鮨樂 (業豐大廈)

Open Now

Now Closed

因為太攰嘅關係, 由立食變咗做壽司外賣. 由落order到收到大概30分鐘, 包裝精美, 仲有兩塊乾冰,保持新鮮.點了松壽司盛盒(8件), 有赤身, 油甘魚, 平目魚, 梅真鯛, 深海池魚, 墨魚, 甜蝦, 玉子. 另外點了三文魚同三文魚腩.全部壽司都好新鮮 🍣😊 另外壽司飯都調咗未, 略帶酸, 仲有少少wasabi.價格切合壽司嘅質素, 下次我會去舖體驗立食仲可以試埋其他魚生同壽司. 唯一美中不足嘅係佢哋嘅wasabi只係普通喺超市買壽司附送嘅wasabi, 如果可以改善下就完美了.

good style and concept of restaurant. clean and tight kitchen. however, experienced terrible service during dine-in. staff made mistake and food have delayed more than 30min. I was asking what is going on, but they dont want to fix the problem. just cancel my order without asking if i still i want or not. hope not happen again in future to others.

是日星期六，夏日炎炎，食返啲凍冰冰嘅嘢就最適合。本來想去食omakase，但因為full booking 所以退而求其次，去咗呢間日本立食壽司🍣呢次已經係第2次嚟呢間壽司店啦！我同友人選擇咗食$158+$108嘅壽司盛盒！師傅係你面前整壽司🍣其實同omakase都係差唔多🤣🤣🤣係食之前有個好好味嘅麵豉湯同沙律🤤壽司鮮甜，一啲都唔腥，而且師傅係你面前即整即食，食好嘢永遠都會令人心情愉快嘅🤤🤤🤤

這是我第一次試立食壽司店，本來在外面走了幾個圈，先決定入去食。入到去先發現是立食，都幾有驚喜。我叫左三文魚壽司等，但主要都食刺身。這邊的刺身真的很出色，價錢中等，但質素是非常新鮮！我很喜歡他的三文魚與帆立貝刺身。另外也叫了件鰻魚壽司。那個鰻魚是十分大條的。店內還有個原條海鰻的壽司，今次我沒有試，不過下次應該會。這個價錢，吃的比外面壽司店也好食。而且環境不錯，不過可惜不可坐低，與朋友聊天。但這家店很有回到日本的感覺。很喜歡這邊的刺身！

星期一的晚上蘭桂坊比較靜，飲完嘢，有點兒肚餓，便想起這家立食的曰本餐廳。8:30pm去到，不用等位，好快已可以有位食。朋友點了特上壽司盛8件，$228大大件，好抵食！海膽，三文魚子及碎吞拿魚壽司特別大及是放在大匙羹上，好有睇頭。我便叫了單點的壽司, 我最喜歡大拖羅的肥美。下次一定要試吓燒牛肉壽司。朋友說三文魚腩壽司好滑，好好味！招呼亦很好，會再回去試其他的食物。

第一次試新店，以為只是快食快走的小店，沒有多大期望。但係服務不錯。有禮貎之餘，更會細心解答我的問題。因為第一次去，所以都想了解多些。這裏除了特定的午餐套餐之外，還有單點及是曰推介。有備而來，已經參考了開飯喇的資料，首先點了特上壽司盛盒（8件）。套餐有三文魚壽司，油金魚壽司，甜蝦壽司，帆立貝壽司，吞拿魚壽司，三文魚子壽司，蔥吞拿魚壽司及海膽壽司。壽司的份量都很大，好肥美及新鮮。跟着更點了中拖羅壽司，大拖羅壽司，金木鯛壽司及牡丹蝦壽司。最後跟點了北海道的岩𧐢，雖然去不到日本，但都十分滿足，不錯。

同朋友想係飲野之前食啲嘢，見到呢間新開既立食日本菜。 裝修好新同日本化，空間充足，冷氣好夠😆。 夏天入去冷氣夠既餐廳，仲要食日本菜都唔錯。餐廳有兩層，員工很有禮物地帶我地上一層。 我地揀咗對住師傅😆😆，一路望住佢整，好似好特別。 因為係快食，所以只點左兩件三文魚籽及海膽手卷： 紫菜有啲林左，無咁脆喇。 海膽味道還可以，份量一般。再叫左： 特選北海道丼 （$218）- 帶子，蝦🦐，魚籽都幾新鮮，至於海膽，朋友話可以更好。 所有壽司飯都調左味，略帶酸，其實都幾開胃。員工服務真係好好，茶水常滿😍

在疫情下，不可以到日本只用食物來解愁。初次嘗試立食，由壽司，手卷，魚生，生蠔以上各種款式都沒有失望。特別是生蠔，原本試食一只，但是入口後，立即再叫多一只。至於價錢當然非常抵食啦！魚生點了，拖羅，池魚，帶子和赤貝都非常新鮮。因為中午不感食太多，等下次晚飯再去。店舖還沒有酒牌，如果有的話配埋清酒就完美。吃完一餐美味壽司和魚生，自我感覺好像去了日本!

初嘗立食 環境同服務都比想像中好 立食壽司店有兩層 裝橫走日本風 環境寛敞 食材由日本豐州市場每日直送 保證新鮮 仲可以望住師傅即場整▪️炙燒三文魚腩 $15經炙燒既三文魚腩 好香 入口即融 完全唔需要咀嚼 好重油脂 有鮮味 好想不停encore▪️炙燒佐賀和牛 $42和牛香味充斥口腔 (隔左幾個鐘都陣和牛味) 略嫌和牛有小小筋 唔係入口即化 需要咀嚼▪️本鮪(大拖羅) $48大拖羅真係有小小失望 未能嚐岀拖羅油脂甘香 (朋友覺得中拖羅仲岀色過大拖羅)整體而言 環境同服務唔錯 好值得為炙燒三文魚腩回頭

中午本來打算食拉麵，路過見到雲咸街同老蘭個轉角位開左間新嘅壽司立食店，神推鬼擁下就入去試。店舖都算幾大，有兩層，而且有好多位師傳，且測兩層加埋都7個師傳，我同個同事被安排左上樓上，叫左個標準7件壽司加個玉子燒，同事就叫左個有海膽的8件壽司，價格上都好切合壽司的價錢整體感覺食材都算新鮮，魚生切片都好厚好大塊，而伴蝶的薑片都好好食，酸辣並重。如有需要師傅都好好咁會介紹返有魚生，同理想食用方法。當日人少少，半個鐘就完成左呢餐飯

中環美食如此豐富，要乜有乜，要站住腳確是有難度。眾多美食，怎會沒日本菜的份，日式燒肉、壽喜燒、ShabuShabu、丼飯、發辦等等，那些都是小兒科，但老實以上的日本菜需時有點長，價錢都有點貴，如何有效於一小時內享用最高汁美食，那間中環立食壽司店做到了。店有兩層，下層為立食區，用上日本米及直送食材；午市套餐由百幾蚊起，8件壽司起跳，均送沙律同湯品。心癢癢就即管試試。我才不會亂吃套餐，長期Diet的我不會亂食米飯，當然小試數款食材、壽司、小食，如果可以，下次再吃多幾款，今次就點了兩款刺身、一件壽司同甜蛋。先講講刺身，點了吞拿魚赤身及中吞拿魚腩。為何？因一般而言，赤身易中伏（易多筋又腥），而中吞是我個人最愛（有魚味又有油香；比大吞爾有層次）。一來那兩款刺身樣子真不討好，切口不整齊，肉末都出哂黎，點都好都要食，誰知驚喜般好吃！赤身：有魚味但唔腥，更重要是沒筋的；原來切口是師傅割除了筋腱位置，咁唔會咬唔斷。中吞：很是肥美，魚油香味充滿整個口腔，融在舌尖上的肥肉！好癲呀！到了壽司，點了北海道海膽及自家製玉子。我點海膽只要日本的，品種我唔算講究，但是次次食親韓國、加拿大等都腥臭到極點，點日本比較保險

睇完杜文澤先生嘅介紹, 今日一有時間即刻去試鮨樂! 朝早1130開門，我哋泊低架車行到去大概50分左右到，成為第一位顧客。一入到去已經有manager打招呼歡迎，又冇俾我呢個大香尼嚇親，因為我第一次企喺度食..... Anyway, 上層未開咁就企門口附近食喇.....Lunch set多選擇，最後揀咗特上壽司盛盒（8件）。個set跟埋miso soup & salad, 好飲同好青嫩. 企咗喺度冇幾耐就有多6個客人，企滿曬8個企位. 由最初兩個師傅跟住3個，10分鐘左右頭5件壽司出場....... 鮮！因為好餓所以唔洗5分鐘就處理咗眼前, 消化吓多5分鐘最後為咗呢3件包括魚䰵、碎Tuna & 北海道海膽而order呢個lunch set終於喺眼前. 餐牌個圖同實物大小有啲出入，不過勝在quality好，夠鮮所以算數. 全程唔洗一個鐘，喺中環quick lunch with quality sushi都係一個不錯嘅選擇! (尤其千両已經唔再喺個list...)

這間壽司店可能在日本有主店，類似的很多，味道與香港當然諒解有分別。從他們裝修這間鋪頭一直留意，我是中環人，人24小時候命。這鋪先前是new balance。在之前也不記得，最早是cafe , 有salad ,那時候加州健身室就在旁邊。這間鋪頭的位置很要命的，不超過兩年就關門。期待中環有一間立食壽司。第一次去食就知道來得太早，木枱的味道還充盈滿室，不是他們的錯是我太心急，點了一份壽司定食，當時我包了場，裝修味道太重掩蓋食物的，隔了一段時間今次食特上壽司盛，價格與尖沙咀壽司店差不多，唔可以講失望，就是一個普通的壽司，好處是快速填飽肚。但魚類選擇很少，新鮮度談不上，但以立食角度來說這其實已經算是差的不合格。通常立食壽司店以鮮味吸引顧客。最後一次就是吃了一個井飯，200多元，這也是最後一次，機會已經比盡了。飯少且有醬汁混合，但完全沒有醬油的味道，最可怕是看到師傅拿手機出來在枱下邊按按下，太唔衛生，更不屑一個壽司檯的廚師，門口有女生經常派傳單，三個男廚在地下閑談，完全與客人沒有連接，在這個疫情下，我懇請大家考慮，我就個人意見不會阻住你們嘗試的。

話說睇偶像杜先生係社交平台講完呢間中環新開嘅立食壽司， 我今日下就都走去食試下！一入去，有侍應好禮貌帶左我去上層 ， 上面超大， 招呼超好， 服務搞到我都有啲唔好意思之後就填左剔剔紙， 叫左幾款， 望住師傅即場整， 真係有「呀媽家姐」既感覺， 好正，仲要價錢都算合理我覺得真係要推介呢道個軍艦, 我叫左一個北海道海膽軍艦, 同埋蔥粒吞拿魚腩軍艦, 見到佢到瀉曬出黎真係好治瘉, 好滿足, 真係好好食, 之後仲有吞拿魚同埋大中拖羅, 好正呀, 啲材料好新鮮, 值得一食, 之後師傅仲有送左個麵豉湯, 好貼心, 好味!

上星期經過發現開咗間新立食壽司店， 今日lunch 就試下。 第一道菜沙律應該係免費送的但食到第二三塊 就發現發霉黑色灰色一舊，已經即刻反胃！ 交畀師傅就話唔好意思同你換。。。 都唔會食再比過嘅沙律🙄， 另外送嘅麵豉湯差過酒店自助餐嗰啲。 D 魚完全得個凍，唔新鮮， 啲海膽仲有怪味， 一問師傅逢星期幾返貨 佢就答案逢星期三同五，心諗今日星期二😢真係食到一滴汗😔 總之冇下次！