德美壽司 (新都城中心1期) (Closed)

都食過德美好幾次，品質一向都咁穩定 咁有保證今日去食午市，試下佢其他魚生飯餐廳要自助㩒飛攞位，唔洗5分鐘已經有位，侍應叫左我地坐新裝修好嘅區域，環境都好乾淨光猛，坐落好舒服我叫左個北海三色丼飯，有三文魚、油甘魚同帶子，未上主菜前店員先送上沙律，相比以前少左塊煙三文魚，但味道一樣好食，夠開胃無耐魚生飯就上枱，賣相吸引，魚生滿滿蓋過飯面，未食都已經流曬口水，不得不提佢啲壽司飯 係有加味素同香菇落去整，所以係好香，我清曬每一粒飯食完店員就送上芒果布甸，為呢餐飯劃上美味嘅句號

我係德美壽司🍣嘅忠實食客，魚生水準keep得非常好，餐廳用QR Code落單，環保又方便👍🏻晚市定食𝐶𝑃值好高，包埋前菜帶子沙律🥗、味噌湯同埋甜品蕨餅🍮今次係黃豆粉蕨餅，綿軟而且甜度適中～⠀⠀⠀⠀⠀⠀⠀⠀🥢燒鯖魚飯定食👉🏻$76鯖魚燒得好香，魚肉嫩滑魚骨好軟，加埋檸檬汁、蘿蔔泥同日式醬汁更好鮮味，最正係珍珠飯，非常軟糯有口感，米飯加入左壽司醋，配搭燒魚一流👍🏻⠀⠀⠀⠀⠀⠀⠀⠀🥢北海道魚生丼 👉🏻$140魚生一如既往新鮮肥美，最欣賞係甜蝦，真係勁甜🥰，蝦肉有彈性，我連蝦🦐頭汁都唔放過🤣，有好多蝦膏！魚生丼有四款刺身～油甘魚、三文魚、甜蝦、同埋帆立貝，仲有大量蟹籽響上面，堅係抵食😎丼飯既珍珠米加左啲菇去煲，夠曬香😌

我地8位去食咁啱比左間房我地😍但係可能服務員好少入房 竟然撞咗落對門度兩次 好陰公😖 不過有間房環境的確好好❤️ 洋風鰻魚班戟（$62）呢個真係超級欣賞❤️ 軟綿綿嘅班戟包住大大舊鰻魚 再加沙律醬同水果🤤 全部野睇落都唔夾 但係食落又好正 口感好豐富🤩士多啤梨汁鐵板鵝肝（$80）其實唔係好食到士多啤梨味 但係又食到鵝肝同多士之間夾咗一層香甜味😍 係會提升左個味道 我剛亦都入口即溶 十分之香 連埋脆脆的多士一齊食真係好正😋牛油果軟殼蟹卷（$83）軟殼蟹超級大舊！除咗壽司中間嘅軟殼蟹 旁邊仲有兩舊大嘅軟殼蟹🤩🤩 炸得好香脆！食落口好滿足🥰🥰芝士鰻魚卷（$66）煎鵝肝帶子卷（$86）而呢兩個卷比起軟殼蟹卷就略為失色～芝士鰻魚卷唔係好食到鰻魚味 而鵝肝帶子卷都唔係好食到鵝肝味😟 好似互相制衡左咁😅德美海膽魚生飯（$172）價錢來講呢個都幾抵食😉大大碗魚生飯仲配埋湯同沙律 而且有咁多款刺身😍😍 刺身都好新鮮 仲好豐富 啱晒咩都想食啲嘅朋友😂汁燒魷魚筒（$72）由於燒得好入味 有保持到口感 軟身得來又有咬口🤤 醬汁都好香濃 配搭得好好～蟹肉忌廉薯餅（$57）好大嚿嘅薯餅 真係食半個都飽🤗 而且好重忌廉

來到將軍澳， 見到德美壽司又係大排長龍， 梗係要入去試一試佢啦。排左一陣之後， 終於可以享受一個人嘅男人的浪漫，店員安排咗我坐吧台， 令我可以睇倒廚師們認真嘅工作同埋食物既新鮮。餐廳乾淨不在話下，服務亦非常之有禮貌。叫左個北海道魚生丼定食 140蚊好多唔同類型既魚生，重點係全部都好新鮮。仲有佢既飯唔係普通壽司醋飯，仲有混入香菇之類既野，好好味。之後我再點左原條燒鰻魚 完全食得出呢間壽司店既功架，鰻魚燒到外香內軟，再夾埋d飯，真係食唔停口。最後試埋佢極厚既大鵝肝壽司，食餐飯既層次提升左去另一個世界。

將軍澳新都城中心地下有一間食壽司同埋日本定食嘅德美壽司餐廳。今日係星期一，去到都坐滿曬客人，全因為好食同抵食囉。今晚想食壽司又想食烏冬，所以就叫左個價值171元的壽司烏冬定食。套餐的壽司有三文魚壽司，吞拿魚壽司，油甘魚壽司，都是大大件，又新鮮，一D都無腥味，仲有一件大大粒嘅帶子壽司，同埋一件大大粒嘅魚子壽司，唔大食嘅人食曬啲壽司都飽喇，套餐仲有一碗嫩牛肉滑烏冬，分量不太多，味道好，對我嚟講就非常之合適。套餐仲配有素沙律，味噌湯同埋煙煙韌韌嘅綠茶蕨餅，好有日本風味，讚！再叫咗個88元的天婦羅烏冬定食，天婦羅炸得幾脆，有只大大的蝦和茄子🍆冬菇，番薯🍠，定食有一碗好大嘅拉麵，裏面有隻溫泉蛋，味道清清淡淡，適合愛清淡食物的我。德美壽司是一家性價比頗高的餐廳，餐廳環境舒適，有機會再來試試。

哩間日式餐廳已經唔係第一次食，諗唔到食咩，又想食日本野既時候，都會揀佢，因為佢既性價比真係幾高，今日屋企冇飯食，所以放工之後我就自己走左嚟食。寶琳哩間分店成日都爆滿，大家想食都要早啲嚟，今次我就揀左坐吧枱前面。餐廳係用QR Code電子落單既，環保又方便。而且壽司師傅好細心，會預先問你壽司入面需唔需要放Wasabi，今次就揀左一個壽司盛盒，其實我每次黎都係揀哩個🤣🍣壽司盛盒 美 $218包括吞拿魚、油甘魚、三文魚、池魚、帆立貝、熟花竹蝦、三文魚子、鰻魚、拖羅茸卷同玉子。吞拿魚係厚切，完全無筋，非常肥美，咬兩下就接近半溶；油甘魚大塊厚切，入口充滿魚油香；三文魚係近三文魚腩既部份，新鮮肥美；池魚加左蔥花係面，癖走左啲腥味；帆立貝大粒鮮甜；熟花竹蝦非常彈牙；三文魚子新鮮大粒，份量好多，一咬落去充滿油香；鰻魚有炙燒過既香氣；拖羅茸卷加左芝麻係面，所以食落有芝麻香；而印上德字同美字既玉子好甜，亦好有特色。🍵綠茶蕨餅，質感綿軟煙韌，甜度適中，都幾好食！整體黎講，哩間壽司店既食材新鮮，價錢相宜，小編已經唔係第一次黎食，難得既係每一次黎食都唔會失望，絕對係值得一訪再訪既壽司店。

< 德美壽司 > 📍寶琳好耐之前食過呢間高質日本野 今次試下佢地嘅二人晚餐 份量好多 性價比好高🤣精選二人會席 $328 加一🥗沙律好大碗胡麻沙律🥗 有四舊甜蕃茄🍅 好多沙律菜同粟米粒 整體黎講幾開胃😆 前菜係蒜味螺肉 都幾大碟 唔會好多醬 螺肉大粒 鮮甜爽脆😋🍣壽司/刺身油甘魚好厚身 肉質嫩滑 好味😋刺身有四片三文魚 每片都係大塊厚切 三文魚魚香味濃 油脂感重🥰🍤什錦天婦羅有大蝦、冬菇、蕃薯、茄子同南瓜天婦羅🍤 炸衣好薄 大蝦爽口 唔錯😆🥩野菜牛肉鍋牛肉份量大約有七、八塊 每件都好嫩滑😛 另外仲有豆腐、紹菜、洋蔥同冬粉 索晒壽喜燒湯好正😛💛日式炒飯可以揀炒飯或者牛肉烏冬 炒飯用石鍋上 上面鋪滿木魚絲 炒得好香🤤🤤🍮甜品甜品係綠茶蔌餅 好煙韌 蔌餅沾滿綠茶粉💚💚📌將軍澳貿業路8號新都城中心1期地下99-100號舖

📍 德美壽司 Sushi Tokumi📍 將軍澳 • 新都城中心1期地下99-100號舖-這天跟朋友說起晚上會去將軍澳吃壽司，他一來就問「是德美嗎？」我問「你怎麼知道？！」他說「他們很有名啊～」OK，真選的沒錯！XD-將軍澳的《德美壽司》位於新都城中心1期，面積蠻大。到達時已經座無虛席了，可見受歡迎程度～-食物選擇好多，價錢不貴，容易吃到飽。這晚點了一個晚餐、一個烏冬，還有數間壽司跟小吃，超級大滿足！(๑ ́ᄇ`๑)-壽司定食配牛肉烏冬 ($168)- 跟沙律、味噌湯、甜品套餐包括｛壽司六貫｝、｛甜蛋玉子兩件｝。壽司飯握的剛好，每件刺身都厚切又新鮮～終於一睹德美壽司的「德美甜蛋玉子」！厚厚的玉子味道甜甜的，印上了「德」、「美」兩字，好看又好吃😛｛牛肉烏冬｝的烏冬彈牙，好吃；份量小小的，但已足夠飽肚子～甜品為｛抹茶蕨餅｝，口感煙靭😋•鍋燒烏冬 ($69)烏冬質地滑溜彈牙，配料有｛天婦羅蝦🍤｝、｛蟹棒｝、｛蔬菜｝等等，底部還藏了數件｛雞肉｝！份量很大，非常划算‼️•煎鵝肝帶子卷 ($84)這個組合蠻新鮮，而且很大件，推薦👍面頭有脆絲、帶子，配上壽司飯，包裹著煎香了的鵝肝～多重口感、多重味道，配

星期五Happy Friday 再度光臨德美，之前試過沙田同將軍澳晚市，非常建議預先訂位。 一坐底，就叫我同朋友最鐘意既原條刺身，每次既日本直送都有驚喜，都係嗰句，依個擺盤加手工，原全物超所值。 還有每次必點既新鮮北寄貝， (同平時熟既北寄貝係兩碼子既事) ，另外粒貝如有貨，都係值得試既選擇。可惜，今次無緣啦。 最後再點了特色卷物點綴 ，以窩物埋尾，大滿足!P.S. 個忌廉蟹餅 超適合喜歡炸物既朋友， 鬆脆之餘沒有油膩既感覺🥰

原本book左8點食飯，好凖時到左。見到門口堆滿人心諗好彩有book枱，唔係一定有排等。點知門口個黑衫不停入walk-in 拎飛既人，問佢就話執緊枱。😪直到8:15再次問幾時有枱，仍然係話執緊枱.........講一句繼續入walk-in枱🙄到8:30，成家人呆企半個鐘，門口已經冇哂人，淨係得番我地企係度。第三次想叫人問，個個staff見到掉頭走，交代都費事。企左咁耐已經乜都唔想食，一肚氣，正式交代都冇，一味話執緊枱，想問係咪book枱係冇用？根本唔會留枱呢？而大枱係咪得一張？上手唔走都唔使旨意有飯食？屋企人生日搞到咁，多謝哂

德美壽司餐廳有唔同嘅日式料理、壽司、刺身、定食。喺尖沙咀、將軍澳、沙田、紅磡同大埔都有分店。設有用餐時限，同另收加一服務費。北海道魚生丼 $138刺身分另有油甘魚、三文魚、大蝦、以及帆立貝。刺身新鮮鮮甜，厚切食落好有滿足感。大蝦唔單止新鮮，而且仲有蝦膏。丼飯嘅飯量都幾多，都剩低左唔少飯。活鰻魚朴業飯定食 $108用咗一個好靚既木盒裝住，好有日本嘅風味。一打開就見到好肥美嘅鰻魚，鰻魚燒得啱啱好，唔會太老。鰻魚汁甜甜地，配埋嘅略略調味過嘅飯一齊食啱啱好。所有晚市套餐都附送味增湯、沙律同甜品。湯嘅味道正常，沙律用咗沙律醋調味，酸酸甜甜幾開胃。。📍德美壽司 (將軍澳)將軍澳貿業路8號新都城中心1期地下99-100號舖

餐廳裝修睇落好有日本風，我揀咗坐吧枱，可以親眼見着廚師們處理食物嘅過程～呑拿魚腩茸三色丼 • HKD$148晚市叫呢個丼會配埋沙律、味增湯同甜品～帆立貝刺身幾鮮甜😋吞拿魚腩茸超多，絕對足夠配晒成碗飯黎食👍🏽呑拿魚腩茸嘅魚香夾埋三文魚籽嘅微咸，簡直係絕配🤤甜品係黃豆粉蕨餅，軟硬適中，作為一餐嘅完結十分滿足😊士多啤梨汁鐵板鵝肝 • HKD$78呢個有兩塊，而鵝肝嘅尺寸都幾大～但好得意嘅係個士多啤梨汁唔係滴喺鵝肝面，而係喺多士下面🧐多士都幾趣，配埋鵝肝嘅油香，食落隱隱約約有啲士多啤梨味，不過多d汁就更解膩～另外值得一讚嘅係侍應服務唔錯，而且做嘢好有效率👍🏽👍🏽

約左朋友食飯貪方便，今日又決定去德美壽司😝通常都去tko果間因為近mtr之餘又唔駛出tst咁迫人😐最怕人多的地方~🍣<花竹蝦壽司>🍣<左口魚壽司>🍣<帆立貝壽司>⭐壽司即order bar台的師傅就會即製~飯細刺身大🤭🦀<軟殼蟹手卷>正常味道，沒有太大特色🍢<鹽燒牛舌>牛舌唔會太硬👍🏻即叫即燒夠熱🍢<雞軟骨串>燒物必點之一👍🏻🐟<燒魚青魚>配埋檸檬同祕製汁酸酸地幾開胃😋

又到減價嘅季節, 新都城的千色店, 每半年的優惠又開始了。 為了避開繁忙時間， 我們決定先進食晚餐， 朋友介紹附近的 德美壽司。 之前在尖沙咀店也試過， 原來這裏有定食套餐， 更加經濟實惠。銀雪魚西京燒定食銀雪魚燒得香噴噴， 微微焦香金黃， 肉質嫩滑 魚味濃郁， 西京燒 這種日式 魚類烹調方法， 魚肉味道微甜， 既能保持肉汁又能帶出鮮味。野菜牛肉鍋定食cp值 超高的， 牛肉肥瘦比例均勻， 肉質嫩滑， 而且份量也不少。 配菜有 冬菇 、娃娃菜、紅蘿蔔 、金菇、小棠菜、 葛粉。定食沙律 +昆布麵豉湯 +定食甜品定食套餐附送的沙律,蔬菜新鮮,還有脆脆的麵包粒, 仲有帶子。熱呼呼的昆布麵豉湯， 味道不算鹹， 用來 暖胃實在不錯。定食套餐附送的甜品， 是十分creamy的布丁。

今日係將軍澳食晚飯。呢間德美壽司之前黎過一次外賣，質素幾好！今次黎試試堂食。定食有生有熟食，但係今晚決定唔食丼飯或定食，因為晏d仲有宵夜食，所以揀d貴夾唔飽嘅高級料理頂頂肚先。主餐牌有薄切刺身，空運直送刺身，其他刺身，壽司，卷物，手卷，丼物，沙律，漬物珍味，前菜，揚物，天婦羅，燒物，串燒，一品料理，鍋物，飯麵等等。落單用QR code，我哋揀左個日本真鯛薄切同火炙和牛壽司。一落單就即刻上左個柚子醋加蔥花俾我哋，係用黎點日本真鯛薄切，好香，好特別。日本真鯛薄切 $178另加一餐牌寫明有16－18片日本真鯛薄切，上枱數數足有18片。擺盤超靚，撒上清香柚子皮屑，中間放有昆布加小黃菊，成朵花咁靚！真鯛超薄切，非常新鮮，質感實在夠乾身而有魚味，配佢哋特製嘅柚子醋加蔥，好正，高質之選!火炙和牛壽司一件 $48另加一和牛超薄切，火炙完基本上得一成熟，好香，牛味好濃，再加d蔥花減少少膩。個飯份量的的骰骰，沾左d牛血同牛汁，好味道。食完仲每人送一件蕨餅加黃豆粉，免費黎講算唔錯。裝修好日式，坐得都舒服。特別欣賞d餐具好精緻，令人賞心悦目。