鮨丼 (Closed)

這間日式餐廳的環境和氣氛也很好 , 餐牌上的食物款式非常多, 每個星期也有限定的廚師推介食物。餐牌上款款食物也很吸引，所以我和朋友點了很多食物一起分享。首先, 我們點了日式炒野菜、松葉蟹鉗、芥辣八爪魚、香蔥玉子燒作小食。 日式炒野菜入面有椰菜、菇、蘿蔔絲等等, 上面放上木魚乾, 炒野菜的醬汁的味道很濃味、很惹味。香蔥玉子燒很值得推介! 玉子燒很嫩滑，食落充滿蛋香, 入面亦有一些香蔥以增添味道。刺身方面, 我們點了北寄貝刺身、厚切銀鱈魚刺身。厚切銀鱈魚刺身還是第一次吃, 銀鱈魚很嫩滑, 有輕微燒一燒過, 咬落充滿油脂香，帶點魚油。壽司方面，我點了極上拖羅壽司、炙燒左口魚邊壽司和鹽燒炙燒銀鱈魚壽司。極上拖羅壽司非常好吃! 壽司飯上面的拖羅很肥美，有入口即溶的口感, 而且充滿油脂香。炙燒左口魚邊壽司也充滿油脂香, 左口魚邊很嫩滑。 鹽燒炙燒銀鱈魚也是第一次吃, 味道很鮮甜, 充滿油份。丼飯方面，我們選擇了自選丼飯, 選擇自選丼飯有一個好處就是可以選擇自己喜歡的刺身放上丼飯上。我們選擇了三文魚、帆立貝和甜蝦他他。每一件刺身也很新鮮, 三文魚是厚切的, 很肥美。

朋友特意帶我來尖沙咀彌敦道新開店 ~鮨丼食晚飯, 順便帶來旅行手信給我。 店裝潢具日式風格,地方庭位寬敞,十分RELAX。* ORDER 兩份 左口魚邊拼三文魚丼飯套早餐 $178 X 2*首先來前菜及湯 * 前菜有泡菜及渣物可開一開胃口,而湯就有麵鼓湯。*輪到主角來了 左口魚邊拼三文魚丼飯 * 大大碗飯上放滿兩款肥美刺身,分別有三文魚及左口魚邊。* 厚切三文魚油脂分佈平均,入口魚油厚重 。* 左口魚邊經輕輕炙燒,迫出魚油來,令魚肉更嫩滑肥美,非常味引。*米飯是珍珠米煮得剛剛好, 軟綿綿具黏性,口感香軟。* 最後少不了甜品 甜品是清甜的荔枝味糯米糍雪糕。

某日好想食呑拿魚刺身飯，上open rice 睇，見呢間野上左個唔知咩餐廳排行榜，又趕時間，見好似都正正常常就決定去。原來好伏!!一上到去見到啲裝修，突然覺得有陣好濃嘅港式日本餐廳味道，仲諗住呢個價錢食魚生唔會咁差... 點知真係上至食物質素，新鮮程度，賣相，下至員工，刺身師傅，舖頭裝潢，都係散發住一股 ~m k~ 味... 但係收嘅價位係中環日本餐廳價.... 個大呑拿魚飯要$4xx，去一間好decent 的日本餐廳食個好鮮味的魚生飯都可以了，好彩無叫兩個人叫左一個柚香刺身飯(三文魚，魚子，油甘魚，比目魚邊），一個自選(中呑拿魚，魚子，油甘魚。 原來魚生好地地要另加調味比佢真係要三思先好叫，因為原因只有一個，就係魚生唔新鮮!! 上圖嘅自選飯嘅油甘魚都叫還好，不過都係唔夠凍，而柚香嗰碗嘅油甘魚我地拼埋睇係完全兩隻色的，好瘀色，質感亦淋patpat, 另外三文魚都係好似俾人切左好耐無雪，成夠已經淋淋地, 食落唔新鮮... 另外嘅自選飯，最貴(2片$100)，亦係本店賣點嘅呑拿魚，顏色唔均勻，有某啲位係瘀瘀地色，咬落出水，味道唔新鮮，有少少腥味 Mk質素，中環價錢，對唔對得住自己😭😭😭 二

大熱天時,日日都唔想食熱食,約左朋友睇戲拉左佢地去食日本菜,魚生係夏日之選每2位都有一份前菜,包括沙律同蘿白再黎係日式湯2碗,多海帶同豆腐鰻魚飯好多鰻魚汁,鰻魚又多又大條肉質燒到乾身好好口感肉質肥美偏軟,食落真係唔錯呢個海膽帶子飯真係無得頂帶子好厚身,加少少檸檬汁超鮮味海膽又甜又creamy 蟹糕蟹肉飯,加左雞蛋超惹味蟹肉一絲絲甜絲絲,差唔多成碗都係蟹絲,啖啖蟹肉超足料四色吞拿魚,全部都好新鮮顏色好粉嫩,刺身多過飯爆抵食,又好食~最後每人一粒糯米糍

我想了很久才寫食評的。首先一行入餐廳，待應第一時間係講最低消費每人250或叫一個丼唔係歡迎光臨，我當場嚇一嚇，因為語氣唔係好友善，其實每人一個丼好正常吧...當然香港有土地問題，店家要講清楚我覺得ok，但語氣可以好一點，我沒欠了你啊....裝修...我覺得好懷念，有一種細個去食果d日式餐廳既感覺...我想起了，是一份MK味，呢份感覺，好難形容，只有去過MK的日本餐廳的才會懂得，也算是種集體回憶？打開餐牌，丼飯來說，選擇真不少，不喜歡他的配搭還可以自選刺身自組丼飯呢～我喜歡這份彈性於是果敢的點了個自選！下單後，配菜沒等多久就來了，湯好咸，要形容的話就是會損害腎的那種咸法。黃色和紫色的小配菜（看圖）就有點太酸...我吃了一粒就沒吃了。沙律算是安全的。連配菜都有MK的感覺我真的不是在MK嗎（沉思）終於來了主菜的丼飯了，同伴吃的是四色吞拿魚飯，他說碎吞拿魚內有骨...說了句不是很鮮，雖然默默的吃完了，但面色不太好，作為帶他來的人我不敢追問太多....我的丼就是自選的，有海膽赤貝帶子，海膽的味道很一般，不會腥但也不是鮮甜，就是一般。赤貝帶子還算正常吧....總括來說CP值很低....250蚊一個

有個朋友嚟香港探我，可以就帶咗佢出尖沙咀行街睇到有間丼飯所以就去咗試啦，點左一人一碗大家share食想到去環境都好舒服位置都寬敞每個定食都有包前菜、沙律和、麵豉湯和甜品點左呢幾款，賣相都相當吸引，份量都好足夠嘅，而且刺身都很新鮮鮨丼自信作雙層九宮格材料好豐富，有帶子、鮑魚、三文魚、蝦等等樣樣都好新鮮，又鮮美彈牙，味道唔錯蟹丼原隻蟹做丼飯相當豐盛蟹肉新鮮鮮甜美味甜品最後定食仲包左甜品，好豐盛的丼飯，結束美滿的晚餐

新鮮食材，環境ok，服務有進步餘地餐廳只收現金，所有餐點加10%服務費。竟然服務費已算進餐點內，也請服務生多多查看客人的茶水喔！想說看看有沒有服務生注意到我的杯子是空的，但是我的杯子空了好久了也沒有人注意到。不過，一跟服務生提到，就有幫忙倒茶！甜品是收了正餐就馬上拿了過來～！我是那種茶水喝超多的，所以對我來說服務生時不時觀看客人的茶水很重要！點丼飯有附小缽，味增湯，甜品和一罐可樂。我是他們開門就到了，所以沒有等位子。

前排見facebook 出左廣告,6點後有6折,即刻book ,一於食左先講係nathan road mcdonal 樓上好易搵門面都幾靚價錢都合理,而家有6折真係超值2人一份前菜,好爽甜面鼓湯有蜆肉4色吞拿魚刺身丼飯$318after discount $190呢個價錢食到真係超值吞拿魚勁鮮味,少根,魚蓉入口即溶蟹肉丼$288 =$173,蟹腳蟹肉蟹鉗蟹籽蟹肉好甜,蟹鉗多肉蟹籽多過飯,足料又好味$200有找真係物超所值

今天我幫了同事一把，佢好客氣要請我食晚餐，她說知道佐敦有一間鮨丼，專食丼飯，質素超正，而家重做緊優惠，放工後我們一起前往鮨丼，食店位於樓上鋪，地方雖然不算大，但好有日本feel。所有丼飯都包括有沙律、漬物、麵豉湯、甜品。沙律菜新鮮，漬物酸酸甜甜的好醒胃！麵豉湯材料有昆布、菇和蜆肉等，味道鮮甜美味。吞拿魚大腩刺身丼飯，大大片厚切的吞拿魚大腩刺身已蓋滿了整碗丼飯，份量不少，大腩的油脂比其他部位多和香，是全條吞拿魚最美味的部份，而且這大腩還是厚切，帶來了口感，一口食落令人回味無窮，齒頰留香。是吞拿魚迷不容錯過的丼飯。鮨丼自信作雙層丼飯：第一盒有原隻鮑魚、時令刺身3點、極上大拖羅雜錦刺身飯，鮑魚鮮甜彈牙，刺身是跟時令，選當日最新鮮的，今天就有新鮮生蠔、爽口的赤貝和北寄貝。另外一盒是丼飯，面上放有開邊的赤蝦，下面有切粒的魚生、蟹肉、玉子等，材料份量多而且好新鮮，值得一試！日式糯米磁：外層少許煙韌，中間creamy，不會太甜。

本人妻今日飛起左小鮮肉老公約埋好姐妹出左尖咀shopping 好姐妹話附近有間食海鮮丼飯嘅好好味喎!! 咁就跟左佢去試一試喇地點都好方便彌敦道近佐敦站, 門口好和風feel 有差不多兩十多種唔同款式嘅丼飯選擇, 當中有款好吸引眼球嘅就係小鮮肉老公最中意嘅北海道馬糞海膽丼飯呀😍 成碗都係海膽呀, 可惜小鮮肉冇黎 只好下次帶佢黎試下喇😂 本人妻就叫左個炙燒銀鱈魚丼飯 好姐妹就要海膽炙燒帆立貝三文魚籽刺身丼飯!! 每個丼飯都會包前菜、沙津、味噌湯同甜品 首先登場嘅就係好姐妹果個丼飯差不多有半碗帆立貝起面、大大粒嘅三文魚籽同好新鮮嘅海膽😍 d材料好豐富呀 真係料多過飯呀! 好姐妹話想食多少少飯都冇呀😂 啖啖料 太誇張喇😂 終於到本人妻果個登場喇! 一黎到就聞到好香嘅燒魚味～ 食落口就有好濃郁嘅鹽燒味， 配合埋鱈魚黎燒，估唔到味道十份之夾，燒嘅火候好好，所以食落口即溶又唔係太老～食得出肉質好新鮮最後當然仲有多個女人最愛～甜品啦～今次是朱古力糯米糍，裏面係朱古力cream～ 甜絲絲又滑！ 完全為呢餐飯畫上完美的句號！！

今日有個朋友係美國回來玩幾日，緊係要帶佢食正野啦，我就揀左黎鮨丼喱度因為我係一個超级丼丼迷，成日黎食都唔會厭，到在鮨丼先知朋友唔食生野，好在都有熟嘅丼叫比佢，就係鹽燒銀鱈魚丼飯，而我最鍾意食吞拿魚大腩刺身，次次都實叫，實在太鲜甜，好在第一餐招乎朋友無失威，刺身賣相咁靓，就算朋友唔食得都睇得😂坐位很寬闊 ，令人可以慢慢享受晚餐。首先送上餐前菜，麵豉湯內有蜆肉，味道濃郁，带有鲜味。吞拿魚大腩刺身丼$378粉红嫩嫩嘅肉，一啖入口即溶，正到極点。鹽燒銀鱈魚丼飯$298燒銀雪魚，咸咸香香， 齒頰留香最後還有甜品，好豐富的晚餐

晚飯時間咁啱經開佐敦出名多人排隊嘅雞蛋仔，隔離見到樓上有丼飯食！諗起之前有friend 介紹過呢到間鮨丼，諗唔唔使諗即刻上去！鮨丼係3樓，估唔到地方超大，有啲驚訝。揭下menu， 唔使睇後面啲壽司已經畀前面啲丼飯吸引咗！丼飯包埋沙律，湯同甜品。佢個麵豉湯都幾多材料，唔會太鹹，有菇同埋蜆肉係入面。我哋點咗兩個丼飯，一個係北海道馬糞海膽丼$348，另一個係自信作雙層丼$328。北海道馬糞海膽丼好大份，馬糞海膽鋪滿咗八成，上面有金箔，仲有一隻蛋黃，海膽香滑鮮味，wasabi係即磨，撈飯真係一流！自信作雙層丼又係好正， 除咗有個刺身盒，佢本身個丼飯上面嘅切粒刺身，全部都係又香又滑又冇筋嘅大拖羅，小量三文魚同赤身， 絕對唔係一般壽司店用啲頭頭尾尾有又唔新鮮又多筋嘅刺身切畀你。甜品係個朱古力大福。晚餐食左個咁正嘅海膽飯同刺身飯，感覺真係好幸福。

每次由尖沙咀行去旺角都途經一間日本餐廳，每次經過都會想去吃一次，但每次都是吃飽飽才經過，上星期終於有機會未吃晚飯就途經，吃吃他的海膽丼飯。餐牌上的款式不算太多，點了兩份丼飯。先來一碗麵豉湯，味道不錯。北海道馬糞海膽丼飯份量滿多，還加了一隻雞蛋，令丼飯增加多一份嫰滑的口感，海膽的口感細滑，非常清甜，想換換食法，用紫菜包著吃也不錯。吞拿魚大腩刺身丼飯件件厚身大件，鋪滿整碗丼飯，雖然不是入口即溶，有點帶筋，但口感也相當新鮮肥美，飽肚感十足。

魚生，海產很新鮮，份量也很大方，可是飯底很黏稠，不太像日本珍珠米飯，吃來沒月飯香。除魚生蓋飯以外，只有壽司，飲品乜只是樽或罐之選，並無任何特色，如此缺乏選擇，難道真的大伙兒來食個蓋飯？環境方面，安排我們２人撘坐人桌，坐位有點侷促，而且更不幸踫上冷氣機滴水.....從食品選擇，坐位安排，大慨目光是放在＂高級豆腐火腩飯＂一項。是次用了OpenRice訂坐優惠享有6折，如以正價４百元一客魚生蓋飯來說，應有更好選擇。

是日朋友請我食飯，佢揀左呢間日本嘢。未黎之前因為見到有d唔好既食評，所以對佢期待麻麻，點知d魚生出乎意料地好食，直頭係以前係日本市場食既味道呀一坐低侍應就即刻拎左沙律同麵鼓湯黎，沙律都ok新鮮，湯唔算話好好食但係好足料。等左大概三個字，主角終於黎啦！我地叫左個馬糞海膽飯同吞拿魚腩飯。兩個都非常鮮味，馬糞海膽好甜，完全冇藥水味，同隻蛋一齊食好夾！吞拿魚腩入口即融，一d筋都無真係好幸福啊！食完之後送左個甜品...可惜質感同味道都有d奇怪，我地唔係好鍾意好似依家仲有折，最後買單兩個人五百幾，抵吖！