甜源居

Open Now

Now Closed

話說今日同個fd出車入西貢食糖水, 山長水遠咁黎到, 諗住食番個食開既炸雪糕球啦!佢餐牌寫住叫 "勁量炸雪糕球" , 無講過係咩味, 好老實講, 一般就咁寫住雪糕既, 都係指最普通既白色(雲尼拿)架啦咁我次前食過幾次, 都係白色架喎, 無啦啦咁晚俾左個朱古力我....我唔食得朱古力架嘛, 咁我就問佢點解今次會係朱古力啦, 阿老細就話勒....老細: "呀係呀, 佢包住睇唔到架, 有d會係朱古力架"我: "又會咁既, 我次次食開都係白色架喎.... 我唔食得朱古力架, 可唔可以換第樣呀?" (好好聲氣)老細: "arrr, 雪糕有好多種架嘛!! 你叫果時又唔講明, 炸左你又話唔要, 要成本架嘛!!!)話我即刻火都黎, 你餐牌無寫到有其他味, 竟然話我唔講清楚!!? 有冇搞錯呀?? 不過都繼續好好聲氣, 但係已經咩都唔想食喇我: "嘩你明知雪糕有好多種, 咁你又唔寫明有幾多種? 仲話我唔講明? 係你無講明定我無講明呀? 依個我唔要呀, 取消佢啦! 唔該!老細: "妖, 雪糕有好多種架嘛, 你問下人丫"之後我無同佢嘈, 我個fd繼續食埋佢果個, 走人俾錢!諗住算數啦, 點知反而佢仲嘈我喎!老

入西貢咁多次, 從來不知道有間"甜源居", 今次有高人推介兼帶路, 始知道海鮮街盡頭再入, 有間甜品舖。我望餐牌望咗好一陣, 最終點了"甜心河粉"。哎呀! 盛載的器具巳教人吸引, 份量又大, 芒果好甜, 芒果汁配西米好好味! 我最喜愛的還是那些河粉, 好爽口呢!Honey點的芝麻餬頗香, 但嫌有點稀。下次入西貢必會再光臨, 試別的甜品。

未搬舖前經常都會幫襯，搬咗之後食過一次已覺水準盡失前排口痕去買個榴槤pancke返屋企食一啖咬落去，淨係食到 cream，極少榴槤 32蚊得三粒食唔到榴槤既榴槤pancake，簡直覺得比人呃咗

3/10(五) 4pm慣常地給情侶C先生及K小姐放鴿子.我倆正商議是晚的去向,踱著步到了"甜源居"的門前,正好作其座上客.僅淺嚐了較特別的白芝麻豆花$18."要熱定凍架?""熱呀,吾該!""豆腐花無熱架!""呵!咁要凍囉"以上的對答其實是可以省卻的!白芝麻糊的味道比黑芝麻的遜色,芝麻味不算香,而且甜度似有若無,搭上沒味卻頗滑溜的豆花,水準不太理想!

** 此 食 肆 的 第 十 個 OK **30-9-2008Tue晚同男友,佢二哥二嫂姪女食完晚飯後,大家都要行行幫助消化,行行吓行到o黎呢o度,男友姪女醒目地搵到間甜品屋,於是我o地放棄食滿記(其實我覺得滿記差o左,都唔係好想食滿記)o黎到,我o地叫o左芒果布甸,白雪公主,唔知咩百寶同芒果河.芒果布甸係男友姪女o既,佢自己食唔晒,男友二哥佢o地都有幫手食.芒果河粉到o黎,女侍應醒目地攞o左5套食具o黎,河粉如我男友所料,用蒟蒻做,有啲椰汁,煙煙韌韌,芒果又係鮮芒果肉,呢個好味.食o左呢個就食白雪公主,原本有山竹,但呢個時間冇,改以海底椰代替,重有洋薏米,椰果,呢個都係有椰汁,但唔濃,海底椰硬o左啲,洋薏米亦係煙煙韌韌.而知咩百寶,啲料同白雪公主差唔多,我冇試到.可能食o左芒果河粉先,然後食o個兩樣就比下去.不過我嫌甜品又唔熱又唔凍,咁樣就唔好味.衛生:有啲小昆蟲飛o黎飛去,甚至飛落甜品o度,我諗佢o地要注意呢點.埋單$102.00

食完晚飯去左行海旁...行到熱辣辣就入左泥呢間野食甜品..見到佢咁FULL都有D期待喇!!叫左杯椰汁沙冰咁既野..唔記得叫咩名!不過椰汁咪好香濃!!我地4個人叫左3份甜品佢都唔多高興喇.跟住叫佢比幾杯水....即時黑面喎!!!雖然佢有比我..不過就黑晒口面囉...同一開始行埋泥落單個樣唔同晒!!!!唔計佢D招呼既都唔錯既....總好過去反滿記等位...

是西貢街坊的小姑，一向覺得甜源居比大集團moon記好；一直都介紹只懂去西貢就要去moon記的朋友仔改改去這裡試。沒來有大半年了，昨晚戳完墨魚，還帶隊來吃甜品！基於明天是七一假期，人客不少；叫了個至愛的雜果河粉！唉，差左好多！芒果汁底ok的，不過河粉好粗，變了烏冬一樣，雜果河粉由以前吃過的七彩(用生果成份做)，現在是普通白色的。時令生果也很酸！最慘是各友人極力推介ma，結果朋友還吃剩呢！下次也不敢向人介紹了。希望其他食物不會吧。

在西貢食晚飯，之後想食返碗糖水，這裡除了滿記外，就只想起這一間。很久沒有來了，原來搬了位置，這裡比較清靜、也比較大間；因剛食完晚飯不久，唔想食些太飽的糖水，最後選擇了比較潤一點的、川貝雪耳燉木瓜和石榴飄香生果。川貝雪耳燉木瓜- 木瓜燉得好淋、味道幾好，川貝和雪耳也幾好味，唔會太甜又夠熱，清清潤潤正合我今次的目的。石榴飄香生果- 味道唔算好配合，好像各有各的感覺，唔多喜歡。今次食的糖水，唔算出色，下次試試其它先。

每一次都係夜晚食!白雪公主: 好味,唔太甜誠意推介:雙皮奶----只有堂食,超正!金莎寶藏------焦糖超正.....一定要試ar....不過頗貴.....炸雪糕--$42得兩、三粒(Ok 大粒ge)P.S 情侶可食完dinner後,到這裏食糖水。當然食完糖水後,可到海旁散下步,談下心^^D相太大...post 唔到>3<

上次食過芒果河粉好好味的,今天再食已經覺得普通,無咩特別,值得讚的是芒果幾甜.

服務真的一般到一般. 食物方面都是一般. 如果入西貢食甜品我會選擇滿記.

果晚無左果后山竹,變了海底椰所以無叫喇..本身未試過出面食山竹既甜品, 好似好有創意最後叫左芒果河粉...好正...哈...仲有bancake 都係芒果..因為榴槤無喇..店員解釋山竹同榴槤係因為季節性喎.....咁呢個冬天咪唔使叫..???

吃完午餐, 行一輪之後, 來了這裡吃甜品. 未搬鋪之前, 從未來過這裡, 現在的新鋪, 都要找一陣先來到.三點幾, 人客不太多. 揀了一輪, 都係要了幾個掛頭牌的甜品.白雪公主: 5分, 見到有糊塗個好朋友, 馬上要一個. 副題係解毒情深, 店方聲稱有解毒, 去濕, 利尿的功效. 是日沒有了果后山竹, 變了海底椰, 加上洋意米同清心丸. 食落口係好大陳椰汁味, 感覺上係太濃了, 而且太甜, 杰杰的, 係幾難入口.楊枝甘露: 7分, 副題係全港冠軍, 講緊係陳年的雜誌選舉. 這裡的芒果不夠甜, 好在未算酸的, 加上楊桃同沙田柚絲, 都幾解渴的. 不過跟其他對手去比就不算很出色, 更加談不上冠軍的水平.金沙寶藏: 6分, 見有個西米布甸的甜品, 再加碼. 點知原來係凍食的, 真係想唔要. 面頭實在太多脆卜卜的法式焦糖, 實實的, 口感一般, 又過甜. 底下的西米布甸就一般, 始終喜歡熱食的, 凍的西米布甸沒有了那份飄香的感覺.水準一般, 真的有點失望.

2007年10月14日不是第一次光顧甜源居..卻越來越失望:-<白雪公主>今晚沒有山竹,改左海底椰,沒有山竹的白雪公主味道變得平平無奇(約HK$28)<香蕉船>只有2個雪榚球,而且只有紅豆一種味道(理由只因剛開了一桶紅豆雪榚),不准轉味(HK$38)<黑馬王子>海底椰+生果西米露,名字特別,味道平平無奇(HK$26)還有是服務態度奇差,我們一行8人,店員趁我們其中一位朋友走開時,問都唔問,就拿走椅子比其他客人,當我朋友回來後,便站著等椅子,再三催促才拿回椅子來,而且態度表現不耐煩,這是甚麼待客之道呀?**做響左個名,食品質素及服務質素便下降,價錢卻貴了**

一篇遺忘已久嘅食評，時間番返去今年八月盛夏嘅一晚，我地一行四人响西貢市集食完泰國嘢之後，當中有人要求食甜品，其餘嘅人和議，於是乎阿地膽madam帶咗我地嚟呢處。據madam講，呢度嘅西米布丁同「甘潮」有得揮。我就緊係樂於試吓底蘊啦！席上除咗呢款甜品之外，仲有另一款好似河粉嘅物體吸引我嘅注意。先講布丁，面層鋪咗一層凝結咗嘅糖漿，硬硬地，要咬，响食甜品嚟講其實係一個敗筆，因為一個全西餐，响食主菜嘅時候已經用咗唔少牙力去嘴嚼食物，到食甜品嘅時候又點會有牙力去咬甜品呢？呢個布丁本體有啲凍，基於個人喜好關係，我認為熱嘅西米布丁會稍勝一籌。整體嚟講，呢個布丁比「甘潮」嘅遜色咗少少。至於類似河粉嘅甜品，其實係芒果、蒟蒻(河粉)、西米等材料撈成，創意十足，但效果我就唔係咁欣賞。價錢方面，由於過咗太耐，已經唔係記得咁清楚，大約一款唔會過四十蚊左右。