甜源居

Open Now

Now Closed

去襯西貢都會黎食糖水, 次次都食芒果河粉, 芒果汁底加蒟蒻用既河粉, 再加上用快子食, 又好食又過癮! 因為次次都食芒果河粉, 今次終於轉口味試下佢個海底椰(唔記得叫咩名了...)唔錯, 椰汁底加海底椰, 椰果, jelly...口感不錯! 有一點要小心, d阿姐好矇矇下! 我之前order左個榴槤pancake take out! 佢夠膽死比左芒果pancake比我! 芒果pancake係黃色, 榴槤pancake係綠色!!! 咁都錯! 火到我ar!

某日閒遊西貢舊墟發現呢間甜品見到門口咁多人同明星相, 知道呢間野有D料同朋友坐低, 見到D 甜品好特別西貢大行用榴槤做主題超級連鎖店用芒果做主題甜源居就用山竹做主題(白雪公主)但我比芒果河粉吸引左, 河粉係蒟蒻做的, 仲要俾筷子你, 幾得意朋友叫白雪公主, 但果日冇山竹-_- 變左海底椰第二次一班人去, 叫了好多唔同野, 我朋友點返有山竹既白雪公主, 其實冇乜唔同, 山竹同海底椰之分別only我order左個花雕乜乜米露, 像飲黃酒!! 好特別

去完全記食海鮮，友人話想食甜品，就陪佢去咗“甜源居”食。只係叫咗個彩虹仙子，自己試咗少少，好好味，出面d甜品舖好難食得到。下次我就想試吓白芝蔴糊，希望都係咁好食啦。

2/6，釣完墨魚之後食唔飽，跟住嚟呢度食甜品！我叫咗個榴槤飄香，勁香、勁濃、勁好味...即刻滿足哂！

打完籃球無聊落西貢行下,唔食滿記又去呢間試下。大約六點,一個人客都冇,坐低,點了楊枝甘露布甸同魔芋鮮果冰。冷清,電視顯得聲浪大。就是這樣,一邊食,一邊睇新聞。先來楊枝甘露布甸,生果料落得足,不過西米少比較少。整體唔太甜,布甸ok滑但唔夠香,西柚帶苦澀,芒果都算甜。之後來魔芋鮮果冰,入面加左d鮮果同魔芋落去。整體甜度適中,飲落頗有奶香,士多啤梨同奇異果酸的,而其他鮮果夠甜,魔芋則係軟軟的,食落冇乜味。食畢,埋去找數,阿叔睇新聞睇得入神,冇留意我企在櫃檯。新聞,同樣融入於店員之中。

成日以為甜源居係滿記旁做唔住，係因為俾品牌壓倒，與實力無關。我都係睇品牌，所以平時都係去滿記。明知味道一般，都係羊群心理去幫襯。佢搬入市場街，見幫襯的人多了，必定水準有番咁上下，仲有由滔滔買廣告，心想仲唔係好野？力邀朋友一齊去幫襯，一入去，見到剛埋單張枱，有個半圓形物體，已挖去中間的餡料，友人問老闆娘這種甜品的學名，回應是炸雪糕，友人即道「只吃中間雪糕餡料，食剩皮，為何不吃剩雪糕？」老闆娘即時面黑面。當時大家都心中有數，若然炸雪糕味道一流，就不會吃剩一大半。我叫了芒果河粉，友人們話要品嚐甜品店的水準，一定要先吃最基本的糖水，他們分別叫了花生糊、芝麻糊，但兩者都好像開水般「稀」，仲有些油泡面，比好多平價糖水店仲要差千萬倍。我的芒果河粉味道一般，全無驚喜。最不屑是服務態度，快d學下最基本服務態度啦。仲要學下特首：「我要煮好呢煲糊」啦

從吃晚飯處行出來，秋風一吹，也有點寒意，不如去吃碗暖暖的芝麻糊也不錯。捨大街的滿記而行入小巷找甜源居，純因為搬了進來也都未試過。竟然在途中巧遇朋友W，相請不如偶遇，一行三人來了這裡。九時許，人客不多，有點冷清。專心致志的要了熱的白芝麻糊，但另兩位就三心兩意，揭了一輪餐牌也沒什麼頭緒。唯有由我出手，要一個酒釀丸子及一個金沙藏寶，有冷有熱，有甜有酸，適隨專便。除了是顏色之外，白芝麻糊在味道上與黑芝麻糊是差不多，幾香幾滑，不算很甜，幾有水準。在有點寒凍的西貢近海地方，吃碗暖暖的芝麻糊，是很窩心的；酒釀丸子酒釀味道幾重，帶酸味，正好消除飽滯感。粉糰煙韌，整體來說也吃得過；金沙藏寶是雪凍的焗西米布甸，西米布甸都幾軟滑，雪凍了也不會變實，相比日前在意粉屋吃到的那個凍焗布甸好得多。舖面的糖漿略厚略硬，但吃落是脆又香甜，跟西米布甸都幾配合，也不錯。埋單七十蚊有找，水準幾好，都吃得過。

今天去吃了一個楊枝甘露,我記得以前在超級市場買到的好好味,今次食無以前的咁好味.臨走時,見到人地食個芒果河粉,好大碗,下次再來時一定要食.

去過兩次，都失望而回。兩次都是星期天下午。第一次，想試炸雪糕，亞姐說廚房（廚師）未返，所有要煮的東西都欠奉，晚上才有。看看那個玻璃櫃，幾乎是空的，很多甜品都已沒有了。結果叫了個燕窩甚麼的（本來想叫榴槤甜品，但同行者中有人很怕那股氣味）。味道普通，不知道有沒有燕窩，只能肯定有雪耳。第二次，終於試到炸雪糕（不知廚師現在是否早了上班），大家都很失望，但皮很厚，完全與之前吃過的不同。曾在長洲吃過，好吃太多了，雖然雪糕球沒有那麼大，但皮薄得多，也便宜得多。這兒一客兩個要$38，加上這般水準......另外叫了個木瓜糖水。亞姐沒有問要冷或熱，捧來時是熱的，但我那時很熱，想吃凍的。朋友也叫了這款糖水，於是說她要這個，著亞姐給我冷的，但亞姐說已經熱了，不能改。味道ok，不過這些沒有難度的糖水也很難煮得不ok吧？本來一直替它不值，榴槤pancake明明是它首創，反而讓抄襲的滿記發揚光大（當時兩店相鄰，這店後來搬到現址）。但它的營商之道和服務真的很有問題。（順帶一提，沒有去長洲一段日子，發現長洲現在到處都是小食，有些還頗有特色！如果像我一樣好一段日子沒去過，不妨找日去走走）

今日入去學整蛋糕，一場黎到去左買個芒果河粉食，河粉好有口感，有椰子味，不過食落去就咩味都冇，有少少失望，芒果好甜，好香芒果味...最後連d汁都飲埋，仲有d西米添，下次去試下第二樣野啦

人物：阿M, 男友,Irene, Kevin, Steven, Maggie, Buta.我地齊齊去”甜源居”食糖水，點不知去到唔見既，連續四間鋪都俾”滿記”罷佔咗．可能個店員見我地喃喃自語，問我地係唔係想去”甜源居”啊，佢同我地講，真係好喇！原來搬咗去海鮮街果邊，oh，我地又行錯路喇，咁唯有打電話去電話公司check，再打去問地址．又再行行行，終於到，點解搬到咁入既？金沙寶藏(阿M)：凍西米布甸，有ｄ漏，味道都唔錯．生果皇后(男友)：芒果汁底，有木瓜，奇異果，梆果，芒果，okey喇．芒果西米露(Irene)：稀得滯，芒果好酸．芒果河粉(Kevin)：河粉係以蒟蒻做，好煙靭，芒果汁底．椰汁黑糯米(Steven)：都幾好味．糖不甩(Maggie)：芝麻餡料六大粒，好漏．楊枝金露(Buta)：一般．

四人分別要左白雪公主、踏雪尋梅、公主魔芋爽、椰汁海底椰（唔記得名）。一致認為踏雪尋梅最正！有桂圓、小丸子、紅棗，小丸子好軟熟，有少少彈牙添呀！未食過咁正既小丸子喔！糖水滋潤到不得了！白雪公主有山竹、意米和清心丸，個汁係奶奶地，唔知乜野，但總之甜甜地好味既～山竹甜品好少地方有，好特別～魔芋爽有西瓜和哈蜜瓜粒，雪耳和魔芋條，魔芋條爽爽地，聯合國都話係好健康既食物，個汁同白雪公主一樣。海底野果個出面都食到一樣咁好味。這家甜品店的甜品很特別亦很好味！滿記拍馬都追唔上呀！但西貢咁Ｑ遠，都唔知有無下次　＞．＜

搬到新店後，我去了一次。那天是星期日下午，一心想試炸雪糕，但侍應說廚房未返，要晚上才有。接連叫了幾款，都說沒有。廚櫃內的甜品也所餘無幾。味道一般。

食完全記又係食甜品既時候, 叫左冠軍楊枝金露, 果然唔錯, 料多, 有芒果香味, 西柚不太苦, 甘甘香香的

有利尿、去濕功效既白雪公主，山竹、清心丸and意米，幾好味呀~~ 奶奶的，...價局非常ok~ 略嫌收銀唔老實，少趕人走又唔俾單，問食左d咩，白雪公主+一個咩露，又唔check清楚單，收多左兩蚊(皆因我望多次個牌發現佢收左我一個最貴既飲品價錢)，我唔認為check一check我食左d咩有幾難!!!