小糖鈕甜品專門店 (Moved) New Location

山長水又遠黎到元朗食甜品，一早聽聞過哩間店舖既廚師曾經向五星級酒店做過，所以就黎試一試 !店鋪位置偏遠，西鐵站都要行十五分鐘先到，為食真係要付出汗水的! 由於時間尚早，唔洗等位就直接有得食喇! 雖然menu選擇唔多，但由於我地樣樣都想試所以就果揀咗個細既甜品拼盤!甜品拼盤總共有五款，定時會轉款㗎。碟上仲有好多裝飾同擺設，負責人話全部都係自家製既糖果同朱古力。首先負責人建議我地食咗個apple crumble先。雖然aplle crumble感覺上好普通，周街都有，但哩個甜品真係不錯，不得不讚既係甜品上面既脆脆，其實係蘋果皮絲，咬落仲好香蘋果味添 ! 下面係movenpick雪糕，底層就係apple crumble喇。我覺得上層既蘋果枝絲真係幾特別，為哩款甜品加咗唔少分。接住既係黑加崙子拿破崙。賣相已經好吸引，佢且一般拿破崙唔同，層層既酥皮變咗以圈既形式出現，而拿破崙中間既cream就變左mousses cake咁，但佢比cream挺身好多，我比較鍾意佢個texture，另外佢既味道有點酸，十分開胃，值得推介 !!!跟住就係哩款磨菇甜品。磨菇頂係糖霜，但磨菇“丁”係黑松露味既cream，

不負責任之食評依日，我同男友去咗不太熟既元朗區搵飯後甜品食。係裕榮徑，成條街都有不同類型既甜品，理所當然地去咗果面搵啦。本來諗住食中式糖水既，可惜太多人唔想等位，係無資料搜集下，入咗依間食下咁啦。第一次，試下個細既甜品併盆先。餐牌上大部分甜品都有齊。當甜品端到上黎，我地馬上俾佢既賣相吸引，好精緻呀～併盤一般都有食法既先後次序，店長溫柔又詳細咁講解完每樣甜品既名稱同次序，就到我地開動啦～由於隔咗太耐先寫食評啦，只能不負責任地大概講一講。甜品既賣相，味道都十分好，當晚我地食完小糖鈕後，仲加錢食埋大糖鈕不過飽得滯下次做飯後甜品的話，有3，4個人share先好嗌另外令我印象深刻既係，中西合壁同新既食材組合，表露咗店主同甜品既熱誠。一間咁有heart既甜品店，係絕對值得一試再試同大力推介既！

表妹一直都是甜品控，而剛巧她正在放暑假，所以今次便帶她到名氣甚高的小糖鈕逗她開心。未走進小糖鈕，只是單看它的門面已感受到那份可愛的氣息。走進小糖鈕後，我更為高興，色彩繽紛，可愛小糖鈕的樣子佈滿了整個甜品店。不論是甜品餐牌還是自家制的食品都看到可愛小糖鈕的踪影。芒果蜜桃特飲 (左) $32 ; 香檸薄荷梳打 (右) $32兩杯飲品都以乾冰作base，所以飲品剛來到的時候白煙不斷湧現做成夢幻的效果，看上去不但特別又吸引，更逗得我們滿心歡喜，拍起照上來都特別漂亮。表妹的芒果蜜桃特飲味道香甜，果味濃濃，每次喝一口芒果蜜桃特飲都嚐到香甜的芒果味而沒有蓋過蜜桃香，視覺跟味覺都同樣出色。由於天氣炎熱，感覺上飲品有點不夠冰凍，如能多一點就更上一層樓。而我點的香檸薄荷梳打同樣未夠冰凍，但無損我對喝這杯飲品的心情。整杯飲品味道清新，新鮮的薄荷葉頓時放鬆了我平時那份緊張，而香檸則提升了清新的層次，加上甜度適中，喝上去都特別怡人。大糖鈕特選拼盤 $198大糖鈕特選拼盤由五款主打甜品及三款神秘甜品組成，一問之下才知道這拼盤的甜品每天都會轉款以滿足客人對甜品的新鮮感，的確值得一讚!起初特選拼盤未到的時候，我們還以

係元朗食飽飽晚餐四出搵下甜品食係漫無目的既情況下 見到呢間甜品店既裝修幾得意全部都以鈕來design..而且色彩好colourful大大粒鈕為logo入到餐廳內 牆身都是好多色彩繽紛既鈕 連吊燈既燈罩都是好多鈕menu我地點左杯凍既蜂蜜桂花茶 好特別 不斷有好多煙向上升 好夢幻既感覺 不停噴煙既同時 杯中既花瓣都不斷上上下下飄浮 好似個水晶球咁我們都影左好多相 因為太得意了杯野味道好滋潤 有好重既蜂蜜味 入面有好多好多桂花花瓣 桂花味都好重我係香蕉迷 所以點了呢款以香蕉為主題既甜品造型好吸睛連碟上伴碟既焦糖香蕉，香蕉片上都有一片焦糖脆片 香蕉加上甜甜既焦糖 口感同味道都幾得意朱古力核桃brownie,帶點林身既蛋糕 有好重既香蕉味， brownie上淋有濃濃既朱古力醬，朱古力配以香蕉brownie...口感同味道不錯香蕉芭菲。。有大量既香蕉蓉 香味十足這個造型好似係森林中 有塊樹木上有兩件磨菇 磨菇由蛋白脆餅配以白朱古力黑松露醬造成我冇諗過黑松露都可以做成甜品而且黑松露味十分香 我愛把一點點的松露醬加到蛋白脆餅來食，蛋白脆餅甜甜，混入了黑松露醬來食可中和一下蛋白脆餅的甜味感覺幾得意 好

大糖鈕特選拼盤 $198(5款主打甜品+3款神秘)裝飾很精美哦～不同款式嘅衫鈕(🍫朱古力製)盤中有8款甜品:⚜富士蘋果金寶 酸酸甜甜嘅富士蘋果粒配雲呢拿雪糕，味道清新，加埋面層嘅脆脆，挺有口感的，這個絕對稱得上盤裡中的非凡撘檔👍🏼建議食呢個先，因為雪糕好易溶。⚜青瓜西瓜沙律配紫菜脆片 青瓜小粒撤在西瓜圓厚片上，清淡中帶出點新鮮，夏日炎炎，用來消暑最適合不過☄⚜玫瑰荔枝士多啤梨布甸所用的食材都是小編至愛😍布甸上有朵玫瑰花🌹是用薄脆片所做的，很美觀，味道則似威化餅😂美美的花朵弄碎後，撈埋布甸食，就會多層次口感架啦😆⚜紅豆綠茶奶凍高高細細的玻璃杯，內有不同水果撘配，由甜中帶點綠茶的苦澀味，別有一般甜品的口感舖排🙈⚜黃莓慕絲蜜桃沙律色彩繽紛，水果味道很突出，甜甜酸酸！⚜橙西柚沙律甜品有幾條脆腐竹作裝飾，底層有70%濃度朱古力，由酸到苦的口感層次，有點創新，頗有驚喜😦⚜藍莓士多啤梨拿破侖貌相高貴，脆脆甜甜的拿破侖配上士多啤梨和藍莓，味道均是小編至愛，不錯！😝⚜白朱古力忌廉配香蕉片入口即溶，甜酸香蕉脆片配香濃朱古力，味道恰至少好處。老闆會耐心地介紹甜品和食法次序，又會主動與客人交談，是一間富有人情

一直都好想黎小糖鈕，但每次喺元朗food hunt完一係已經飽到抽筋，一係就好黑仔地撞正佢星期一休息 今次，我終於食到啦，好開心！！！傳聞一直都話佢嘅甜品好好食，今次食完，我可以話比大家聽，佢嘅甜品堅係好正！！！原來店主以前係文華嘅餅廚，整出黎嘅甜品件件都係酒店級水準！！山長水遠黎到，當然要點最勁果個 大糖鈕特選拼盤每件甜品都係精心設計，賣相非常討好。呢到8款甜品，有5款係廚師精選，另外果3款係神秘甜品，次次點都可能會唔同，充滿驚喜雜草莓忌廉芝士杯上層係草莓果肉果醬，中間係忌廉芝士，下層係草莓慕絲。食落層次感十足，草莓醬酸酸甜甜，三層混合一齊食，味道唔錯。玫瑰荔枝燉蛋玫瑰花相當精緻美麗，簿簿的花片一層一層的拼合，靚到好似藝術品！燉蛋有濃濃嘅玫瑰花香，質感滑溜。意式熱情果芭菲熱情果酸酸甜甜 好開胃，用左真嘅熱情果承住芭菲，賣相好得意。上面黃色嘅醬，係較濃郁嘅熱情果醬，同芭菲混合一齊食，更有層次感。白朱古力忌廉黑松露配香橙燉蛋食之前並唔知道係黑松露，所以食落去果下相當驚喜！黑松露味非常濃烈，燉蛋質感細滑！喜歡黑松露嘅朋友一定會鍾意！富士蘋果撻底層的蘋果金寶帶有玉桂的味道，放上一球雲尼拿雪

食甜品，你會想到什麼？窩夫？綿綿冰？豆腐花？生果甜品？講真，我自己想到也覺得悶。香港太多公式化的甜品，令我去到元朗既小糖鈕糖水鋪都即刻有種耳目一新的感覺。如果唔係朋友推薦食呢間，相信我自己都唔會試到咁好食既甜品，因為佢既門面真係同一般甜水鋪無咩分別。睇睇個餐牌，哇，真係好唔同，再見唔到上面講既甜品。換來既係一頁又一頁未見過、未食過既甜食。要食，就緊係要食大糖鈕特選拼盤($198)啦，因為一個價錢可以滿足我8個願望(5款餐牌甜品+3款隱藏甜品)，絕對係抵！甜品黎到，師傅叫我地先影相，再黎介紹。唔洗佢叫，我既相機已經食先。跟手即刻叫師傅過黎介紹，講解每一個甜品的材料、特色同食既先後次序。其中最深刻的其中一款，就一定係迷你版既『小糖鈕森林』，白朱古力忌廉，加上黑松露醬，加埋橙香燉蛋。層次分明，味道也十分夾，燉蛋十分香滑。另外，迷你『富士蘋果撻』，是一冷一熱的矛盾大對決，熱辣辣的蘋果碎粒，加上冷冰冰的雪糕，是一個絕妙的配搭，正！其他甜品我不再敍述啦，等你地自己去尋覓吧！留意呀，這間餐廳絕對識合比驚喜係另一半架。

番兜了~上次食過佢既甜品....一直都好想再試...但無奈次次老友記都唔得閒...所以冇去到...今次嗌左佢個特選拼盤...大糖鈕特選拼盤 $198(廚師精選8款甜品，包括餐牌內5款主打甜品，3款神秘甜品)一路都見到店員把甜品送上鄰桌，每次甜品出場時都頗震撼的，擺飾都很有心機。小糖鈕森林白朱古力忌廉同意大利黑松露配橙香燉蛋：意大利黑松露味極香....橙香燉蛋入口有溶化感覺70%特濃朱古力配黑椒脆片、甘荀脆絲及雲呢拿雪糕：特濃朱古力甜中帶點甘苦，但黑椒脆片帶有微微辛辣。黑加侖子拿破崙配砵酒黑加侖子汁：呢個拿破崙餅不是四四方方，而是一個環狀，造起來確實花左唔小心思。雜草莓芝士忌廉杯超鐘意佢個芝士忌廉杯....好creamy,,草莓味都帶甜啊~仲有迷你版既伯爵茶奶凍配意式薄荷西瓜冰就最特別了，上層粉紅色既係薄荷西瓜冰，據說仲有加埋西瓜皮落去打成，入口冰涼解暑，上面更放上一塊入口甜甜的黑椒脆餅作點綴。而底下既伯爵茶奶入口頗滑，滲出陣陣茶氣，特別之餘味道都唔差

一直以來對甜品都有一份要求，甜品的外型美觀會令人賞心悅目。特別是精心雕刻的甜品藝術更是我心水之選。甜品愈漂亮愈令人心情開朗，無論戀人、朋友、知己或是家人吃過甜品開心指數會昇溫；在乾枯的生活上帶點「甜」會令生活添了色彩。週未相約幾位朋友到元朗尋找這股「甜」，有看開我的文章都知道新界區比較少去。不過今日有朋友當司機帶我們進入這區域，一來節省時間，二來方便得多。由九龍區只需半小時便到達元朗，當大家想吃「甜」可能會想到B仔涼粉、泛后甜品或是近期人氣爆熱的年輕路缐的滿記甜品。但這些甜品只是平凡中未見驚喜，能夠令我由港島區到元朗一遊必定有它過人之處。不熟悉的街道、不熟悉的小河；但看到一間色彩繽紛的甜品店，我找到了。「小糖鈕甜品專門店」地方不算大，入內滿佈糖鈕的牆紙、吊燈、餐牌、甜點；可見老闆是別有用心。未看餐牌前，已看到少女們或是戀人們枱上都有拼盤系列!小店比較少有之作，如此用心難怪性價其高。餐牌上以紅色作底色，更加突出每粒鈕的顏色。一行四人又點少得吃這款拼盤，原來有大小糖鈕之分；決意點下大糖紐精選系列。內含五款主打甜品及三款神秘甜品。另外還點了黑加侖子拿破龠及特式飲品。首先到來是「黑加輪子拿破輪

而家食甜品 除左真係一個「甜」字之外 真係唔夠架學時下人話齋咩都相機食先 緊係仲要玩埋賣相呀 4D咁樣先夠啦最好真係會 彈!! 出黎咁就無敵喇!!!咁岩去左元朗個邊搵朋友 成班人仔傾下計四圍行 講真 呢邊 似熟似唔熟咁啦 熟既係因為流漣過 唔熟因為耐無黎過咁就當執返自己啲腳毛啦 朋友們話有間新晉甜品舖 周末會大排長龍 好多人會黎朝聖既佢帶路我地負責食!!! 走到去大坑渠個附近 有間色彩繽紛既舖頭 原來就是它!!小糖鈕 個名都相當得意可愛 吸引到一眾女性朋友既目光 - 嬴左架喇!! 斜陽裏氣魄更壯 無錯 因為下午茶時間加上風和日麗 大家都好有朝氣精精神神咁入去食甜品 過一過冷河先主打「鈕」 故勿論係糖鈕定衫鈕 好味就係好鈕聽聞係必點之作 咁就要試下喇呢杯MOJITO無酒精飲品 基本都係以簿荷葉 檸檬加7-UP黎做不過佢最有睇頭係 用左乾冰做BASE 令到佢出住煙咁上枱而且可以做到極凍效果 夠晒解渴 視覺一流 味道亦好清新 涼爽!!小糖鈕森林 以呢2粒菇菇做賣點查實佢都以黑松露既味道做主調 配合埋白朱古力 就做左呢粒出黎開頭都好驚 黑松露點樣配合甜品呢?! 但食完發覺 原來都可以好夾既松露

只吃了下午茶的我們，到九點左右，又是時侯吃甜品。小糖鈕的甜品都是比較精緻一點的，有別於平時吃到的快餐式甜品，所以價錢大約都是在$78-98。想貪心一點，一晚試足八款甜品的我們，當然要吃「大糖鈕特選拼盤」。這個拼盤會隨著每天的食材而有所改變，除了每次來吃會有所不同，在上半晚和下半晚來吃都會有不同的款式，不禁令人期待每一次光顧的驚喜。*大糖鈕特選拼盤($198)像是一個甜品版的TASTING MENU，而且擺盤都充滿著藝術感，不禁令我想起AXXX，但是小糖鈕的特選拼盤一點都不輸蝕。廚師精選八款甜品，當中有五款是餐牌內的主打甜品，有三款是神秘甜品。主打甜品都變成原版的迷你版或是簡化版。*黑加倫子拿破倫(主打甜品)傳統的拿破倫都是一層夾一層，像三文治一樣。不過小糖鈕的師傅將酥皮造成一條長條狀，想這個甜品更有立體感。黑加倫子味的mousse酸酸甜甜的，再加上有一條蛋白脆脆，無論在視覺上、味覺上，還是口感上都有與眾不同的層次。*富士蘋果撻(主打甜品)這道蘋果金寶配VANILLA雪糕，是一道熱甜品，所以建議先吃，怕雪糕會很快溶。底是用玉桂煮過的蘋果肉，再放上一層金寶，然後再放上一球VANILLA雪糕

夏日炎炎，周圍都好多人，所以食住消磨時間，又可嘆冷氣。上網找到很想試的特色甜品店，就是「小糖鈕」。起初找小糖鈕的位置時有點難找，但之後發現是在舊B仔附近, 就找到了。店內地方不算大，但佈置全用鈕扣圖樣去裝飾，很有童真。餐牌上的甜品選擇不算多，但每一款都很精緻，款式更是在其他甜品店少見到的。店主推介這個蜂蜜桂花茶 HK$32未飲時已經聞到桂花陣陣的清香，呷一口茶，味道微甜，而花香味於口內散開，令人整個感覺很舒服。兩女生點了皇牌小糖鈕特選拼盤 HK$198。聽說這個甜品會不定期轉款式，因為拼盤內有5款主打甜品和3款神秘甜品。神秘甜品就是每次去到才會知道，餐廳會因應季節或食材而改變。每款甜品賣相討好，樣子精緻，相機食先是常識吧！我也精選幾款特別甜品介紹一下。玫瑰荔枝燉蛋賣相是粉紅色，很有少女風。燉蛋上的玫瑰花是薄脆來的，吃的時候最好忍心弄碎，連同燉蛋一起吃，可以增加口感。而燉蛋入口軟滑，內里加入了士多啤梨粒和荔枝果肉，增加咬口感，而味道也不會太甜，這個真的很不錯。斑蘭汁西米布甸整個甜品是綠色，原本以為是色素做成的，細問之下原來用上了斑蘭葉的汁去做。加了西米的布甸質感比較實，不像燉蛋般細滑，不

元朗的甜品店星羅棋布，幾乎每條街亦不難看到甜品店的存在；然而，能夠突圍而出不但要在賣相多花心思，味道及款式同樣重要。以往甚少踏足元朗，對元朗甜品店的印象仍停留在街知巷聞的B仔涼粉，想不到在附近有一間高質素的甜品店小糖鈕。奪目的鈕扣招牌令人一眼就能認出，店內偏佈七彩繽紛的糖鈕裝飾，充分圍繞著店名小糖鈕的主題特色。餐牌選擇不多，但每款都別出心裁，保證獨一無二。本來打算點一個大糖鈕特選拼盤和芒果流芯配青檸雪葩，然而老闆細心提醒大糖鈕特選拼盤中已經包括迷你版芒果流芯，提議先單點大糖鈕特選拼盤。 香檸薄荷梳打 ($32)上桌時一縷縷白色輕煙連綿不斷地從玻璃杯中湧出，煙霧瀰漫，馬上急不及待瘋狂拍攝。賣相吸引之餘，酸甜的青檸梳打配上清涼的薄荷，非常消暑解渴，更是消滯解膩的妙品，深得我心！  大糖鈕特選拼盤 ($198)拼盤包括五款指定甜品：富士蘋果撻、雜草莓忌廉芝士杯、玫瑰荔枝燉蛋、芒果流芯和小糖鈕森林，以及三款神秘甜品：西瓜伯爵茶奶凍、熱情果慕絲和70%特濃朱古力，神秘甜品每次不同，保證客人有足夠的新鮮感。八款精緻小巧的迷你甜品有如太陽系八大行星一樣，被放置在以熱情果醬、菠蘿醬、抹茶粉、黑朱古力

是日到元朗行行逛逛之下 就到了小糖扭食糖水 它位於舊b仔附近店內位置很少 主打貴格西式甜品 打開餐牌才發現每一個甜品都是98以上😨所以我連同朋友叫了甜品拼盤(3-4人 用) 我們也發現現場大部份人都是叫拼盤的😏😏拼盤有五款指定甜品 (好像每天也不同的)有香蕉加朱古力蛋糕，黑松露口味的蛋白，有黑加侖口味的拿破侖，抹茶紅豆柚子冰，焗蘋果加上雪糕其實甜品質素不錯，也令人覺得拼盤性價比不錯，奈何若哪天拼盤內的甜品不會心意，那就gg了🙈店員也很好 會在上菜後 簡單介紹甜品名稱和食的先後次序 感覺很貼心 連擺盤的扭扣也是朱古力 就有那種放在盤子上 全部也給你食 😂但可惜位置真的太多蚊！ 雖然店家很貼心的在戶外位置放上不同的驅蚊用品 但無奈蚊子橫行 所以我們也是極速進食然後逃亡🙃

We were craving some dessert after lunch and wanted to swing by another place, but it was closed. Then, we ended up searching for nearby shops that had dessert and luckily found this shop!For first impressions, the shop is a cute little shop that has lots of colorful patterns on the wall, with lots of handicrafts with buttons on it, matching the name of the shop. It looks quite cozy and homey.Then, we looked at the menu and there are a lot of options that seemed very delicate & complex, and we a