Video
8-min walk from Exit A, To Kwa Wan Station
continue reading
Telephone
37098529
Opening Hours
Today
10:30 - 19:30
Mon - Sun
10:30 - 19:30
Above information is for reference only. Please check details with the restaurant.
買咗蛋白蛋卷，朱古力曲奇同花生酥。曲奇唔鬆脆。似餅乾。$19蛋卷一樣，死實寶。花生酥有小小燶唔怪得7pm 仲有咁多曲奇未賣。$90磅曲奇都有d貴。真係冇下次。唔好唔信舊區就是老店就好食。
continue reading
今日起土瓜灣遊走，無意間見到呢間專賣曲奇餅嘅舖，門口有差唔多20款曲奇🍪亦有賣傳統瑞士卷、椰撻、紙包蛋糕、老婆餅等瑞士卷傳統得來加入咗新派口味，例如綠茶、紫薯味我就俾佢啲蛋白蛋糕吸引咗😍見佢白雪雪咁▶️ 豆漿蛋白蛋糕 ($10)冇諗過佢咁大嚿咁厚身，size成嚿磚頭咁(12Lx 8Wx 7H cm)🧱拎住返屋企都有咁上下重量 (~150g)因為啱啱起凍櫃拎出嚟，所以仲凍凍地摸落去超軟熟，好似海綿床褥🧽回彈力十足，撳極都唔爛😂好過癮用刀切都要用啲力，差唔多撳到底先切得開比起戚風/海棉蛋糕更細緻綿密而有質感🍰唔係空氣蛋糕亦比起牛油蛋糕少咗份油膩感，拎上手隻手都仲好乾爽呢個係冇餡嘅，味道比較清淡因為只用蛋白，所以冇咩蛋香味，食真啲會有好微好微豆漿/維他奶味蛋糕唔算甜，甜味又唔假👍🏻雖然蛋糕都幾濕潤，但係始終因為冇忌廉，食多幾啖依然會口渴 (好過紙包蛋糕)，飲番幾啖水又繼續食過好食到食唔停口，最後食咗大半個做飯後甜品😋-另外仲有果占蛋白同高纖蛋白蛋糕高纖蛋白嗰個感覺健康，成嚿都佈滿啡色一點點小麥，中間就多咗一薄層cream，可能會比起呢個冇咁dry姨姨好友善又搞笑，我問佢高纖蛋白定豆漿蛋白好食啲(我有選擇困難症)，佢叫我兩個都買晒返去😂話因為新鮮製造，雪住留返聽日同後日食都得，真係識做生意(只係我自己一個人真係食唔到兩個)舖頭位置唔起眼，唔係起大街，旁邊亦冇咩其他食肆，多數住宅CP值高🔥價錢好平民，椰撻都只係$4個，全部大大個好抵食非常推介大家來土瓜灣區試一試，滿足一下想食蛋糕，但又想健康嘅你❗️*全部相片由本人拍攝*
continue reading
之前試過另外那間桓記雞蛋卷，不覺得有甚麽特別，值得大家早早去排隊。比較之下，好像這間曲奇比較好吃，蝴蝶酥本身都不是我特別喜愛的東西，雖然有點糖，不過質地比較似酥皮。另外的杏仁條，這兒的杏仁都比較出色，雖然底下有時會鬆開兩節，不過下面沒有什麼味道，只有上面的杏仁提供味道，不過這條杏仁條，上面的杏仁更加有糖霜，以及少許糖在面頭，因此味道更加甜香。我覺得這兒和木廠街那間蛋卷比較，似乎這間曲奇店的小吃比較出色。
continue reading
係土瓜灣第一次見到曲奇餅舖頭所以就吸引到我去買來試吓啦呢間舖頭有10幾款口味嘅曲奇餅今次買咗兩款口味嚟試：雙重朱古力味同埋綠茶朱古力（買$30就可以揀兩款口味啦）兩款曲奇餅口感相似，而且味道濃郁以呢個價錢來講，非常抵食
continue reading
探望完住在土瓜灣的朋友，經過美景街，看見對面有間叫「曲奇至尊」的餅店。我讓這個霸氣的店名吸引了，便過去看看。見到櫥窗櫃內，放著很多盆不同味道的曲奇餅，價錢每磅由$80-$118。店裏面就是焗爐房，香氣迫人，相信全部餅食都是在店內烘焙的。但更吸引我的，卻是另一邊的櫥窗櫃內，放了很多蛋糕，均是寫著「蛋白」的。計有果占蛋白、高纖蛋白、豆漿蛋白，甚至有班蘭蛋白戚風等。每件份量不細，但像蒸蛋糕，似乎較少牛油，賣相頗為「輕怡」，便進去看看。我不知道該店是新開，抑或其他原因，在店面的阿姐說，沒有提供餅夾和托盤，要那件告訴她便可！我便說想再細看，見到還有各類批和撻，除了常有的雞批、咖哩批、吞拿魚酥、叉燒酥、蛋撻、流心芝士撻外，還有較少見的菠蘿撻。而另一邊，還有各種餅食，中西式均有，像光酥餅、合桃酥、蒸蛋糕、馬仔、紅莓鬆餅和提子鬆餅等，均十分吸引。由於已吃午餐，我只買了兩個來試試，包括高纖蛋白蛋糕($10)和提子鬆餅($4.5)。離開店後，我便急不及待拿了蛋糕來吃，味道不甜，質地鬆化十分好吃。所謂高纖，是蛋糕夾雜了像麥包那類小麥粒。蛋糕有兩層，每層吋多厚，中間塗上薄薄的奶油，像膠水那樣將兩層蛋糕貼著。至於提子鬆餅，可能是少牛油，所以味道稍乾，有點似十字包。但每件只賣$4.5，我不會要求似高檔鬆餅的，事實上，除非是高級酒店的餅房，否則也很難可以吃到美味的鬆餅呢！我忽然見到盛著蛋糕的膠袋，寫著「百事吉餅店」，就是灣仔道賣曲奇很出名那間。而土瓜灣分店的地址，正正就是「曲奇至尊」的所在地，難道百事吉已經變身，索性以賣曲奇作主題？不管如何，灣仔道兩間店，肯定沒有這間店有那麼多的蛋白蛋糕，相信日後我可以節省車程，不必再過海去灣仔店了！
continue reading
You may be interested in