御滿屋日本料理

Open Now

Now Closed

同好友去左喺旺角分店嘅「御滿屋日本料理」食左2 小時日式晚市放題。呢度地方好大好寬落，坐得好舒適👍，美食種類包括日式前菜、刺身、壽司、火炙壽司，串燒、一品料理、燒物、卷物、手卷、煮物、炸物、天婦羅、海鮮盛宴、蛋糕、甜品、雪糕、雪條、飲品、酒類等自助Bar任君選擇👏🏻真係好豐富，今晚食左好多嘢😋🎏放題A餐·經典雙重空運松葉長腳蟹池魚王海鮮盛宴($308/1位，自選2 小時）🔷刺身✔️主打刺身有油甘魚、三文魚北寄貝、北海道帶子、赤背、泰式生蝦、大赤蝦、希靈魚、池魚王刺身（薄切）、松葉蟹腳刺身，非常新鮮😋而我就特別喜歡肥美嘅劍魚腩同大大隻又極鮮甜嘅赤海蝦、仲有松葉蟹腳刺身，啖啖肉，好鮮甜👍😋✔️御·泰之味冷鮑魚冷鮑魚爽口，淋上泰式酸辣汁，超好食🤤🔷海鮮盛宴✔️薑蔥炒花蟹全隻上，好鮮味。✔️豉椒炒蜆豉椒味濃，夠鑊氣。✔️鐵板鮮魷魚酥好有嚼口，惹味可口。🔷串燒✔️川燒蒜蓉焗生蠔超級多香蒜，一連食左幾隻✔️鹽燒牛舌✔️鹽燒雞軟骨✔️燒有機菠蘿✔️鹽燒雞翼🔷一品料理：✔️和風牛柳粒配埋三色蔬果一齊嚟炒，牛柳好腍好香口。✔️脆皮紅燒乳鴿皮脆肉嫩，好惹味。✔️鐵板紐西蘭西冷牛扒迷你据扒，好特別。✔️竹笙瑤柱蟹肉魚翅羹每次嚟食必嗌i

朋友生曰，想食放題，就揀咗嚟呢間，可以任食榴連、Häagen-Dazs雪糕，好正呀！A.經典三重新鮮刺身江洋盛宴2時任食78款食物，種類選擇非常多！除咗Qr code落單order，自助吧亦提供大量前菜小食、冷盤、熱盤、甜品、生果、飲品及酒類飲品，真係非常豐富呀！刺身放題必食之一！分別order咗三文魚、帶子、赤蝦、甜蝦、生蝦、北寄貝及八爪魚！帶子及赤蝦最好食，好新鮮！蒜茸燒生蠔蠔味鮮甜又惹味，瘋狂encore！炸乳鴿新鮮即炸，仲係熱嘅，皮脆肉嫩，味道唔錯，好食！榴槤任食新鮮榴連，真係好crazy, 好甜😋飲品飲品櫃啲飲品多到數唔清，基本上你想飲嘅都有，罐裝飲品有糖或無糖、啤酒、清酒及梅酒都有！甜品自助吧有蛋糕、生果，雪糕櫃超多選擇，Haagen Dazs、Movenpick雪糕都係任食😍性價比非常高，回本無難度，放題都幾過癮，咩都有得食～

久唔久都會想大食一餐，日式放題係個好選擇，特別係呢間🥢御滿屋日本料理🎏 裏面嘅環境新淨，座位闊落，裝修舒服又精緻，食物款式又多又新鮮，試過幾次都好滿足😋經典-三重新鮮刺身江洋盛宴($308/位)自助區有麻辣小龍蝦🦞、人蔘雞湯、汁煮鮑魚、爆谷🍿。冷盤嘅海鮮有青口、海蝦、沙白。仲有甜品同水果🍉、各式茶飲、梅酒、清酒🍶任飲。壽司款式都好多，刺身方面特別推介呢度嘅赤蝦，真係非常鮮甜😋 熟食方面、鮑汁燴花膠、牛肉壽喜燒都好好味。我仲嗌咗蒜蓉燒生蠔、羊鞍架、牛扒、蟹王粥、薑蔥炒花蟹，個炒花蟹鮮甜又多肉，絕對唔係食空氣！+$10仲可以食大閘蟹(3-3兩半)🦀 ，開蓋隻隻都爆膏✨ 比較特別嘅係香滑鮮味嘅牛油果蟹肉他他，印象中未試過日式放題店有得食👍🏻榴槤控必試呢度嘅榴槤放題：馬來西亞極品榴槤，又大隻又香滑。仲有貓山王榴槤炸彈，外脆內香！頂級享受🤤不得不提，呢度嘅雪糕好吸引，有Häagen-Dazs、Movenpick、Dryers揀，大食左2小時，臨尾食到好飽都堅持要掃多2杯🤣

六點幾去已經好多人, 用餐時間為兩小時, 我哋揀咗放題A餐《經典 - 三重新鮮刺身江洋盛宴 ($308)》食物種類選擇多, 有一系列刺身、壽司、燒羊架、鹽燒牛舌、燒菠蘿、御品鮑汁燴花膠、粉絲蒜蓉蒸扇貝等等。餐廳亦有自助飲品吧及甜品吧, 提供酒類及非酒精飲品🍺, 甜品方面, 選擇真係有好多, 樣樣都想食🤤, 連Häagen-Dazs同埋Mövenpick雪糕都有！ 食日式放題梗係要食咗刺身先！阿根廷赤蝦🦐大大隻, 啖啖肉, 口感鮮甜爽彈！劍魚腩刺身細膩柔軟！總共食咗三round～壽司方面🍣, 推介火炙焦糖三文魚壽司、左口魚邊壽司, 好肥美, 前者表面仲有薄薄一層焦糖脆皮！海膽手卷、吞拿魚蓉手卷細細件, 一口size, 同飯嘅比例啱啱好, 唔怕食完食唔落其他嘢😝～另外仲點咗我最愛嘅牛舌串燒、多汁嘅燒有機菠蘿🍍、芝士厚切鰻魚玉子、微香辣惹味嘅馬拉盞炒椰菜苗等等, 呢幾樣都好值得試吓！最期待嘅環節就係食甜品🤩！Häagen-Dazs雪糕有特別嘅馬卡龍口味, 另推介黑芝麻球狀雪糕！芝麻味好濃郁, 香滑又有奶香, 而且唔會太甜🖤

本身超中意食壽司刺身既野食， 咁岩約到朋友就簡左依間位於旺角既日式放題試下。 依間絕對係CP值高既日式放題，點解咁講？ 因為選擇真係好多！ 出面自助區超多野食揀😆 沙律、點心、任食雪糕雪條、生果甜品、馬卡龍仲有超多野飲簡， 仲有梅酒、Sake 、啤酒任飲 ，岩哂中意飲酒既人。餐廳係用QR CODE落單，落左單之後好快就會有野食到。 刺身有鮮味又厚切 ，仲有蝦夠甜又大隻。重點係凍鮮奶桃膠雪燕 ，岩哂女仔食🤤依期餐廳做緊馬來西亞榴連主題，中意食榴連既朋友絕對唔可以錯過🤩 朋友都叫左好多瘋狂食，夠哂邪惡😈😈

呢間位於旺角嘅「御滿屋」日本料理店，真係激動人心呀！佢哋最近推出咗全新嘅日式放題餐，真係又靚又平，簡直係令食神們嘴角上揚！😋踏入店舖嘅一刻，我已經被呢裡頭嘅高品味裝潢迷住咗。佢哋用柔和嘅暖色系調校裝潢，配合木製傢俬同日式元素，營造咗一種安靜悠閒嘅用餐氛圍。店員態度也非常殷勤周到，令人有賓至如歸嘅感覺🤗$308享受到一餐豐盛任食仲要幾有質素嘅放題餐，真係太驚喜啦‼️服務員一落座就為我奉上一杯清新爽口嘅綠茶，讓我可以慢慢揀選心水嘅佳餚🍵首先，我一定要試吓佢哋嘅招牌刺身啦！呢度嘅刺身真係好新鮮同種類豐富，我點咗一盤三重刺身拼盤，有油甘魚、三文魚同帶子，每一件都鮮甜多汁，簡直係一流呀！另外佢哋仲準備咗一些特色小魚生同海膽等，味道獨特，絕對唔能錯過😋🍣之後我又點咗一啲Small Plates，好多都令我難忘。例如「豆腐蟹肉」，軟嫩嘅豆腐配上肉味濃郁嘅蟹肉，巧勁十足；「三文魚腹肉山藥」就又鮮又脆，口感層次豐富，好有驚喜感🥢燒烤部分，我最推薦大家試下「鹽燒和牛舌」，肉質軟嫩彈牙，外層更有一圈香濃鹹味；「芝麻雞翼」就軟嫩多汁，散發淡淡嘅芳香。仲有啲豬肉串燒，外皮脆香，肉質鮮嫩🔥🍖講到甜品同飲品，呢度表現

今次同朋友嚟到旺角呢間餐廳，餐廳OpenRice號稱E出口步行20秒就到（笑），雖然行超過20秒，但都真係好就腳呢！見到餐廳嘅放題A餐「經典-三重新鮮刺生江洋盛宴」自選2小時HK$308，就決定入去拆餐勁。最後，我哋揀嘅A餐有共77款食物，女仔胃口嚟講都未必試得曬～如果想試多啲款式，仲有另外3個餐揀，最多有成128款食物任你食😍✨A餐有共15款刺生選擇，主打油甘魚、三文魚及北寄貝，個人覺得三文魚同阿根廷赤蝦都十分出色，肥美新鮮！另外，比較特別嘅係呢款「衘‧泰の味冷鮑魚」，冷鮑魚配上泰式醬料，肉質鮮嫩彈牙，風味十足🫶🏻✨而壽司款式多樣，加加埋埋都成27款 ，包括6款經典壽司、6款經典火炙壽司、4款經典創作精選、3款經典手卷、3款經典軍艦及5款經典卷物。見佢刺生果款冷鮑魚咁出色，而經典創作精選上又出現咗一款比較特別嘅「鮑魚黑松露魚生撻」，就即刻叫咗嚟試吓，結果飽魚都係咁好味，打開鮑魚仲見到塊醬汁三文魚添～配埋甜甜嘅蛋撻皮好特別😆✨除咗刺生及壽司外，串燒及燒物都係放題必食！我一個人就食咗2串鹽燒雞軟骨，而鹽燒雞翼同芝麻雞翼我都試勻曬，最後都係芝麻雞翼勝出，咬開仲有啲肉汁！蒜蓉燒生蠔都好驚喜，

𝑭𝑶𝑶𝑫𝑺1〉燒比目魚真心食過翻唔到轉頭！熱辣辣上枱，魚香邊脆，食落唔多骨，肉質軟嫩！忍唔住口encore咗兩次2〉刺身大家成日都好擔心刺身會唔新鮮， 但依間啲刺身唔錯，有鮮味，款式都好多3〉燒鰻魚好中意食鰻魚，任食嚟講依間啲鰻魚好食，都encore咗三四次-環境．7/10服務．8/10人均．$350污嘴狗覓食指數．8/10

彤爸話好耐無去食放題，問同事有咩好推介，佢同事介紹位於旺角嘅御滿屋日本料理，話刺身勁新鮮，串燒又好正，雪糕又多選擇，呢日彤爸就帶埋我地嚟開餐😋店員安排我地坐卡位幾舒服😌我地揀咗放題A餐-經典雙重空運松葉長腳蟹池魚皇海洋盛宴，套餐有79款食物選擇，主打松葉長腳蟹同埋池魚皇薄切，全部QR code落單好方便刺身方面我地食嘅幾款都好新鮮，松葉長腳蟹同北海道帶子好鮮甜，池魚王好鮮嫩，劍魚腩厚實鮮甜，赤蝦好爽口，三文魚油甘魚唔會切得好薄，鮑魚黑松露魚生撻好特別👍🏻熟食方面必點鹽燒牛舌，蒜蓉焗生蠔同蒜蓉粉絲蒸扇貝都好正，encore咗幾次😂薄燒牛肉好軟熟又係必食👍🏻鐵板西冷煎得好香，紅燒乳鴿皮脆肉嫩，燒羊鞍味道香濃，薑蔥炒花蟹好惹味出面自助區有甜品|小食|沙律|凍海鮮|雪糕櫃|清酒|梅酒|咖啡機|飲品櫃，最有驚喜係雪糕櫃同飲品櫃，雪糕種類超多，有Häagen-Dazs|Movenpick|Dreyer’s|Appolo|雀巢 等品牌嘅雪糕雪條👍🏻飲品櫃啤酒|汽水|茶類|果汁類 都有，選擇夠晒多❤️

成日一班老best去到旺角都諗唔到食咩，今次決定食下乜都唔使諗嘅放題😆餐廳超近地鐵站，由E1出口轉右即到！嗌咗佢哋最平嘅 *經典二重創新剌身江洋盛宴*套餐包咗78品，兩個鐘任食，用電話落單之餘仲有自助area😎刺身好新鮮，呢個價位幾有驚喜，三文魚、油甘魚、北寄貝等等，每款都肥美厚切，口感一流😍仲有御·泰之味冷鮑魚、劍魚腩、北海道角螺、柚子醋花海蜇🤩除咗刺身，仲有好多冷盤、壽司、燒物同煮物，特別推介佢哋嘅雪花牛鍋、蒜香卜卜蜆、燒有機菠蘿、御品鮑汁燴花膠、薄燒牛肉。最震撼係清酒、梅酒仼飲😮仲要馬來西亞榴連任食如果鐘意食榴連嘅朋友就唔好錯過！🔅甜品方面都唔差，有勁多款雪糕同自家制甜品，有Dreyer's同 häagen-dazs，完美Ending！真係食到好飽，下次有機會再戰。

又到Daddy Tuesday今日帶佢食放題 2小時任食 再可以任飲Sake 梅酒 啤酒🍶唔鍾意飲咁高濃度酒精 都仲有成個雪櫃嘅啤酒任揀今晚揀咗食A餐 經典三重新鮮刺身江洋盛宴呢度竟然仲有爆谷機最值得一提係 呢度有馬來西亞榴槤任食榴槤控切勿錯過自助頭盤區已經好多選擇 連點心都有就連雪糕雪條都有好多款揀 能得利雪條都有童年回憶番晒嚟QR Code落單 無出現漏單情況出餐仲幾快添㗎刺身樣樣都厚切咁制 蝦夠甜同多膏手卷唔使擔心易飽肚佢做到嚿飯細細粒 唔怕食多幾件手卷 天婦羅同炸物新鮮炸起 外脆內軟 下次可以叫其他餐食多啲唔同款嘅嘢食

自助餐來說，這店的性價比絕對高‼️有馬卡龍、馬來西亞空運榴槤、小龍蝦、鮑魚等都是任吃，實在太快回本了～選了最經濟的A餐，但食物居然已令我超滿足，看到隔離桌吃其他的B、C或D餐，大大隻龍蝦及海膽刺身等，後悔不點貴一點，太值了😂外面自取的熱食及冷盤等都有很多款，冷盤有多款海鮮及沙律，旁邊更有有椒鹽賴尿蝦、麻辣小龍蝦、薑蔥炒鮑魚等，味道都好好，辣辣的，很惹味～飲品櫃方面，除了基本汽水外，也有冷泡茶及利賓納等，超多種類，還有清酒及梅酒等任飲，飲多兩杯都值回票價～至於甜品，除了放雪糕的兩個大雪櫃外，熱食旁邊的也有兩個雪櫃，放了馬卡龍、布甸、水果、芝士蛋糕、曲奇及泡沫等，味道不太甜，還很高質，絕對忍不了再拿多兩轉吃，特別推介馬來西亞空運榴槤是必吃的，軟棉棉，剛剛熟，又香又甜～

星期一就係要大吃大喝來彌補Blue Monday。今晚揀左放題A餐的三重新鮮刺身江洋盛宴$308/位。呢個價位好足夠👍刺身真心係好新鮮有質素。推薦油甘魚、帶子、阿根廷大赤蝦、劍魚腩，全部好鮮甜。炸蠔大粒好惹味。海膽手卷好難得唔哭而且甜味濃，一人食左10舊。鰻魚大塊厚肉，值得叫。比目魚又係必叫之選。泰式鮑魚爽口辣得過癮、原隻花蟹好有鑊氣，醬汁出色。另外鍾意榴蓮的可以任叫燒榴蓮，好甜而且好棉，我食左10舊🙀自助區都好多野選擇：點心、熱食，冷盤、涼菜、炸物，甜品、飲品櫃同雪糕櫃。雪糕有Movenpick 同Haagen dazs ！

來到旺角的E1出口，就是放題之爭之地，唔同放題的姐姐都是派傳單到你手上，經過篩選後，就揀了這個御滿屋放題店，因為只睇單張，同樣是二小時的放題體驗，感覺款式比起其他放題店更多元化，今餐一定可以令我地大飽口福呢！👭😚🥢🍣🍢🔥一走進放題店已經見不同款式的冷熱盤自助吧、點心、甜品（自家製甜品及各款品牌雪糕）、飲品區（罐裝飲品、奶茶咖啡及清酒、梅酒自由斟），未掃QR code前，只睇助區已經有咁多好野食，真係令人興奮。🥟🐚🦐🍦🧁🍶🥃這店的放題時段，有4款套餐，分別是經典（78品）、匠選（96品）、豪華（18品）、極緻（126品），我就選了至經濟實惠的經典二重創新刺身江洋盛宴（$258/位）。🤩👍🏻🌟 經典套餐的手機點餐部分有13種類別。📲😋✨刺身方面，除了基本款式外，還有御·泰之味冷鮑魚、劍魚腩、北海道角螺、柚子醋花海蜇。🐟🐚✨壽司方面，這店有不少的特別款，連平時食放題都少叫壽司類的我，一於都點選一下，其中龍蝦膏赤身蝦壽司、火炙海鰻壽司、火炙鹽燒左口魚邊壽司、脆蒜醬燒牛肉壽司、牛油果蟹肉他他、鮑魚黑松露魚他他、芝士厚切鰻魚玉子燒等，最正連平時只可以在貴價壽司店點到的蜜柑真鯛壽司，這店都有得點，真

旺角放題選擇眾多，今次去呢間正正位於旺角站E1出口，見到佢近期做緊馬來西亞榴槤任食，最平$238就可以無限食榴槤同78品實物，超級抵食！一坐低即刻嗌返兩件榴槤試下個質素點🫣真係估唔到放題質素嘅榴槤都咁高質！口感軟糯、入口香甜，榴槤控超級滿足😋之後嗌咗幾round質素都維持得唔錯～放題少不了各種刺身啦，三文魚唔算特別肥美，但勝在新鮮🫶🏻赤蝦個頭好大，味道亦好鮮甜～整體刺身質素都幾唔錯👍🏻佢嘅各類炸物熱鍋上枱都係熱辣辣，即叫即整😆出面仲有平時少見嘅燒茄子🍆芝士青口🧀芝士焗生蠔等等，冷盤方面選擇亦非常之多，估唔到仲有點心！雪糕種類更加多到數不勝數😳塞爆咗兩個大雪櫃，連Haggen Dazs都係任食呀😍餐廳座位都算闊落，乾淨企理，放題黎講都係一個唔錯嘅選擇😛