壽司郎 (荃灣廣場)

Open Now

Now Closed

今日又去左sushiro幫襯，唔係話sushiro唔好食…sushiro質素仍然唔錯，但係sushiro已經冇咩新野出了。今次都係食返sushiro既招牌菜，藍鯨吞拿魚壽司，三文魚壽司，大蝦壽司等等…本身今期sushiro既拉麵有款新湯底，但係點知去到就賣哂，成件事有點失落感。同埋sushiro既赤醋返又返返來，口味係唔錯既。不過佢地甜品既選擇減少左，希望sushiro可以出返多dd甜品既種類啦。

講真好多香港人都已經食過壽司郎，個價錢唔算真係好平，但係個質素算係幾好，點都好過出面食嘅迴轉壽司。而且有多款，又新鮮，唯一嘅弊病，就係好難去攞位，要等好耐先至會入到座，個Apps入面係未試過晚市攞到位，所以要食，真係要早少少去Walk in排隊。我特別推薦喺個三文魚腩壽司，真係好香好好食，次次食都叫三四碟，價錢又唔算好貴，通常兩個人去食，要食飽嘅話，預計要$300每位。都唔使預特別有咩服務質素同埋環境，因為都係當你快餐咁樣食。

黎過呢間分店咁多次，不嬲入坐嗌number都係順住嗌，叫左再問你介唔介意坐吧檯位，不過唔知係員工問題定公司轉左政策，今日三個人去食，我地係111號飛，女員工話依家得三人吧檯位，120號唔介意坐吧枱可以即時入坐。我地都覺得奇怪點解唔嗌我地先，不過我地想坐卡位多d, 咁就由佢，諗住都係等多陣，一等就15分鐘。點知等到我地時，女員工問我地介唔介意坐吧檯…我地問，既然都係要坐吧檯，咁點解一開始唔嗌我地number? 如果佢話係唔小心睇漏咗我個Number我都仲接受到，點知佢聲稱佢嗰時係話120前都可以入坐喎…可能我撞聾，都可能係佢講到急口令咁我老人家聽唔到。不過已經唔重要，唔發生都發生左，呢個故事教訓我哋下次要企正喺reception前邊，一來可以聽清楚佢噏乜，二黎唔駛驚唔夠其他人快手俾飛🤭 明明之前咁逐個Number嗌咪幾好，係要搞到咁亂又要鬥快，唔知為乜

今日一早已經預約咗會去食壽司郎，而家壽司郎唔使點排隊，可能因為啲人趁幾日假期返咗大陸。咁就啱晒啦，我可以享受壽司郎。今日食壽司郎咁係食返佢哋最抵食嘅藍鯨吞拿魚壽司都係紅色碟咋。仲有三文魚壽司，其他各種唔同嘅壽司都好抵食。甜品方面，佢哋出咗新嘅甜品，每個季度都有唔同嘅甜品出爐之前就有唔同味嘅卡達拉娜。最後我都有食返個牛奶雪糕啦，當然配合埋網上教嘅做法，就係用佢哋嘅綠茶粉溝少少水，造成一杯綠茶新地啦。

抹茶蕨餅芭菲 $32我真係一個抹茶控嚟嫁！每次去唔同餐廳見menu第一時間會睇有冇抹茶嘅食物，有嘅話一定必嗌！第一啖食咗佢個蕨餅先，都幾大舊同軟硬度岩岩好，再一啖雪糕一齊食，個口感好特別！因為個軟雪糕上面個層加咗抹茶味脆脆😋食完雪糕後，原來下面個層有粟米片同cream，都幾驚喜！食落都好夾好好味😋原條海鰻壽司🍣 $27條海鰻有大半隻手掌咁大呀，鰻魚汁好香好味道！加埋條海鰻嘅鮮味再連埋舊壽司一齊食！簡直好味道不得了😋炙燒羅勒三文魚壽司🍣 $12第一啖食落嘅味道就好似平時食pizza咁，因為羅勒味好重！不過唔中意食嘅人就會覺得陣味怪怪地咁！但中意食嘅就會覺得好香呀！而且三文魚係炙燒過嫁，加埋個羅勒醬，再將舊壽司嘅味道再特別啲😋炙燒油甘魚壽司🍣 $17第一啖食落嘅油甘魚真係又油又有甘味😂可能係炙燒過 所以食落口感會咁，不過味道都不錯嘅！鱈魚白子軍艦 $17鱈魚白子食落去有啲腥 應該唔係個個接受到！所以我「點」多啲wasabi加豉油再一齊食就好好多！𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️𝘌𝘯𝘤𝘰𝘳𝘦:⭐️⭐️⭐️

歡迎follow @eatwifme2k24 睇片！𝟏𝟏/𝟎𝟏/𝟐𝟎𝟐𝟒｜𝟏𝟖/𝟎𝟐/𝟐𝟎𝟐𝟒2024嘅我依然鍾意三文魚同甜品💕今日一齊睇下壽司郎呢期新品！😙 ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 1️⃣ 生松葉蟹腳 ($27) ✦︎✦︎✦︎✧︎✧︎ 成條蟹腳上枱🦀都符合商品說明條例！味道就中規中矩啦💁🏻‍♀️ 2️⃣ 士多啤梨吉士忌廉卡達拉娜($22) ✦︎✦︎✦︎✦︎✦︎本身以為係期間限定，但一個月後依然見到佢 👀👀佢分成上面士多啤梨🍓＋下面吉士忌廉味兩層🍦士多啤梨味唔算太甜💕配埋焦糖脆殼啱啱好！不過最鍾意都係原味卡達拉娜🥹🩷希望原味快啲回歸！ 3️⃣ 三文魚腩配蘋果飛魚子($12) ✦︎✦︎✦︎✦︎✦︎ 返場啦返場啦！係我嘅最愛項目✨✨滑溜溜嘅三文魚＋爽脆清甜嘅蘋果片好配！🍎 4️⃣ 特盛三文魚（刺身） ($39) ✦︎✦︎✦︎✦︎✦︎ 一次過食一堆三文魚太爽啦！🫶🏼配埋海帶+豉油一齊食充滿鮮味～而家已經成為每次必嗌項目😼 5️⃣ 特盛三文魚（壽司） ($39) ✦︎✦︎✦︎✧︎✧︎ 壽司郎本身有特盛三文魚刺身，而家有埋壽司版本！成座山仔咁高嘅三文魚巧吸引😍😍但同刺身冇乜分別🤔想食多嚿飯可以嗌嚟試~ ♡ ⋆⁺₊⋆ ᙏ̤̫ ⋆⁺₊⋆

📍每個月都會與壽司郎有個約會 每月壽司郎都會有特定主題 踏入2024年以螃蟹祭打頭陣 以蟹做主打真係好吸引! 🙋🏻‍♀️♦️蟹肉忌廉可樂餅可樂餅外層炸得金黃酥脆 內裏忌廉軟滑Creamy 食到絲絲蟹肉 雖然份量唔多 但係$17性價比頗高♦️生松葉蟹腳生松葉蟹腳鮮味滿滿 蟹肉一絲絲的口感與彈牙嘅熟松葉蟹好唔一樣 ♦️ 蟹肉茶碗蒸茶碗蒸依然保持水準 口感滑溜的蒸蛋滲入蟹肉的鮮甜 依然好吃～♦️特大水煮松葉蟹配松葉蟹拌蟹膏建議要先吃水煮松葉蟹 因為蟹膏味道較濃郁 好易遮蓋咗水煮松葉蟹嘅原味♦️鱈場帝王蟹肉海苔包 配上檸檬 口感更為清新

一諗唔到食乜對腳好自然就會黎左呢度🤣🤣平日既下午茶時間多數都唔洗等位👏🏻Keep住食左年幾質素都冇降低，個個月都有唔限定～而家下午茶時間仲有個超抵set，一碗烏冬or拉麵+4件壽司只係$40😯😯😯D刺身全部都又新鮮又大件，就算最平既$12碟都勁多選擇🤤🤤炸物小食都好出色！甜品都必須要食～常設既甜品都好多野揀！加埋好多時有限定品～好似今次就有個限定既士多啤梨卡達拉娜💜食開真係返唔到轉頭🤣

網上拎咗飛等咗5分鐘左右就入得三文魚壽司都幾厚身，都新鮮海膽壽司有啲苦澀味，唔鮮甜牛油果鮮蝦卷，蝦食落唔爽口，但牛油果味都重原條鰻魚壽司，冇乜特別，燒得唔係好香期間限定松阪牛壽司，牛味唔係好重，普通鹽燒中吞拿魚腩，入口即溶，鮮甜好味甜薯同埋綠茶雪糕，正常發揮好好食！

今日又返嚟食壽司啦，上次食咗間壽司郎嘅競爭對手，真係不堪一擊。所以今次返返嚟食壽司郎。今次我哋係Walk in，原本都預咗冇得食，但估唔到最後竟然可以食到。壽司郎嘅壽司真係非常好食，壽司上面嘅魚生，係非常之新鮮，亦都好有魚味。壽司飯亦都粒粒分明，唔會黐口。仲有佢哋嘅甜品係貨真價實。今次有壽司郎聯成peach airline嘅甜品，就係水蜜桃味嘅芝士蛋糕，水蜜桃非常香甜，芝士蛋糕嘅芝士味亦都很香濃。真係好好食。

壽司郎由日本到香港已一段日子,分店都開始開到18區都係不過食過唔同分店既...對佢地水準都好壞差半~今日黎到荃灣廣場分店,由於響食飯時間之前到,所以唔駛等就可以即入 ~依間荃灣分店好似比其它分店都算大,四人卡位都算多但係因為就到食飯時間,所以就算好多卡位我地2個人都分唔到 坐低無耐,響迴轉帶即見到碟好靚既油甘魚 即提油甘魚壽司- 腩位,厚切 入口好香魚油 油甘魚咬口十足 好味!!之後就用PAD 落單,影左幾碟特別靚既想分享下赤蝦壽司 -比平時大隻,啖啖蝦肉 正~厚切三文魚 - 兩碟響唔同時間嗌,睇質數都知邊碟好D 壽司郎有一個好特別既分享 , 就係流量快 如果嗌左既壽司剌身唔靚 等一等,好快就會轉第2盤 又會靚返都算係壽司郎既小技巧

9月壽司郎新推出嘅壽司，極上甘海老海苔包$27(充滿黏糯口感同好有鮮味)、海魷魚印籠配魷魚天婦羅$32(魷魚質感適中不過天婦羅粉比較厚)、大切麻油鹽漬黃鰭吞拿魚$12(味道幾好價錢👍🏿)、巴斯克烤芝士蛋糕$27(cheese滿到瀉，鍾意食芝士嘅朋友1定唔好放過）

９月開學日，準備去荃灣買返學鞋，小朋友最愛食壽司，壽司朗入面嘅壽司新鮮又大嚿唔貴，真心平靚正！甜品又係非常好味道！三文魚腩 魚腩厚身，入口即溶， 無筋同埋好香魚油味 油甘魚壽司 好濃魚味，新鮮油份充足，好嫩滑正爆，壽司朗最好有供應油甘魚的醬油，出面餐廳好少有壽喜燒牛壽司 小朋友可以食到二碟，牛肉汁好甜好正，誠意十足的食材，絕對是必食之選巴斯克烤芝士蛋糕蛋糕都好creamy 同埋超級有濃味的cream cheese卡達拉娜（奶茶口味）除左原味卡達拉娜，今期推出的奶茶口味同樣都好正，面頭有脆脆的焦糖，配埋濃郁既奶茶味，鐘意奶茶既朋友真係要試

投入服務到呢刻咩時段都會有人排隊，咁證明咗佢哋食物質素都keep到連我都係呢一年食過幫襯過都有十次或以上，睇到呢度你會問我點解食咗咁多次先寫食評？我只可以直說講:因為我懶🤣🫶🏻其實平均每次排隊時間30分鐘左右，如果佢哋可以開放多啲app拎位會好啲亦都可能會提高我去食壽司朗既意欲先推介一下平時會嚟到食既食物:你唔好睇佢個樣平平凡凡咁加入咗鹽分，檸檬片同炙燒，成件事係好match😚每一次我都會叫兩碟(起)呢個係限定推出的🫶🏻當然唔少得佢真係有大約四塊既海膽啦。食之前要搞一搞伴佢，留意👀！！如果有朋友仔好似我一樣都唔中意食紫蘇葉既話，搞伴前要拎走佢…伴麵係熱熱的，食咁多壽司🍣而想暖胃既朋友。不妨試試有邊度可以感受到腩部既美味又可以感受到價錢合理價格質素呢度咪有嚕，三文魚控既朋友揮手第一次叫新鮮質素程度好高🥰🥰而且好爽口。諗住再encore已經冇咁新鮮，睇嚟係要睇吓彩數雖然我永遠都唔會食Oreo，但每一次覺得食到牛奶雪作尾聲先會完美無瑕🐷

雖然每次都話唔想去排隊，但係又好想食😋次次都要排個幾鐘，如果餐廳有得book枱就好了。每次都必點香蔥赤蝦壽司😙性價比實在太高了，$12食到呢個質素，所以每次都叫幾件。南瓜天婦羅都係大推，最後甜品番薯條都係最愛。