大飯糖甜品小食屋 (Moved) New Location

吃甜品的地方很多, 吃榴櫣甜品的地方也不少,但許多人都願意山長水又遠去食, 因為真係好正這裏的榴櫣甜品不少, 都很好吃, 不過我最鍾情超級榴櫣奶榴櫣味牛奶, 榴櫣味濃但不失牛奶味, 好正加一球榴櫣雪糕, 真係正都不得了, 比榴櫣pancake味道細緻得多不吃榴櫣的, 也有很多選擇, 像朱古力天堂, 上面是軟雪糕, 下面是朱古力奶凍, 中間有小丸子及朱古力脆片咖喱魷魚魚蛋都好正, 仲有腸粉, 就自再遠都會去覺得比發記、松記更好, 而且服務不錯, 工作人員雖然忙, 但會樂意回答問題, 十分好。

最近工作壓力大，得閒食下甜品確實係可以放鬆下心情望住大飯糖既menu，d名夠特別又多款式眼花繚亂揀食邊款果陣就好似小朋友細個揀禮物咁興奮最後老公點左焦糖燉蛋配3.6牛乳軟雪糕焦糖金黃色，非常脆口聞落焦糖味濃，食落有蛋味而且非常滑軟雪糕較易溶，不過質感軟滑，牛奶味又甜又重我對榴連甜品情有獨鍾，平時好少買成個榴連啪，所以食甜品就唔可以錯過其實呢個甜品都唔算平不過佢確實紅豆又多又大大粒有咬口榴連球有果肉，榴連味勁香，好似直接食緊舊榴連咁一啖軟雪糕再加紅豆沙真係好好味好夾食完罪惡感非常大不過心情好滿足同開心唯有做多兩日運動補返啦

聽朋友說好味，但未有時間試今日終於得嘗所願芒果爺爺有牛奶雪榚，芒果肉，下面是用椰汁整既啫喱（或大菜榚之類）椰味好香😋芒果夠熟，好甜，一啲都唔酸另外叫左芝麻糊小丸子小丸子好味

大飯糖真係不得不贊，令到我差唔多每個禮拜都會黎食糖水，因為有中式同中西式甜品，又可以加好多配料，上菜快，份量適中，價錢合理今次就同大家介紹下我比較中意食嘅幾款糖水。灰姑娘，有芝麻糊、西米露、小丸子、芝麻雪糕，特別要提小丸子，因為煙煙韌韌好有好感，芝麻糊同西米露撈埋真係好似灰姑娘咁XD紫霞仙子，有紫米露、西米露、小丸子、香芋雪糕，真係好香~芒果河粉，依度嘅芒果又多又大舊又甜，河粉又厚又長又重椰子味，兩個夾埋就係絕配。朱古力天堂，上面係朱古力軟雪糕，下面有紅豆粒、小丸子、朱古力脆卜卜，最底係超濃嘅朱古力奶凍，溶咗嘅雪糕同下面一齊食就係好正~聽聞會係沙田開分店，大家一定要試下。

做左成日野，收工唔係食野姐？！於是就同同事們一齊黎左呢間糖水舖食宵夜。一行6人每人叫一款。超級三兄弟（朱古力軟雪糕，朱古力奶凍，朱古力心太軟）三種唔同質感又有唔同濃度嘅朱古力甜品。三者都非常夠朱古力味。雖然心太軟係要趁熱食，但係會放係最後先食，因為呢個係三者之間最濃郁，所以會蓋過另外個兩隻甜品。楊枝甘露綿綿冰＋雲呢拿軟雪糕好足料，芒果大大嚿Baileys 綿綿冰 放入口就有好香嘅Baileys 酒香，加埋其他配料，成個口感豐富左。唔覺唔覺就食哂啦芒果爺爺真心覺得呢個食完真係好透心涼，除左因爲佢有一圈嘅軟雪糕同大大粒芒果之外，底層亦有由椰子水做嘅啫喱，（雖然本人覺得質感似大菜糕多啲）芒果小丸子 ＋ 3.6 牛乳奶凍料多，但夾埋啲芒果汁個奶凍就變左無味。芒果小丸子＋河粉有差唔多嘅大半個嘅芒果，河粉做得好滑。

i came here with friends after dinner,but one of my friend still didn't have anything yet.I'm quite surprise that we can also order some curry fishball, carrot here with not bad quality.some fruit is also good to have and they are sweet.the icecream quality is acceptable, the chocolate taste is quite strong. my beloved lava cake.see how the choco sauce leaking out ?awesome!

夜晚冇野做就想食甜品，阿女就要食雪糕，一次過滿足兩個願望，就去大飯堂，搭輕鐵洪水橋站行5分鐘左右，或者揸車就可以拍門口附近，但五六日就好難有位拍啦。重點推薦軟雪糕，有朱古力味，3.6牛奶味或者兩溝都得，又滑又香，雪糕唔會有冰粒，我叫咗一碗芒雪奇緣再加多一個軟雪糕，因為要同阿女分所以一個雪糕係唔夠既，$54+$11

元朗區有多出色嘅甜品店，相信大家都知道可能係b仔涼粉，泛后甜品啦等等其實元朗區仲有一間隱世嘅甜品，佢嘅甜品絕不輸蝕畀之前嗰兩間出名甜品店。就位於洪水橋嘅大飯糖啦。佢個位置呢都係比較好隱蔽嘅，位洪水橋大街德祥樓地舖，只去到洪水橋輕鐵站，問街坊都好容易知道嘅位置喺邊度。點解咁值得推介呢其實呢?佢嘅生果都會擺到佢夠熟，夠甜先至攞出嚟做甜品， 所以佢做甜品嘅水果，絕對唔會酸溜溜嘅。講到佢個水果咁吸引，我當然要推介佢嘅鮮雜果水晶涼粉呀。水果都係揀當日最新鮮，而佢既水晶涼粉， 唔係我們常見到烏卒卒果種涼粉，而係透明，口感煙煙韌韌嘅透明水晶涼粉。而另一種推介嘅甜品，就係佢地既軟雪糕。佢哋嘅軟雪糕好香滑好重奶味，只要吃下就知道與一般嘅軟雪糕有分別。當試過用鮮果做嘅甜品，與罐頭生果做嘅甜品就知道有什麼分別啦。

在openrice看见附近的糖水店，冒雨开车品尝。点了咖喱拼盘，软雪糕榴莲球红豆粒，超级三兄弟。整体来说不错，咸的比甜的好吃。建议超级三兄弟的奶冻可以考虑换成巧克力汤丸。肠粉好吃忘了拍照，最赞是可以自己加酱和芝麻

放假嚟到元朗食完晏晝，即刻諗起要嚟食返個甜品。好耐冇嚟過，原來而家多咗軟雪糕食，好似都幾吸引。不過我都係叫返好出名嘅魔鬼三兄弟食😋有朱古力奶凍、朱古力心太軟、朱古力雪糕。貪心的人最岩食😂心太軟朱古力勁流心😍，好濃朱古力味之餘亦都唔太甜，好食👍🏼朱古力奶凍比較硬身，味道普普通通。建議大家先試咗啖朱古力奶凍先，因為相比之下心太軟同雪糕都比較濃味，如果之後再食朱古力奶凍嘅話，可能會覺得冇乜味。

話說今天打算留在家中，但是今天實在太好天氣啦，不得不到效外呼吸下新鮮空氣。呼吸完，又肚餓，去下平時甚少有機黎既元朗醫下個肚，就左search search右search search, 揾左呢間大飯糖！今天清明節喎，查清楚開唔開先，好彩開4:00！佢地一開門，我們就衝左入去，由於對住街市，有少少臭...唔理咁多，要叫碗什果涼粉！因為今天好熱，好想食什果，他點了菠蘿綿綿冰，當然唔少得咖哩拼盤？唔記得個詳細名字，店內好快坐滿一半人，看著電視，閒談一番，我們的甜品也隨之而上，菠蘿綿綿冰，我冇諗過咁有heart！以為好簡單！非也！冰好幼，入囗即溶，最重要係佢D冰係食得到有一絲絲菠蘿肉！好好食！仲有好多舊新鮮又甜甜既菠蘿肉！仲有好qq既蒟蒻，有星星形狀添架！除此之外，有牛奶滑雪糕，牛奶味濃厚推介我碗涼粉D什果又係超新鮮，菠蘿香甜，芒果不酸，西瓜起砂，木瓜，火龍果香甜，雖然簡單，但是我好滿意咖哩就有牛丸，豬皮蘿蔔，魚蛋，魷魚，一凍一熱令牙齒好痺但這個咖哩汁几香濃，好入味，唯獨點蛋口感好怪，似橡膠咁，隔離個個好喜歡呢個咖哩！仲話食多碟，我太太飽啦，下次一定再黎試食心太軟先

今日同男朋友去游車河，游下游下就見到間糖水舖，間鋪都幾近輕鐵站，如果搭輕鐵落車行半條街到就見到，入邊地方都寬躺同座得好舒服其實我自己好鍾意食朱古力，所以一見到個餐牌，就二話不說點左呢個>>魔鬼三兄弟<<一set入邊有心太軟，朱古力雪糕，朱古力奶凍，朱古力奶凍整到勁滑好朱古力味，心太軟嘅溫度啱啱好，一切開，啲朱古力流晒出嚟，配埋雪糕一齊食，簡直有雙重嘅感覺兩個人食一個甜品當然唔夠喉啦，另外再叫左杯>>彩虹橋<<入邊有3.6軟雪糕，爆珠，鮮雜果同原味奶凍，原味奶凍亦都好滑口，軟雪糕加爆珠食別有一番口感，我會為咗個朱古力奶凍而返嚟食架

今日去左元朗遊下，見到大飯糖個名幾吸引，就去左食lu咖哩拼盤足料， 黑椒牛丸 尤魚 豬皮 魚蛋 蘿蔔 腸仔咖哩汁少少辣 惹味 唔食得辣既朋友都食到焦糖燉蛋配扭紋雪糕（牛奶加朱古力味）雪糕加埋伴碟既可可脆片一齊食👍🏻燉蛋賣相好 好smooth好軟滑 陣陣蛋香味 口感一流 層焦糖唔會太厚 整體甜度適中 唔會太溜 芒果水晶撈白涼粉爽口 有超多芒果！ 足料 足足半隻 非常抵食 而且超甜！成碗都係芒果汁 啖啖都係芒果 好fresh超級三兄弟 朱古力迷必試！ 賣相靚！ 專登用朱古力醬畫左兩個樣 心太軟： 熱辣辣 新鮮焗 一督開佢就流出黎！ 朱古力醬香濃 心太軟外層鬆軟 餅底脆 醬同蛋糕比例剛剛好！ 唔會成舊都係蛋糕但得好少醬 唔洗怕膩因為可以張醬連埋奶凍一齊食仲match 超正！ 奶凍有好濃既可可味而且唔會太甜 加埋朱古力軟雪糕簡直係神配合 食完都唔會覺得膩

去開元朗 ， 朋友話有間糖水鋪嘅糖水出晒名超級大大碗仲要好好味！所以我跟住佢地膽去到一個地方唔算就腳但見到爆左場嘅糖水鋪🤣 真係好多人！原來好多元朗人除左識b仔就第二愛依間「大飯糖」！貪佢地做街坊大家都爽口談天一家人甘😂 老闆會大大聲：「阿妹～你上星期食唔到芝麻糊今之大碗d俾多d你」人情味十足！我係中式糖水精！朋友話依間嘅芝麻糊同合桃糊係每人手磨超滑同香！係必食！仲一定要加流心湯圓😍 所以我點左個雙併！果然真心香滑！湯圓流心皮薄！另外蕃薯糖水勁夠薑👍🏻👍🏻食完成身暖晒！紫米露佢地會配上椰奶！正入開元朗除左b仔大家都可試依間！真心推介！

咁啱今晚行開呢頭，聽朋友講呢間糖水甜品好正，咁就去食下😁店內整潔乾淨，店員服務態度都好好及推介佢地嘅甜品👍😍首先叫左d小食，魚蛋、腸粉、燒賣唔少得，都幾好食，不錯😋😋👍👍主打當然要叫甜品，叫左3款甜品，估唔到呢度嘅軟雪糕好好味😋😍👍我叫嘅菠蘿甜品，用新鮮菠蘿砌成，還有星星珠珠，好好味朱古力杯有濃濃朱古力味，不錯😍👍另外，好似叫香芋仙子都ok，但賣相就普通咗d，但食落都好味😍👍如果呢間甜品店有得開分店在屯門或元朗就更好，方便d幫襯😂😂