食得棧清湯腩王

Open Now

Now Closed

共嚟過2次食dinner (jun 09, 11 & jan 17, 12)..........叫咗 :1) 牛丸麵 (hk$23)-佢嘅牛丸有牛味,唔"鞋",彈口,不錯-麵都爽身,無鹼水味,也不錯2) 片頭牛腩河 (hk$33)-這裡嘅名物點心之1-個湯面好油,後來我就搵到個原凶出嚟........就喺片頭-平常嘅片頭,總有1邊無炸過,但呢個周圍都炸過的-入口熱得非常,所以估喺剛剛炸好的,就即刻放入碗內.........故有1層油圍住每粒片頭,亦食到油香,幸好唔喺萬年油,無油"億"味..........片頭都彈口-白蘿蔔又腍,又清甜,又無渣,的確不錯-不過牛腩就煮得耐咗,肉質唔鬆,亦唔可以叫嫩,幸好未叫實............脂肪都多,牛味弱..........稱不上有質素-河粉份量唔多,勝在夠滑

係電影中心睇完戲, 少少肚餓, 朋友就介紹左依間清湯腩啦~~唔好睇佢門面好似好普通咁, 佢d牛腩真係唔係咁簡單~~~~首先佢個湯睇落去好似好清, 以為冇乜味NONONO~~~係好味得黎又唔會令你口乾的!!證明佢夠真材實料!!另外, 牛腩就好鬆化. 佢唔係果d腍到冇口感, 用化學方法醃製果種牛"彊"果個位仲好脆添~~不得不提嘅仲有湯底入面嘅蘿白, 好香甜!!價錢又ok, 抵食呀!!

到YMT攞d野，一黎就諗到先去食牛腩。正值食晏時間，所以勁多人，坐晒出門口，幸好我一個人，可以坐裡面。照舊要了牛腩片頭河，好快就有得食。河粉好幼身，又好薄，好滑，同d湯好夾。牛腩真係好食，係一層肥一層瘦，一d都唔鞋又唔韌。舊蘿白都好正，好清甜，無渣。片頭就比之前遜色，因為3粒裡面有2粒都唔係片頭，而係魚片個角，2邊都無炸過。同真正嘅片頭相比，真正嘅當然香好多，有炸過嗰陣香味。真同假片頭都好彈牙。

上個星期四同朋友去左佐敦永安買嘢,係油麻地地鐵站出,跟住經過呢間食清湯腩的地方,朋友見到有咖喱羊腩飯,於是俾吸引入左嚟食,門口貼左好多明星幫襯的相係度,店舖雖少,但都好full的,我地叫左一個清湯腩河粉,另一個咖喱羊腩飯,仲有好多其它選擇的呀!!清湯腩都好多牛腩,好淋身入味,唔會好肥,好味喎,仲有蘿白一件,唔會好似其它餐廳好多蘿白但好少牛腩,個湯都好味呀,好香好濃呀!咖喱羊腩飯都好大碟飯,咖喱羊腩都好多及好香呀,有一陣酥味傳出嚟,咖喱唔係好辣,食落去好香及真的食到羊酥味,羊腩都好淋身同埋唔算肥的,有幾年薯仔.我見不停有人嚟幫襯的,真的好好生意.

今朝行過廟街，見到有間清湯腩王，就入左去試下，主要係去試下Ｄ腩得唔得。其之前食過尼間，但就是沒有試下Ｄ腩叫左個清湯腩河，好快就有得食，而且熱騰騰的，應該係即叫即做。不過服務就一般啦~個河就不過不失啦，和一般的河粉差唔多，但滑身一點。那也是比一般的油膩。牛腩有口感的，味道也可以。太肥，煮的時間明顯唔夠，脂肪部份也做唔到入口即溶的，而且可能用左什麼東西令牛腩軟了的似。但有層次分別，如果做到爽口應該會好好食清湯好油，可能係因為牛腩好肥吧！而且重點係，個清湯應該係用左好多味精，不喜味精，甚至味精敏感的人可以止步了．．．但一般人久不久一次半次都可以的

睇戲過後廟街黎醫下肚.雖然係夜晚.但夏天既廟街都係好熱,比依一間有冷氣又整到玻璃屋既店吸引左入去.可惜店內真的十分迫,但冷氣力度不錯,心理上都可以接受.叫了一個$38 的清湯腩撈麵,份量都算幾大. 而且都上得好快,一大大碗麵,起碼有兩個麵餅.都算十分充足.但個腩汁底?(似豉油多少少)麵質都可以,都算有少少口感.重點來了.叫得清湯腩王入去都係試下個腩ok 唔ok.個撈麵有五大塊腩,但佢塊腩係一比一肥膏同瘦肉. 太多肥膏,雖然d肉係好腍無筋,但肉味不算濃.附一塊唔算入味既蘿蔔.個清湯味多原自味精,飲左一半口渴左幾個鍾.p.s. 我唔知店門口出面個幾桶污物係唔係佢地店,但都好臭下,唔係熱得濟又入到去坐,我都唔會等lor.個老闆?自己吹水吹到勁大聲,講d野又奇奇怪怪,搞到個場氣氛好怪~

呢間舖的食物好好味，尤其是清湯牛白腩河，裡面Ｄ蔥好好味，裡面更有帶子粒，牛白腩半肥廋，好好味！而Ｄ河粉好滑的！入我每一次來油麻地，一定會來這兒吃！到油麻地記得來吃呀！

每次經過呢間野都係坐喺小巴度，所以一直未有機會試。咁啱阿媽步行經過呢度，於是佢就外賣咗一兜清湯腩。一兜清湯腩就要$60，一d都唔平。份量都幾多，仲有三舊大蘿蔔。大蘿蔔非常入味，仲好淋添呀，入口就溶，完全無渣。牛腩偏肥，每舊都黐住一舊肥膏。雖然肥膏會好甘香，但係實在太肥，都唔敢放入口。牛腩炆得好淋好入味，唔會太咸，亦唔覺有味精，幾好食。甚至比上次喺華姐度食嘅更好。

食後已經兩個半鐘, 在打這食評時, 還在口渴得爆炸, 這店可真過份.十二點中午, 今朝的早餐已經不知去向, 於是再來這不知所謂的腩王試試.小店有一半客人, 有幾張枱擺在門口, 是給烟民坐的, 找了貼牆的位, 窄到幾乎坐不下.叫了牛腩撈麵, 38 大元, 五分鐘有得食, 是用碗上的, 試一啖湯, 清是很清, 有肉味, 沒有牛骨的香味, 味精很多.牛腩是一半肥膏帶一半瘦肉, 夠腍, 不痴牙, 把肥膏去掉, 可吃的地方不多.有一件骨牌般大的蘿蔔附送, 沒甚吃頭. 可幸沒有筋. 麵是頗為爽滑, 不錯, 不過是用豉油做味, 不像他店用蚝油或華姐用腩汁.這時有一位女士在旁坐下, 叫瘦腩麵, 一時好奇, 看看瘦腩是甚麼, 郤原來和我的一樣, 一半肥膏連一半瘦肉. 這女士當堂黑了面, 郤不發一言, 照吃.既然坐得不舒服, 吃完便走, 但是一路都覺得口渴, 這店是沒有再來的意義了.

招牌清湯腩河，$28，無送野飲，都幾貴，既然稱王，可能有過人之處（我估），蘿蔔淋而無味，牛腩肥膏多過肉，肉仲有些實，時候未夠，反而河粉爽滑，口感很好，湯底薄弱...

黎到廟街, 時間尚早, 煲仔飯都未開舖..... 冇得食煲仔飯唯有去睇下有咩係開左舖啦~ 見到厘間舖好多明星黎過喎!! 成間舖貼滿晒相~ 咁有人氣就入去試下啦~ 坐低一睇個餐牌, 都唔係平架喎! 0係廟街食野要厘個價都幾貴~ 魚片頭清湯腩河 - 個湯都好清甜, 味道唔會太濃, 魚片頭都係普通魚旦... 冇乜特別, 蘿蔔就幾清香, 好味~ 至於個主角牛腩就真係幾好食! 唔會好肥, 又好淋, 好有牛味~ 同埋佢唔會切得好大舊, 所以容易入口, 又唔會因為大舊而唔淋啦~~ 好味~ 秘製咖喱牛腩飯 - 我好鍾意厘個喎~個咖喱味道好濃郁, 充滿咖喱味!!! 事實係有一層油0係面, 但係有層油先正~ 哈哈!! D牛腩就硬左D, 不過個店員話咖喱牛腩D牛腩係同清湯腩D牛腩係唔同的~ 所以都冇所謂啦~ 個汁好味好撈飯就OK la~ 好喜歡厘個咖喱~ 正!! 不過服務同環境就真係一般啦~~ 叫佢俾2杯水黎就俾1杯茶我, 都唔知做乜既~ 同埋價錢真係偏貴~ 可能多明星食過既關係~ 同埋食野冇得加錢飲野, 要散叫~ 唔化算! 雖然咖喱係好食, 但都唔會專登再番去食啦!! 唔抵呀嘛!!!

在上文提及有些"東西"同時進行，其實是我們在吃甜點之時，亦點了在旁的清湯腩和其蘿蔔現在市面上有不少號稱腩王的食店，但是大多是名不符實...這裡的清湯腩王沒有入口即化，油脂滿口香的樣子，口感有點點實實的，看來是烹調時間仍未足夠。反而在底部的蘿蔔卻清甜得很，我們也不作多想立即追加一份淨蘿蔔，果然甜味是原自蘿蔔未身而不是坊間一般加進冰糖的做法，今天又再一次有點點食神了。食過了後，亦是向下一站出發的時候了......

:昨天下午想去食清湯牛脯，到後發現有咖喱羊腩飯，就叫咖喱羊腩撈麵(HKD48)，羊腩好正，四大件加一大塊薯仔，但汁唔夠香濃，冬天多一個選擇。走前打包牛腩撈麵，準備睇大結局時食。

第一次光顧，叫了兩碗清湯腩麵。但一咬落那塊肥腩時，感覺肥肉部份質感有特別，絕對不同一般的牛腩。再細看肉質，以我的認知，真覺得是食緊豬腩肉而非牛腩。但不論是豬定牛，都真是肥得太過分！

行過油麻地個頭，咁arm又想食碗粉麵，見到有間比較新嘅麵舖，就入去try下啦第一個感覺好正，唔係d食物香味，而係d冷氣超勁!! 以外面成三四十度天氣而能坐係咁凉爽ge地方食野真係VGood我order左個招牌清湯腩河，成$23蚊都幾貴碗河一上枱我都嚇了一跳，点解d牛腩會有咁多肥膏跟住 肉同肥膏比例係40/60!! 好試下先D清湯還不錯，蘿蔔很大很甜... 主打的牛腩都好'LUM'...味道幾好...整體敗筆在於超多肥膏...扣哂分 如老細知到後可以改善下就perfect!!