德美壽司 (新都城中心1期) (Closed)

今日原本諗住去食依間日本野，係等位果陣見到吧枱位前面果幾枱位開始碰杯飲酒之後仲全部企起身響吧枱位交頭接耳碰杯再口吐四風其間仲叫其中一名職員一齊飲而且完全冇制止大佬 你做日本野響壽司吧前面比佢地起身咁已經算 幾分鐘之後仲要見到個男人講到噴口水都冇叫佢地坐低？你叫其他客食果班友啲口水呀？連依啲都唔理做日本野好極有限

恭喜發財 壽司逗來🧧1. 牛油果軟殼蟹卷 $79 ✨佢啲卷物勁大舊 一份有四大舊 好抵食 原隻軟殼蟹落去整 脆卜卜 牛油果熟度啱啱好 仲有啲青瓜絲配搭解膩 鍾意食牛油果同軟殼蟹嘅人（我）唔好錯過2. 加州卷 $48一樣好大份 好足料 有齊牛油果 蛋 蟹柳 青瓜絲 出面仲有好多蟹子 食落幾輕盈 開心3. 玉子壽司 $29家兄十分推介呢個 佢個玉子都的確做的幾好 食落幾甜 又大舊 蛋香味又有 果然係佢個招牌4. 三文魚壽司 $29 ✨呢個有意外驚喜 每次食壽司點都要叫三文魚嘅指定動作 點知佢十分肥美同新鮮 超飽滿嘅三文魚肉 喜出望外5. 蟹子蟹肉壽司 $36呢個都好好味 蟹肉蟹子勁多 鋪滿成個壽司 正到爆Overall推介指數：4.5/5壽司質素十分高 就算外賣都一樣咁好食 只係可能帶番屋企賣相稍為冇咁靚 下次開番堂食會再幫襯

為食之旅第三擊，黎到將軍澳，不過已經過左6點，無得堂食，只能外賣，決定買外賣壽司做晚餐。呢間德美壽司第一次黎，之前去過尖嘴個間兩次，感覺很好。定食有生有熟食，想外賣質素高d梗係揀生野。決定揀一個丼飯再加一客壽司。德美海膽魚生丼 $158丼飯個飯盒好鬼靚，都幾重手。主角之一既海膽有兩塊，鮮甜creamy。其他刺身都好鮮甜，帶子有兩塊，特別鍾意三文魚三大塊厚切同油甘魚兩大塊。少有既熟蝦一大隻，都好鮮甜。蟹柳一條切半。印住店名既玉子兩舊甜甜地，仲有咸鮮爽脆既三文魚籽蟹籽，香脆青瓜絲同白芝麻粒增強口感，連冬菇片都有兩小塊，仲有昆布。值得一提係丼飯原來加左醬油，所以呈啡色，但係唔咸又毋須再加豉油，濕潤好味。定食配湯及沙律，如果堂食仲有甜品。麵豉湯熱辣辣，有昆布，豆腐粒，居然仲有冬瓜片，飲完暖笠笠。沙律好的骰，沙律菜同粟米粒新鮮，上面一小塊煙三文魚鋪面，油香四溢。火炙帆立貝 $42火炙帆立貝壽司一客兩件，未食已經聞到火炙味超香。帆立貝都算厚身，好正。Wasabi放左係個兜一邊。今餐食物質素都幾好，連外賣都食到堂食質素，仲免加一兼九折。外賣盒全部都好實，唔怕漏湯。

將軍澳都多野食，平時食開小炒碟頭飯，今晚就外賣日本野😛🔻天婦羅烏冬定食 $88🔻烏冬食落幾彈牙，湯底味幾濃☺️，仲有隻溫泉蛋😍，淨係食烏冬都幾滿足架😆。天婦羅有蝦蕃薯，南瓜🎃，冬菇，茄子🍆，外賣幾窩心，用左張吸油紙係底，食落唔會成口油之餘又吸到的倒汗水👍🏻，雖然無即食咁脆，但唔會淋哂👍🏻。蝦天婦羅好好味，隻蝦好爽口，南瓜又甜，的確幾好喎☺️。定食關係仲有個沙律同湯，沙律除左菜仲有粒小貝柱，好有誠意😍。🔻活鰻魚朴葉飯定食 $108🔻好多人叫依個飯，當然都要叫黎食先😆。鰻魚厚切，表面燒得金黃😍，口感豐滿，又冇骨，飯同醬汁比例岩岩好👍🏻。每啖入口都唔會太dry，配搭埋蛋絲又幾有新意，份量十足，岩曬大食既人仕🤣。🔻牛油果軟殼蟹卷 $88🔻一客有4卷，好似好少？其實好足料又好大卷🤭，成個太卷咁既size，軟殼蟹同牛油果真係好夾，的牛油果好靚仔，一啖擺晒入口😙，正。

有時去連鎖壽司店買外賣，都純粹係因為想食刺身而又貪方便，諗住滿足到自己算，唔會有太大期望，不過今次外賣發現原來連鎖壽司店都可以有好高質嘅丼飯。即使是外賣，三色魚生丼($118) 分量也很多， 油甘魚刺身肉厚肥嫩，魚肉細緻， 油甘魚一直都不是我的最愛， 但今次發現原來油甘魚都可以這麼美味，三文魚鮮甜，最緊要是厚切，入口甘甜， 還有一大粒厚身鮮帶子，非常鮮甜。 還有生熟程度煮得剛剛好的溫泉蛋， 加上一點 蟹子， 令人很滿足燒三文魚丼($98) 也很出色， 燒三文魚充滿油香， 燒得剛剛好， 惹味之餘亦保持肉質細嫩， 喜歡有大量的京蔥絲，平衡三文魚本身的油膩👍🏻👍🏻每個當飯都配有麵豉湯和沙律， 都不錯， 而且每個沙律都有一小件帶子刺身，都幾細緻

喺新都城附近行街經過見到呢間壽司店，諗起好耐冇冇得去日本旅行🙈而且好耐冇食壽司🍣諗住買壽司外賣返屋企食～餐廳有唔同款式嘅壽司，都幾吸引🤗三色魚生丼$118佢配埋湯沙律🥗感覺都幾正🥰有刺身，三文魚，元貝等等～刺身幾新鮮☺️咬落口感幾正👍🏻幾鮮甜～仲有啲蟹子係面🤩丼飯大大碗😆一個人食到好飽🤣燒鯖魚飯定食 $75好香嘅燒鯖魚☺️咬落啲肉汁出晒嚟🤩而且鹹鹹地，調味幾香🥰表面燒得脆脆地😚仲配有溫泉蛋，流心嘅感覺好正👍🏻定食配沙律，味增湯同埋一大碗白飯～沙律幾新鮮😊仲有元貝刺身添😍唔錯💕

今日約左死黨 ， 難得放假 當然入黎搵我順做搵間正既食個正lunch 咁驚中午時段多人所以都早啲去到等位 咁等左陣就坐卡位 ， 咁lunch time 都好多人去食一見lunch 定食 真係超多選擇當然要楝個自己好少食黎試試海老定食 天婦羅蝦 配 牛肉烏冬 ， 咁朋友就楝左個 刺身便當 🤔🤔 天婦羅ok, 炸雞唔錯， 同埋呢2個set 會有 茶碗蒸蛋 ， 沙律 ＆ 甜品 ， 算係幾豐富 咁食完未夠喉 😝😝 所以再嗌 鵝肝 ，玉子 ＆ 魚腩壽司 ， 鵝肝壽司不過不失， 可以一試， 食完服務員就上埋個甜品 ， 但整體黎講都幾滿意 同埋 甜品都ok wo ，唔會好hea 🤩🤩🤩

今天去了將軍澳陪朋友一下，剛好在附近看到這間壽司店，之前在尖沙咀看到過,感覺不錯的樣子，就買來跟朋友試一下了！野菜牛肉鍋定食（９４元）牛肉鍋一直是我個人很喜歡的一樣料理！這裡的份量挺足的，加了大量的蔬菜，豆腐，薯粉，再配上肥牛，還有最重要的慢慢被湯弄熟的雞蛋！每一樣材料都沾上了湯汁後，都變得非常甜美和惹味！這裡的肥牛是比較厚的，但吃起來完全不會感到韌，而且有牛味，應該是用上了質素比較高的牛肉！而我最喜歡的半熟蛋就拿來拌飯，再加上鹹鹹甜甜的湯汁，感覺能吃多幾碗飯！火炙鰻魚壽司（３８元）這個鰻魚是比較瘦的，經個火炙後，再加上芝麻後，更能提升了鰻魚的香味，又能帶點芝麻的香味，而且吃起來不會油膩！配上微酸的壽司飯，更突出了鰻魚！三文魚魚腩壽司（４０元）本來想吃的是火炙三文魚魚腩壽司的，但這裡沒有，就選了普通的來試一下！不過也是好吃的，三文魚魚腩油脂豐富，吃起來滿口魚油的香味，又比普通的三文魚更嫩滑，真的是非常推薦的一款壽司！洋風三文魚壽司（３３元）這個三文魚也是經過火炙的，三文魚面帶點焦，再配上蛋黃醬和京蔥絲，一邊能感受到魚肉的軟嫩，另一邊有京蔥的爽脆，最後是陣陣的三文魚魚香味，味道挺有層次！

夜晚冇得堂食😭，但又心血來潮想食日本嘢🎌，於是去開新都城，就順便幫襯埋「德美壽司」買兩個晚餐食。雖然Walk in入去買嘅人唔多，但我就瘋狂聽到外賣App機嘅響聲，所以佢應該都有唔少單🧾。等候期間，我留意到餐廳面積都唔細，環境乾淨企理。牆身似係山景🏞，藍白色調，望落令人感覺舒服。餐廳冇特別設計外賣餐單，主要都係採用返堂食嘅晚市餐牌，選擇都幾多，有魚生丼、亦有定食便當🍱，價錢介乎$75至$168不等。唔知👫二人套餐有冇得外賣呢？餐廳唔會因外賣而縮水，份量同堂食一樣之外，亦同樣會送上沙律同麵豉湯。所以即使呢度係兩個餐，但開餐時感覺都好豐富😍。三色丼($118)，丼飯冇令我失望，同喺餐廳食嘅造型係一模一樣。🍣三色刺身包括三文魚、油甘魚同一粒大帶子，前兩者就各有三片。刺身每片都係超厚切，所以食落有滿足感。丼飯上面有一隻溫泉蛋🍳，建議篤穿佢撈汁食。我略嫌今日嘅壽司飯酸咗少少，但好在佢同平日一樣喺飯入面加咗大量蟹籽、雜菇、海帶同芝麻，佢哋全部都有助提升味道同口感。活鰻魚朴葉飯定食($108)，🐟鰻魚飯都唔錯喎，雖然鰻魚得四件，但勝在每件都幾大塊，而且最重要係冇骨❎🦴。另外，饅魚下面仲放滿一層煎蛋絲

今日與家人行商場行到有點累，唔想煮晚飯了😅😅，見有一段時間沒有食日本菜，今日係德美壽司買點外賣回家食😚。我地叫左2款定食，跟餐有埋湯同沙律，感覺都幾豐富😇味噌湯味道可以，唔會太咸。沙律是帶子沙律，帶子好鮮甜，配上千島醬食落好開胃😋。德美特選海鮮丼刺身的種類好多，有三文魚，吞拿魚，海膽，甜蝦，玉子等等🥰。全部都好新鮮，而且都係厚切，食落好肥美。特別欣賞個海膽，食落回甘，味道一流🤓。鰻魚朴葉飯定食鰻魚肉質新鮮肥美，煮得剛剛好唔會太乾，配上特別的燒汁，味道好好😌😌。另外，佢地仲加左D蛋絲，成個飯食起上來唔會太肥膩😙😙。總結覺得味道都不錯，外賣的水準都幾高，可以一試😉😉。

城中CP值最高的德美壽司一向是我的飯堂，最近沒有堂食，轉攻外賣，我就忍不住來了試試他們的外賣水平有沒有退步令人懷念的餐廳招牌，那麼寧靜的德美實在很少見，即使是將軍澳區的德美也一樣餐牌一如以往的，選擇不少，最抵吃的依舊是定食系列，有沙律，湯，主食跟甜品食物：安格斯牛扒定食＄１１８拿回家的牛扒，應該沒那麼好吃了吧？除了因為需要輕微翻熱而略略過熟，那些牛扒依舊出色！牛肉的脂香濃，牛肉汁依舊濃郁，帶點甜味的日式牛扒更好吃，配一份量不小的飯，那個蛋黃醬跟牛扒不相襯，用在沙律上反而剛好這個價格，這個質素的牛扒，值了！銀雪魚西京燒＄１１８甜香的銀雪魚西京燒跟蛋黃醬很配，不過本來就很甜的銀雪魚就這麼吃就已經很不錯了呢，那種魚油的脂香很正點！配白飯吃是絕配～ 兩個套餐都有送沙律跟味噌湯，沙律本來只有一些油醋，加了牛扒附的蛋黃醬更好吃一些！

較早前已食過德美壽司，知道將軍澳有分店當然都唔可以錯過，雖然未能堂食，但仍阻不了我外賣回家，慢慢享用。德美壽司相當貼心，準備了一系列的魚生丼、定食等...真係抵食之餘，又可嚐到美味的新鮮食材。德美海膽魚生丼海膽魚生丼中又點止海膽咁簡單！當中更有海膽、蟹籽、三文魚籽、油甘魚、三文魚、熟蝦等等...見到特色德美玉子都知他們落足心思地製作，刺身款款新鮮，樣樣厚切。👍🏻海膽入口即化、帶子鮮味甘甜、熟蝦爽口彈牙，多款新鮮刺身，真係一次過滿足我幾個願望。銀鱈魚西京燒定食銀鱈魚西京燒至金黃色，香氣撲鼻，真係令人垂涎欲滴。西京燒口感嫩滑，口味甘甜，相當Creamy。沙律沙律中的清泉，內含一粒帶子，真係唔可以錯過呀。

德美壽司碎呑拿魚丼北海道魚生丼價錢💲: $118/ $138好味程度😋: 4.5/5服務🍴: 3.6/5環境🗾: 3.8/5性價比🥢: 3.8/5 (如果晚市）回頭率😚: 4.2/5 (午市)-德美壽司高質大家都知，呢排冇得晚市堂食，都決定要係生日前後對自己好啲，所以買左佢地的魚生丼返屋企食😚 今次試的呢款我朋友係超推薦😂-呢款就係碎呑拿魚丼！佢定食會包沙律同湯，沙律仲要係有粒帶子，絕對唔hea😝 講返個飯，佢好大碗，用上醋飯，仲有飯素同冬菇，所以飯底就算唔點落豉油都好夠味，超欣賞呢樣野😬 佢面頭有隻鵪鶉蛋比你，撈勻啲飯就會濕潤啲。飯面鋪滿大葱同三文魚籽呑拿魚茸😙 份量係超夠撈飯，原本諗住唔食咁多飯，點知我食晒😱證明係幾夠撈飯！佢啲呑拿魚茸真係完全係茸，好綿滑，冇晒魚肉粒🤩 食落唔腥好新鮮，一啖接一啖好滿足😜-我仲叫左個北海道魚生丼比我老豆。呢個都一樣大碗，有3片三文魚，2隻甜蝦，2隻帶子，2片油甘魚(?)。總之樣樣都好新鮮，又厚肉。帶子什至係鮮甜，甜蝦有膏🥳唯一美中不足的係三文魚唔夠肥🥺 不過呢間真係好食，午市更抵，好開心而家將軍澳都有🤓

天寒地凍，我决定去德美壽司買晚市定食外賣回家吃，不用媽媽操勞。德美晚市定食選擇多，質量佳，價錢合理。銀雪魚西京燒定食是媽媽的必然選擇。銀雪魚大大塊，入口嫩滑香甜油份足，送飯一流。爸爸選了安格斯牛扒定食。牛扒大大塊切成數片方便吃。牛扒加香料煎熟，吃入口牛味鮮甜少筋。雖然爸爸掉了些牙，他也吃得津津有味，話有肉味，口感佳，又唔咸。定食附送的沙律新鮮，內有一小塊鮮甜帶子，好! 味噌湯好喝，豆腐滑。我選了人氣推介日替便當三段。這便當好豐富，滿足了我一餐吃匀哂牛肉烏冬，炸雞和魚生的願望。炸雞尤其美味，又大塊又不算油腻。玉子少少甜和辣，美味。魚生不錯。三個定食339元，吃完又飽又滿足，抵食。

We went early, we were the 3rd table, but it got filled up quickly! The place does get busy during lunch! What did we order? We ordered Assorted Cube Rice and Minced Toro Sashimi Rice! Both are very good for value and sashimi were fresh. Salad, egg, miso soup and green tea mochi in bean powder come with the lunch set and they were all fine. Would I recommend to my friend? Absolutely!