爭鮮迴轉壽司 (偉景樓)

Open Now

Now Closed

昨天看完電影後去吃爭鮮,全店都是8元,款式非常的多.刺身款式通通都只是8元,壽司款式也超級多,食品非常新鮮好味,店員態度也不錯,下次一定會再來!!!!!!!!!!!

其實之前都食過兩三次, 感覺呢間分店都比其他分店較差。食物味道一般, 部分壽司上面既料跌左落黎, 賣相較差, 雖然店舖面積大, 但唔等於食物種類會比其他店多,壽司師傅亦都成日掛住傾計, 有時條帶會好空, fill 返亦好求奇, 出來出去都係某幾款   亦都希望可以抹下D 蓋, 有時有d 無cream 既壽司, 但個蓋有cream, 感覺上寧願去其他分店好過

今日係公眾假期,我都預左呢間又抵又好食既迴轉壽司一定有排等!話說我琴日先同朋友食完,今日又同男朋友去食不過冇咩所謂啦~因為本人都幾鍾意食壽司我地大概6:30去到,見到條隊已經好長等到有DD唔耐煩咖!差唔到7點,有得食啦!!今日食既野其實同琴日差唔多(握壽司)我始終都冇試到軍艦我食左三文魚刺身,海膽蝦壽司,麵豉湯,帶子壽司,火炙XX壽司三文魚刺身:迴轉帶上的三文魚刺身睇落都唔係好靚!要慢慢等下同埋睇下先會有質素OK既三文魚!!經過精心挑選,我地食戈一碟紋理色澤都唔錯都算新鮮,味道中規中舉啦~overall:★★★☆☆海膽蝦壽司似乎比起TST分店更加新鮮!味道鮮甜,食左2碟!overall:★★★★☆麵豉湯都係$8,味道偏淡,唔似其他日本料理店咁咸!仲有超多豆腐!! 豆腐都算幾滑,有豆香!我會鍾意飲呢間既麵豉湯多過出面戈Doverall:★★★★☆帶子壽司佢上面有D燒汁,好味!但冇咩特別overall:★★★☆☆火炙XX壽司(勁推介!)我地差唔多夠鐘走人先出好在我地都食得切我係上一篇食評都介紹過等我詳細描述一下..塊魚生係經火槍燒過個面,然後再"審"上七味粉->完成!同樣都係勁好食

時不時都有人話掙鮮唔錯又好抵,甘因為起九龍灣行街嘅關係,終於去試佐.首先,其實食物都一般.三文魚系三件刺身一碟,或者兩件壽司一碟,希靈魚,好腥但係又好甜=.=其他刺身都一般,有扇貝壽司,北寄貝刺身...其他壽司舖有嘅,大致上都差唔多.$8蚊一碟的確系抵,不過壽司質素同價格系成正比嘅,同埋限時50分鐘,由行入去waiter出單個刻開始計,可以話好趕,因為迴轉帶轉到個一件唔一定系你想食嘅,要等～但係令我好嬲嘅系佢地工作態度!!!首先,有件蟹籽壽司可能個碟污糟佐,個壽司師傅竟然直接拎高件壽司,倒佐碟入面d污糟野再放翻落去..其二,因為見到隔離對夫婦問個壽司師傅拎到三文魚飯,所以就想問下waitress個飯系咩黎,佢話系三文魚飯,甘我地話系米要自己點?佢話,唔係阿,起迴轉帶度自己拎咖.（我地1點20分就夠鐘,問個陣已經一點05分),甘我地話,吓?我地無見過迴轉帶上面有wor???跟住佢話,我幫你地問下～結果佢去佐問個壽司師傅,就系甘,我地見到個壽司師傅唔知同佢講佐乜,跟住佢頭dada甘走佐.過佐三分鐘左右,我地再問一次,佢唔好意思甘講,講佐啦,等等阿.再等一陣,甘我就直接行過去問啦,第一次,個

日日都排長龍嘅爭鮮今晚居然咁使排，可能係仲早嘅關係，坐落，環境尚算乾淨，早已放在枱上的濕紙巾同芥末一包。第一次黎食，睇下有咩揀先。魚籽幾新鮮但略帶人工的鹹味。辣味螺肉好爽。腐皮中華沙律同三文吞拿沙律都唔錯，大大舊料唔少。蟹柳芝士幾新款，蟹柳似乎剛從雪櫃拎出黎，仲凍同濕。甜蛋有三件，好軟身好甜。三文魚刺身一碟三件，厚切不過好細件，幾新鮮同肥美。芒果布甸，好甜，有芒果肉同椰果係入面，唔錯嘅甜品。飽左八成，但硬是覺得唔滿足，要了枝豆。我一直覺得呢啲咁易整嘅野係壽司鋪要花四五十元很不化算，今次只要八元，一於一試啦，味道幾好，略淋。八蚊一碟確實平，質素亦唔錯，會有下次。

之前經過爭鮮總是大排長龍，今次五時多來到，不用等候，馬上入座。入座紙已寫明限時五十分鐘，想不到我們只花了三十分鐘便離開，事關食物質素欠佳，款式亦不多，有極大的改善空間。我們吃了～三文魚刺身：一碟三片，的確便宜，可是三文魚不鮮甜，反而有腥味，令我失望。芝士蟹柳壽司：很少見到一片片的芝士夾在壽司中，較特別，可惜蟹柳淡而無味，欠缺水份，更一咬即散。帶子壽司：問題同上，帶子有點乾，入口只有醬汁味。帆立貝壽司：帆立貝質素算較正常，但所有壽司飯都偏硬，沒有醋香。海膽軍艦：抵食之選，以$8來說值回票價。玉子壽司：玉子內釀了飛魚子飯，不過咬了一口，才發現那片蛋切得並不深，飯與蛋分離。海蝦壽司：賣相尚可，但蝦肉不新鮮，好像放了很久。辣味三文魚軍艦：完全不知道是甚麼！貌似辣味三文魚，卻完全沒有辣味，質感亦偏腍，不像三文魚。三文魚壽司：正常水平。食物不理想，衛生亦差。那些蓋着壽司的膠蓋很多都黏着一些食物或醬汁，而且經常是兩個重疊着。在我面前則有一隻小烏蠅不停飛舞，令我胃口大減。總結而言，爭鮮實在改壞名，「爭ｄ」新鮮！我不會再光顧。

又係因為d friend話好食 咁就尼試下啦點知 感覺好似比人呃左咁..味道同明將差唔多 冇咩special 有d sushi d飯點係點豉油ge時候散哂 係散哂!!可以知道係差到咩地步...好啦 彈完一輪都有讚賞 咁人地真係有做得好ge地方第1 環境都乾淨第2 好欣賞尼款sushi,,sorry唔記得叫咩名又sorry多次..張相比我del左佢外層係魚生 包住裹面甜甜creamy的醬!

去到9龍灣, 想食壽司, 就諗起爭鮮, 鍾意佢夠抵食。2點幾唔洗等位, 9龍灣分店環境都幾大,佢地refill都好快, 好少見到迴轉帶上有吉位。但款式比較少, 只係見到單張上所見的壽司的一半, 迴轉帶上最多係三文魚同軍艦款式。間中見到比較貴價既帶子, 同三文魚子軍艦。三文魚, 鰻魚同帶子係我至愛。但一直見唔到有甜蛋。2人最後食左12碟埋單。

位置不是好近地鐵站行左不少路才去到，7點半去到全場爆滿，帶我地坐一個比較入的位。1. 個冷氣一直直吹住我個頭，完全影響食欲，有好多位置都係對正個冷氣，設計很差2. 壽司要搶，坐得遠的個個都閙，除非你好彩坐正師傅出壽司個位，否則一定比坐前面的顧客搶曬，我隔離個男人仲行去前面位置搶壽司，實在太令人驚訝，後來終於明白點解要甘，因爲我地坐左20分鐘都無野食，想食的全部比前面的食客攞曬，最激氣係見住上左幾碟，去到我地度全部無曬，好過分，次次都係甘。同埋好多次條壽司帶已經無野食（轉左幾十次都係個d無人食的壽司），d師傅又無野做（見住2個師傅都真係無野做）都唔整d壽司出黎！3. 食材不是很新鮮，係臺灣食過都可以接受，但香港呢間岩岩整出黎的都唔係好新鮮4. 爭鮮外賣店d壽司都好過堂食5. d三文魚好難食，又細塊6. 食左個用蛋包住的壽司卷，超級難食，都唔係蛋味，好古怪7. 唯一比較可以接受的係軍艦壽司最後等左好耐都無野岩食，未食飽都走人

由新開張到現在都有食過好幾次，由始至終，質素都唔錯(當然唔好同元氣比)只是覺得在安排食品和人客方面，仍需要改善下面都有人講到，推出壽司的安排有待改善，一些較受歡迎的壽司常常在一推出就給人拿光，坐得遠通常都真係得個睇字坐在出壽司位右方的客人，除非失儀態地走去前方追壽司，不然無論係唔係多人時間，都唔可能食到一些受歡迎的壽司感覺上就是"爭鮮"恐後了我覺得：一係出多點，到成圈人都拿到先停一係分開不同位置出又或者一個個客問食唔食再一個個比都可以若果拿到新鮮推出的壽司，特別係三文魚系列，的確很有水準若果拿不到新鮮的壽司，看著一碟碟自己無興趣的壽司，的確等得很沒趣一些較少人拿的壽司其實水準不錯個人就最愛那個手卷，等極都無壽司想食，食手卷都不錯另外粟米軍艦都不錯特別要介紹那種味噌湯，明顯可以飲到三文魚等用料，比外面很多壽司店都好飲但個人覺得夏天飲實在太熱，若能給顧客選擇叫暖的湯會較好有一度要讚的是，以往保鮮蓋感覺不太清潔，但最近有改善了。特別一提，去過好幾次，雖然沒有發生在我身上，但我覺得該店的服務員對收銀機及信用卡機的操作有點不熟悉，偶然會計錯數收錯錢另外，由於店設計的問題，越少人一齊去食會比較著數

今天到九龍灣 "爭先" 迴轉壽司店吃壽司, 當時人流唔多, 唔喺好多壽司放在迴轉帶上, 有 d 壽司上面的鱼生仲變得無光澤及有 d 乾, 見到都唔想食嗰種, 其實, waiter 安排我們當時坐在壽司師傅上壽司的位置, 一心期待個壽司師傅整完 d 新鮮的壽司放在迴轉帶上, 咪可以有新鮮壽司揀點知, 個壽司師傅聽到我們要等 d 肥美的三文鱼和花之戀, 個壽司師傅同另一個壽司師傅傾, 看見佢地偷笑, 把整好的三文鱼和花之戀 etc 放在不是上壽司的位置 (在上壽司的位置後 d, 令我們攞唔到新鮮的壽司), 另外, 我們見到對面的上壽司的位置, 明明已冇位擺新的壽司, 個壽司師傅都夾硬塞個位嚟擺 lor, 我們的迴轉帶上明明冇晒壽司都唔放新的壽司上去, 呢兩個壽司師傅極不知所謂, 佢地知唔知 " 爭先" 請佢地的工作是把做好的壽司放在空置的迴轉帶上, 給顧客撰擇, 不是任由迴轉帶上冇壽司喺咁轉, 仲要掛住傾偈, 令顧客冇新鮮壽司食, 要食 d 已冇光澤或已乾身的不新鮮壽司最後, 我們埋單都問 waiter 攞意見表想投訴呢兩個壽司師傅, 跟住個 waiter 話冇意見表, 跟住又問有冇寫字

其實知道爭鮮存在左係九龍灣好耐可惜一直無機會食終於今日搵到人一齊去＼（＾ ＾）／ バンザーイ睇開留言版知道台灣o既爭鮮地位同西九明將差唔多所以其實都只係本住西九明將心情去食可能因為岩岩過左食飯時間所以入面大把位不過店員依然將客人編到同一邊坐而且限時50分鐘真係有種趕客feel嘛~最緊要都係食物ヽ( ´￢`)ﾉ ﾜ～ｲ 碟數飛上面寫住三文魚味增買一送一所以一開始就要友人都話味道ok另外比較深印象就以下呢幾樣希靈魚壽司：印象中係爭鮮成名作之一，味道帶甜，似魚子咬落卜卜聲鰻魚壽司：燒汁無其它地方鹹，比較適中海膽壽司：地雷類，見佢岩岩放低就拎左黎食都依然覺得放左好耐咁又淋又腥蟹籽壽司：同為地雷類，食落真係無。比。腥ヽ(#`Д´)ﾉ┌┛〃∩AhｰAhｰAhｰ 另外有種燒帶子係白碟話每人限一碟食多要比$16@都係地雷類，淋到唔似帶子雖然地雷類多不過其實大部分都不過不失只係平凡過頭可惜比起西九明將爭鮮仲係拍馬都追唔上(地獄級地雷意味結論就係爭鮮>西九明將(´ ▽｀).。ｏ♪♪ ﾎﾞｹ～ 另外爭鮮做得比較差係連堂食都用包裝わさび而且連鼻都唔攻一下真係差左少少lo

前排去淘大個時見到有間新既壽司店開, 排哂長龍. 所以尋日特登去試下. 6:00 已經去排隊, 大約半個鐘就有得入, 唔洗等好耐, 入到去全部都係迴轉位, 冇order 台, 卡位亦唔多, 所以好坐等好迫, 而且仲要有時間限制食50分鐘, 唔可以慢慢食, 感覺好似只係為左填飽個肚就算甘, 款式唔多, 唔新鮮, 芥辣仲係放係bar台上面, 好似要同其他人爭甘, 侍應生冇咩野做甘, 只係執台同客人數碟, 全程好似自助餐甘,雖然係平, 只係$8一碟, 但數碟又數錯, 呢間我唔會再有下次.

一直很喜歡這裏...因為壽司好味..價錢平..又間唔中有新出品試...好耐之前第一次黎食後已寫了openrice勁讚這裏..但今次...係想講呢度開始質素下降...食物仍然係好味的...但數量少得有點過份..經常..(係經常..)....一part完全冇壽司既壽司迴轉!!!!壽司司傳整唔切啊....加上佢keep住係某position擺壽司咁另一邊既人總係全程冇野食...最大鑊係...勁排隊..其實有位的只因為冇師傳所以開唔到後面既壽司座位, (well...咁租咁大個鋪位其實咪冇用盡到空間...)又,,其實好多時都有人走既, 只係樓面得一兩人,,收得錢黎擺得野黎又未得閒執位!!結果出面等位望住空位冇得入好鼓燥, 裏面食野冇野食又好炆反映一個問題: 呢度嚴重欠缺人手...即使平日未必需要很多員工,, 但假日也可能需要些part-time的...否則嚴重影響reputation...請盡快改善吧

新年食肆大加價, 大家惟有爭先恐後食爭鮮 打正八元一碟的旗號，在百物黱貴的市道，食客頓覺好抵，爭鮮壽司店也就人潮如鯽。門外排著十多人，幸好一人立刻有位。由於人多，坐的不算舒適。侍者帶位後立即給了一張提示紙，寫明限時50 分鐘，真是想食都要快!店面裝潢簡潔， 壽司款式不算多，但大路的如三文魚, 帶子, 中華沙律 蝦和海膽壽司總算都可找到。店子用的是茶包，放在枱上供客人自取，味道普通。說回 壽司吧! 我吃了熟蝦, 北寄貝沙律 壽司、帶子壽司和螺肉壽司，全都新鮮美味。元氣的北寄貝沙律 壽司彈牙，這裡沒有元氣的水準，但尚可接受。帶子壽司味道一般，要鮮味我還是推介元氣。曾經試過所謂杧果布甸,有藥水味, 是取自即食的布甸，不推荐!此店設加一服務費，但卻幾乎沒有服務可言! 添茶取食物也是貴客自理，故大家應視壽司是九元一碟，對比元氣，這裡算很抵吃吧!我認為蓋壽司的透明罩應清潔清潔，因我看見有一些有食物殘留在透明罩上卻仍用來蓋食物，給人不衞生的感覺!