德美壽司 (新都城中心1期) (Closed)

《街坊之選日式料理🇯🇵》———————————————-#德美壽司🍣-作為將軍澳嘅街坊，點可以冇食過區內最好食嘅日本料理！德美壽司CP值超高， 以街坊價就可以享受到高級日本菜嘅水準👍🏻-呢度嘅選擇非常之多，無論壽司、刺身、鍋物、炸物、串燒、丼飯等等全部都有得叫，十分豐富🎏-🐟北海道魚生丼有香港人最中意嘅三文魚，超過肥美～另外超級抵讚嘅係大隻甜蝦，鮮甜美味，一啲都唔腥。丼飯裏面仲有油甘魚、帶子同大量蟹籽😍-🐮野菜牛肉鍋大雜燴，有齊冬菇。紅蘿蔔、豆腐、金針菇、大蔥同粉絲等等嘅野菜，鍋裡有成十幾塊牛味濃郁嘅肥牛，抵食夾大件！壽喜燒味嘅甜味配埋日本蛋黃，無得輸呀😆-Dinner set 跟餐包哂前菜沙律、味增湯同甜品蕨餅，份量十足，抵食到爛😝-⭐ 參考價錢︰北海道魚生丼：$138野菜牛肉鍋：$94🍌 抵deal 指數：8/10💰 人均消費：$130

探朋友去到寶琳, 發現左由尖沙咀開到入將軍澳的德美, 就決定買壽司去朋友屋企一齊食.  店舖唔算好大, 但食物款式包羅萬有, 魚生, 壽司, 小卷手卷, 丼物, 沙律, 前菜, 楊物, 天婦羅, 燒物, 串燒, 一品料理, 鍋物, 飯麵等. 點左三文魚, 油甘魚, 北寄貝壽司, 加州卷及鐵火卷, 上到朋友屋企一樣新鮮, 感覺在店內堂食無咩分別, 加州卷內的蛋及牛油果新鮮無比, 鐵火卷內既吞拿魚同飯比例完美, 即系吞拿魚份量比飯還大, 好正! 三文魚, 油甘魚壽司係厚切加啖啖新鮮, 仲有爽甜北寄貝. 又要諗定下次再食

放工想買d高質的壽司回家慢慢嘆👍🏻第一時間就諗起德美壽司🍣呢度壽司食材算新鮮德美分店有幾間~不過只係去過tko ~貪佢近mtr方便💜海膽軍艦$65🍣❤️熟花竹蝦壽司$42(印象記得堂食的花竹蝦係大隻d的)肉質有咬口較彈性👍🏻🧡帆立貝壽司$38😋好大粒帆立貝，而且味道鮮甜💙日本吞拿魚壽司$63~肥美的吞拿魚入口溶化雖然價錢比平時壽司貴d~但一分錢一分貨間唔中來食下都唔錯。。。。。。

-德美壽司🍽-🥢德美特選海鮮丼 $168Set dinner其實幾抵食跟餐仲送沙律/麵豉湯/甜品😆沙律🥗有驚喜因為配左麵包糠仲有粒帶子好Fresh😋第一次食就揀人氣丼飯試下😉有三文魚/海膽/熟蝦/蟹柳/帶子/油甘魚等等重點佢有舊自家德美熟蛋😂刺身就不過不失三文魚勁厚切好滿足😍如果個蝦係蝦刺身而唔係熟蝦會Match D因為食魚生丼都係想食刺身多過熟食🤣-🥢天婦羅烏冬定食 $88天婦羅要盡快食因為小編慢慢享受既時候佢個炸粉林得好快冇左一開始脆卜卜效果🤣天婦羅有蝦🍤蕃薯🍠茄子🍆南瓜🎃同菇都叫應有貼有🤣-🌟評分:🏅🏅🏅🏅

要講到香港數一數二嘅好食壽司，一定係得美壽司！街坊嘅價錢可以食到日本高級壽司嘅質素🤩👅每次嚟到人氣都好高，出邊已經有好多人排晒隊，所以一定要早啲嚟啊，但依度雖然好多人，但係服務態度都依然不變，職員嘅態度都係好好😛價錢仲要超抵，嘢食勁好味！我叫咗一個豚肉羌燒定食 都只係$78超級抵！師傅落足了，豚肉份量勁多，仲要每一塊肉質鮮嫩，絕對高質💕另外仲有一個沙律同埋味增湯另外仲叫咗一個天婦羅烏冬$88活動都係高水準嘅發揮，天婦羅蝦味好香，烏冬都好彈牙最後叫咗一個楊風鰻魚班cake$61十級推介！咁平嘅價錢仲要有四大嚿😆 本身冇咩期望，但係一放入口真係超級好味就好，愛情有班cake，裏面有牛油果、好大塊嘅鰻魚、同埋白蘿蔔，仲有蟹子同埋芝士屎味道超級夾🤩

對將軍澳並不太熟悉，而呢間『德美壽司』係早排到『寶康公園』觀花時發現嘅，今日約咗寶琳嘅朋友就來幫襯了。『活鰻魚朴葉飯定食』配有沙律，味噌湯，沙律中竟然發現有一粒幾大粒帶子，有些少驚喜，和朋友討論是真嘢或人造都没有定論，想問店員又驚騷擾到人，都係下次再來試真啲。鰻魚好厚肉肥美，亦都好大件，以108嘅價錢可以話係超值，咁好味是否因『活鰻魚』之故呢?『天婦羅烏冬』天婦羅有大蝦一隻，仲有菇，茄子，南瓜，蕃薯，蝦真係大隻，粉又唔多，食得到鮮甜味而且好彈牙，而烏冬亦好高質，有質感。『北寄貝壽司』是今晚唯一的壽司，的的色色，北寄貝依然係我鍾意的味道。而呢餐最後的驚喜係有甜品送。

今日再次係到食飯，套餐有麵豉湯，沙律，主菜同甜品，一定夠飽。 三色魚生丼呢個三色丼好抵食，大大碗而且配料夠多，三文魚夠厚身又有鮮味，帆立貝彈牙而且冇雪味，另外仲有一款刺身都好新鮮！同時仲有流心蛋同蟹籽，整體好高質同夠哂鮮味。 安格斯牛扒定食牛扒煎得好靚而且肉汁鮮嫩牛味又濃，加上少少沙律醬一齊食，整體已經好高質。牛扒本身肥瘦均勻，牛脂好香，送飯一流！鍾意食牛既一定要試下，真係拍得住中環個啲日式料理店架！

今日同妹妹食晚飯，原來新都城都有德美壽司，一於去試吓！雖然有二人餐，仲有晩市套餐添，價錢較為相宜，但我地好想散叫好好惠勞自己再加一個晚市套餐！豚肉生羌燒定食性價高超高$78 包埋麵豉湯，沙律，份量多味美味，食到停唔到口！加州卷雖然用料同其他壽司店差唔多，但可見其用心，係青瓜，所有青瓜係切成好幼嘅絲，仲有牛油果條，令加州卷的口感很豐富，每款配料食感層次很分明。牛肉壽喜燒牛肉煮得嫩滑配上滑蛋，用料豐富，送飯一流。免治雞肉串燒燒得焦香，免治雞肉帯有粒粒雞軟骨，正！

之前食過尖沙咀分店，今日行過寶琳發現原來將軍澳都有分店，於是就入黎試下個晚餐~入到去以電子落單，又方便又快捷~安格斯牛扒定食晚餐SET包麵豉湯、沙律、主食同甜品~選擇都幾多。首先麵豉湯同沙律到先，估唔到沙律都會有帆立貝，雖然細細隻，但都有驚喜到~沙律細細但可以為一餐補充纖維、清清地幾好~用電子落單仲可以自己入d特別要求~例如沙律走醬~安格斯牛扒切件上，超級方便~唔駛自己切，熟成度亦唔錯，唔會太生亦唔係太熟變韌~最欣賞佢個醬汁，調得好惹味~送飯一流!三色魚生丼三色魚生丼既魚生超新鮮~每片都大大塊完全唔吝嗇!而且厚度足，所以食落口好有滿足感~醋飯做得黏口，同一啖食塊魚生再加啖飯，真係有番左日本既感覺!最後甜品係細細粒既蕨餅~係我最鍾意既!黃豆粉鋪滿蕨餅表面，一口size食得滿足又冇罪惡感~~正到暈!

德美壽司已經好耐無食過啦😭，係寶琳都相當有人氣，今日就同朋友再去嘆番個日式晚餐啦🥳。而呢度所有嘅晚市套餐都會跟沙律🥗、味增湯同甜品架😛。。安格斯牛扒定食 $118今次都係第一次食呢度嘅安格斯牛扒😗，肉質同味道都好正❤️，而且仲有好多片，夠曬食😋。牛扒除左本身嘅醬汁亦有提供蛋黃醬，食落又有另一番風味😜。。活鰻魚朴葉飯定食 $108鰻魚飯上菜嘅時候用朴葉包住😆，幾特別，而且朴葉本身嘅香氣都會增添個鰻魚飯嘅味道🤤。而呢度嘅鰻魚保持一流水準，又肥美有大件💕。

今日收工約咗朋友係將軍澳食晚餐呢間壽司店之前都聽過食物質素唔錯原本以為好多人，去到唔使排隊就有得入～正餐廳環境都幾舒適，乾淨整潔，食落安心好多我地收工已經好肚餓，二話不說點左成台都係嘢食😂鰻魚飯鰻魚大大條好抵食，肉質嫩滑肥美，入口即溶配合燒汁，鮮甜入味，甜度啱啱好牛扒朋友鍾意食扒，於是乎嘗試下係壽司店食扒，又出乎預料之外地好食牛扒一啲都唔韌，juicy多汁，熟度啱啱好煮法同西餐有分別，加左好多洋蔥同蒜頭所以煎出黎嚟嘅牛扒更加香燒牛舌牛舌香味四溢，肉質爽脆鵝肝入口即溶，不會覺得太過油膩鵝肝香味濃郁，令人想encore再encore~總結呢間壽司店食物質素都唔錯，最緊要價錢合理，唔會太貴，我會再幫襯～

.#哈比四圍食 #🥢 煎鵝肝帶子卷 $84見到呢個配搭諗都唔諗即刻叫咗先😆因為鵝肝同帶子都正，同埋呢個配搭都係第一次😆每件都係大大件嘅卷物，裏面係煎得好香嘅鵝肝一啲都唔腥仲好軟滑，外面係超新鮮嘅帶子，一入口就感覺到冰涼嘅帶子同埋溫暖嘅鵝肝😋🍣 另外叫咗幾款手握壽司，都好大件下，熟花竹蝦$42 兩件，大大隻又爽口，帆立貝$38兩件，又大粒又厚身嘅帶子好鮮甜，真鯛$50兩件呢度大約食咗二百幾蚊左右，魚生嘅質素都算係高質嘅，食物選擇都好多，唔太鍾意食生嘢嘅朋友，都有其他鍋物、小食、天婦羅呢啲選擇，一大班朋友或者一家人嚟食都可以滿足到大家嘅要求😁

將軍澳、尖沙咀這兩家都是最常去的店，餐廳供應的都是有質素的日本料理。銀鱈魚西京燒定食西京燒銀鱈魚是最佳的配搭，醬汁甜甜的，魚塊經烤烘過，肉質鮮甜，彈牙。晚餐定食還有麵豉湯、沙律及甜品。加州卷四個大大的卷物壽司，材料夾著青瓜、蟹柳、牛油果，飯面黏滿很多蟹籽，上面有美乃滋沙拉醬加添調味。綠茶冷麵蕎麥麵健康，綠茶味不太突出，所以嚐不到綠茶味。蘸上山葵、灑上蔥花及沾上蕎麥麵的醬汁，吃完冷麵整個人都透心涼。最後甜品附送綠茶蕨餅，蕨餅口感軟糯煙韌，佈滿綠茶粉，且帶苦澀。

good good good😀😀😀終於放寬晚市堂食時間, 和朋友來到寶琳買電器, 不知不覺到了晚飯時間。 尖沙咀德美壽司 喺呢邊都有分店 。本來諗住可以堂食， 但是餐廳受歡迎， 可能都要輪候半小時以上才有座位。好彩朋友住喺附近，可以 繼續外賣回家品嘗。加州卷性價比很高的加州卷， 份量巨大 用料厚實， 外層鋪滿了卜卜脆飛魚子， 中間緊緊地包著蟹柳、甜蛋、及大量青瓜絲， 米飯質地煙韌， 黏度適中😋😋牛油果軟殼蟹卷朋友最愛吃軟殼蟹， 卷物餡料的軟殼蟹分量不少， 天婦羅粉漿輕薄鬆脆。牛油果creamy軟滑, 加上配搭了 生菜絲平衡油膩的感。便當三段 炸雞、刺身、牛肉烏冬一次過滿足三個願望， 炸雞熱辣辣卜卜脆， 最鍾意就係德美的甜蛋， 厚身又嫩滑， 刺身嘅份量都唔少。 牛肉烏冬就比較細碗， 但係三樣嘢夾埋一齊都好夠飽。 餐 包沙律菜同埋餐湯 都係88蚊。

今日去將軍澳買野，之後一個人就去新都城搵野食，超鍾意食日本野的我，晚餐就揀咗，之前食過的餐廳「德美壽司」。 櫻蝦帶子雜菜餅天婦羅薄薄粉漿，包裹帶子、南瓜、蕃薯、雜菜等，炸至金黃色，入口帶有南瓜、蕃薯的清甜味，香脆可口，蘸以醬油和蘿蔔蓉調成的汁，提升味道之餘，又可減低油膩感德美海膽魚生丼定食，包沙律、麵豉湯 魚生丼的刺身非常豐富，有口感細膩、清甜的海膽，鮮甜厚切油甘魚，油花豐富的三文魚，爽口彈牙的熟蝦，清甜帶子，咸咸香香的三文魚籽，粒粒脆口的飛魚籽，蟹柳，招牌德美玉子等。除刺身美味外，德美的米飯又真是非常推介，醬油、醋，撈入米飯，再配上香菇、昆布和芝麻，入口酸酸甜甜，米飯粒粒分明、軟糯，單單米飯的味道都非常豐富。 最後推介的係甜品～綠茶蕨餅，小小一塊，配上甜甜埸綠豆粉，入口甜甜煙韌，非常滿足。