OR既食評介紹我同友人都忍不住來試下.其實咪又一藉口食一餐.2個人叫左幾個三國宴點心試下, 叫左個空城計(咸), 長阪橋(甜)同桃園三結義(甜)單單睇個點心既樣已經好可愛, 空城計二個空心包包配上旁邊既菜粒海鮮粒狀味道都算OK桃園三結義每個樣子包一款甜味餡料, 樣子比味道更勝一籌, 餡料偏甜唔係好岩我口味.最後既長阪橋就係二款中式甜品拚盤(栗蓉蒸糕及豆沙鍋餅), 栗蓉糕好"張"口麻麻地, 幸好個豆沙鍋餅又唔錯又唔算太油, 豆沙餡料甜度岩岩好.大致上這個三國宴都係賣相夠可愛, 味道反而好一般, 試左一次都係叫回正常點心好食D.

都說我是十分之Out，反應總是慢人幾拍，就是鴻星的三國宴，大家已議論紛紛了好一段日子，我卻遲遲未來光顧，直至近水尾的時刻，才捉幾位同事一起前去見識。中午當然有其他點心供應，我們也吃了少許，但既然一心為三國而來，就主力介紹下三國宴的點心好了。下了單，大家便先吃著脆魚仔等食，香脆的餐前小食，梗對我口胃。第一味上的，竟然是甜的八陣圖，不過我對吃咸甜的先後次序已沒太大所謂，甜魔經常都是食完甜品才吃咸食的。這個八陣圖，是芝麻糕和杏仁糕，前者幾有芝麻的香，後者杏味亦出眾，兩款的質地均是軟糯，似乎不單是搞Gimmick而忽略食味的喎！接著來有三皮粗粗的Q版箭，那就是草船借箭了。春卷炸得鬆脆，餡料是芝士和蝦膠，沾些少沙律醬，吃起來夠脆夠爽，若然芝士的香味能濃郁一點，便精彩了。之後有空城計，兩個包，明明應該是一個有餡一個無餡才對，怎麼兩個都變成了空城呢? 包子是軟熟的，自行放入菜粒、鮑粒和帶子粒，有點像吃四川窩窩頭的感覺，這是不辣的版本吧！火燒連營的賣相就認真麻麻，三隻煎餃子東歪西倒的，幸而，餃子總算煎得香口，餡料亦對辦，配點辣油來吃，味道不差的。最後是兩款包點，分別是三英戰呂布和桃園結義。前者只寫著劉

失經無神同朋友唱下水, 有人想去吃大閘蟹, 即興去找地方吃。一開始已鎖定去吃鴻星, 因為以前吃過, 有質素保證。於是打左去好幾間, 都係得荔枝角呢間有位。好野, 就去呢間啦~~餐前小食: 青瓜肴肉, 肴肉不過不失, 青瓜好味, 爽口~蟹粉小籠包: 好好味, 好濃郁的蟹粉味, 真係令我好想快D吃D大閘蟹呀大閘蟹: 2隻男, 1隻女。好多高, 都唔算細隻。好多膏, 好鮮味, 有其中一隻女係爆膏囉~~ 人地話9月吃女, 10月吃男, 唔知係唔係因為咁, 隻女咁多膏呢臘味糯米飯: 好香, 肉同粉幾比例幾岩, 不過大份D開心D囉翠肉瓜炒貴妃蚌+蝦+XXX: 好似係炒貴妃蚌之類既野, 不過D貴妃蚌唔好味, 好似"那"過黎咁。但係隻蝦就好爽, 好好味。每人分得一隻, 太少了蟹肉羹: 幾多料, 好似唔太味精 (有冇可能呢??)呢餐好滿足, 食物有質素, D蟹又大隻又多膏, 又唔使自己煮, 自己清理, 仲要佢地D 服務好周到的, 成日都會同你換碟, 每次只係出一隻你吃, 唔會一次過蒸哂d蟹涼哂咁, 又唔使等人齊夠數一起食, $350左右, 買到方便, 好抵!!

佢起碼比普通茶樓貴30-50%但質素相秤紅燒牛肉面$18用的是油面雖然食到麵湯有少少味精...但有d牛肉味唔喺得個鹹字牛肉, 是牛碾, 意外炸蒜蓉蝦春卷$28炸得夠乾身金黃色的...唔喺深淙色明顯知道廚房經常換新的炸油, 囋 !!!桂花糕唔甜, 問咗原來喺用冰糖, 不是砂糖好多桂花, 好多杞子, 正佢地一個月轉一次menu...以上食物....到今天可能無供應但下個月會有反...有興趣的話, 密切留意

是日和老公在該區辦點事，先在這兒喝過早茶，入內座客不多，也許未到午餐時段，而優惠時段又已過關係吧。看menu點心價目不便宜(無優惠)，但卻有動物造形點心供應，每隻八元，落單至少二件起，賣相討好，便決定專攻造形點心點心味道一般，沒有驚喜，但亦算可口。食物上枱的賣相當然比menu圖片差很多，但等待期間，期待看看出籠點心的造形，上枱時又估吓點心內的材料是甚麼，又蠻有趣似啲這一頓早茶，加插了一點點娛樂性，兩夫婦像個大孩子

依家好多酒樓都推全包宴，明碼實價乜都包晒，無咁多巧立名目嘅收費，雖然感覺都係羊毛出在羊身上，但感覺好D，因為清楚知道埋單要幾多，又唔怕被人篤多咗！另一個推銷手法，就係將D餐原價托高D，然後又打個大折頭平咗好多好多，確係幾吸引人，令人覺得好抵！今次趁老婆生日，捉埋姨仔、舅仔試鴻星個松葉蟹腳四人套餐，上述兩個因素都係個推動力，但睇番個餐，5道菜：有翅、有帶子、又有重點冠名嘅炸松葉蟹腳、同埋原隻鮑魚，加個飯連糖水，折咗全包實價為$585，除勻每人$146，依個價本身都真係食得過。依間鴻星位處晌荔枝角工廠區，所以，就算今晚係星期日晚，頂多都係8乘左右滿，枱凳唔逼，又唔太嘈！D裝修都幾好架，吊晒水晶燈，D柱身有晒裝飾，因為佢個場都有預哩俾人擺酒席，所以會裝修得堂煌D。侍應招呼都勤快，可能係大集團式嘅紀律教育。燕窩冬茸燴生翅 – 先哩個翅，但個樣似湯羹，不過味道唔錯，湯頭幾濃，燕窩就唔係好覺，不過翅就有幾梳，但唔係好大嘅，一碗碗上，唔夠喉都無得添！川椒雞帶子 – 啱我，因為係輕辣版，川椒惹味，而雞件無咩特別，係帶子幾有睇頭，頗為厚肉又爽口，小菜份量都叫夠食，但D量就下下計住計住，4人餐所以依個餸都

叫了6, 7樣點心沒人樣滿意的!最過份的是鮮蝦腸粉!蝦還ok, 但那腸粉"lum"到過份!餃子又是出了工業意外?!本身對鴻星都冇咩好感吃過幾次都係又貴又唔掂點心咁既quality絕對冇下次

親友叫左1圍酒席,全個餐我都唔太清楚幾錢~ 魚肉翅,見到個碗都幾特別,,有個手位扲的~而且味道都不錯呀,此店的裝修不錯~可惜坐得迫左d.........員工服務質素都幾好,polite!盡心盡力收拾每個客人的碗筷,, 炸蟹鉗~ 真係好大件,又唔會oily,,中間d蟹肉不錯,蟹肉中間的蟹腳都好鮮味,good 荷葉飯~ 原來荷葉飯係無隔油蒸~有好香的荷葉味呀~~!! 甜品~ 紅豆沙的紅豆口感幾好,口感適中~!!又唔會好甜,有種流沙的感覺, 甜品小食~~ 擂沙丸,, 用椰絲及花生碎整成的~中間d餡全是滿滿的芝麻醬呀,,, 熱騰騰的擂沙丸,在嘴邊流出來~滋味呀~!!吃1口,要即用舌頭吸食擂沙丸中間的芝麻醬喔~否則又流在嘴邊~... 每人附刀叉tim,真係幾特別3人= 680元~ 以人頭計算

飲茶係我至愛的活動之一,今次就來到呢間鴻星試下佢D點心有幾好食.抱住食好野既心態入來,都費事等到下午茶優惠時間啦,亦預左兩個人起碼會2百蚊左右,點知...叫壺水仙茶,茶味OK啦,都係一般水準,基本上係唔會有咩要求.(雖然係9蚊一位茶,再加芥4蚊一位,再加一)义燒腸粉$28,唔好以為貴就一定好食. 唔夠熱又唔夠滑,义燒肥肉太多,食到成口肥膏鮑魚雞粥$38,味精太多了 粥底好普通 唔好食亦唔值38蚊!京式素鵝$33,呢個最失望,一般素鵝都係炸到脆身,呢個就唔單只一D都唔脆,仲要D腐皮厚到死實實,真係想叫個部長同我換左佢真係好難食!!! 鮮蝦魚翅餃(中點),呢個又係差,隻餃真係細隻到呢. 仲要唔覺有蝦,而家D蝦好貴咩? 鴻星燒賣王,好多油呀!都唔明做咩要落咁多油,食到成口都係油.唉奶王流沙包(中點),唯一我覺得食得下的點心,不過都唔會推介.因為實在太普通.埋單D阿姐都算好快手,可能因為呢度下午茶都無咩人來食,佢地人手真係夠哂數.呢餐茶220蚊,真係令人失望到極 下次到係幫襯返美心,或翠苑,起碼覺得係物有所值補充一句,D阿姐放低D點心時,亂Q咁放,真係頂佢地唔順,另外個廁所既衛生程度係強差人