爭鮮迴轉壽司 (偉景樓)

Open Now

Now Closed

今晚與墨丸米小姐難得一聚,便提議到這間壽司店試試,況且大家又未食過又咁平,碟碟八蚊,試下又何妨呢!不過用餐時間只得50分鐘,對於我地食得比較慢的人來說有點趕急入到去原來都可以坐好多人,那些酸薑,哇沙比就放在迴轉枱上,但迴轉速度比想像中快,如猶疑一陣,那些食物已經拿不到了款式雖然不多,但勝在想食的都有感覺新鮮,味道都算可以,不過壽司飯比較遜色,可能價錢平所以要求並不高值得一讚係芒果布丁,有好香芒果味,而且夠彈,食落好滑,還有椰果,好有口感

2010-08-09@ 响附近返工已經3年,因為呢卧消費貴,一般都係帶飯多。今日冇帶飯,結果就走出去「搵食」地方唔逼、大大隻字「,碟碟$8」；可是只限50分鐘用膳時間(對我哋打工仔嚟講ok喇，50分鐘夠晒,分分鐘有多添^^款式都算多，無論刺身定壽司都係碟碟$8 = 壽司,除「花之戀」之外，每碟都係兩件起；刺身除咗「甜蝦」多是三件」...一分錢一分貨! oki喇...此外，$8一碟,或許大家都以為比較無選擇,較隨意，但呢度款式一點也不馬虎，用料新鮮：好似三文魚，北寄貝刺身都可以係唔錯嘅選擇；軍艦壽司材料都好豐富，好多款式；如果你係食新鮮帶子壽司同海膽壽司朋友，更超值喇，可以用一個咁經濟價錢（$8兩件) 食到呢兩款平日較高價的壽司,一定物超所值!

趁今日無帶lunch,決定去會一會你先！真好彩完全唔使等位，不過坐落後先知要45分鐘內離坐首先，茶就真係差，我已下2個茶包，但完全無味，到試下D薑片唔可以講話好食只可以講係OK。蝦X1 - 正常帶子X2 - 新鮮好食，同埋絕對比想像中厚，我覺得質素好過好多平價連鎖店，不過就真係等咗好耐先出同埋一次出3 -4 碟，如果唔係坐近出菜位都幾難食到北寄貝X1 - 大片好食希靈魚X1 - 正常赤貝X1 - 嘩！真係等到頸都長先等到，因我朋友極力推介，點知、、、、唉一個字'差'因食嘅時候已經覺得不新鮮，我相信係原材料嘅問題因我是看見佢由雪柜拿出來的，總之就係失望平心而論，以咁嘅價錢有咁嘅質素，其實已經算不錯，本人覺得是合格的

係淘大發現了這間店開張了幾日,係出面有十多人排緊隊~$8一碟咁平,又有迴轉,就試下啦排了大約五分鐘,就入得去坐囉~記得這裡上一手是"上海坊",地方都好大呢~坐低後,拎個茶包沖下先~點知比我發現o左這裡的茶包不是綠茶,味道係鐵觀音......呆了.......壽司只有迴轉帶上拎,並無得另外order~壽司都算ok,~服務就爭d啦~

今次係我一星期內幫親的第2次壽司店第一次去感覺幾好...算係咁上吓..8蚊碟..又有三文魚子,玻璃蝦,帶子,海膽.貴價嘢...就算食50分鐘其實都好足夠....2個人21碟..超級滿足...相比板X,當然唔可以相比..因為佢淨係食壽司..所以我好明白....但當第2次再去就感覺就一般了...因為我食5到我想食的三文魚子,牡丹蝦,綠茶糯米糍...我為有等..等..等咗10分鐘...4個人得1碟三文魚子點份呀一人一粒咩...牡丹蝦要等成25分鐘才見到一千零一隻...直到走..都係得一隻..好可息我有同個店員講..但佢淨係幫我叫咗糯米糍...其餘得個等..望住條迴轉帶等到想Zzzzzzzz..有D放得太內的壽司..其實再放係到今本都5新鮮啦....不如到一個時間收回.放回雪櫃先..之後再放過出來..一來可以放D新嘢比人選擇下..唔洗不段食Li啲款呀可以加D新食物..例如冷麵及鳥冬,細細碗..唔知A區同B區係咪有5同啦..我走時侯見到A區有我想食嘅嘢囉....好火..點解B區無呀?????點解...好希望下次再幫嚫5係咁啦..因為好唔公平...我都係比錢入來食...但食5到公平的食物..好可息

見佢甘平都做好左心理準備不過出到離係比預期中更差 !!!!!!!!我當時好肚餓 但都覺得好難食!!!迴轉好睇你坐邊 坐得遠根本冇啖好食先講飯大大舊 唔軟熟 冇醋味 唔似珍珠米 好似濕濕地既冷飯紫菜唔惦 塊青瓜唔知擺左幾耐 甜蝦好膠!!基本上得三文魚刺身 魚子 食得下 (因為本身呢兩樣唔會難食得去邊)仲有個 wasabi 隻味好怪去 Supermarket 買個啲都好食過呢度多多聲 !!

7月頭2個星期，大家因有任務而不能相見，於是組員便提議到他家附近的壽司店來個小聚，順便光顧這新開張：每碟$4的壽司！剛去到見到極長的人龍，最初還以為是在等待小巴，一問之下才得悉都是來吃壽司的！差不多有100幾個人在輪候，天啊！我們最後等了近90分鐘才進去了店子中，店員幫我們寫桌號，限時50min，不過我們都沒多理會，全部人雙眼都盯著輸送帶上的sushi，一有喜歡的就拿下，這才是吃迴轉sushi的過癮之處嘛~在我們的位置，能清楚看到每件sushi都是由師傅逐件逐件手握出來的，而且輸送帶上沒有一絲空隙，還差點迫爆，這樣只是$4蚊碟，叫人怎能不瘋狂呢？！先來的當然是三文魚sushi，他的飯不會太大舊，而且三文魚很新鮮，每啖都可吃到他的鮮甜和爽口的口感，正！接著就是花之戀，三文魚同樣新鮮，不過沙拉醬和蟹籽就少了點，不太夠~赤貝sushi也很美味，非常爽口，吃到他的鮮甜，很滿足！還有不少人喜愛的帶子，雖然沒有珍寶級的大，但他絕不細小，沾上醬油他的鮮味完全被提升出來，軟稔中帶有爽，正！再來就是魚sushi，朋友說這個好吃，他還吃了2碟，應該okay的之後我還吃了玻璃蝦sushi，不過吃完舌頭有點癢

聽說台灣出名價廉物美的爭鮮壽司店開始攻入香港，便趁機會去嘗嘗吧~全場不論好醜，都是$8一碟，品種還算不少，用料對得起價錢，先講講環境..幾乾淨幾企理...位同位之間仲有分隔...另外會有個盒仔比你裝垃圾...佢之後會一次過倒...唔洗成台都係~再講味道...d料對得起價錢啦...幾新鮮...當然唔係話好到好好啦...但絕對物超所值...起碼$8碟有海膽蝦壽司食到仲要好味~之後到服務...d人好似大部份都係台灣人...幾有禮貌...一叫就到..見係食完即刻過黎幫你收走隻碟...算係咁啦~總括來說真的很不錯了~

是日途徑有關地段 看見價錢便宜而且候位時間只約5mins 實是假日上佳選擇入店與女友午餐 結賬14碟, $123元推介是三文魚,玻璃蝦及各式軍艦其實其他食物也不賴,只要唔好抱太大要求, 只求8蚊碟與價錢掛鈎, 便已做得不錯了可一食無妨當然要求是食物質素為先的話, 區內亦有其他板x可選

爭鮮 我第一次見係係葵芳見到的 ..只係知道係台灣的SUSHI 店 .. (美眉代言)板長已經有好多熟客仔係到竟然會係九龍灣開分店 .. 真係好勇敢開店頭4日有半價 (店店$4)就算知道要排成個幾鍾都要去試下入去既時候會同你講得50分鐘食同埋入面店長同埋廚房既都係台灣人黎嫁~~ 同HK 既唔同.. 唔會有紙俾你寫全部都係晒SUSHI BAR到原價$8一碟.. 均一價 ..刺身有甜蝦5隻 三文魚 3塊壽司都係一般個D有芒果布甸有三文魚麵豉湯 (呢個要同佢講)我覺得 如果$4 就幾抵食 ..但係$ 8 就可以一試ONLY ..因為真係一般貨仔 .. 又祗係得50分鐘講真 ..不如去JASCO 買仲好~

放工諗住買少少嘢食來加今晚餐餸,見經開爭鮮,便順手買ｄ魚生,平平地嘛2X 三文魚剌身1X 油甘魚剌身1X 北寄貝剌身3X 吞拿魚剌身整體來說魚生也尚算新鮮,沒有奇怪的味道,係一般放題式嘅水準,吞拿魚起碼沒筋,敗筆之處係舖在魚生下的蘿蔔絲吸收左不少血水這大概可能因為解凍程序不良?或是從迴轉帶上不知走了多少個彎才被人捉拿入盒?外賣包裝不是醬料的問題, 而是無論買的是魚生還是壽司，都只是分配一種統一size的頂底蓋盒子，故此我收到的是一盒裝滿4sets剌身另加一盒3sets剌身配一個突兀的大洞，沒問題，可是放了食品後只是隨便蓋上蓋，但是那個蓋並不是可以緊扣底盤的,卻沒有貼上膠紙或扎上橡筋，再用街市買菜那類oversize的背心袋來包裹份外買最後我得用雙手小心地奉著外買回家，深怕那些剌身小姐在那個大大的外買袋裹跟外賣盒先生及其他同伴一起翻雲覆雨....到時真係冇眼睇囖我諗下次都係堂食算啦，如果有時間等位嘅話...P.S.:個職員話個芒果布甸短期內都冇貨返

夜晚八點幾九點黎，唔駛排好耐隊。條迴轉帶都幾長，不過原來係分開既，o係入面轉既野食比近門口既少！走時見到有北寄貝、希靈魚，都係D冇o係我坐o個度轉過的。試左以下幾款壽司：三文魚：都算新鮮，飯比較大舊，好飽肚。帶子：試左一碟，唔好食，食唔到帶子味，好彩舊帶子係好細舊。燒三文魚：味道麻麻蝦：夠凍，比較好味之後都差唔多食夠，就坐一陣，睇下迴轉帶上既食物，有好多驚喜：白灼蝦：壽司店竟然都有白灼蝦食！一碟有四至五隻左右，仲有款係剝左殼！任君選擇！軍艦壽司：款式竟然同明將如出一轍！有粟米軍艦、三文魚沙律、肉鬆軍艦等等真係見到都飽，所以都無食到。諗左一陣俾OK定喊，最後都係俾喊，因為真係食一次就夠！

見到四蚊碟, 從未以這個價錢食到一碟壽司, 當然要去試試, 不過, 已有心理準備要大排長龍, 去到差唔多六點九, 排了一陣, 已見有一位哥哥截龍, 咁又係嘅, 唔截龍, 可能通宵都有人排, 差不多九點半才有位入, 立刻取幾碟壽司吃, 可能臨收鋪, 有些款式已賣完, 但一般大路的都有得吃, 海膽都吃到一碟, 很鮮甜, 壽司飯比較大件, 而且只有少量醋, 好像不太夠味, 其他魚生都很新鮮, 又不會切到薄一薄, 就算以原價八蚊碟, 都很扺吃, 但不太適合要求高人士, 因佢比超級市場那些好, 但又不及一般大型壽司店, 可謂比上不足, 比下有餘, 此店真的由台灣人主理, 所有管理層都是台灣人, 幾特別, 如果不想用以太多金錢又想吃到壽司, 此店是一個非常好的選擇

8蚊1碟毫無疑問係好抵，但由於迴轉帶既關係，每次出d好野或者新鮮既野，頭位總係會搶晒，到中尾就唔會食得到講返味道方面，大致上都唔錯，同朋友兩個人只係食左十五碟，唔係我地細食，而係我地坐著個尾位.....十五碟壽司包括甘蝦刺身-唔值，8蚊得5隻....又唔係特別鮮三文魚壽司x2-唔錯，數量多，要搵碟靚仔既都好易三文魚籽壽司x2-8蚊既價錢有三文魚籽，絕對係最抵，但唔好祈望好似日本d居食屋咁正，放題既級數啦醋青魚壽司-唔多得，似咸魚多d北寄貝壽司-唔錯，食得過龍蝦沙律壽司-算可以蟹籽壽司-又係一個好食既選擇，不過d紫菜淋晒，但係都預左，因為迴轉一定放左一段小時間赤貝壽司-中規中矩，可食可唔食仲有5款唔係好記得，但大家記住8蚊一碟，唔好諗住去到稻菊既級數，我覺得抵食啦

根據宣傳單張上，呢間店標榜向臺灣分店多，價錢平係佢地市場方位新張期間碟碟均一價推廣: 28/6 - 1/7/2010, 4蚊碟, 限時50分鐘, 人齊方可攞枱, 10:30pm截單, 不包括以下服務-->order壽司, 外買, 派籌等叫號碼下午六點二十分去到排隊: 漁米之家燈位再要屈向山方向下午九點五十五分入坐(若果冇咩有空閒時間的家人幫你車輪轉去排, 請諗清楚值唔值得咁嘥時間, 或者等優惠期完結先去, 雖然附近大快活對面DHC有免費按摩椅坐)魚生主力都係大路貨: 三文吞拿都很新鮮, 海膽三文魚籽供應量少味道還可以, 冇咩特式食材係真嘅, 估佢唔到它的甜品當然冇後面金滿堂咁專業但蒟蒻芒果布甸, creamy水晶包真係幾好味架食24碟盛惠$106蚊, 唔好要求咁多啦