鮨樂 (業豐大廈)

Open Now

Now Closed

咁岩行過見到呢間日式餐廳新開張，所以下午3點幾都照入去試下新野！餐廳有2層，下面一層係立食，可以企係度一邊睇師傅準備美食，一邊食😂環境幾靚，店員態度都好親切！食材都好新鮮～往樓上～～不過我一條友就留在下面快食啦師傅好認真咁幫我整緊火灸sushi!!!仲送左碗麵鼓湯我飲～～簡單咁叫左玉子燒，火灸三文魚腩同埋北寄貝壽司～勁新鮮勁好味！好鬼正！另外叫左個烏冬食下～下次有機會再黎試埋其他魚生至得🤤🤤因為好抵食～推介！！

咁岩經過見到佢試業，係樂想食壽司🍣心情下緊係試一試選擇唔算多不過正路野都會有。店員禮物幾好， 一埋去order完就比湯比沙律我點左幾件壽司同海膽軍艦😍😍😍佢個海膽軍艦好靚呀和牛壽司都好味件拖羅都令我好滿足😋😋😋

其實不論立食定坐响度食，香港人一定試過不少。講到試新嘢，呢間立食只開了一星期，最好的，😎一定係新開時。本來打算去第度食，所以求其叫了一個八件套餐，先有沙律🥗，好味到汁都飲埋，然後就開動嘞夾起舊舊都好大舊，被咁厚咁大塊，蓋住相對弱質纖纖的有味飯（我覺得個飯汁可以濃多少少🤏，實多些少）；刺身非常嫩滑新鮮柔軟，儘管咁厚（不過我覺得一D鮮味重D，一D鮮味太淡，可能擺位個次序可以調動下）整體一定好過哂D食丼，迴轉，乜都有D嘅店，都係上上之選。最後飲埋湯（當時已經好飽，好彩立食，否則會好眼瞓🥱，好難起身），🥢筷子來回於湯中都無野，如豆腐丁，海藻等🧐⋯⋯一飲真係不得了，好濃厚的湯，好鮮味，店員話用了很多魚骨R個湯，並唔係開粉果D😜等我仲攪攪吓，失禮晒🤣臨走時，見隔離位人客叫咗個全吞拿魚不同料理款式，包括火炙過的，好吸引，大家也可以試試😋個人黎講覺得有D貴，但又咁新鮮🤦🏻‍♀️好矛盾