糖蓮子 (Closed)

飯後總愛黎個甜品環節先至有完美既感覺，紅磡小社區一帶都有好多甜品店，今晚行經蕪湖街見到有間叫糖蓮子私房甜品既小店，menu兩面羅列出超多中西款式甜品，必定揾到一款岩自己口味。站門口收銀婆婆很熱情招待我們內進坐下慢慢睇，尼d正好係小店既特色，有家的温暖感覺。天氣開始漸熱，冰琪淋芭菲系列真係必然之選，我點左一杯望落都透心涼既濃情黑森林，為食太就叫左傳統中式熱黑芝麻糊。芭菲杯出品跟相片沒有多大出入，生果肉含大片奇異果、芒果肉、中層有火龍果。雪糕都有兩球兼附一些脆脆及威化卷，雪糕球面還有角切士多啤梨肉及朱古力糖漿點缀，未動手食前先多角度影下相。價錢方面一杯只係42元，確實比起銅鑼灣及尖沙咀旺區平了一截，份量都幾大。雪糕球當中還帶有朱古力碎粒，而且味道會太甜。可以用隨付既威化卷點少許雪糕一齊食零舍滋味。吃畢雪糕球後，底部還有大大粒涼粉。如果改用咖啡味啫喱果凍條口感應該更加perfect了。Menu各系列款式著實太多，樣樣都好似幾吸引，叫人心大心细。同場加映入口香濃幼滑既黑芝麻糊，正!

呢間甜品店既餐牌睇到眼花撩亂，事關係有超級多種甜品，加埋有過百款！ 好多都睇落好吸引，但近來開始戒食凍野，結果就揀左熱既香濃椰汁丸子西米露佢既椰汁煮得好香甜，西米都有咬口，但係有d西米就痴埋結成一舊舊，不過味道可以的丸子有好多粒，不過就比較粉同腍，唔夠煙韌。老公揀左芝麻糊配花生湯園，老公一向好鐘意食芝麻糊，而我就麻麻地。佢話呢碗芝麻糊都幾好食，都香滑既，湯圓亦好味！ 有機會可以試下佢d凍甜品，因為賣相好吸引，只係自己唔食得

一大班人食完飯食埋甜品糖水先完滿！糖蓮子係常去嘅地方 款式多 又坐得落一大班人意式奶凍伴草莓 $32奶凍牛奶味幾濃 質地都挺身 唔會好快溶到一pat有用雲尼拿籽整 食得出好重雲尼拿味！都幾多草莓 奶凍夾埋草莓醬食再好味啲🥰

我們食完晚餐，就行咗一陣。去咗食這間甜品店，好多款式選擇，有百幾款甜品（凍熱都有）可能早去到，無乜客人，朋友話平時是坐滿滿的，好多客人來食。牆上有不同的圖畫，以白色為主；服務都幾友善親切又快手！餐牌有2面，共198款甜品選擇，花多眼亂最後選了2款熱的甜品共享（熱芝麻糊豆腐花）好快手，寫著手磨的，都幾香芝麻味！幾滑幾好食，烏髮一下先底部豆腐花好滑好香豆味！唔錯（腰果糊）這個有點失望，比較稀一點，唔夠香滑

半夜十一點幾女朋友話想食凍野 即刻諗起糖蓮子 之前未拍拖已經同佢食過 今次就去回憶下☺️☺️依個Bailey’s雪糕紅豆冰真係好食到痴左線🤣🤣女朋友話除左痴線之外已經諗唔到其他形容詞😂佢個Bailey’s味夠哂重 可能會唔啱唔鍾意有酒味既朋友 不過我地兩個就超級喜歡😚雪糕係雲呢拿味 配埋紅豆甜甜地勁夾 真係次次黎依到都一定要嗌🥰其他地方食唔到架！ 唯一美中不足就係下面舊冰中間有啲太硬 要等耐少少先可以繼續食（可能太好食我地食得太快🙈）今次仲試左芝麻三重奏～ 佢係芝麻糊加芝麻雪糕再加芝麻湯圓 芝麻lover一定開心到爆炸🤤佢個芝麻糊比想像中「傑」不過好食就最緊要☺️湯圓就一般般 唔夠「煙un」有啲啲硬🙈

以前念大學的時候，經常在紅磡一帶食晚飯、甜品，畢業多年後，偶爾都會重遊舊地懷緬一下。今晚跟大學同學食完晚餐後就到訪了從前其中一間馳名糖水店：糖蓮子要數這裡的王牌必定是Bailey紅豆冰！甜品以超級足料的紅豆及刨冰墊底，上面就是最傳統的雲呢拿雪糕，最後淋上Bailey，灑上朱古力粉就大功告成！奇怪的是我完全吃不出酒精的味道，而Bailey令紅豆配雪糕這不敗的組合的味道多了一個層次！除此以外，還點了京都宇治抹茶心太軟，這是人氣極盛排行第二的甜品。鬆軟的抹茶蛋糕下的抹茶漿好像溶岩一樣湧出來，配合大大粒的紅豆加雲呢拿雪糕，一口吃出多種層次！特色甜品還有金山阿伯👴🏻，其實是以柚子，豆腐花，椰果，刨冰，小丸子，荔枝雪糕混合而成。口感非常清新解膩，小丸子煮得很QQ，豆腐花亦很綿綿！腐竹小丸子就有點不太搭配，口感怪怪的😅小丸子使到糖水的質感帶稠。還是應該配雞蛋吧！MENU上還有很多未嚐過的種類，期待下一次的到來！

今次放咗工見10點幾約咗朋友去紅磡食宵夜應該呢間糖水舖見到個門面幾吸引就入咗去食。 紅磡嘅宵夜點一如既往嘅都多人不過佢因為係平日禮拜三四去所以就可能會比禮拜六日嘅情況好啲。講返嘢食方面，叫咗個芒果奶凍、朱古力三重奏，個賣相已經贏其他糖水店幾條街，味道方面就不過不失都係以往嘅芒果果肉溝奶凍，朱古力三重奏就有心太軟同朱古力雪糕，味道都唔錯有好濃嘅朱古力味而且食落口唔會太苦澀有少少回甘， 如果去紅磡食宵夜都幾推薦試吓呢間嘢

下午茶時間，想食少少嘢，諗起這間甜品店，專程來品嚐！平日下午，可以舒舒服服、優優閒閒，唔使同人迫，食吓甜品，真係一大享受！Bailey雪糕紅豆冰，原本打算將雲呢拿雪糕轉其他口味，但老板話溝入冧酒，雲呢拿雪糕先至夾，當然要相信專業意見！味道確實好夾！這款係「紅綠燈」，其實餐牌上各式各樣嘅甜品都有唔同嘅名稱，睇完個名未必估到係咩！但足以見到老闆嘅心思！啲名稱都好有趣！價錢好合理，支持小店，經過可以來試試啊！

糖蓮子 (紅磡) — 醉人Bailey’s 雲呢拿雪糕紅豆冰 $48自上次吃過這家店的甜品很便念念不忘，一直很想再光顧🤩。這次點了排行榜第一位的醉人Bailey’s雲呢拿雪糕紅豆冰🍨！🍨 原以為是Bailey’s 雪糕，但原來是我一廂情願，它只是普通的雲呢拿雪糕😢。-👍 紅豆很大粒，很綿很美味。-整體味道有點像提子冧酒雪糕，明顯不是bailey’s。要吃到底部才有酒味。建議讓底部的碎冰稍微溶化後才吃，更能嘗出酒味。😉-回頭指數：3/10 （驚喜欠奉，其他甜品更出色）-黃埔A 出口步行約10分鐘。紅磡火車站步行約10分鐘。

僞情人話冇蛋糕俾我咁我話去食糖水當係啦然後佢就諗起呢間糖蓮子一個攞獎嘅甜品問我有冇試過我完全聽都冇聽過我哋一坐低餐牌都未洗睇情人話佢要食Baileys紅豆冰咁我就話不如share啦，啱啱食刺身食得咁飽點知我遭到拒絕😱佢硬要一個人食晒一個喎咁我已經想像到呢杯野應該係超級好食本身我諗住食疏呼里因為下午食唔到，見佢咁堅持一個人要食晒，我都試吓先雖然唔知嗰個雪糕係咩牌子不過都覺得好滑同埋雲呢拿味都好重而且佢面頭灑左嗰陣好似係朱古力粉然後側邊又有日本個隻十勝紅豆粒加埋佢啲咖啡酒係啲碎冰度果然冇介紹錯喎😱😱當我食到舔舐脷之際情人話冇咁好食嘅，啲酒味淡左咁多在我來講因為第一次食，冇對比之分所以我覺得仍然有酒味👍🏻👍🏻👍🏻咁佢食開佢就知道淡咗囉我就覺得甜品來講酒味冇咁濃會好啲啲啲嘅

夜晚上左朋友屋企食auntie炮製嘅雞🐔煲, 然後四個女仔「轉場」去附近糖水鋪, 身為黃埔街坊嘅朋友提議去糖蓮子, 我仲以為係非常traditional嘅中式糖水店, 睇menu有驚喜🤩明明好飽都堅持叫四款實在太吸引喇！朱古力蛋糕伴雲呢拿雪糕 (HKD40)香濃朱古力味已經唔使多講, 仲要係兩件, 配埋朱古力雪糕仲唔係n重朱古力嘅享受？茶之鄉x豆腐雪糕 （HKD46）豆腐雪糕, 小丸子, 紅豆粒, 豆腐花一大球豆腐味雪糕🍦+雲呢拿雪糕, 好似食冰豆花咁, 多到滿滯嘅紅頭, 配抹茶🍵係永遠都咁夾, 抹茶🍵另外上俾我地倒, 好食又好玩🤩底層滑滑豆漿花, 非常有層次👍🏻雪中紅蓮 (HKD32)椰汁, 雲呢拿雪糕, 紅豆粒, 豆腐花, 涼粉因為有豐富紅豆粒, 俾左自然甜味, 有紅豆𡁻𡁻口感, 椰汁🥥味道夠特出, 凉粉好爽， 好味.荔灣小公主 （HKD38）楊枝甘露汁, 荔枝雪糕, 金牌楊枝甘露, 荔枝Li度嘅甜品得意之處係每款嘅名都有創意, 雖然主要用料都寫哂出黎, 但係點組合成一碗靚靚又美味嘅甜品?看得出店家嘅用心設計👍🏻楊枝甘露好common啊, twist了小小變成「小公主」喺賣相同味道

在紅磡與朋友食完晚餐 都會再食下糖水 坐下又可以傾多一陣🤣紅磡多糖水鋪 其中糖蓮子是我常去的一間 糖蓮子的選擇多 新式甜品 例如美女與野獸等都好受歡迎如果想食傳統糖水 豆腐花 紅豆沙 都有😂芝麻街 好香芝麻味 丸子是芝麻湯圓 極香 兩大球雪糕 仲有生果等等 好采甜品有第二個胃😂😂如果唔係我朋友應該食唔晒薑茶小丸子薑茶好重薑味 好辣 但我本身都中意薑茶 所以飲得晒如果本身唔太飲到薑湯的朋友 呢碗糖水可能唔太適合你啦😂糖水有好多小丸子 多到可以食飽人😂感覺十分真材實料🔥

同朋友食完晚飯一齊來呢度食糖水，睇menu見到佢地其中一個招牌甜品美女與野獸（朱古力蛋糕與雲呢拿奶凍）係一個比賽度拎過獎，所以就諗住一試。等左大約20分鐘，個甜品先整好。個賣相算係有心思，有幾塊水果配，而且有可可粉，朱古力漿灑係隻碟度。聽講呢度個朱古力蛋糕好食，但我就覺得不過不失，可能呢款朱古力蛋糕熱辣辣會比較好食，但佢只係暖暖地，味道一般，唔會太甜，蛋糕算係幾實，唔會好鬆散。我覺得呢個朱古力蛋糕同心太軟好似，只不過係無左流心朱古力漿。我覺得反而個雲呢拿奶凍好好食，聞落有淡淡雲呢拿香，食落好滑，甜甜地又唔膩。

一入到去，鋪頭呀姨就拎左好多餐牌比我地，好少有鋪頭咁貼心，體諒識客人，驚得一兩個餐牌客人會睇得好辛苦個餐牌好大個，入面有成幾十款甜品，好難選擇，我地都諗左好耐下最後我決定要一個白玉豆香，因為佢d配料好吸引！尤其有我最愛既小丸子，佢本身係配芝麻雪糕，但我想食豆腐雪糕多d,所以就問下可唔可以轉雪糕口味，結果係可以個冰份量好大，配料鋪滿哂係上面，D紅豆綠豆都好甜，同煮到夠軟，同冰食岩岩好，d冰浸係椰汁到，啖啖都係椰汁味，正有少少唔好既地方係，價錢比區內其他糖水鋪貴左少少，但都可以接受既

去開黃埔果頭食完飯想食糖水，OpenRice 見附近有間糖水鋪都好似幾吸引咁，就去試下🤗。 張menu 兩頁A3 紙，超多選擇，花多眼亂。不過佢有個排行榜，推薦返邊d 係人氣甜品。金山啊伯 $44 個樣就普普通通，但食落就好有驚喜。-成碗野有西柚肉、柚子醬（韓國柚子茶果隻醬）、荔枝味雪糕、小丸子、椰果、椰子沙冰、西米、豆腐花。- 所有配料異常地夾，好明顯感受到師傅係有認真咁構思過。各種味道加埋好fresh，飯後食真係perfect 。- 最欣賞佢個豆腐花，唔單止滑，仲好有豆香。但如果可以多d 就好。- 小丸子煮得剛剛好，煙韌。佢本身冇味，所以配上其他配料一齊食就剛剛好。- 唯一美中不足係d 冰打得唔夠碎，會食到粒粒碎冰。-真係好欣賞師傅嘅心思，甜品整體嘅協調做得好好。明顯感受到佢唔係是但將幾樣合大眾化口味嘅材料加埋就算。美女與野獸 $48係朱古力蛋糕併雲呢拿籽奶凍。- 奶凍好好好好好滑，食嘅時候見到d 雲呢拿籽，加埋面頭嘅士多啤梨醬一齊食，好好味。奶凍本身奶味就唔係好重，怕奶味重嘅我覺得啱啱好。- 朱古力蛋糕睇落似Brownie 咁, 但食落非常軟滑，食左一啖之後就食唔停，真係好鍾意佢